ஶ்ரீமத்பாகவதமாஹாத்ம்யம் [பத்மபுராணம்] :: அத்யாயம் 3.
பக்தியின் வேதனையின் முடிவு
அத2 த்ருதீயோஅத்4யாய:
நாரத3 உவாச
ஜ்ஞான யஜ்ஞம் கரிஷ்யாமி ஶுகஶாஸ்த்ர கதோ2ஜ் ஜ்வலம் |
ப4க்திஜ்ஞான விராகா3ணாம் ஸ்தா2பநார்த2ம் ப்ரயத்நத: || 1
குத்ர கார்யோ மயா யஜ்ஞ: ஸ்த2லம் தத்3வாச்யதா மிஹ |
மஹிமா ஶுகஶாஸ்த்ரஸ்ய வக்தவ்யோ வேத3பாரகை3: || 2
கியத்3பி4ர் தி3வஸை: ஶ்ராவ்யா ஶ்ரீமத்3 பா4க3வதீ கதா2 |
கோ விதி4ஸ்தத்ர கர்தவ்யோ மமேத3ம் ப்3ருவதாமித: || 3
குமாரா ஊசு:
ஶ்ருணு நாரத3 வக்ஷ்யாமோ விநம்ராய விவேகினே |
க3ங்கா3த்3வாரஸமீபே து தடமாநந்த3 நாமகம் || 4
நாநா ருஷிக3ணைர் ஜுஷ்டம் தே3வஸித்3த4 நிஷேவிதம் |
நாநாதரு லதாகீர்ணம் நவ கோமளவாலுகம் || 5
ரம்யமேகாந்த தே3ஶஸ்த2ம் ஹேம பத்3ம ஸுஸௌரப4ம் |
யத் ஸமீபஸ்த2ஜீவாநாம் வைரம் சேதஸி ந ஸ்தி2தம் || 6
ஜ்ஞாநயஜ்ஞஸ்த்வயா தத்ர கர்தவ்யோ ஹ்யப்ரயத்நத: |
அபூர்வ ரஸரூபா ச கதா2 தத்ர ப4விஷ்யதி || 7
புர: ஸ்த2ம் நிர்ப3லம் சைவ ஜராஜீர்ண களேவரம் |
தத்3 த்3வயம் ச புரஸ்க்ருத்ய ப4க்திஸ் தத்ராக3மிஷ்யதி || 8
யத்ர பா4க3வதீ வார்தா தத்ர ப4க்த்யாதி3கம் வ்ரஜேத் |
கதா2 ஶப்3த3ம் ஸமாகர்ண்ய தத்த்ரிகம் தருணாயதே || 9
ஸூத உவாச
ஏவ முக்த்வா குமாராஸ்தே நாரதே3ந ஸமம் தத: |
க3ங்கா3தடம் ஸமாஜக்3மு: கதா2பாநாய ஸத்வரா: || 10
யதா3 யாதாஸ்தடம் தே து ததா3 கோலாஹலோऽப்யபூ4த்
பூ4ர்லோகே தே3வலோகே ச ப்3ரஹ்மலோகே ததை2வ ச || 11
ஶ்ரீமத்3பா4க3வத பீயூஷபாநாய ரஸலம்படா: |
தா4வந்தோऽப்யாயயு: ஸர்வே ப்ரத2மம் யே ச வைஷ்ணவா: || 12
ப்4ருகு3ர் வஸிஷ்ட2ஶ் ச்யவனஶ்ச கௌ3தமோ
மேதா4திதி2ர் தே3வல தே3வராதௌ |
ராமஸ்ததா2 கா3தி4ஸுதஶ்ச ஶாகலோ
ம்ருகண்டு3 புத்ராத்ரிஜ பிப்பலாதா3: || 13
யோகே3ஶ்வரௌ வ்யாஸ பராஶரௌ ச
சா2யாஶுகோ ஜாஜலி ஜஹ்நு முக்2யா: |
ஸர்வேऽப்யமீ முநிக3ணா: ஸஹபுத்ரஶிஷ்யா:
ஸ்வ ஸ்த்ரீ பி4ராயயுரதிப்ரணயேந யுக்தா: || 14
வேதா3ந்தாநி ச வேதா3ஶ்ச மந்த்ராஸ்தந்த்ரா: ஸமூர்தய: |
த3ஶ ஸப்த புராணாநி ஷட்ஶாஸ்த்ராணி ததா2ऽऽயயு: || 15
