Martandang
ima laho mandapothon sada anak boru naung ni tanda
manang na so nitanda laho manamba pardonganon di sada
luat ni huta. Alana na mar tandangon na taboan do sipata
laho manjumpangi angka anak boru alana boi saling
martukkar pikiran jala adong do humorna molo malo hita
marhumor, alai mangida jolmana do sipata. Alai unang
sala hita mangatusi arti ni namartandangon olo do sipata
tabo ta hilala martandang molo denggan denggan hita
dohot anak boru naung ni tanda jala olo do hita stres
alani na martandangon molo na adong na sala pengertian
na saling naso mangantusi nasebenarna.
Alai molo sai denggan denggan do hita mangkatai jala
sopan hita jalan do torusi, unang unang sahat tu na laho
mangoli ologabe jadi .
Jadi
songon naporlu si ingoton ni angka naposo molo laho
martandang ima:
Parjolo,
ikkon do manat manat hita mangkatai jala torus
mangiingot norma norma ni adat ni halak hita. Sotung
tabahen lomo lomonta mangkatai, alana ikkon do jagaonta
perasaan ni anak boru na tatandangi i, unang sampe i
rippu itoan i hita halak na so maradat. Molo boi ikkon
do tapatuduhon pangkataion na marbobot dalam arti ikkon
ma nian pangkataion tai boi gabe sioloan jala sitiruon,
molo boi do tapatuduhon pangkataion na songoni unang
unang gabe sai tuhita roha ni itoan i. Angka dongan
sahuta ni itoan i pe gabe segan jala salut ma mangida
hita molo sai sopan do hita, baik pe i tu angka dongan
naposo manang angka natua tua ni huta
Napaduahon
ima,"sotung
olo mangganti ganti marga na", alana
tung borat do akibat na molo olo hita mangganti ganti
marganta. Sada contoh ima: Marsitandaan ma sada dolidoli
dohot sada anak boru, alai marsigabusan marga halak i
nadua, hapengani na sopamotoan ni nasida MARIBOTO
do
halak i. Disada tingki ndung dirasa halak i nunga cocok
jala nunga marsihaholongan halaki jala naeng ma mangoli
ma nian ninna roha nasida, mungkap ma gabus ni roha
nasida nadua i ima na marIboto do halak i nadua.
Panolsolion na ma na ro tu roha ni halak i nadua, alana
tung boha pe ndang hea namariboto ma siolian. Jadi molo
martandang angka dongan naposo tu jabu manang tu huta ni
sada sada anak boru Unang
ma nian gabusi hamu marga muna. Alana
tung sian sundut di pe inna hamuna do na manolsoli di
pudi ni ari. Alani molo naeng mamukka sada parpadanan
angka dongan naposo ikkon manian dohot roha na jujur
jala pikkiran na denggan, alana sian i do ro parbue na
denggan.
s
|