ஶ்ரீமத்பாகவதமாஹாத்ம்யம் [பத்மபுராணம்] :: அத்யாயம் 4.
ஆத்மதேவரின் மீட்சி
அத2 சதுர்தோஅத்4யாய:
ஸூத உவாச
அத2 வைஷ்ணவ சித்தேஷு த்3ருஷ்ட்வா ப4க்தி மலௌகிகீம் |
நிஜலோகம் பரித்யஜ்ய ப4க3வான் ப4க்தவத்ஸல: || 1
வனமாலீ க4னஶ்யாம: பீதவாஸா மநோஹர: |
காஞ்சீ கலாபருசிரோ லஸன் முகுடகுண்ட3ல: || 2
த்ரிப4ங்க3லலிதஶ்சாரு கௌஸ்துபே4ந விராஜித: |
கோடி மன்மத2 லாவண்யோ ஹரிசந்த3ந சர்சித: || 3
பரமாநந்த3 சின்மூர்திர் மது4ரோ முரளீத4ர: |
ஆவிவேஶ ஸ்வப4க்தாநாம் ஹ்ருத3யான்யமலாநி ச || 4
வைகுண்ட2வாஸிநோ யே ச வைஷ்ணவா உத்3த4வாத3ய: |
தத் கதா2ஶ்ரவணார்த2ம் தே கூ3ட4 ரூபேண ஸம்ஸ்தி2தா: || 5
ததா3 ஜயஜயாராவோ ரஸபுஷ்டிரலௌகிகீ |
சூர்ண ப்ரஸூந வ்ருஷ்டிஶ்ச முஹு: ஶங்க2ரவோऽப்யபூ4த் || 6
தத் ஸபா4ஸம்ஸ்தி2தாநாம் ச தே3ஹ கே3ஹாத்ம விஸ்ம்ருதி: |
த்3ருஷ்ட்வா ச தன்மயா வஸ்தா2ம் நாரதோ3 வாக்யமப்3ரவீத் || 7
அலௌகி கோऽயம் மஹிமா முனீஶ்வரா:
ஸப்தாஹ ஜன்யோऽத்3ய விலோகிதோ மயா |
மூடா4: ஶடா2 யே பஶுபக்ஷிணோऽத்ர
ஸர்வேऽபி நிஷ்பாபதமா ப4வந்தி || 8
அதோ ந்ருலோகே நநு நாஸ்தி கிஞ்சித்
சித்தஸ்ய ஶோதா4ய கலௌ பவித்ரம் |
அகௌ4க4 வித்4வம்ஸகரம் ததை2வ
கதா2ஸமானம் பு4வி நாஸ்தி சான்யத் || 9
கே கே விஶுத்4யந்தி வத3ந்து மஹ்யம்
ஸப்தாஹ யஜ்ஞேந கதா2மயேன |
க்ருபாளுபி4ர் லோகஹிதம் விசார்ய
ப்ரகாஶித: கோऽபி நவீனமார்க3: || 10
குமாரா ஊசு:
யே மானவா: பாபக்ருதஸ்து ஸர்வதா3
ஸதா3 து3ராசாரரதா விமார்க3கா3: |
க்ரோதா4க்3நி த3க்3தா4: குடிலாஶ்ச காமின:
ஸப்தாஹ யஜ்ஞேன கலௌ புனந்தி தே || 11
ஸத்யேந ஹீநா: பித்ருமாத்ரு தூ3ஷகா:
த்ருஷ்ணாகுலாஶ்சாஶ்ரமத4ர்மவர்ஜிதா: |
யே தா3ம்பி4கா: மத்ஸரிணோऽபி ஹிம்ஸகா:
ஸப்தாஹயஜ்ஞேன கலௌ புனந்தி தே || 12
பஞ்சோக்3ர பாபாஶ்ச2ல ச2த்3ம காரிண:
க்ரூரா: பிஶாசா இவ நிர்த3யாஶ்ச யே |
