Ibilaldietan eman dizkizuegun orrietan guk egindako ibilbideaz gain, Eibarko K. E.-k eta Luis Pedro Peña Santiagok egin
zituztenak ere eskaini dizkizuegu.
Lehendabiziko zazpi etapetan L. P. Peña Santiagok egin zuen ibilbidea jarraitu genuen Lizarrusti mendateraino, kontrako
zentzuan izan bazen ere.
Belatetik Urkiagako mendaterainoko etapan ere Peña Santiagoren urratsek eta gureek bat egin bazuten, Mendizar kasko
inguruan gure pausoak banatu ziren: Peña Santiago Errozate aldera abiatu zen bitartean, gu Orbaitzetako Olarantz jo
genuen. Baliteke bere ibilbidea orografikoki zuzenagoa izatea; dena dela, gure kasuan, autobusarentzako amaiera-puntu egokia eta
kideek atseden lasaia hartzeko aterbeak bilatzen saiatu ginen.
Eibarko K. E.-eko ibilbidea bestaldetik, Belaguako aterbean hasi eta Urduñako mendatean amaitzen da, ia ia Peña
Santiagoren ibilbidea jarraituz.
Balenkaleku aldera igotzen, Altzanian
|
Beste batzuetan legez, Peña Santiagok sakonki deskribatu zituen ibilbidearen nondik-norakoak. Hasiera batean testu-gida
bezala hartzea pentsatu bagenuen ere, baztertu behar izan genuen, bere norabide-zentzua eta gurea kontrakoak direlako. Dena dela,
laguntza handiko tresna izan dela aitortu behar dugu.
Lizarrustiko mendatetik aurrera Feliu nafarrak deskribatutako "Euskal Herriko Zidor Handia"-ren ibilbidea zehatz-mehatz jarraitu
dugu. Ibilbide hau batzuetan, benetako uren isuraldeen banalerrotik aldentzen da, logikoenak liratekeen kordal-lerroa jarraitzen
ez dituelako. Hala ere, etapen deskribapen zehatza eskaintzeaz gain, autobusentzako hurbilerrazak diren amaierak ematen dizkigu.
Bilketa honetan hiru ibilbideak paraleloan azaldu dizkizuegu, norberak bere ondorioak atera ahal ditzan.
Luismi GLEZ.
1996ko apirila.
|
Mapa edo argazki argigarria eskaintzen dugu
|