ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 17.
க்ஷத்ரவ்ருத்தன், ரஜி முதலிய ராஜாக்களின் வம்ச வர்ணனை
அத₂ ஸப்தத₃ஶோऽத்₂யாய:

ஶ்ரீஶுக உவாச|
ய: புரூரவஸ: புத்ர ஆயுஸ்தஸ்யாப₄வன் ஸுதா:|
நஹுஷ: க்ஷத்ரவ்ருத்₃த₄ஶ்ச ரஜீ ரம்ப₄ஶ்ச வீர்யவான்|| 1

அனேனா இதி ராஜேந்த்₃ர ஶ்ருணு க்ஷத்ரவ்ருதோ₄ऽன்வயம்|
க்ஷத்ரவ்ருத்₃த₄ஸுதஸ்யாஸன் ஸுஹோத்ரஸ்யாத்மஜாஸ்த்ரய:|| 2

காஶ்ய: குஶோ க்₃ருத்ஸமத₃ இதி க்₃ருத்ஸமதா₃த₃பூ₄த்|
ஶுனக: ஶௌனகோ யஸ்ய ப₃ஹ்வ்ருச ப்ரவரோ முனி:|| 3

காஶ்யஸ்ய காஶிஸ் தத்புத்ரோ ராஷ்ட்ரோ தீ₃ர்க₄தம: பிதா|
த₄ந்வந்தரிர் தை₃ர்க₄தம ஆயுர்வேத₃ப்ரவர்தக:|| 4

யஜ்ஞபு₄க்₃ வாஸுதே₃வாம்ஶ: ஸ்ம்ருதமாத்ரார்தி நாஶன:|
தத்புத்ர: கேதுமானஸ்ய ஜஜ்ஞே பீ₄மரத₂ஸ்தத:|| 5

தி₃வோதா₃ஸோ த்₃யுமாம்ஸ்தஸ்மாத் ப்ரதர்த₃ன இதி ஸ்ம்ருத:|
ஸ ஏவ ஶத்ருஜித்₃ வத்ஸ ருதத்₄வஜ இதீரித:|
ததா₂ குவலயாஶ் வேதி ப்ரோக்தோऽலர்காத₃யஸ்தத:|| 6

ஷஷ்டி வர்ஷஸஹஸ்ராணி ஷஷ்டிவர்ஷஶதாநி ச|
நாலர்காத₃பரோ ராஜன் மேதி₃நீம் பு₃பு₄ஜே யுவா|| 7

அலர்காத் ஸந்ததிஸ்தஸ்மாத் ஸுநீதோ₂ऽத₂ ஸுகேதன:|
த₄ர்மகேது: ஸுதஸ் தஸ்மாத் ஸத்யகேதுரஜாயத|| 8

த்₄ருஷ்டகேது: ஸுதஸ் தஸ்மாத் ஸுகுமார: க்ஷிதீஶ்வர:|
வீதிஹோத்ரஸ்ய ப₄ர்கோ₃ऽதோ பா₄ர்க₃பூ₄மிரபூ₄ன்ந்ருப|| 9

இதீமே காஶயோ பூ₄பா: க்ஷத்ரவ்ருத்₃தா₄ன்வயாயின:|
ரம்ப₄ஸ்ய ரப₄ஸ: புத்ரோ க₃ம்பீ₄ரஶ்சாக்ரியஸ்தத:|| 10

தஸ்ய க்ஷேத்ரே ப்₃ரஹ்ம ஜஜ்ஞே ஶ்ருணு வம்ஶமனேனஸ:|
ஶுத்₃த₄ஸ்தத: ஶுசிஸ்தஸ்மாத் த்ரிககுத்₃ த₄ர்மஸாரதி₂:|| 11

தத: ஶாந்தரயோ ஜஜ்ஞே க்ருதக்ருத்ய: ஸ ஆத்மவான்|
ரஜே: பஞ்சஶதான்யாஸன் புத்ராணாமமிதௌஜஸாம்|| 12

தே₃வைரப்₄யர்தி₂தோ தை₃த்யான் ஹத்வேந்த்₃ராயாத₃தா₃த்₃ தி₃வம்|
இந்த்₃ரஸ்தஸ்மை புனர் த₃த்த்வா க்₃ருஹீத்வா சரணௌ ரஜே:|| 13

ஆத்மாநமர்பயாமாஸ ப்ரஹ்ராதா₃த்₃யரிஶங்கித:|
பிதர்யுபரதே புத்ரா யாசமாநாய நோ த₃து₃:|| 14

த்ரிவிஷ்டபம் மஹேந்த்₃ராய யஜ்ஞபா₄கா₃ன் ஸமாத₃து₃:|
கு₃ருணா ஹூயமாநேऽக்₃நௌ ப₃லபி₄த் தனயான் ரஜே:|| 15

அவதீ₄த்₃ ப்₄ரம்ஶிதான் மார்கா₃ந் ந கஶ்சித₃வஶேஷித:|
குஶாத் ப்ரதி: க்ஷாத்ரவ்ருத்₃தா₄த் ஸஞ்ஜயஸ்தத்ஸுதோ ஜய:|| 16

தத: க்ருத: க்ருதஸ்யாபி ஜஜ்ஞே ஹர்யவனோ ந்ருப:|
ஸஹதே₃வஸ்ததோ ஹீனோ ஜயஸேனஸ்து தத்ஸுத:|| 17

ஸங்‌க்ருதிஸ் தஸ்ய ச ஜய: க்ஷத்ரத₄ர்மா மஹாரத₂:|
க்ஷத்ரவ்ருத்₃தா₄ன்வயா பூ₄பா: ஶ்ருணு வம்ஶம் ச நாஹுஷாத்|| 18 ||

இதி ஶ்ரீமத்₃‍பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே₄ சந்த்₃ரவம்ஶாநுவர்ணனே ஸப்தத₃ஶோऽத்₄யாய: || 17

ஒன்பதாம் ஸ்கந்தம் - பதினேழாம் அத்யாயம் முற்றும்.