ஶ்ரீமத்பாகவதமாஹாத்ம்யம் [பத்மபுராணம்] :: அத்யாயம் 2.
குமார - நாரத சம்வாதம்
அத2 த்3விதீயோஅத்4யாய:
நாரத3 உவாச
வ்ருதா2 கே2த3யஸே பா3லே அஹோ சிந்தாதுரா கத2ம் |
ஶ்ரீக்ருஷ்ண சரணாம்போ4ஜம் ஸ்மர து3:க2ம் க3மிஷ்யதி || 1
த்3ரௌபதீ3 ச பரித்ராதா யேந கௌரவகஶ்மலாத் |
பாலிதா கோ3பஸுந்த3ர்ய: ஸ க்ருஷ்ண: க்வாபி நோ க3த: || 2
த்வம் து ப4க்தி: ப்ரியா தஸ்ய ஸததம் ப்ராணதோऽதி4கா |
த்வயாऽऽஹூதஸ்து ப4க3வான் யாதி நீச க்3ருஹேஷ்வபி || 3
ஸத்யாதி3 த்ரியுகே3 போ3த4 வைராக்3யௌ முக்திஸாத4கௌ |
கலௌ து கேவலா ப4க்திர் ப்3ரஹ்ம ஸாயுஜ்ய காரிணீ || 4
இதி நிஶ்சித்ய சித்3ரூப: ஸத்3ரூபாம் த்வாம் ஸஸர்ஜ ஹ |
பரமாநந்த3 சின்மூர்தி: ஸுந்த3ரீம் க்ருஷ்ண வல்லபா4ம் || 5
ப3த்3த்4வாஞ்ஜலிம் த்வயா ப்ருஷ்டம் கிம் கரோமீதி சைகதா3 |
த்வாம் ததா3ऽऽஜ்ஞாபயத் க்ருஷ்ணோ மத்3ப4க்தான் போஷயேதி ச || 6
அங்கீ3 க்ருதம் த்வயா தத்3வை ப்ரஸந்நோऽபூ4த்3 ஹ்ரிஸ்ததா3 |
முக்திம் தா3ஸீம் த3தௌ3 துப்4யம் ஜ்ஞாந வைராக்3யகாவிமௌ || 7
போஷணம் ஸ்வேந ரூபேண வைகுண்டே2 த்வம் கரோஷி ச |
பூ4மௌ ப4க்தவிபோஷாய சா2யாரூபம் த்வயா க்ருதம் || 8
முக்திம் ஜ்ஞானம் விரக்திம் ச ஸஹ க்ருத்வா க3தா பு4வி |
க்ருதாதி3 த்3வாபரஸ்யாந்தம் மஹாநந்தே3ந ஸம்ஸ்தி2தா || 9
கலௌ முக்தி: க்ஷயம் ப்ராப்தா பாக2ண்டா3மயபீடி3தா |
த்வதா3ஜ்ஞயா க3தா ஶீக்4ரம் வைகுண்ட2ம் புநரேவ ஸா || 10
ஸ்ம்ருதா த்வயாபி சாத்ரைவ முக்திராயாதி யாதி ச |
புத்ரீ க்ருத்ய த்வயேமௌ ச பார்ஶ்வே ஸ்வஸ்யைவ ரக்ஷிதௌ || 11
உபேக்ஷாத: கலௌ மந்தௌ3 வ்ருத்3தௌ4 ஜாதௌ ஸுதௌ தவ |
ததா2பி சிந்தாம் முஞ்ஜ த்வமுபாயம் சிந்தயாம்யஹம் || 12
கலிநா ஸத்3ருஶ: கோऽபி யுகோ3 நாஸ்தி வராநநே |
தஸ்மிந் த்வாம் ஸ்தா2பயிஷ்யாமி கே3ஹே கே3ஹே ஜநே ஜநே || 13
அன்ய த4ர்மாம்ஸ்திரஸ் க்ருத்ய புரஸ்க்ருத்ய மஹோத்ஸவான் |
ததா3 நாஹம் ஹரேர்தா3ஸோ லோகே த்வாம் ந ப்ரவர்தயே || 14
த்வத3ன்விதாஶ்ச யே ஜீவா ப4விஷ்யந்தி கலாவிஹ |