ப்3ரஹ்மஸ்வபுஷ்டா வ்யபி4சாரகாரிண:
ஸப்தாஹ யஜ்ஞேன கலௌ புனந்தி தே || 13
காயேந வாசா மநஸாபி பாதகம்
நித்யம் ப்ரகுர்வந்தி ஶடா2 ஹடே2ந யே |
பரஸ்வபுஷ்டா மலிநா து3ராஶயா:
ஸப்தாஹயஜ்ஞேன கலௌ புனந்தி தே || 14
அத்ர தே கீர்தயிஷ்யாம இதிஹாஸம் புராதனம் |
யஸ்ய ஶ்ரவண மாத்ரேண பாபஹானி: ப்ரஜாயதே || 15
துங்க3ப4த்3ராதடே பூர்வமபூ4த் பத்தந முத்தமம் |
யத்ர வர்ணா: ஸ்வத4ர்மேண ஸத்ய ஸத்கர்ம தத்பரா: || 16
ஆத்ம தே3வ: புரே தஸ்மின் ஸர்வவேத3 விஶாரத3: |
ஶ்ரௌதஸ்மார்தேஷு நிஷ்ணாதோ த்3விதீய இவ பா4ஸ்கர: || 17
பி4க்ஷுகோ வித்தவான் ல்லோகே தத்ப்ரியா து4ந்து4லீ ஸ்ம்ருதா |
ஸ்வ வாக்யஸ்தா2பிகா நித்யம் ஸுந்த3ரீ ஸுகுலோத்3ப4வா || 18
லோக வார்தாரதா க்ரூரா ப்ராயஶோ ப3ஹுஜல்பிகா |
ஶூரா ச க்3ருஹக்ருத்யேஷு க்ருபணா கலஹப்ரியா || 19
ஏவம் நிவஸதோ: ப்ரேம்ணா த3ம்பத்யோ ரமமாணயோ: |
அர்தா2: காமாஸ்தயோராஸந் ந ஸுகா2ய க்3ருஹாதி3கம் || 20
பஶ்சாத்3 த4ர்மா: ஸமாரப்3தா4ஸ்தாப்4யாம் ஸந்தான ஹேதவே |
கோ3 பூ4ஹிரண்யவாஸாம்ஸி தீ3நேப்4யோ யச்ச2த: ஸதா3 || 21
த4நார்த4ம் த4ர்மமார்கே3ண தாப்4யாம் நீதம் ததா2பி ச |
ந புத்ரோ நாபி வா புத்ரீ ததஶ்சிந்தாதுரோ ப்4ருஶம் || 22
ஏகதா3 ஸ த்3விஜோ து3:கா2த்3 க்3ருஹம் த்யக்த்வா வனம் க3த: |
மத்4யாஹ்நே த்ருஷிதோ ஜாதஸ்தடா3க3ம் ஸமுபேயிவான் || 23
பீத்வா ஜலம் நிஷண்ணஸ்து ப்ரஜா து3:கே2ந கர்ஶித: |
முஹூர்தாத3பி தத்ரைவ ஸந்ந்யாஸீ கஶ்சிதா3க3த: || 24
த்3ருஷ்ட்வா பீதஜலம் தம் து விப்ரோ யாதஸ்தத3ந்திகம் |
நத்வா ச பாத3யோஸ்தஸ்ய நி:ஶ்வஸன் ஸம்ஸ்தி2த: புர: || 25
யதிருவாச
கத2ம் ரோதி3ஷி விப்ர த்வம் கா தே சிந்தா ப3லீயஸீ |
வத3 த்வம் ஸத்வரம் மஹ்யம் ஸ்வஸ்ய து3:க2ஸ்ய காரணம் || 26
ப்3ராஹ்மண உவாச
கிம் ப்3ரவீமி ருஷே து3:க2ம் பூர்வபாபேந ஸஞ்சிதம் |