க3ங்கா3த்3யா: ஸரிதஸ்தத்ர புஷ்கராதி3 ஸராம்ஸி ச |
க்ஷேத்ராணி ச தி3ஶ: ஸர்வா த3ண்ட3காதி3வநாநி ச || 16
நகா3த3யோ யயுஸ்தத்ர தே3வக3ந்த4ர்வ தா3னவா: |
கு3ருத்வாத் தத்ர நாயாதான் ப்4ருகு3: ஸம்போ3த்4ய சாநயத் || 17
தீ3க்ஷிதா நாரதே3நாத2 த3த்தமாஸந முத்தமம் |
குமாரா வந்தி3தா ஸர்வைர் நிஷேது3: க்ருஷ்ணதத்பரா: || 18
வைஷ்ணவாஶ்ச விரக்தாஶ்ச ந்யாஸிநோ ப்3ரஹ்மசாரிண: |
முக2பா4கே3 ஸ்தி2தாஸ்தே ச தத3க்3ரே நாரத3: ஸ்தி2த: || 19
ஏகபா4கே3 ருஷிக3ணாஸ்தத3ன்யத்ர தி3வௌகஸ: |
வேதோ3பநிஷதோ3ऽன்யத்ர தீர்தா2ன்யத்ர ஸ்த்ரியோऽன்யத: || 20
ஜயஶப்3தோ3 நம: ஶப்3த3: ஶங்க2 ஶப்3த3ஸ்ததை2வ ச |
சூர்ணலாஜா ப்ரஸூநாநாம் நிக்ஷேப: ஸுமஹாநபூ4த் || 21
விமாநாநி ஸமாருஹ்ய கியந்தோ தே3வநாயகா: |
கல்பவ்ருக்ஷ ப்ரஸூனைஸ்தான் ஸர்வாம் ஸ்தத்ர ஸமாகிரன் || 22
ஸூத உவாச
ஏவம் தேஷ்வேக சித்தேஷு ஶ்ரீமத்3 பா4க3வதஸ்ய ச |
மாஹாத்ம்யமூசிரே ஸ்பஷ்டம் நாரதா3ய மஹாத்மநே || 23
குமாரா ஊசு:
அத2 தே வர்ண்யதே ऽஸ்மாபி4ர் மஹிமா ஶுகஶாஸ்த்ரஜ: |
யஸ்ய ஶ்ரவணமாத்ரேண முக்தி: கரதலே ஸ்தி2தா || 24
ஸதா3 ஸேவ்யா ஸதா3 ஸேவ்யா ஶ்ரீமத்3 பா4க3வதீ கதா2 |
யஸ்யா: ஶ்ரவணமாத்ரேண ஹரிஶ்சித்தம் ஸமாஶ்ரயேத் || 25
க்3ரந்தோ2ऽஷ்டாத3ஶ ஸாஹஸ்ரோ த்3வாத3ஶ ஸ்கந்த4 ஸம்மித: |
பரீக்ஷித்ஶுக ஸம்வாத3: ஶ்ருணு பா4க3வதம் ச யத் || 26
தாவத் ஸம்ஸார சக்ரேऽஸ்மின் ப்4ரமதே ऽஜ்ஞாநத: புமான் |
யாவத் கர்ணக3தா நாஸ்தி ஶுக ஶாஸ்த்ரகதா2 க்ஷணம் || 27
கிம் ஶ்ருதைர் ப3ஹுபி4: ஶாஸ்த்ரை: புராணைஶ்ச ப்4ரமாவஹை: |
ஏகம் பா4க3வதம் ஶாஸ்த்ரம் முக்திதா3நேந க3ர்ஜதி || 28
கதா2 பா4க3வதஸ்யாபி நித்யம் ப4வதி யத்3க்3ருஹே |
தத்3 க்3ருஹம் தீர்த2ரூபம் ஹி வஸதாம் பாபநாஶநம் || 29
அஶ்வமேத4 ஸஹஸ்ராணி வாஜபேயஶதாநி ச |
ஶுக ஶாஸ்த்ர கதா2யாஶ்ச கலாம் நார்ஹந்தி ஷோட3ஶீம் || 30
தாவத்பாபாநி தே3ஹேऽஸ்மிந் நிவஸந்தி தபோத4நா: |
யாவந்ந ஶ்ரூயதே ஸம்யக் ஶ்ரீமத்3 பா4க3வதம் நரை: || 31
ந க3ங்கா3 ந க3யா காஶீ புஷ்கரம் ந ப்ரயாக3கம் |
