Die Divisie-merker
<div> begin 'n divisie
</div> eindig 'n divisie
Jy sal nou seker vra hoekom bêre ek die beste vir laaste? Wel, soos met enige projek, is daar maar plekke waar die pap op die grond val. Byna... Gelukkig het ek van die <div>-merker onthou. Om die waarheid te sê, is daar nog 'n paar ander lesse ook wat ek al vroeër kon behandel het. Maar nouja, agteros kom ook in die kraal...
Is jy siek en sat daarvan om align="?" in bykans elke merker te plaas net om jou blad behoorlik uitgelê te kry? En hoe voel jy oor al die ander merkers wat jy moet gebruik om jou teks en grafika behoorlik geposisioneer te kry? Dis nie pret nie, nê? Hou moed, die <div>-merker gaan tot jou redding kom!
So, kom ons begin. As jy bv. 'n klomp teks, 'n foto en dan nog teks het wat jy alles wil sentreer op jou blad, het jy tot nou toe by bykans elke merker 'n <align="center"> bygevoeg. Jou HTML sou dus soos volg gelyk het:
<p align="center">Toe kom leer die buurman se windhond Stan se katte wat spaaitvoelnis is en net daarna kry die kat se ego seer by my drie chihuahuas. Goed, nou het kat van spaaitvoel geleer.</p>
<p align="center"><img src="kat.gif" alt="My kat" /></p>
<p align="center">My garage was te vol van gemors dat ek nog die Passat kon inkry ook met die gevolg die Passat het in die afdakkie langs die garage gestaan. In daardie dae het jongste dogter ook 'n Siamees iewers gekry en my drie brakke moes noodgedwonge die katgedierte aanvaar.</p>
|
Met die <div> merker, gaan jou HTML soos volg lyk:
<div align="center">
<p>Toe kom leer die buurman se windhond Stan se katte wat spaaitvoelnis is en net daarna kry die kat se ego seer by my drie chihuahuas. Goed, nou het kat van spaaitvoel geleer.</p>
<p><img src="kat.gif" alt="My kat" /></p>
<p>My garage was te vol van gemors dat ek nog die Passat kon inkry ook met die gevolg die Passat het in die afdakkie langs die garage gestaan. In daardie dae het jongste dogter ook 'n Siamees iewers gekry en my drie brakke moes noodgedwonge die katgedierte aanvaar.</p>
</div>
|
en dit gaan soos volg vertoon:
Toe kom leer die buurman se windhond Stan se katte wat spaaitvoelnis is en net daarna kry die kat se ego seer by my drie chihuahuas. Goed, nou het kat van spaaitvoel geleer.
My garage was te vol van gemors dat ek nog die Passat kon inkry ook met die gevolg die Passat het in die afdakkie langs die garage gestaan. In daardie dae het jongste dogter ook 'n Siamees iewers gekry en my drie brakke moes noodgedwonge die katgedierte aanvaar.
|
Dit maak HTML makliker, nê? Die <div>-merker werk ook saam met ander goed soos tabelle, vorms en lyste. Maar wat nou as jy daardie twee paragrawe links wou belyn en die grafika sentreer? Wel, jy kan die <div align="left">-merker "override" deur 'n align="center"-merker in te voeg by die merker wat jy anders wil hê. Sodra daardie merker weer gesluit word, neem die <div align="left"> merker weer effek.
OM OP TE SOM:
- <div> begin 'n divisie
- </div> eindig 'n divisie
- Die <div>-merker werk ook saam met tabelle, vorms en lyste.
- Jy kan die <div>-merker "override" deur 'n align="?"-merker in te voeg by die merker wat jy anders wil hê.
|
Indien jy voel jy het die divisie-merker onder die knie, gaan gerus na die volgende les oor horisontale strepe.
| 