மதீ3யா: பூர்வஜாஸ்தோயம் கவோஷ்ணமுபபு4ஞ்ஜதே || 27
மத்3த3த்தம் நைவ க்3ருஹ்ணந்தி ப்ரீத்யா தே3வா த்3விஜாத3ய: |
ப்ரஜாது3:கே2ந ஶூன்யோऽஹம் ப்ராணாம்ஸ்த்யக்துமிஹாக3த: || 28
தி4க்3 ஜீவிதம் ப்ரஜாஹீனம் தி4க்3 க்3ருஹம் ச ப்ரஜாம் விநா |
தி4க்3 த4நம் சாநபத்யஸ்ய தி4க் குலம் ஸந்ததிம் விநா || 29
பால்யதே யா மயா தே4நு: ஸா வந்த்4யா ஸர்வதா2 ப4வேத் |
யோ மயா ரோபிதோ வ்ருக்ஷ: ஸோऽபி வந்த்4யத்வ மாஶ்ரயேத் || 30
யத்ப2லம் மத்3க்3ருஹாயாதம் தச்ச ஶீக்4ரம் விநஶ்யதி |
நிர்பா4க்3யஸ்யாநபத்யஸ்ய கிமதோ ஜீவிதேன மே || 31
இத்யுக்த்வா ஸ ருரோதோ3ச்சைஸ்தத்பார்ஶ்வம் து3:க2 பீடி3த: |
ததா3 தஸ்ய யதேஶ்சித்தே கருணாபூ4த்3 க3ரீயஸீ || 32
தத்3பா4லாக்ஷரமாலாம் ச வாசயாமாஸ யோக3வான் |
ஸர்வம் ஜ்ஞாத்வா யதி: பஶ்சாத்3 விப்ரமூசே ஸவிஸ்தரம் || 33
யதிருவாச
முஞ்சாஜ்ஞானம் ப்ரஜாரூபம் ப3லிஷ்டா2 கர்மணோ க3தி: |
விவேகம் து ஸமாஸாத்3ய த்யஜ ஸம்ஸார வாஸநாம் || 34
ஶ்ருணு விப்ர மயா தேऽத்3ய ப்ராரப்3த4ம் து விலோகிதம் |
ஸப்த ஜன்மாவதி4 தவ புத்ரோ நைவ ச நைவ ச || 35
ஸந்ததே: ஸக3ரோ து3:க2மவாபாங்க3: புரா ததா2 |
ரே முஞ்சாத்3ய குடும்பா3ஶாம் ஸந்ந்யாஸே ஸர்வதா2 ஸுக2ம் || 36
ப்3ராஹ்மண உவாச
விவேகேந ப4வேத் கிம் மே புத்ரம் தே3ஹி ப3லாத3பி |
நோ சேத் த்யஜாம்யஹம் ப்ராணாம்ஸ்த்வத3க்3ரே ஶோக மூர்ச்சி2த: || 37
புத்ராதி3 ஸுக2ஹீநோऽயம் ஸந்ந்யாஸ: ஶுஷ்க ஏவ ஹி |
க்3ருஹஸ்த2: ஸரஸோ லோகே புத்ர பௌத்ர ஸமன்வித: || 38
இதி விப்ராக்3ரஹம் த்3ருஷ்ட்வா ப்ராப்3ரவீத் ஸ தபோத4ன: |
சித்ர கேதுர்க3த: கஷ்டம் விதி4 லேக2 விமார்ஜநாத் || 39
ந யாஸ்யஸி ஸுக2ம் புத்ராத்3 யதா2 தை3வ ஹதோத்3யம: |
அதோ ஹடே2ந யுக்தோऽஸி ஹ்யர்தி2னம் கிம் வதா3ம்யஹம் || 40
தஸ்யாக்3ரஹம் ஸாமாலோக்ய ப2லமேகம் ஸ த3த்தவான் |
