Estas iu organizo kiu aranĝas kongreson, kie oni povas amikiĝi, kanti, danci kaj babiladi kun gejunuloj de pli ol dudek landoj sub unu tegmento.  Tiu organizo estas TEJO (Tutmonda Esperantista Junulara Organizo), kaj tiu kongreso estas la IJK (Internacia Junulara Kongreso), la sola kongreso en la mondo en kiu oni povas interkompreniĝi kun diverslandanoj gejunuloj sen tradukanto.

Fondita en 1935, TEJO nun havas tridek sep landajn sekciojn kiel fortajn manojn.  Ekde la komenco ĝi funkcias kiel ponto inter diverslandaj junaj parolantaj de Esperanto, okazigante diversajn programojn, el kiuj la plej grava estas la IJK.

Post sia fondiĝo TEJO okazigis la IJK ĉiujare krom, pro la dua mondmilito, la sep jaroj inter 1940 kaj 1946.  Do, de la plej malgranda kongreso en Francio en 1957 kun 30 partoprenantoj ĝis la plej granda kongreso en Pollando en 1987 kun 1034 partoprenantoj, TEJO sukcesis okazigi kvindek junularajn kongresojn ĝis nun.  La pasinta estis en Chanon, Koreio. 

La kunvenejo de la 50a IJK, Dankook Universitato de Koreio, estis vera ĝardeno por la 241 la 30a de julio ĝis la 6a de aŭgusto.  Energie laborante por la prezidantoj, Edlyn Teske kaj Danny Ten Haf, multe kontirbuis al la sento de frateco inter la partoprenantoj.  Alia persono kiu altiras la atenton de kongresanoj estis la ĉeforganizanto de la 51a IJK, estrarano Jelena.  Dank' al la senlacaj kaj celtaŭgaj laboroj de LKK-anoj,  ĉiuj matenoj alportis valorajn spertojn, kaj kiuj la partoprenantoj facile forgesis pri la horo.  Oni miris kiam la suno ekbrilis en la pura ĉielo. 

Kompara kun la mondo, nia movado estas nur eta, sed ĝi vere, ni fervore kredas, estas paca ĝardeno.  Kial ni ne blovu la bonodorojn de nia ĝardeno al ĉiu urbo kie okazas la IJK, per tio ke ni aranĝas iajn programojn pri sociaj problemoj de tiu urbo por la urbanoj mem.  Tial ni povas postlasi memoraĵojn de junaj esperantistoj al civitanoj de la konresa urbo.

Tiu ĉi korea bukedo de gejunuloj jam disiĝis.  Venontjare ĝia bedo estos en Sankt-Peterburgo ekde la 31a de julio 1995.  La kongresa temo: "Junularo, kiu ne nur dancas."

-Diperndra Kumar Piya