ஶுக ஶாஸ்த்ர கதா2யாஶ்ச ப2லேந ஸமதாம் நயேத் || 32
ஶ்லோகார்த4ம் ஶ்லோகபாத3ம் வா நித்யம் பா4க3வதோத்3ப4வம் |
பட2ஸ்வ ஸ்வமுகே2னைவ யதீ3ச்ச2ஸி பராம் க3திம் || 33
வேதா3தி3ர் வேத3மாதா ச பௌருஷம் ஸூக்த மேவ ச |
த்ரயீ பா4க3வதம் சைவ த்3வாத3ஶாக்ஷர ஏவ ச || 34
த்3வாத3ஶாத்மா ப்ரயாக3ஶ்ச கால: ஸம்வத்ஸராத்மக: |
ப்3ராஹ்மணாஶ் சாக்3நி ஹோத்ரம் ச ஸுரபி4ர் த்3வாத3ஶீ ததா2 || 35
துளஸீ ச வஸந்தஶ்ச புருஷோத்தம ஏவ ச |
ஏதேஷாம் தத்வத: ப்ராஜ்ஞைர் ந ப்ருத2க்3பா4வ இஷ்யதே || 36
யஶ்ச பா4க3வதம் ஶாஸ்த்ரம் வாசயேத3ர்த2தோऽநிஶம் |
ஜன்ம கோடிக்ருதம் பாபம் நஶ்யதே நாத்ர ஸம்ஶய: || 37
ஶ்லோகார்த4ம் ஶ்லோகபாத3ம் வா படே2த்3 பா4க3வதம் ச ய: |
நித்யம் புண்யமவாப்நோதி ராஜஸூயாஶ்வமேத4யோ: || 38
உக்தம் பா4க3வதம் நித்யம் க்ருதம் ச ஹரிசிந்தனம் |
துளஸீ போஷணம் சைவ தே4நூநாம் ஸேவனம் ஸமம் || 39
அந்தகாலே து யேனைவ ஶ்ரூயதே ஶுக ஶாஸ்த்ரவாக் |
ப்ரீத்யா தஸ்யைவ வைகுண்ட2ம் கோ3விந்தோ3ऽபி ப்ரயச்ச2தி || 40
ஹேம ஸிம்ஹயுதம் சைதத்3 வைஷ்ணவாய த3தா3தி ய: |
க்ருஷ்ணேன ஸஹ ஸாயுஜ்யம் ஸ புமான் லப4தே த்4ருவம் || 41
ஆஜன்ம மாத்ரமபி யேந ஶடே2ந கிஞ்சித்
சித்தம் விதா4ய ஶுக ஶாஸ்த்ரகதா2 ந பீதா |
சாண்டா3லவச்ச க2ரவத்3 ப3த தேந நீதம்
மித்2யா ஸ்வஜன்ம ஜநநீஜநி து3:க2பா4ஜா || 42
ஜீவச்ச2வோ நிக3தி3த: ஸ து பாபகர்மா
யேந ஶ்ருதம் ஶுக கதா2வசனம் ந கிஞ்சித் |
தி4க் தம் நரம் பஶுஸமம் பு4வி பா4ரரூபம்
ஏவம் வத3ந்தி தி3வி தே3வஸமாஜ முக்2யா: || 43
து3ர்லபை4வ கதா2 லோகே ஶ்ரீமத்3 பா4க3வதோத்3ப4வா |
கோடி ஜன்ம ஸமுத்தே2ந புண்யேனைவ து லப்4யதே || 44
தேந யோக3நிதே4 தீ4மன் ஶ்ரோதவ்யா ஸா ப்ரயத்நத: |
தி3நாநாம் நியமோ நாஸ்தி ஸர்வதா3 ஶ்ரவணம் மதம் || 45
ஸத்யேந ப்3ரஹ்மசர்யேண ஸர்வதா3 ஶ்ரவணம் மதம் |
அஶக்யத்வாத் கலௌ போ3த்4யோ விஶேஷோऽத்ர ஶுகாஜ்ஞயா || 46
மநோவ்ருத்தி ஜயஶ்சைவ நியமாசரணம் ததா2 |
தீ3க்ஷாம் கர்துமஶக்யத்வாத் ஸப்தாஹ ஶ்ரவணம் மதம் || 47
