Nepalo nun havas novan registaron, formitan de la komunista partio.  Rezulte de la mezelekto de la 15a de novembro 1994, la prezidanto de la Nepala Komunista Partio (Unuiĝinta Markisma kaj Leninisma (NKP-UML), S-ro Man Mohan Adhikari, nomiĝis ĉefministro de Nepalo.  S-ro Adhikari estas la unua komunista ĉefministro de la lando. 

La Nepala reĝo, Birendra Bir Bikram Shah Dev, nomis S-ron Adhikari kiel ĉefministron la 29an de novembro.  Sub la estreco de S-ro Adhikari formiĝis nova registaro de dek kvin ministroj.

En tiu ĉi parlamenta elekto 205 seĝojestis prikonkursitaj, el kiuj la NKP-UML kaptis 88, la Nepala Kongresa Partio (NK)  83, la Nacia Demokratia Partio (RPP) 20, la Nepala Partio de Bona Ideo 3, la Nepala Laborista kaj Farmista Partio 4 kaj sendependaj kandidatoj 7.  Entute, 24 partioj partoprenis kaj 1442 homojkandidatiĝis en tiu ĉi elekto.  Neniu partio sukcesis akiri la plimultecon; la komunistoj do formis malplimultecan registaron.  La 10an de julio 1994, pro la parlamenta malkonsento de la dankpropono post la jara reĝa prelego, la pasinta ĉefministro, S-ro Giriĝa Prasa Koirala mallonga tempo la mezelekto estis anoncita.  Ĝi estis la dua parlamenta elekto post la revolucio de aprilo 1990.  Sekve de la unua elekto de 1992, la NK formis demokratian plimultecan registaron sub la estreco de S-ro Koirala, kaptinte 113 el 205 seĝoj.  Dum tiu periodo, la NKP-UML estis ĉefa opozicio en la parlamento, sed nun la NK ludas tiun rolon.

Rezultoj de la Parlamenta Elekto '94 –

Fonto: Raporto de la Elekta Komisiono, 1994

-Rabindra Roy