இத3ம் ப4க்ஷய பத்ன்யா த்வம் தத: புத்ரோ ப4விஷ்யதி || 41
ஸத்யம் ஶௌசம் த3யா தா3னமேகப4க்தம் து போ4ஜனம் |
வர்ஷாவதி4 ஸ்த்ரியா கார்யம் தேந புத்ரோऽதிநிர்மல: || 42
ஏவமுக்த்வா யயௌ யோகீ3 விப்ரஸ்து க்3ருஹமாக3த: |
பத்ன்யா: பாணௌ ப2லம் த3த்வா ஸ்வயம் யாதஸ்து குத்ரசித் || 43
தருணீ குடிலா தஸ்ய ஸக்2யக்3ரே ச ருரோத3 ஹ |
அஹோ சிந்தா மமோத்பந்ந ப2லம் சாஹம் ந ப4க்ஷயே || 44
ப2ல ப4க்ஷேண க3ர்ப4: ஸ்யாத்3 க3ர்பே4ணோத3ர வ்ருத்3தி4தா |
ஸ்வல்ப ப4க்ஷம் ததோऽஶக்திர் க்3ருஹகார்யம் கத2ம் ப4வேத் || 45
தை3வாத்3 தா4டி வ்ரஜேத்3 க்3ராமே பலாயேத்3 க3ர்பி4ணீ கத2ம் |
ஶுகவந்நிவஸேத்3 க3ர்ப4ஸ்தம் குக்ஷே: கத2முத்ஸ்ருஜேத் || 46
திர்யக் சேதா3க3தோ க3ர்ப4ஸ்ததா3 மே மரணம் ப4வேத் |
ப்ரஸூதௌ தா3ருணம் து3:க2ம் ஸுகுமாரீ கத2ம் ஸஹே || 47
மந்தா3யாம் மயி ஸர்வஸ்வம் நநாந்தா3 ஸம்ஹரேத் ததா3 |
ஸத்ய ஶௌசாதி3நியமோ து3ராராத்4ய: ஸ த்3ருஶ்யதே || 48
லாலநே பாலநே து3:க2ம் ப்ரஸூதாயாஶ்ச வர்ததே |
வந்த்4யா வா வித4வா நாரீ ஸுகி2நீ சேதி மே மதி: || 49
ஏவம் குதர்கயோகே3ந தத்ப2லம் நைவ ப4க்ஷிதம் |
பத்யா ப்ருஷ்டம் ப2லம் பு4க்தம் பு4க்தம் சேதி தயேரிதம் || 50
ஏகதா3 ப4கி3நீ தஸ்யாஸ்தத்3க்3ருஹம் ஸ்வேச்ச2யாऽऽக3தா |
தத3க்3ரே கதி2தம் ஸர்வம் சிந்தேயம் மஹதீ ஹி மே || 51
து3ர்ப3லா தேந து3:கே2ந ஹ்யநுஜே கரவாணி கிம் |
ஸாப்3ரவீன்மம க3ர்போ4ऽஸ்தி தம் தா3ஸ்யாமி ப்ரஸூதித: || 52
தாவத்காலம் ஸக3ர்பே4வ கு3ப்தா திஷ்ட2 க்3ருஹே ஸுக2ம் |
வித்தம் த்வம் மத்பதேர் யச்ச2 ஸ தே தா3ஸ்யதி பா3லகம் || 53
ஷாண்மாஸிகோ ம்ருதோ பா3ல இதி லோகோ வதி3ஷ்யதி |
தம் பா3லம் போஷயிஷ்யாமி நித்யமாக3த்ய தே க்3ருஹே || 54
ப2ல மர்பய தே4ன்வை த்வம் பரீக்ஷார்த2ம் து ஸாம்ப்ரதம் |