பாபிநோऽபி க3மிஷ்யந்தி நிர்ப4யம் க்ருஷ்ணமந்தி3ரம் || 15
யேஷாம் சித்தே வஸேத்3 ப4க்தி: ஸர்வதா3 ப்ரேமரூபிணீ |
ந தே பஶ்யந்தி கீநாஶம் ஸ்வப்நேऽப்யமல மூர்தய: || 16
ந ப்ரேதோ ந பிஶாசோ வா ராக்ஷஸோ வாஸுரோऽபி வா |
ப4க்தி யுக்த மனஸ்காநாம் ஸ்பர்ஶநே ந ப்ரபு4ர் ப4வேத் || 17
ந தபோபி4ர் ந வேதை3ஶ்ச ந ஜ்ஞாநே நாபி கர்மணா |
ஹரிர் ஹி ஸாத்4யதே ப4க்த்யா ப்ரமாணம் தத்ர கோ3பிகா: || 18
ந்ருணாம் ஜன்ம ஸஹஸ்ரேண ப4க்தௌ ப்ரீதிர் ஹி ஜாயதே |
கலௌ ப4க்தி: கலௌ ப4க்திர் ப4க்த்யா க்ருஷ்ண: புர: ஸ்தி2த: || 19
ப4க்தி த்3ரோஹகரா யே ச தே ஸீத3ந்தி ஜக3த்த்ரயே |
து3ர்வாஸா து3:க2 மாபந்ந: புரா ப4க்தவிநிந்த3க: || 20
அலம் வ்ரதைரலம் தீர்தை2ரலம் யோகை3ரலம் மகை2: |
அலம் ஜ்ஞாந கதா2லாபைர் ப4க்திரேகைவ முக்திதா3 || 21
ஸூத உவாச
இதி நாரத3 நிர்ணீதம் ஸ்வமாஹாத்ம்யம் நிஶம்ய ஸா |
ஸர்வாங்க3 புஷ்டி ஸம்யுக்தா நாரத3ம் வாக்யமப்3ரவீத் || 22
ப4க்திருவாச
அஹோ நாரத3 த4ன்யோऽஸி ப்ரீதிஸ்தே மயி நிஶ்சலா |
ந கதா3சித்3 விமுஞ்ஜாமி சித்தே ஸ்தா2ஸ்யாமி ஸர்வதா3 || 23
க்ருபாளுநா த்வயா ஸாதோ4 மத்3பா3தா4 த்4வம்ஸிதா க்ஷணாத் |
புத்ரயோஶ்சேதநா நாஸ்தி ததோ போ3த4ய போ3த4ய || 24
ஸூத உவாச
தஸ்யா வச: ஸமாகர்ண்ய காருண்யம் நாரதோ3 க3த: |
தயோர் போ3த4நமாரேபே4 கராக்3ரேண விமர்த3யன் || 25
முக2ம் ஸம்யோஜ்ய கர்ணாந்தே ஶப்3த3 முச்சை: ஸமுச்சரன் |
ஜ்ஞாந ப்ரபு3த்3த்4யாதாம் ஶீக்4ரம் ரே வைராக்3ய ப்ரபு3த்3த்4யாதாம் || 26
வேத3 வேதா3ந்த கோ4ஷைஶ்ச கீ3தாபாடை2ர் முஹுர்முஹு: |
போ3த்4ய மாநௌ ததா3 தேந கத2ம்சிச்சோத்தி2தௌ ப3லாத் || 27
நேத்ரை ரநவலோகந்தௌ ஜ்ரும்ப4ந்தௌ ஸாலஸாவுபௌ4 |
ப3கவத் பலிதௌ ப்ராய: ஶுஷ்ககாஷ்ட2 ஸமாங்க3கௌ || 28
க்ஷுத்க்ஷாமௌ தௌ நிரீக்ஷ்யைவ புன: ஸ்வாபபராயணௌ |
ருஷிஶ்சிந்தாபரோ ஜாத: கிம் விதே4யம் மயேதி ச || 29
அஹோ நித்3ரா கத2ம் யாதி வ்ருத்3த4த்வம் ச மஹத்தரம் |
சிந்தயந்நிதி கோ3விந்த3ம் ஸ்மாரயாமாஸ பா4ர்க3வ || 30
வ்யோமவாணீ ததை3வாபூ4ன்மா ருஷே கி2த்3யதாமிதி |
