ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 15.
ருசீகர், ஜமதக்னிமற்றும் பரசுராமரின் சரித்ரம்
அத2 பஞ்சத3ஶோऽத்2யாய:
ஶ்ரீஶுக உவாச|
ஐலஸ்ய ச உர்வஶீ க3ர்பா4த் ஷடா3ஸந் ஆத்மஜா ந்ருப|
ஆயு: ஶ்ருதாயு: ஸத்யாயூ ரயோऽத2 விஜயோ ஜய:|| 1
ஶ்ருதாயோர் வஸுமான் புத்ர: ஸத்யாயோஶ்ச ஶ்ருதஞ்ஜய:|
ரயஸ்ய ஸுத ஏகஶ்ச ஜயஸ்ய தனயோऽமித:|| 2
பீ4மஸ்து விஜயஸ்யாத2 காஞ்சநோ ஹோத்ரகஸ்தத:|
தஸ்ய ஜஹ்நு: ஸுதோ க3ங்கா3ம் க3ண்டூ3ஷீக்ருத்ய யோऽபிப3த்|
ஜஹ்நோஸ்து பூருஸ்தத்புத்ரோ ப3லாகஶ் சாத்மஜோऽஜக:|| 3
தத: குஶ: குஶஸ்யாபி குஶாம்பு3ஸ்தனயோ வஸு:|
குஶநாப4ஶ்ச சத்வாரோ கா3தி4ராஸீத் குஶாம்பு3ஜ:|| 4
தஸ்ய ஸத்யவதீம் கன்யாம்ருசீகோऽயாசத த்3விஜ:|
வரம் விஸத்3ருஶம் மத்வா கா3தி4ர்பா4ர்க3வமப்3ரவீத்|| 5
ஏகத: ஶ்யாமகர்ணாநாம் ஹயாநாம் சந்த்3ரவர்சஸாம்|
ஸஹஸ்ரம் தீ3யதாம் ஶுல்கம் கன்யாயா: குஶிகா வயம்|| 6
இத்யுக்தஸ் தன்மதம் ஜ்ஞாத்வா க3த: ஸ வருணாந்திகம்|
ஆநீய த3த்த்வா தானஶ்வாநுபயேமே வராநநாம்|| 7
ஸ ருஷி: ப்ரார்தி2த: பத்ந்யா ஶ்வஶ்ர்வா சாபத்யகாம்யயா|
ஶ்ரபயித்வோப4யைர் மந்த்ரைஶ்சரும் ஸ்நாதும் க3தோ முனி:|| 8
தாவத் ஸத்யவதீ மாத்ரா ஸ்வசரும் யாசிதா ஸதீ|
ஶ்ரேஷ்ட2ம் மத்வா தயாயச்ச2ன் மாத்ரே மாதுரத3த் ஸ்வயம்|| 9
தத்3 விஜ்ஞாய முனி: ப்ராஹ பத்நீம் கஷ்டமகாரஷீ:|
கோ4ரோ த3ண்ட3த4ர: புத்ரோ ப்4ராதா தே ப்3ரஹ்ம வித்தம:|| 10
ப்ரஸாதி3த: ஸத்யவத்யா மைவம் பூ4தி3தி பா4ர்க3வ:|
அத2 தர்ஹி ப4வேத் பௌத்ரோ ஜமத3க்3நிஸ் ததோऽப4வத்|| 11
ஸா சாபூ4த் ஸுமஹபுண்யா கௌஶிகீ லோகபாவநீ|
ரேணோ: ஸுதாம் ரேணுகாம் வை ஜமத3க்3நி ருவாஹ யாம்|| 12
தஸ்யாம் வை பா4ர்க3வருஷே: ஸுதா வஸுமதா3த3ய:|
யவீயாஞ்ஜஜ்ஞ ஏதேஷாம் ராம இத்யபி4விஶ்ருத:|| 13
யமாஹுர் வாஸுதே3வாம்ஶம் ஹைஹயாநாம் குலாந்தகம்|
த்ரி: ஸப்தக்ருத்வோ ய இமாம் சக்ரே நி:க்ஷத்ரியாம் மஹீம்|| 14
