ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 14.
சந்திர வம்சத்தின் வர்ணனை
அத2 சதுர்த3ஶோऽத்2யாய:
ஶ்ரீஶுக உவாச|
அதா2த: ஶ்ரூயதாம் ராஜன் வம்ஶ: ஸோமஸ்ய பாவன:|
யஸ்மின்னைலாத3யோ பூ4பா: கீர்த்யந்தே புண்யகீர்தய: || 1
ஸஹஸ்ரஶிரஸ: பும்ஸோ நாபி4ஹ்ரத3 ஸரோருஹாத்|
ஜாதஸ்யாஸீத் ஸுதோ தா4துரத்ரி: பித்ருஸமோ கு3ணை: || 2
தஸ்ய த்3ருக்3ப்4யோऽப4வத் புத்ர: ஸோமோऽம்ருதமய: கில|
விப்ரௌஷத்4யுடு3 க3ணானாம் ப்3ரஹ்மணா கல்பித: பதி: || 3
ஸோऽயஜத்3 ராஜஸூயேன விஜித்ய பு4வனத்ரயம்|
பத்நீம் ப்3ருஹஸ்பதேர் த3ர்பாத் தாராம் நாமாஹரத்3 ப3லாத் || 4
யதா3 ஸ தே3வகு3ருணா யாசிதோऽபீ4க்ஷ்ணஶோ மதா3த்|
நாத்யஜத் தத்க்ருதே ஜஜ்ஞே ஸுரதா3னவ விக்3ரஹ: || 5
ஶுக்ரோ ப்3ருஹஸ்பதேர் த்3வேஷாத3க்3ரஹீத் ஸாஸுரோடு3பம்|
ஹரோ கு3ருஸுதம் ஸ்நேஹாத் ஸர்வ பூ4த க3ணாவ்ருத: || 6
ஸர்வ தே3வக3ணோபேதோ மஹேந்த்3ரோ கு3ருமன்வயாத்|
ஸுராஸுர விநாஶோऽபூ4த் ஸமரஸ் தாரகாமய: || 7
நிவேதி3தோऽதா2ங்கி3ரஸா ஸோமம் நிர்ப4ர்த்ஸ்ய விஶ்வக்ருத்|
தாராம் ஸ்வப4ர்த்ரே ப்ராயச்ச2த3ந்தர்வத்நீ மவைத் பதி: || 8
த்யஜ த்யஜாஶு து3ஷ்ப்ரஜ்ஞே மத்க்ஷேத்ராதா3ஹிதம் பரை:|
நாஹம் த்வாம் ப4ஸ்மஸாத் குர்யாம் ஸ்த்ரியம் ஸாந்தாநிக: ஸதி || 9
தத்யாஜ வ்ரீடி3தா தாரா குமாரம் கனகப்ரப4ம்|
ஸ்ப்ருஹா மாங்கி3ரஸஶ்சக்ரே குமாரே ஸோம ஏவ ச || 10
மமாயம் ந தவேத்யுச்சைஸ் தஸ்மின் விவத3மானயோ:|
பப்ரச்சு2ர் ருஷயோ தே3வா நைவோசே வ்ரீடி3தா து ஸா || 11
குமாரோ மாதரம் ப்ராஹ குபிதோऽலீகலஜ்ஜயா|
கிம் ந வோசஸ்யஸத்3 வ்ருத்தே ஆத்மாவத்3யம் வதா3ஶு மே || 12
ப்3ரஹ்மா தாம் ரஹ ஆஹூய ஸமப்ராக்ஷீச்ச ஸாந்த்வயன்|
ஸோமஸ்யேத்யாஹ ஶனகை: ஸோமஸ்தம் தாவத3க்3ரஹீத் || 13
தஸ்யாத்மயோநிரக்ருத பு3த4 இத்யபி4தா4ம் ந்ருப|
பு3த்3த்4யா க3ம்பீ4ரயா யேன புத்ரேணாபோடு3ராண் முத3ம் || 14
தத: புரூரவா ஜஜ்ஞே இளாயாம் ய உதா3ஹ்ருத:|
தஸ்ய ரூபகு3ணௌதா3ர்ய ஶீல த்3ரவிண விக்ரமான் || 15
ஶ்ருத்வோர்வஶீந்த்3ரப4வனே கீ3யமாநான் ஸுரர்ஷிணா|
தத3ந்திகமுபேயாய தே3வீ ஸ்மர ஶரார்தி3தா || 16
மித்ராவருணயோ: ஶாபாதா3பந்நா நரலோகதாம்|