தத்ததா3சரிதம் ஸர்வம் ததை2வ ஸ்த்ரீ ஸ்வபா4வத: || 55
அத2 காலேந ஸா நாரீ ப்ரஸூதா பா3லகம் ததா3 |
ஆநீய ஜனகோ பா3லம் ரஹஸ்யே து4ந்து4லீம் த3தௌ3 || 56
தயா ச கதி2தம் ப4ர்த்ரே ப்ரஸூத: ஸுக2மர்ப4க: |
லோகஸ்ய ஸுக2முத்பந் நமாத்மதே3வ ப்ரஜோத3யாத் || 57
த3தௌ3 தா3னம் த்3விஜாதிப்4யோ ஜாதகர்ம விதா4ய ச |
கீ3தவாதி3த்ர கோ4ஷோऽபூ4த் தத்3த்3வாரே மங்க3ளம் ப3ஹு || 58
ப4ர்துரக்3ரேऽப்3ரவீத்3 வாக்யம் ஸ்தன்யம் நாஸ்தி குசே மம |
அன்யஸ்தன்யேந நிர்து3க்3தா4 கத2ம் புஷ்ணாமி பா3லகம் || 59
மத்ஸ்வஸுஶ்ச ப்ரஸூதாயா: ம்ருதோ பா3லஸ்து வர்ததே |
தாமாகார்ய க்3ருஹே ரக்ஷ ஸா தேऽர்ப4ம் போஷயிஷ்யதி || 60
பதிநா தத் க்ருதம் ஸர்வம் புத்ர ரக்ஷண ஹேதவே |
புத்ரஸ்ய து4ந்து4காரீதி நாம மாத்ரா ப்ரதிஷ்டி2தம் || 61
த்ரிமாஸே நிர்க3தே சாத2 ஸா தே4நு: ஸுஷுவேऽர்ப4கம் |
ஸர்வாங்க3ஸுந்த3ரம் தி3வ்யம் நிர்மலம் கனக ப்ரப4ம் || 62
த்3ருஷ்ட்வா ப்ரஸந்நோ விப்ரஸ்து ஸம்ஸ்காரான் ஸ்வயமாத3தே4 |
மத்வாऽऽஶ்சர்யம் ஜநா: ஸர்வே தி3த்3ருக்ஷார்த2ம் ஸமாக3தா: || 63
பா4க்3யோத3யோऽது4நா ஜாத ஆத்மதே3வஸ்ய பஶ்யத |
தே4ன்வா பா3ல: ப்ரஸூதஸ்து தே3வரூபீதி கௌதுகம் || 64
ந ஜ்ஞாதம் தத்3ரஹஸ்யம் து கேநாபி விதி4யோக3த: |
கோ3கர்ணம் தம் ஸுதம் த்3ருஷ்ட்வா கோ3கர்ணம் நாம சாகரோத் || 65
கியத்காலேந தௌ ஜாதௌ தருணௌ தனயாவுபௌ4 |
கோ3கர்ண: பண்டி3தோ ஜ்ஞானீ து4ந்து4காரீ மஹாக2ல: || 66
ஸ்நாந ஶௌச க்ரியாஹீநோ து3ர்ப4க்ஷீ க்ரோத4வர்தி4த: |
து3ஷ்பரிக்3ரஹ கர்தா ச ஶவஹஸ்தேந போ4ஜனம் || 67
சௌர: ஸர்வஜநத்3வேஷீ பரவேஶ்ம ப்ரதீ3பக: |
லாலநாயார்ப4கான் த்4ருத்வா ஸத்3ய: கூபே ந்யபாதயத் || 68
ஹிம்ஸக: ஶஸ்த்ரதா4ரீ ச தீ3நாந்தா4நாம் ப்ரபீட3க: |
சாண்டா3லாபி4ரதோ நித்யம் பாஶஹஸ்த: ஶ்வஸங்க3த: || 69
தேந வேஶ்யா குஸங்கே3ந பித்ர்யம் வித்தம் து நாஶிதம் |