உத்3யம: ஸப2லஸ்தேऽயம் ப4விஷ்யதி ந ஸம்ஶய: || 31
ஏதத3ர்த2ம் து ஸத்கர்ம ஸுரர்ஷே த்வம் ஸமாசர |
தத் தே கர்மாபி4தா4ஸ்யந்தி ஸாத4வ: ஸாது4 பூ4ஷணா: || 32
ஸத் கர்மணி க்ருதே தஸ்மின் ஸநித்3ரா வ்ருத்3த4தாநயோ: |
க3மிஷ்யதி க்ஷணாத்3 ப4க்தி: ஸர்வத: ப்ரஸரிஷ்யதி || 33
இத்யாகாஶவச: ஸ்பஷ்டம் தத் ஸர்வைரபி விஶ்ருதம் |
நாரதோ3 விஸ்மயம் லேபே4 நேத3ம் ஜ்ஞாத மிதி ப்3ருவன் || 34
நாரத3 உவாச
அநயாऽऽகாஶ வாண்யாபி கோ3ப்யத்வேந நிரூபிதம் |
கிம் வா தத் ஸாத4நம் கார்யம் யேன கார்யம் ப4வேத் தயோ: || 35
க்வ ப4விஷ்யந்தி ஸந்தஸ்தே கத2ம் தா3ஸ்யந்தி ஸாத4னம் |
மயாத்ர கிம் ப்ரகர்தவ்யம் யது3க்தம் வ்யோமபா4ஷயா || 36
ஸூத உவாச
தத்ர த்3வாவபி ஸம்ஸ்தா2ப்ய நிர்க3தோ நாரதோ3 முனி: |
தீர்த2ம் தீர்த2ம் விநிஷ்க்ரம்ய ப்ருச்ச2ன்மார்கே3 முநீஶ்வரான் || 37
வ்ருத்தாந்த: ஶ்ரூயதே ஸர்வை: கிம்சிந்நிஶ்சித்ய நோச்யதே |
அஸாத்4யம் கேசந ப்ரோசுர் து3ர்ஜ்ஞேய மிதி சாபரே |
மூகீ பூ4தாஸ்ததா2ன்யே து கியந்தஸ்து பலாயிதா: || 38
ஹாஹாகாரோ மஹாநாஸீத் த்ரைலோக்யே விஸ்மயாவஹ: |
வேத3 வேதா3ந்த கோ4ஷைஶ்ச கீ3தா பாடை2ர் விபோ3தி4தம் || 39
ப4க்தி ஜ்ஞாந விராகா3ணாம் நோத3திஷ்ட2த் த்ரிகம் யதா3 |
உபாயோ நாபரோऽஸ்தீதி கர்ணே கர்ணேऽஜபஞ்ஜநா: || 40
யோகி3நா நாரதே3நாபி ஸ்வயம் ந ஜ்ஞாயதே து யத் |
தத் கத2ம் ஶக்யதே வக்து மிதரைரிஹ மாநுஷை: || 41
ஏவம் ருஷிக3ணை: ப்ருஷ்டைர் நிர்ணீயோக்தம் து3ராஸத3ம் || 42
ததஶ்சிந்தாதுரஸ் ஸோऽத2 ப3த3ரீவநமாக3த: |
தபஶ்சராமி சாத்ரேதி தத3ர்த2ம் க்ருதநிஶ்சய: || 43
தாவத்3 த3த3ர்ஶ புரத: ஸநகாதீ3ன் முநீஶ்வரான் |
கோடி ஸூர்யஸமாபா4ஸாநுவாச முநிஸத்தம: || 44
நாரத3 உவாச
இதா3நீம் பூ4ரிபா4க்3யேந ப4வத்3பி4: ஸங்க3மோऽப4வத் |
குமாரா ப்3ரூயதாம் ஶீக்4ரம் க்ருபாம் க்ருத்வா மமோபரி || 45
ப4வந்தோ யோகி3ன: ஸர்வே பு3த்3தி4மந்தோ ப3ஹுஶ்ருதா: |
பஞ்ச ஹாயந ஸம்யுக்தா: பூர்வேஷாமபி பூர்வஜா: || 46