நிஶம்ய புருஷஶ்ரேஷ்ட2ம் கந்த3ர்பமிவ ரூபிணம்|
த்4ருதிம் விஷ்டப்4ய லலநா உபதஸ்தே2 தத3ந்திகே || 17
ஸ தாம் விலோக்ய ந்ருபதிர் ஹர்ஷேணோத்பு2ல்ல லோசன:|
உவாச ஶ்லக்ஷ்ணயா வாசா தே3வீம் ஹ்ருஷ்ட தநூருஹ: || 18
ஶ்ரீராஜோவாச|
ஸ்வாக3தம் தே வராரோஹே ஆஸ்யதாம் கரவாம கிம்|
ஸம்ரமஸ்வ மயா ஸாகம் ரதிர் நௌ ஶாஶ்வதீ: ஸமா: || 19
உர்வஶ்யுவாச|
கஸ்யாஸ்த்வயி ந ஸஜ்ஜேத மநோ த்3ருஷ்டிஶ்ச ஸுந்த3ர|
யத3ங்கா3ந்தர மாஸாத்3ய ச்யவதே ஹ ரிரம்ஸயா || 20
ஏதாவுரணகௌ ராஜன் ந்யாஸௌ ரக்ஷஸ்வ மானத3|
ஸம்ரம்ஸ்யே ப4வதா ஸாகம் ஶ்லாக்4ய: ஸ்த்ரீணாம் வர: ஸ்ம்ருத: || 21
க்4ருதம் மே வீர ப4க்ஷ்யம் ஸ்யாந்நேக்ஷே த்வான்யத்ர மைது2நாத்|
விவாஸஸம் தத் ததே2தி ப்ரதிபேதே3 மஹாமநா: || 22
அஹோ ரூபமஹோ பா4வோ நரலோக விமோஹனம்|
கோ ந ஸேவேத மநுஜோ தே3வீம் த்வாம் ஸ்வயமாக3தாம் || 23
தயா ஸ புருஷஶ்ரேஷ்டோ2 ரமயந்த்யா யதா2ர்ஹத:|
ரேமே ஸுர விஹாரேஷு காமம் சைத்ரரதா2தி3ஷு || 24
ரமமாணஸ் தயா தே3வ்யா பத்3ம கிஞ்ஜல்க க3ந்த4யா|
தன்முகா2மோத3 முஷிதோ முமுதே3ऽஹர்க3ணான் ப3ஹூன் || 25
அபஶ்யந் உர்வஶீமிந்த்3ரோ க3ந்த4ர்வான் ஸமசோத3யத்|
உர்வஶீரஹிதம் மஹ்ய மாஸ்தா2னம் நாதிஶோப4தே || 26
தே உபேத்ய மஹாராத்ரே தமஸி ப்ரத்யுபஸ்தி2தே|
உர்வஶ்யா உரணௌ ஜஹ்ருர் ந்யஸ்தௌ ராஜனி ஜாயயா || 27
நிஶம்யாக்ரந்தி3தம் தே3வீ புத்ரயோர் நீயமானயோ:|
ஹதாஸ்ம்யஹம் குநாதே2ன நபும்ஸா வீரமாநினா || 28
யத்3 விஶ்ரம்பா4த3ஹம் நஷ்டா ஹ்ருதாபத்யா ச த3ஸ்யுபி4:|
ய: ஶேதே நிஶி ஸம்த்ரஸ்தோ யதா2 நாரீ தி3வா புமான் || 29
இதி வாக்ஸாயகைர் வித்3த4: ப்ரதோத்த்ரைரிவ குஞ்ஜர:|
நிஶி நிஸ்த்ரிம்ஶமாதா3ய விவஸ்த்ரோऽப்4யத்3ரவத்3 ருஷா || 30
தே விஸ்ருஜ்யோரணௌ தத்ர வ்யத்3யோதந்த ஸ்ம வித்3யுத:|
ஆதா3ய மேஷாவாயாந்தம் நக்3னமைக்ஷத ஸா பதிம் || 31
ஐலோऽபி ஶயனே ஜாயாமபஶ்யன் விமநா இவ|
தச்சித்தோ விஹ்வல: ஶோசன் ப3ப்4ராமோன்மத்தவன் மஹீம் || 32
ஸ தாம் வீக்ஷ்ய குருக்ஷேத்ரே ஸரஸ்வத்யாம் ச தத்ஸகீ2:|
பஞ்ச ப்ரஹ்ருஷ்ட வத3நா: ப்ராஹ ஸூக்தம் புரூரவா: || 33
அஹோ ஜாயே திஷ்ட2 திஷ்ட2 கோ4ரே ந த்யக்துமர்ஹஸி|
மாம் த்வமத்3யாப்யநிர்வ்ருத்ய வசாம்ஸி க்ருணவாவஹை || 34