து3ஷ்டம் க்ஷத்ரம் பு4வோ பா4ரமப்3ரஹ்மண்ய மநீநஶத்|
ரஜஸ்தமோவ்ருதமஹன் ப2ல்கு3ன்யபி க்ருதேம்ऽஹஸி|| 15
ஶ்ரீராஜோவாச|
கிம் தத3ம்ஹோ ப4க3வதோ ராஜன்யை ரஜிதாத்மபி4:|
க்ருதம் யேன குலம் நஷ்டம் க்ஷத்ரியாணாமபீ4க்ஷ்ணஶ:|| 16
ஶ்ரீஶுக உவாச|
ஹைஹயாநாமதி4பதிரர்ஜுன: க்ஷத்ரியர்ஷப4:|
த3த்தம் நாராயணஸ்யாம்ஶமாராத்4ய பரிகர்மபி4:|| 17
பா3ஹூன் த3ஶஶதம் லேபே4 து3ர்த4ர்ஷத்வமராதிஷு|
அவ்யாஹதேந்த்3ரியௌஜ: ஶ்ரீதேஜோவீர்ய யஶோப3லம்|| 18
யோகே3ஶ்வரத்வமைஶ்வர்யம் கு3ணா யத்ராணிமாத3ய:|
சசாராவ்யாஹத க3திர் லோகேஷு பவநோ யதா2|| 19
ஸ்த்ரீ ரத்னைராவ்ருத: க்ரீட3ன் ரேவாம்ப4ஸி மதோ3த்கட:|
வைஜயந்தீம் ஸ்ரஜம் பி3ப்4ரத்3 ருரோத4 ஸரிதம் பு4ஜை:|| 20
விப்லாவிதம் ஸ்வஶிபி3ரம் ப்ரதிஸ்ரோத: ஸரிஜ்ஜலை:|
நாம்ருஷ்யத் தஸ்ய தத்3 வீர்யம் வீரமானீ த3ஶானன:|| 21
க்3ருஹீதோ லீலயா ஸ்த்ரீணாம் ஸமக்ஷம் க்ருதகில்பி3ஷ:|
மாஹிஷ்மத்யாம் ஸந்நிருத்3தோ4 முக்தோ யேன கபிர்யதா2|| 22
ஸ ஏகதா3 து ம்ருக3யாம் விசரன் விபினே வனே|
யத்3ருச்ச2யாऽऽஶ்ரமபத3ம் ஜமத3க்3நேருபாவிஶத்|| 23
தஸ்மை ஸ நரதே3வாய முநிரர்ஹணமாஹரத்|
ஸஸைன்யாமாத்யவாஹாய ஹவிஷ்மத்யா தபோத4ன:|| 24
ஸ வீரஸ்தத்ர தத்3 த்3ருஷ்ட்வா ஆத்மைஶ்வர்யாதிஶாயனம்|
தந்நாத்3ரியதாக்3நிஹோத்ர்யாம் ஸாபி4லாஷ: ஸ ஹைஹய:|| 25
ஹவிர்தா4நீம் ருஷேர்த3ர்பாந்நரான் ஹர்துமசோத3யத்|
தே ச மாஹிஷ்மதீம் நின்யு: ஸவத்ஸாம் க்ரந்த3தீம் ப3லாத்|| 26
அத2 ராஜநி நிர்யாதே ராம ஆஶ்ரம ஆக3த:|
ஶ்ருத்வா தத் தஸ்ய தௌ3ராத்ம்யம் சுக்ரோதா4ஹிரிவாஹத:|| 27
கோ4ரமாதா3ய பரஶும் ஸதூணம் சர்ம கார்முகம்|
அன்வதா4வத து3ர்த4ர்ஷோ ம்ருகே3ந்த்3ர இவ யூத2பம்|| 28
தமாபதந்தம் ப்4ருகு3வர்யமோஜஸா
த4நுர்த4ரம் பா3ணபரஶ்வதா4யுத4ம்|
ஐணேயசர்மாம்ப3ரமர்க தா4மபி4ர்
யுதம் ஜடாபி4ர் த3த்3ருஶே புரீம் விஶன்|| 29