ஸதா3 வைகுண்ட2நிலயா ஹரிகீர்தந தத்பரா: |
லீலாம்ருத ரஸோன்மத்தா: கதா2மாத்ரைக ஜீவிந: || 47
ஹரி: ஶரணமேவம் ஹி நித்யம் யேஷாம் முகே2 வச: |
அத: கால ஸமாதி3ஷ்டா ஜரா யுஷ்மாந்ந பா3த4தே || 48
யேஷாம் ப்4ரூப4ங்க3 மாத்ரேண த்3வாரபாலௌ ஹரே: புரா |
பூ4மௌ நிபதிதௌ ஸத்3யோ யத்க்ருபாத: புரம் க3தௌ || 49
அஹோ பா4க்3யஸ்ய யோகே3ந த3ர்ஶனம் ப4வதாமிஹ
அநுக்3ரஹஸ்து கர்தவ்யோ மயி தீ3நே த3யாபரை: || 50
அஶரீர கி3ரோக்தம் யத் தத் கிம் ஸாத4ந முச்யதாம்
அநுஷ்டே2யம் கத2ம் தாவத் ப்ரப்3ருவந்து ஸவிஸ்தரம் || 51
ப4க்தி ஜ்ஞாநவிராகா3ணாம் ஸுக2முத்பத்3யதே கத2ம் |
ஸ்தா2பநம் ஸர்வ வர்ணேஷு ப்ரேம பூர்வம் ப்ரயத்நத: || 52
குமாரா ஊசு:
மா சிந்தாம் குரு தே3வர்ஷே ஹர்ஷம் சித்தே ஸமாவஹ |
உபாய: ஸுக2ஸாத்4யோऽத்ர வர்ததே பூர்வ ஏவ ஹி || 53
அஹோ நாரத3 த4ன்யோऽஸி விரக்தாநாம் ஶிரோமணி:
ஸதா3 ஶ்ரீக்ருஷ்ணதா3ஸாநா மக்3ரணீர் யோக3 பா4ஸ்கர: || 54
த்வயி சித்ரம் ந மந்தவ்யம் ப4க்த்யர்த2மநுவர்திநி |
க4டதே க்ருஷ்ணதா3ஸஸ்ய ப4க்தே: ஸம்ஸ்தா2பநா ஸதா3 || 55
ருஷிபி4ர் ப3ஹவோ லோகே பந்தா2ந: ப்ரகடீக்ருதா: |
ஶ்ரமஸாத்4யாஶ்ச தே ஸர்வே ப்ராய: ஸ்வர்க3 ப2லப்ரதா3: || 56
வைகுண்ட2ஸாத4க: பந்தா2 ஸ து கோ3ப்யோ ஹி வர்ததே |
தஸ்யோபதே3ஷ்டா புருஷ: ப்ராயோ பா4க்3யேந லப்4யதே || 57
ஸத்கர்ம தவ நிர்தி3ஷ்டம் வ்யோமவாசா து யத்புரா |
தது3ச்யதே ஶ்ருணுஷ்வாத்3ய ஸ்தி2ரசித்த: ப்ரஸந்நதீ4: || 58
த்3ரவ்ய யஜ்ஞாஸ் தபோயஜ்ஞா யோக3யஜ்ஞாஸ்ததா2பரே |
ஸ்வாத்4யாய ஜ்ஞாந யஜ்ஞாஶ்ச தே து கர்மவிஸூசகா: || 59
ஸத்கர்ம ஸூசகோ நூநம் ஜ்ஞான யஜ்ஞ: ஸ்ம்ருதோ பு3தை4: |
ஶ்ரீமத்3 பா4க3வதாலாப: ஸ து கீ3த: ஶுகாதி3பி4: || 60
ப4க்தி ஜ்ஞாந விராகா3ணாம் தத்3கோ4ஷேண ப3லம் மஹத் |
வ்ரஜிஷ்யதி த்3வயோ: கஷ்டம் ஸுக2ம் ப4க்தேர் ப4விஷ்யதி || 61
ப்ரளயம் ஹி க3மிஷ்யந்தி ஶ்ரீமத்3 பா4க3வத த்4வனே: |
கலேர்தோ3ஷா இமே ஸர்வே ஸிம்ஹ ஶப்3தா3த்3 வ்ருகா இவ || 62
ஜ்ஞாந வைராக்3ய ஸம்யுக்தா ப4க்தி: ப்ரேமரஸாவஹா |