ஸுதே3ஹோऽயம் பதத்யத்ர தே3வி தூ3ரம் ஹ்ருதஸ்த்வயா|
கா2த3ந்த்யேனம் வ்ருகா க்3ருத்4ராஸ்த்வத்ப்ரஸாத3ஸ்ய நாஸ்பத3ம் || 35
உர்வஶ்யுவாச|
மா ம்ருதா2: புருஷோऽஸி த்வம் மா ஸ்ம த்வாத்3யுர் வ்ருகா இமே|
க்வாபி ஸக்2யம் ந வை ஸ்த்ரீணாம் வ்ருகாணாம் ஹ்ருத3யம் யதா2 || 36
ஸ்த்ரியோ ஹ்யகருணா: க்ரூரா து3ர்மர்ஷா: ப்ரியஸாஹஸா:|
க்4நந்த்யல்பார்தே2ऽபி விஶ்ரப்3த4ம் பதிம் ப்4ராதரமப்யுத || 37
விதா4யாலீக விஶ்ரம்ப4 மஜ்ஞேஷு த்யக்த ஸௌஹ்ருதா3:|
நவம் நவமபீ4ப்ஸந்த்ய: பும்ஶ்சல்ய: ஸ்வைர வ்ருத்தய: || 38
ஸம்வத்ஸராந்தே ஹி ப4வாநேகராத்ரம் மயேஶ்வர:|
வத்ஸ்யத்யபத்யாநி ச தே ப4விஷ்யந்த்யபராணி போ4: || 39
அந்தர்வத்நீமுபாலக்ஷ்ய தே3வீம் ஸ ப்ரயயௌ புரீம்|
புனஸ் தத்ர க3தோऽப்3தா3ந்தே உர்வஶீம் வீரமாதரம் || 40
உபலப்4ய முதா3 யுக்த: ஸமுவாஸ தயா நிஶாம்|
அதை2ந முர்வஶீ ப்ராஹ க்ருபணம் விரஹாதுரம் || 41
க3ந்த4ர்வாநுபதா4வேமாம்ஸ்துப்4யம் தா3ஸ்யந்தி மாமிதி|
தஸ்ய ஸம்ஸ்துவதஸ் துஷ்டா அக்3நிஸ்தா2லீம் த3து3ர் ந்ருப|
உர்வஶீம் மன்யமானஸ்தாம் ஸோऽபு3த்4யத சரன் வனே || 42
ஸ்தா2லீம் ந்யஸ்ய வனே க3த்வா க்3ருஹாநாத்4யாயதோ நிஶி|
த்ரேதாயாம் ஸம்ப்ரவ்ருத்தாயாம் மனஸி த்ரய்யவர்தத || 43
ஸ்தா2லீஸ்தா2னம் க3தோऽஶ்வத்த2ம் ஶமீக3ர்ப4ம் விலக்ஷ்ய ஸ:|
தேன த்3வே அரணீ க்ருத்வா உர்வஶீலோக காம்யயா || 44
உர்வஶீம் மந்த்ரதோ த்4யாயந்நத4ராரணி முத்தராம்|
ஆத்மானமுப4யோர் மத்4யே யத் தத் ப்ரஜனனம் ப்ரபு4: || 45
தஸ்ய நிர்மந்த2நாஜ்ஜாதோ ஜாதவேதா3 விபா4வஸு:|
த்ரய்யா ஸ வித்3யயா ராஜ்ஞா புத்ரத்வே கல்பிதஸ்த்ரிவ்ருத் || 46
தேந அயஜத யஜ்ஞேஶம் ப4க3வந்தமதோ4க்ஷஜம்|
உர்வஶீலோக மன்விச்ச2ன் ஸர்வதே3வமயம் ஹரிம் || 47
ஏக ஏவ புரா வேத3: ப்ரணவ: ஸர்வவாங்மய:|
தே3வோ நாராயணோ நான்ய ஏகோऽக்3நிர் வர்ண ஏவ ச || 48
புரூரவஸ ஏவாஸீத் த்ரயீ த்ரேதாமுகே2 ந்ருப|
அக்3நிநா ப்ரஜயா ராஜா லோகம் கா3ந்த4ர்வமேயிவான் || 49 ||
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே4 ஐலோபாக்2யானே சதுர்த3ஶோऽத்4யாய: || 14 ||
ஒன்பதாம் ஸ்கந்தம் - பதினான்காம் அத்யாயம் முற்றும்.