Polo río abaixo vai/ unha troita de pé,/ corre que te corre,/ quen a podera coller./ Quen a podera coller,/ quen a podera pescar,/ polo río abaixo vai/ unha troita de pé. (Popular) |
|
Estas que se ven na imaxe son dúas requintas da Ulla. A requinta é unha frauta que deriva da frauta traveseira barroca e que está deseñada para ser tocada conxuntamente con gaitas, que ademais deben estar preparadas para soar conxuntamente coas requintas. Aínda que en Galicia hai varias zonas onde se constrúen e tocan frautas traveseiras, as da Ulla teñen un deseño peculiar, con cinco pezas no lugar de tres ou catro que posúen outras. En vindeiras semanas ofreceremos máis datos sobre este instrumento tradicional. Se vostede posúe unha requinta da Ulla, estea nova ou estea rota, escríbanos. Estase a facer un censo destes instrumentos. |