ப்ரதிகே3ஹம் ப்ரதிஜனம் தத: க்ரீடா3ம் கரிஷ்யதி || 63
நாரத3 உவாச
வேத3 வேதா3ந்த கோ4ஷைஶ்ச கீ3தாபாடை2: ப்ரபோ3தி4தம் |
ப4க்தி ஜ்ஞாந விராகா3ணாம் நோத3 திஷ்ட2த் த்ரிகம் யதா3 || 64
ஶ்ரீமத்3 பா4க3வதாலாபாத் தத் கத2ம் போ3த4மேஷ்யதி |
தத்கதா2ஸு து வேதா3ர்த2: ஶ்லோகே ஶ்லோகே பதே3 பதே3 || 65
சி2ந்த3ந்து ஸம்ஶயம் ஹ்யேநம் ப4வந்தோऽமோக4த3ர்ஶநா: |
விலம்போ3 நாத்ர கர்தவ்ய: ஶரணாக3த வத்ஸலா: || 66
குமாரா ஊசு:
வேதோ3பநிஷதா3ம் ஸாராஜ்ஜாதா பா4க3வதீ கதா2 |
அத்யுத்தமா ததோ பா4தி ப்ருத2க்3பூ4தா ப2லாக்ருதி: || 67
ஆமூலாக்3ரம் ரஸ ஸ்திஷ்ட2ந் நாஸ்தே ந ஸ்வாத்3யதே யதா2 |
ஸ பூ4ய: ஸம்ப்ருத2க்3பூ4த: ப2லே விஶ்வமநோஹர: || 68
யதா2 து3க்3தே4 ஸ்தி2தம் ஸர்பிர் ந ஸ்வாதா3யோபகல்பதே |
ப்ருத2க்3பூ4தம் ஹி தத்3க3வ்யம் தே3வாநாம் ரஸவர்த4னம் || 69
இக்ஷூணாமாபி மத்4யாந்தம் ஶர்கரா வ்யாப்ய திஷ்ட2தி |
ப்ருத2க்3பூ4தா ச ஸா மிஷ்டா ததா2 பா4க3வதீ கதா2 || 70
இத3ம் பா4க3வதம் நாம புராணம் ப்3ரஹ்மஸம்மிதம் |
ப4க்தி ஜ்ஞாந விராகா3ணாம் ஸ்தா2பநாய ப்ரகாஶிதம் || 71
வேதா3ந்த வேத3 ஸுஸ்நாதே கீ3தாயா அபி கர்தரி |
பரிதாபவதீ வ்யாஸே முஹ்யத்யஜ்ஞாந ஸாக3ரே || 72
ததா3 த்வயா புரா ப்ரோக்தம் சது:ஶ்லோக ஸமன்விதம் |
ததீ3ய ஶ்ரவணாத் ஸத்3யோ நிர்பா3தோ4 பா3த3ராயண: || 73
தத்ர தே விஸ்மய: கேந யத: ப்ரஶ்ந கரோ ப4வான் |
ஶ்ரீமத்3 பா4க3வதம் ஶ்ராவ்யம் ஶோகது3:க2விநாஶநம் || 74
நாரத3 உவாச
யத்3த3ர்ஶநம் ச விநிஹந்த்யஶுபா4நி ஸத்3ய:
ஶ்ரேயஸ்தநோதி ப4வது3: க2த3வார்தி3தாநாம் |
நி: ஶேஷ ஶேஷ முக2கீ3த கதை2க பாநா:
ப்ரேம ப்ரகாஶ க்ருதயே ஶரணம் கா3தோऽஸ்மி || 75
பா4க்3யோத3யேந ப3ஹுஜன்மஸமார்ஜிதேந
ஸத்ஸங்க3மம் ச லப4தே புருஷோ யதா3 வை |
அஜ்ஞாந ஹேதுக்ருத மோஹ மதா3ந்த4கார-நாஶம்
விதா4ய ஹி ததோ3த3யதே விவேக: || 76
இதி ஶ்ரீபத்3மபுராணே உத்தரக2ண்டே3 ஶ்ரீமத்3பா4க3வதமாஹாத்ம்யே குமார நாரத3 ஸம்வாதோ3 நாம த்3விதீயோऽத்4யாய: || 2 ||
இரண்டாம் அத்யாயம் முற்றும்.