Immigrasie Proses
|
|
|
Nadat jy besluit het om te immigreer, is daar 'n proses wat jy moet deurgaan voor jy uiteindelik in jou nuwe land aankom. Hierdie proses kan enige iets van drie maande tot twee jaar duur, afhangend van waarheen jy gaan. Die proses behels die volgende:
- Emigrasie aansoek
- Werk
Jy moet by die betrokke land waarheen jy wil gaan se ambassade gaan aansoek doen om te kan emigreer. Alle aansoekvorms is vanaf die ambassades beskikbaar. Die ambassadepersoneel sal jou ook met detail kan verskaf van wat alles nodig is om jou aansoek te vergesel. Jy sal ook 'n persoonlike onderhoud met een van die ambassade personeellede voer wanneer jy jou aansoek om emigrasie indien.
Om werk te kry in 'n ander land gaan baiemaal die emigrasie aansoek vooraf, maar meestal loop die twee prosesse hand aan hand. Dit is ook gewoonlik 'n "hoender-eier" situasie, die land van jou bestemming vereis dat jy eers 'n vaste werksaanbod moet kry voordat hulle jou emigrasie aansoek oorweeg en die potensiële werkgewer vereis dat jy eers moet emigreer voordat hulle aan jou 'n vaste werksaanbod maak. Daarom is dit gewoonlik die beste om die twee prosesse gelyk aan te pak. Aangesien min mense die finansies het om eers die land van hulle bestemming te gaan besoek en dan daar in persoon te gaan werk soek, is die Internet hier van uiterste belang. Jy sal die Internet moet fynkam en tot die uiterste moet benut om 'n ptensiële werkgewer op te spoor. Op die volgende blad gee ek skakels na bronne wat van hulp kan wees. Indien jy van ander bronne bewus is wat ek nie meld nie, sal dit waardeer word as jy my daarvan laat weet.
| Kliek hier om my te kontak |