ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 16.
பரசுராமர் மூலமாக க்ஷத்ரிய சம்ஹாரமும் மற்றும் விச்வாமித்ரரின் வம்சக் கதையும்
அத2 ஷோடஶோऽத்2யாய:
ஶ்ரீஶுக உவாச|
பித்ரோபஶிக்ஷிதோ ராமஸ்ததே2தி குருநந்த3ன|
ஸம்வத்ஸரம் தீர்த2யாத்ராம் சரித்வாऽऽஶ்ரமமாவ்ரஜத்|| 1
கதா3சித்3 ரேணுகா யாதா க3ங்கா3யாம் பத்3மமாலினம்|
க3ந்த4ர்வராஜம் க்ரீட3ந்தமப்ஸரோபி4ரபஶ்யத|| 2
விலோகயந்தீ க்ரீட3ந்தமுத3கார்த2ம் நதீ3ம் க3தா|
ஹோமவேலாம் ந ஸஸ்மார கிஞ்சித் சித்ரரத2ஸ்ப்ருஹா|| 3
காலாத்யயம் தம் விலோக்ய முனே: ஶாபவிஶங்கிதா|
ஆக3த்ய கலஶம் தஸ்தௌ2 புரோதா4ய க்ருதாஞ்ஜலி:|| 4
வ்யபி4சாரம் முனிர் ஜ்ஞாத்வா பத்ன்யா: ப்ரகுபிதோऽப்3ரவீத்|
க்4நதைநாம் புத்ரகா: பாபாமித்யுக்தாஸ்தே ந சக்ரிரே|| 5
ராம: ஸஞ்சோதி3த: பித்ரா ப்4ராத்ரூன் மாத்ரா ஸஹாவதீ4த்|
ப்ரபா4வஜ்ஞோ முனே: ஸம்யக் ஸமாதே4ஸ்தபஸஶ்ச ஸ:|| 6
வரேணச்ச2ந்த3யாமாஸ ப்ரீத: ஸத்யவதீஸுத:|
வவ்ரே ஹதாநாம் ராமோऽபி ஜீவிதம் சாஸ்ம்ருதிம் வதே4|| 7
உத்தஸ்து2ஸ்தே குஶலிநோ நித்3ராபாய இவாஞ்ஜஸா|
பிதுர்வித்3வாம்ஸ்தபோவீர்யம் ராமஶ்சக்ரே ஸுஹ்ருத்3 வத4ம்|| 8
யேऽர்ஜுனஸ்ய ஸுதா ராஜன் ஸ்மரந்த: ஸ்வபிதுர் வத4ம்|
ராமவீர்ய பராபூ4தா லேபி4ரே ஶர்ம ந க்வசித்|| 9
ஏகதா3ऽऽஶ்ரமதோ ராமே ஸப்4ராதரி வனம் க3தே|
வைரம் ஸிஸாத4யிஷவோ லப்3த4ச்சி2த்3ரா உபாக3மன்|| 10
த்3ருஷ்ட்வாக்3ன்யகா3ர ஆஸீந மாவேஶித தி4யம் முனிம்|
ப4க3வத்யுத்தம ஶ்லோகே ஜக்4நுஸ்தே பாபநிஶ்சயா:|| 11
யாச்யமாநா: க்ருபணயா ராம மாத்ராதிதா3ருணா:|
ப்ரஸஹ்ய ஶிர உத்க்ருத்ய நின்யுஸ்தே க்ஷத்ரப3ந்த4வ:|| 12
ரேணுகா து3:க2 ஶோகார்தா நிக்4நந்தீ ஆத்மாநமாத்மநா|
ராம ராமேஹி தாதேதி விசுக்ரோஶோச்சகை: ஸதீ|| 13
தது3பஶ்ருத்ய தூ3ரஸ்தா2 ஹா ராமேத்யார்தவத்ஸ்வனம்|
த்வரயாऽऽஶ்ரமமாஸாத்3ய த3த்3ருஶே பிதரம் ஹதம்|| 14
தத்3 து3:க2 ரோஷாமர்ஷார்தி ஶோகவேக3 விமோஹித:|
ஹா தாத ஸாதோ4 த4ர்மிஷ்ட2 த்யக்த்வாஸ்மான் ஸ்வர்க3தோ ப4வான்|| 15
விலப்யைவம் பிதுர் தே3ஹம் நிதா4ய ப்4ராத்ருஷு ஸ்வயம்|
ப்ரக்3ருஹ்ய பரஶும் ராம: க்ஷத்ராந்தாய மநோ த3தே4|| 16
க3த்வா மாஹிஷ்மதீம் ராமோ ப்3ரஹ்மக்4ந விஹத ஶ்ரியம்|
தேஷாம் ஸ ஶீர்ஷபீ4 ராஜன் மத்4யே சக்ரே மஹாகி3ரிம்|| 17
தத்3ரக்தேन நதீ3ம் கோ4ராமப்3ரஹ்மண்ய ப4யாவஹாம்|
ஹேதும் க்ருத்வா பித்ருவத4ம் க்ஷத்ரேऽமங்க3ளகாரிணி|| 18
த்ரி:ஸப்த க்ருத்வ: ப்ருதி2வீம் க்ருத்வா நி:க்ஷத்ரியாம் ப்ரபு4:|
