|
Al die Bybelpakkette wat op hierdie blad beskryf word, is gratis beskikbaar om af te laai vanaf die Internet. Die toepaslike skakels is onderaan elke beskrywing geplaas.
Indeks |
Theophilos The Sword Project Bijbel Aktueel |
Theophilos is 'n alles in een Bybelpakket. Dit bevat die King James Version van die Bybel met vele ander vertalings addisioneel beskikbaar. Daar is ook Bybelwoordeboeke en kommentare beskikbaar. Baie ander geskrifte is al verwerk vir die pakket. In Theophilos kan jy ook jou eie notas maak oor jou Bybelstudie onderwerp, asook verwysingslyste skep met teksverwysings oor 'n spesifieke onderwerp. Daar is ook 'n uitstekende soekfasiliteit met vervangingsimbool en logiese nie karakter soektogte. Dit sluit ook soektogte in enige dokument in.
Theophilos beskik ook oor volle HTML steun. Enige webbladsy kan dus in die pakket oopgemaak word. Dit is veral handig indien daar teologiese artikels van die Internet af afgelaai word vir bestudering. Die pakket het ook multimedia funksionaliteit. So kan daar 'n foto en klank aan 'n teks gekoppel word om outomaties oop te maak of te speel wanneer die vers in Theophilos gelees word. Daar is ook taalsteun vir 'n hele aantal verskillende tale, onder andere ook vir Afrikaans.
Wat die pakket besonders maak, behalwe dat dit alles totaal GRATIS is, is die hoeveelheid Afrikaanse werke wat reeds beskikbaar is in Theophilos formaat. Die meeste van die werke is deur Dr. A.H. Bogaards van die Gereformeerde Kerk Daniëlskuil in Theophilos formaat verwerk. Onder andere is die volgende werke beskikbaar:
|
Daar is ook 'n "utility" beskikbaar genaamd SCRIBE waarmee enige een addisionele modules kan verwerk in die Theophilos formaat. Die hoofsaaklike program ontwikkeling word gedoen deur Ivan Jurik. Hy baseer sy ontwikkeling volledig op insette wat deur die gebruikers van die pakket verskaf word. Daar is dan ook 'n gebruikersforum waar die pakket en algemene geloofsake bespreek word. Die forum funksioneer deur middel van e-pos en die diens word gratis verskaf deur Yahoogroups. Dit is 'n vrywillige forum waarby enige persoon kan aansluit. Die forum bestaan uit gebruikers van Theophilos wêreldwyd en die voertaal is Engels.
Theophilos kan afgelaai word by: www.theophilos.sk
The Sword Project is 'n naslaanwerk vir die wat verskillende tekste van die Bybel wil vergelyk. Daar is verskillende vertalings van die Bybel beskikbaar, asook Strong se Konkordansie met Griekse en Hebreeuse woorde. Die International Standard Bible Encyclopedia kan ook addisioneel afgelaai word. Matthew Henry se volledige kommentaar van die Bybel is ook beskikbaar.
The Sword Project kan afgelaai word by: www.crosswire.org
Bijbel Aktueel bevat die Nederlandse Statenvertaling van die Bybel. Dit is 'n gebruikersvriendelike program wat die Statenvertaling toeganklik maak. Daar is egter nie verdere modules vir Bijbel Aktueel beskikbaar nie en ook geen soekfunksie nie.
Wat wel ook by die webtuiste afgelaai kan word, is Woord in Beeld. Dit is 'n interaktiewe program wat agtergrond gee oor die ontstaan van die Bybel, die leefwyse van die mense in Bybelse tye, verskeie kaarte, die land en volk Israel en so meer.
Bijbel Aktueel en Woord in Beeld kan afgelaai word by: www.c3ws.com
Kliek hier om my te kontak |