ஏகதா3 பிதரௌ தாட்3ய பாத்ராணி ஸ்வயமாஹரத் || 70
தத்பிதா க்ருபண: ப்ரோச்சைர் த4னஹீநோ ருரோத3 ஹ |
வந்த்4யத்வம் து ஸமீசீநம் குபுத்ரோ து3:க2தா3யக: || 71
க்வ திஷ்டா2மி க்வ க3ச்சா2மி கோ மே து3:க2ம் வ்யபோஹயேத் |
ப்ராணாம்ஸ்த்யஜாமி து3:கே2ந ஹா கஷ்டம் மம ஸம்ஸ்தி2தம் || 72
ததா3நீம் து ஸமாக3த்ய கோ3கர்ணோ ஜ்ஞானஸம்யுத: |
போ3த4யாமாஸ ஜனகம் வைராக்3யம் பரித3ர்ஶயன் || 73
அஸார: க2லு ஸம்ஸாரோ து3:க2ரூபீ விமோஹக: |
ஸுத: கஸ்ய த4னம் கஸ்ய ஸ்நேஹவான் ஜ்வலதேऽநிஶம் || 74
ந சேந்த்3ரஸ்ய ஸுக2ம் கிஞ்சிந் ந ஸுக2ம் சக்ரவர்தின: |
ஸுக2மஸ்தி விரக்தஸ்ய முநே ரேகாந்தஜீவின: || 75
முஞ்சாஜ்ஞானம் ப்ரஜாரூபம் மோஹதோ நரகே க3தி: |
நிபதிஷ்யதி தே3ஹோऽயம் ஸர்வம் த்யக்த்வா வனம் வ்ரஜ || 76
தத்3வாக்யம் து ஸமாகர்ண்ய க3ந்துகாம: பிதாப்3ரவீத் |
கிம் கர்தவ்யம் வனே தாத தத் த்வம் வத3 ஸவிஸ்தரம் || 77
அந்த4கூபே ஸ்நேஹ பாஶே ப3த்3த4: பங்குரஹம் ஶட2: |
கர்மணா பதிதோ நூனம் மாமுத்3த4ர த3யாநிதே4 || 78
கோ3கர்ண உவாச
தே3ஹேऽஸ்தி2மாம்ஸ ருதி4ரேऽபி4மதிம் த்யஜ த்வம்
ஜாயாஸுதாதி3ஷு ஸதா3 மமதாம் விமுஞ்ச |
பஶ்யாநிஶம் ஜக3தி3த3ம் க்ஷணப4ங்க3நிஷ்ட2ம்
வைராக்3யராக3ரஸிகோ ப4வ ப4க்தி நிஷ்ட2: || 79
த4ர்மம் ப4ஜஸ்வ ஸததம் த்யஜ லோக த4ர்மான்
ஸேவஸ்வ ஸாது4புருஷான் ஜஹி காமத்ருஷ்ணாம் |
அன்யஸ்ய தோ3ஷகு3ண சிந்தநமாஶு முக்த்வா
ஸேவாகதா2ரஸமஹோ நிதராம் பிப3 த்வம் || 80
ஏவம் ஸுதோக்தி வஶதோऽபி க்3ருஹம் விஹாய
யாதோ வனம் ஸ்தி2ரமதிர் க3த ஷஷ்டி வர்ஷ: |
யுக்தோ ஹரேரநுதி3னம் பரிசர்யயாஸௌ
ஶ்ரீக்ருஷ்ணமாப நியதம் த3ஶமஸ்ய பாடா2த் || 81
இதி ஶ்ரீபத்3மபுராணே உத்தரக2ண்டே3 ஶ்ரீமத்3பா4க3வதமாஹாத்ம்யே விப்ரமோக்ஷோ நாம சதுர்தோ2ऽத்4யாய: || 4 ||
நான்காம் அத்யாயம் முற்றும்.