4.- Krutzeta mendatea - Arlaban |
||
Larunbata, | ||
|
||
Jarindo menditik zehar Arlabaneraino |
||
Banalerroaren laugarren etapa dugu hau, Anboto eta Aizkorri mendikateak elkartzen dituena. Laburra den ibilaldi honek duen zailtasun bakarra Jarindo mendiko motzak baina gogorrak diren maldak dira. Inguruak paisaje luze eta zabal ikusteko paradarik ez du eskaintzen, baina negu gorrian barrena ttipi-ttapa oinez ibiltzeak bakardade latz baten dartada berezia ematen du. KRUTZETA GAINA (690 m). Toki honi TXORKOTULAU izena ematen zaio. Jarindo mendiaren lehendabiziko aldapak pinudi eta pagadien artean aurkitzen ditugu. Geroxeago, gogortu egiten dira, bidegurutze bateraino iritsi arte; eskuinetik JARINDO (895 m) mendira zuzen-zuzen igoko gara. Erpin geodesikoa eta buzoia. Dena dela, ezkerreko bidetik jarraitu daiteke, tontorra inguratzen duten pinuen artean. Muino lerrokada samur batek, beste bidegurutzeren bateraino eramango gaitu; ezkerreko bidea hartu. Ikusgaitasunezko lekuetatik, Leintz bailarako lur eremuak ikus ditzakegu. MAROTO tontorra (marka txuriak) eskuinean utzi egin beharko dugu, pista batetik jaistearren. Elektra hari handi bat gurutzatu ostean, lepo batera iritsiko gara. Arlaban mendaterantzako jaitsieran pagadi batean dagoen aisialdi leku bat aurkitzen dugu, mahaiak eta pistaren ezkerrean pittin bat ezkutaturik dagoen iturri batekin batera. Bukatzeko, langa metaliko bat gurutzatuko dugu, Gatzagain tabernaraino gidatzen gaituena. Metro batzuk jaitsi ondoren, Venta Fría jatetxea, Gatzagako errepidean bertan kokatuta. Errepide honetatik metro batzuk jaitsi ondoren, ARLABAN mendateraino iritsiko gara, Gure Ametsa tabernan ibilaldia amaitu delarik. |
||
Kartografia |
||
|
||
Bibliografia |
||
|
||
Orri honetako euskarazko testuak IXA Taldeko
XUXEN Zuzentzaile/Egiaztatzailea erabiliz zuzendu dira. |
||
© Copyright Ostadar M. T.
ostadar.geo@yahoo.com Jai-alai behea 4, 20700 Zumarraga (Gipuzkoa) Euskal Herria - The Basque Country Tlf.: (+34) 943.72.33.85 |
||
|