ஶ்ரத்3தா4த: ஶ்ரவணே நித்யம் மாகே4 தாவத்3தி4 யத்ப2லம் |
தத்ப2லம் ஶுகதே3வேந ஸப்தாஹ ஶ்ரவணே க்ருதம் || 48
மனஸஶ்சாஜயாத்3 ரோகா3த் பும்ஸாம் சைவாயுஷ: க்ஷயாத் |
கலேர் தோ3ஷ ப3ஹுத்வாச்ச ஸப்தாஹ ஶ்ரவணம் மதம் || 49
யத்ப2லம் நாஸ்தி தபஸா ந யோகே3ந ஸமாதி4நா |
அநாயாஸேந தத்ஸர்வம் ஸப்தாஹ ஶ்ரவணே லபே4த் || 50
யஜ்ஞாத்3 க3ர்ஜதி ஸப்தாஹ: ஸப்தாஹோ க3ர்ஜதி வ்ரதாத் |
தபஸோ க3ர்ஜதி ப்ரோச்சைஸ்தீர்தா2ந் நித்யம் ஹி க3ர்ஜதி || 51
யோகா3த்3 க3ர்ஜதி ஸப்தாஹோ த்4யாநாஜ்ஜ்ஞாநாச்ச க3ர்ஜதி |
கிம் ப்3ரூமோ க3ர்ஜனம் தஸ்ய ரே ரே க3ர்ஜதி க3ர்ஜதி || 52
ஶௌநக உவாச
ஸாஶ்சர்ய மேதத்கதி2தம் கதா2நகம்
ஜ்ஞாநாதி3த4ர்மான் விக3ணய்ய ஸாம்ப்ரதம் |
நி: ஶ்ரேயஸே பா4க3வதம் புராணம்
ஜாதம் குதோ யோக3விதா3தி3 ஸூசகம் || 53
ஸூத உவாச
யதா3 க்ருஷ்ணோ த4ராம் த்யக்த்வா ஸ்வபத3ம் க3ந்து முத்3யத: |
ஏகாத3ஶம் பரிஶ்ருத்யாப்யுத்3த4வோ வாக்யமப்3ரவீத் || 54
உத்3த4வ உவாச
த்வம் து யாஸ்யஸி கோ3விந்த3 ப4க்த கார்யம் விதா4ய ச |
மச்சித்தே மஹதீ சிந்தா தாம் ஶ்ருத்வா ஸுக2மாவஹ || 55
ஆக3தோऽயம் கலிர்கோ4ரோ ப4விஷ்யந்தி புன: க2லா: |
ஸத்ஸங்கே3னைவ ஸந்தோऽபி க3மிஷ்யந்த்யுக்3ரதாம் யதா3 || 56
ததா3 பா4ரவதீ பூ4மிர் கோ3ரூபேயம் கமாஶ்ரயேத் |
அன்யோ ந த்3ருஶ்யதே த்ராதா த்வத்த: கமலலோசந || 57
அத: ஸத்ஸு த3யாம் க்ருத்வா ப4க்தவத்ஸல மா வ்ரஜ |
ப4க்தார்த2ம் ஸகு3ணோ ஜாதோ நிராகாரோऽபி சின்மய: || 58
த்வத்3வியோகே3ந தே ப4க்தா: கத2ம் ஸ்தா2ஸ்யந்தி பூ4தலே |
நிர்கு3ணோபாஸநே கஷ்டமத: கிம்சித்3 விசாரய || 59
இத்யுத்3த4வ வச: ஶ்ருத்வா ப்ரபா4ஸேऽசிந்தயத்3 ஹரி: |
ப4க்தாவலம்ப3நார்தா2ய கிம் விதே4யம் மயேதி ச || 60
ஸ்வகீயம் யத்3ப4வேத் தேஜஸ்தச்ச பா4க3வதேऽத3தா4த் |
திரோதா4ய ப்ரவிஷ்டோऽயம் ஶ்ரீமத்3 பா4க3வதார்ணவம் || 61
தேநேயம் வாங்மயீ மூர்தி: ப்ரத்யக்ஷா வர்ததே ஹரே: |
ஸேவநாத் ஶ்ரவணாத் பாடா2த்3 த3ர்ஶநாத் பாபநாஶிநீ || 62
ஸப்தாஹ ஶ்ரவணம் தேந ஸர்வேப்4யோऽப்யதி4கம் க்ருதம் |
