|
Ekstra's
|
Genommerde Lyste
<ol> begin 'n genommerde lys
<li> begin elke lysitem
</li> eindig elke lysitem
</ol> eindig die genommerde lys
Genommerde lyste is... uhmm... lyste waarin die items genommer is. Elke genommerde lys word begin met <ol> en MOET geëindig word met </ol> ("ol" staan vir "ordered list"). Elke lysitem word aangedui met <li> en word weer geëindig met </li>. Dit is nie nodig om die lysitems per hand te nommer nie, dit word outomaties gedoen volgens die volgorde waarin die items geplaas is. Jy kan dus die lysitems rondskuif binne die lys sonder om jou oor die nomering te bekommer.
'n Eenvoudige genommerde lys sal soos volg lyk:
<p>Drie dinge wat ek weet waar is:</p>
<ol>
<li>HTML is die taal van die Internet.</li>
<li>Vlae is instruksies wat vir die webblaaier sê hoe die blad moet lyk.</li>
<li>Die instruksies is eenvoudige Engelse woorde en afkortings.</li>
</ol>
|
en dit sal soos volg vertoon:
Drie dinge wat ek weet waar is:
- HTML is die taal van die Internet.
- Vlae is instruksies wat vir die webblaaier sê hoe die blad moet lyk.
- Die instruksies is eenvoudige Engelse woorde en afkortings.
|
Alles goed en wel, sê jy, maar jy wil nie nommers hê nie? Wel, daar is ander opsies vir mense soos jy. Jy kan Romeinse syfers gebruik. Of alfabesies. Jy kan selfs kies tussen HOOFLETTERS en kleinletters. Gebruik net 'n <li type="?"> formaat. Die verskillende opsies is as volg:
- <li type="1"> dui nommers aan (1, 2, 3)
- <li type="A"> dui hoofletters aan (A, B, C)
- <li type="a"> dui kleinletters aan (a, b, c)
- <li type="I"> dui hoofletter Romeinse syfers aan (I, II, III) (Dit is 'n hoofletter "i")
- <li type="i"> dui kleinletter Romeinse syfers aan (i, ii, iii)
|
Jy kan selfs die verskillende opsies kombineer en 'n lys binne 'n lys plaas:
<ol>
<li type="I">Moenie op die eerste afspraak soen nie</li>
<ol>
<li type="A">Jou intensies kan verkeerd verstaan word</li>
<ol>
<li type="1">Jy kan geklap word</li>
<li type="1">Jy gaan nie 'n volgende afspraak kry nie</li>
</ol></ol></ol>
|
en dit sal soos volg vertoon:
- Moenie op die eerste afspraak soen nie
- Jou intensies kan verkeerd verstaan word
- Jy kan geklap word
- Jy gaan nie 'n volgende afspraak kry nie
|
OM OP TE SOM:
- <ol> begin 'n genommerde lys.
- <li> begin elke lysitem.
- </li> eindig elke lysitem.
- </ol> eindig die genommerde lys.
- Lysitems word genommer volgens die volgorde waarin hulle geplaas is.
- <li type="1"> dui nommers aan (1, 2, 3).
- <li type="A"> dui hoofletters aan (A, B, C).
- <li type="a"> dui kleinletters aan (a, b, c).
- <li type="I"> dui hoofletter Romeinse syfers aan (I, II, III).
- <li type="i"> dui kleinletter Romeinse syfers aan (i, ii, iii).
- Jy kan die verskillende opsies kombineer en 'n lys binne 'n lys plaas.
|
Indien jy voel jy het die genommerde lys onder die knie, gaan gerus na die volgende les oor ongeordende lyste.
|