ஸமந்தபஞ்சகே சக்ரே ஶோணிதோதா3ன் ஹ்ரதா3ன் ந்ருப|| 19
பிது: காயேன ஸந்தா4ய ஶிர ஆதா3ய ப3ர்ஹிஷி|
ஸர்வதே3வமயம் தே3வமாத்மான மயஜன் மகை2:|| 20
த3தௌ3 ப்ராசீம் தி3ஶம் ஹோத்ரே ப்3ரஹ்மணே த3க்ஷிணாம் தி3ஶம்|
அத்4வர்யவே ப்ரதீசீம் வை உத்3கா3த்ரே உத்தராம் தி3ஶம்|| 21
அன்யேப்4யோऽவாந்தரதி3ஶ: கஶ்யபாய ச மத்4யத:|
ஆர்யாவர்த முபத்3ரஷ்ட்ரே ஸத3ஸ்யேப்4யஸ்தத: பரம்|| 22
ததஶ்சாவப்4ருத2ஸ்நான விதூ4தாஶேஷ கில்பி3ஷ:|
ஸரஸ்வத்யாம் ப்3ரஹ்மனத்3யாம் ரேஜே வ்யப்4ர இவாம்ஶுமான்|| 23
ஸ்வதே3ஹம் ஜமத3க்3நிஸ்து லப்3த்4வா ஸம்ஜ்ஞான லக்ஷணம்|
ருஷீணாம் மண்ட3லே ஸோऽபூ4த் ஸப்தமோ ராமபூஜித:|| 24
ஜாமத3க்3ன்யோऽபி ப4க3வான் ராம: கமலலோசன:|
ஆகா3மின்யந்தரே ராஜன் வர்தயிஷ்யதி வை ப்3ருஹத்|| 25
ஆஸ்தேऽத்3யாபி மஹேந்த்3ராத்3ரௌ ந்யஸ்த த3ண்ட3: ப்ரஶாந்ததீ4:|
உபகீ3யமாந சரித: ஸித்3த4க3ந்த4ர்வசாரணை:|| 26
ஏவம் ப்4ருகு3ஷு விஶ்வாத்மா ப4க3வான் ஹரிரீஶ்வர:|
அவதீர்ய பரம் பா4ரம் பு4வோऽஹன் ப3ஹுஶோ ந்ருபான்|| 27
கா3தே4ரபூ4ன் மஹாதேஜா: ஸமித்3த4 இவ பாவக:|
தபஸா க்ஷாத்ர முத்ஸ்ருஜ்ய யோ லேபே4 ப்3ரஹ்மவர்சஸம்|| 28
விஶ்வாமித்ரஸ்ய சைவாஸன் புத்ரா ஏகஶதம் ந்ருப|
மத்4யமஸ்து மது4ச்ச2ந்தா3 மது4ச்ச2ந்த3ஸ ஏவ தே|| 29
புத்ரம் க்ருத்வா ஶுன:ஶேபம் தே3வராதம் ச பா4ர்க3வம்|
ஆஜீக3ர்தம் ஸுதாநாஹ ஜ்யேஷ்ட2 ஏஷ ப்ரகல்ப்யதாம்|| 30
யோ வை ஹரிஶ்சந்த்3ர மகே2 விக்ரீத: புருஷ: பஶு:|
ஸ்துத்வா தே3வான் ப்ரஜேஶாதீ3ன் முமுசே பாஶப3ந்த4நாத்|| 31
யோ ராதோ தே3வயஜனே தே3வைர் கா3தி4ஷு தாபஸ:|
தே3வராத இதி க்2யாத: ஶுன:ஶேப: ஸ பா4ர்க3வ:|| 32
யே மது4ச்ச2ந்த3ஸோ ஜ்யேஷ்டா2: குஶலம் மேநிரே ந தத்|
அஶபத் தான் முனி: க்ருத்3தோ4 ம்லேச்சா2 ப4வத து3ர்ஜநா:|| 33
ஸ ஹோவாச மது4ச்ச2ந்தா3: ஸார்த4ம் பஞ்சாஶதா தத:|
யந்நோ ப4வான் ஸஞ்ஜாநீதே தஸ்மிம்ஸ்திஷ்டா2மஹே வயம்|| 34
ஜ்யேஷ்ட2ம் மந்த்ர த்3ருஶம் சக்ருஸ்த்வாமன்வஞ்சோ வயம் ஸ்ம ஹி|
விஶ்வாமித்ர: ஸுதாநாஹ வீரவந்தோ ப4விஷ்யத2|
யே மானம் மேऽநுக்3ருஹ்ணந்தோ வீரவந்தமகர்த மாம்|| 35
ஏஷ வ: குஶிகா வீரோ தே3வராதஸ்தமன்வித|
அன்யே சாஷ்டக ஹாரீத ஜயக்ரதுமதா3த3ய:|| 36
ஏவம் கௌஶிக கோ3த்ரம் து விஶ்வாமித்ரை: ப்ருத2க்3வித4ம்|
ப்ரவராந்தரமாபன்னம் தத்3தி4 சைவம் ப்ரகல்பிதம்|| 37
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே4 ஷோட3ஶோऽத்4யாய: || 16 ||
ஒன்பதாம் ஸ்கந்தம் - பதினாறாம் அத்யாயம் முற்றும்.