ஸாத4நாநி திரஸ்க்ருத்ய கலௌ த4ர்மோऽயமீரித: || 63
து3:க2 தா3ரித்3ர்ய தௌ3ர்பா4க்3ய பாப ப்ரக்ஷாளநாய ச |
காம க்ரோத4 ஜயார்த2ம் ஹி கலௌ த4ர்மோऽயமீரித: || 64
அந்யதா2 வைஷ்ணவீ மாயா தே3வைரபி ஸுது3ஸ்த்யஜா |
கத2ம் த்யாஜ்யா ப4வேத் பும்பி4: ஸப்தாஹோऽத: ப்ரகீர்தித: || 65
ஸூத உவாச
ஏவம் நகா3ஹ ஶ்ரவணோருத4ர்மே
ப்ரகாஶ்யமாநே ருஷிபி4: ஸபா4யாம் |
ஆஶ்சர்ய மேகம் ஸமபூ4த்ததா3நீம்
தது3ச்யதே ஸம்ஶ்ருணு ஶௌனக த்வம் || 66
ப4க்தி: ஸுதௌ தௌ தருணௌ க்3ருஹீத்வா
ப்ரேமைகரூபா ஸஹஸாऽऽவிராஸீத் |
ஶ்ரீக்ருஷ்ண கோ3விந்த3 ஹரே முராரே
நாதே2தி நாமாநி முஹுர் வத3ந்தீ || 67
தாம் சாக3தாம் பா4க3வதார்த2பூ4ஷாம்
ஸுசாருவேஷாம் த3த்3ருஶு: ஸத3ஸ்யா: |
கத2ம் ப்ரவிஷ்டா கத2மாக3தேயம்
மத்4யே முனீநாமிதி தர்கயந்த: || 68
ஊசு: குமாரா வசனம் ததா3நீம்
கதா2ர்த2தோ நிஷ்பதிதாது4நேயம் |
ஏவம் கி3ர: ஸா ஸஸுதா நிஶம்ய
ஸநத்குமாரம் நிஜகா3த3 நம்ரா || 69
ப4க்திருவாச
ப4வத்3பி4ரத்3யைவ க்ருதாஸ்மி புஷ்டா
கலிப்ரணஷ்டாபி கதா2ரஸேந |
க்வாஹம் து திஷ்டா2ம்யது4நா ப்3ருவந்து
ப்3ராஹ்மா இத3ம் தாம் கி3ரமூசிரே தே || 70
ப4க்தேஷு கோ3விந்த3 ஸரூபகர்த்ரீ
ப்ரேமைக த4ர்த்ரீ ப4வரோக3ஹந்த்ரீ |
ஸா த்வம் ச திஷ்ட2ஸ்வ ஸுதை4ர்ய ஸம்ஶ்ரயா
நிரந்தரம் வைஷ்ணவமானஸாநி || 71
ததோऽபி தோ3ஷா: கலிஜா இமே த்வாம்
த்3ரஷ்டும் ந ஶக்தா: ப்ரப4வோऽபி லோகே |
ஏவம் ததா3ஜ்ஞாவஸரேऽபி ப4க்திஸ்ததா3
நிஷண்ணா ஹரிதா3ஸசித்தே || 72
ஸகல பு4வன மத்4யே நிர்த4நாஸ்தேऽபி த4ன்யா:
நிவஸதி ஹ்ருதி3 யேஷாம் ஶ்ரீஹரேர் ப4க்திரேகா |
ஹரிரபி நிஜலோகம் ஸர்வதா2தோ விஹாய
ப்ரவிஶதி ஹ்ருதி3 தேஷாம் ப4க்திஸூத்ரோபநத்3த4: || 73
ப்3ரூமோऽத்3ய தே கிமதி4கம் மஹிமாநமேவம்
ப்3ரஹ்மாத்மகஸ்ய பு4வி பா4க3வதாபி4தஸ்ய |
யத் ஸம்ஶ்ரயாந்நிக3தி3தே லப4தே ஸுவக்தா
ஶ்ரோதாபி க்ருஷ்ண ஸமதாமல மன்யத4ர்மை: || 74
இதி ஶ்ரீபத்3மபுராணே உத்தரக2ண்டே3 ஶ்ரீமத்3பா4க3வதமாஹாத்ம்யே ப4க்தி கஷ்டநிவர்தனம் நாம த்ருதீயோऽத்4யாய: || 3 ||
மூன்றாம் அத்யாயம் முற்றும்.