அசோத3யத்3 ஹஸ்தி ரதா2ஶ்வ பத்திபி4ர்
க3தா3ஸி பா3ணர்ஷ்டி ஶதக்4நி ஶக்திபி4:|
அக்ஷௌஹிணீ: ஸப்தத3ஶாதிபீ4ஷணா-
ஸ்தா ராம ஏகோ ப4க3வாநஸூத3யத்|| 30
யதோ யதோऽஸௌ ப்ரஹரத்பரஶ்வதோ4
மநோऽநிலௌஜா: பரசக்ரஸூத3ன:|
ததஸ்ததஶ்சி2ன்ன பு4ஜோருகந்த4ரா
நிபேதுருர்வ்யாம் ஹத ஸூதவாஹநா:|| 31
த்3ருஷ்ட்வா ஸ்வஸைன்யம் ருதி4ரௌக4 கர்த3மே
ரணாஜிரே ராம குடா2ரஸாயகை:|
விவ்ருக்ண சர்ம த்4வஜ சாப விக்3ரஹம்
நிபாதிதம் ஹைஹய ஆபதத்3 ருஷா|| 32
அதா2ர்ஜுன: பஞ்சஶதேஷு பா3ஹுபி4ர்-
த4நு:ஷு பா3ணான் யுக3பத் ஸ ஸந்த3தே4|
ராமாய ராமோऽஸ்த்ரப்4ருதாம் ஸமக்3ரணீஸ்
தான்யேக த4ன்வேஷுபி4 ராச்சி2னத் ஸமம்|| 33
புன: ஸ்வஹஸ்தைரசலான் ம்ருதே4ऽங்க்4ரிபாநுத்
க்ஷிப்ய வேகா3த3பி4தா4வதோ யுதி4|
பு4ஜான் குடா2ரேண கடோ2ரநேமிநா
சிச்சே2த3 ராம: ப்ரஸப4ம் த்வஹேரிவ|| 34
க்ருத்தபா3ஹோ: ஶிரஸ்தஸ்ய கி3ரே: ஶ்ருங்க3மிவாஹரத்|
ஹதே பிதரி தத்புத்ரா அயுதம் து3த்3ருவுர் ப4யாத்|| 35
அக்3நிஹோத்ரீமுபாவர்த்ய ஸவத்ஸாம் பரவீரஹா|
ஸமுபேத்யாஶ்ரமம் பித்ரே பரிக்லிஷ்டாம் ஸமர்பயத்|| 36
ஸ்வகர்ம தத்க்ருதம் ராம: பித்ரே ப்4ராத்ருப்4ய ஏவ ச|
வர்ணயாமாஸ தச்ச்2ருத்வா ஜமத3க்3நிரபா4ஷத|| 37
ராம ராம மஹாபா3ஹோ ப4வான் பாபமகாரஷீத்|
அவதீ4ந் நரதே3வம் யத் ஸர்வதே3வமயம் வ்ருதா2|| 38
வயம் ஹி ப்3ராஹ்மணாஸ்தாத க்ஷமயார்ஹணதாம் க3தா:|
யயா லோககு3ருர் தே3வ: பாரமேஷ்ட்2யமகா3த் பத3ம்|| 39
க்ஷமயா ரோசதே லக்ஷ்மீர் ப்3ராஹ்மீ ஸௌரீ யதா2 ப்ரபா4|
க்ஷமிணாமாஶு ப4க3வாம்ஸ் துஷ்யதே ஹரிரீஶ்வர:|| 40
ராஜ்ஞோ மூர்தா4பி4ஷிக்தஸ்ய வதோ4 ப்3ரஹ்மவதா4த்3 கு3ரு:|
தீர்த2 ஸம்ஸேவயா சாம்ஹோ ஜஹ்யங்கா3ச்யுத சேதன:|| 41
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே4 பஞ்சத3ஶோऽத்4யாய: || 15 ||
ஒன்பதாம் ஸ்கந்தம் - பதினைந்தாம் அத்யாயம் முற்றும்.