bi xwînê hatîye morkirin navê te
bi xwînê hatîye rengkirin dêmên te
bi zorî rawestandin dengê te
şermînîya di nav çavan da
eşkere dike daxwazîyên te
dûrbûneka dî ye...
barkirneka nû ye...
yan qafok e ser av bû
û ez ji keyfa wê dilerizim
û gêj dibim
lê nizanim bê çarenivîs
bo kûve ye
kevoka min sipî ye
ji nivşê xwe revî ye
koçera min ...
qereçîza min ...
ez bi vî rengî dildarê te me
dema tu razî nabê
neynûkên te bêne birîn
baskê te bêne çengo kirin
dako bero dara azadîyê nefirî
min veşartin…
di nav pûlên singa xwe da
hemî nihînîyên demî
hemî serpêhatîyên te
û serbûrên min
lê min ji bîr kir dergehî bigrim
bi davên pirça te
lewma îro belav dibin
dengûbasên me
