ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 13.
ராஜா நிமியின் வம்ச வர்ணனை
அத2 த்ரயோத3ஶோऽத்2யாய:
ஶ்ரீஶுக உவாச|
நிமி ரிக்ஷ்வாகுதனயோ வஸிஷ்ட2 மவ்ருதர்த்விஜம்|
ஆரப்4ய ஸத்ரம் ஸோऽப்யாஹ ஶக்ரேண ப்ராக்3வ்ருதோऽஸ்மி போ4:|| 1
தம் நிர்வர்த்யாக3மிஷ்யாமி தாவன்மாம் ப்ரதிபாலய|
தூஷ்ணீமாஸீத்3 க்3ருஹபதி: ஸோऽபீந்த்3ரஸ்யாகரோன் மக2ம்|| 2
நிமிஶ்சலமித3ம் வித்3வான் ஸத்ரமாரப4தாமாத்மவான்|
ருத்விக்3பி4ரபரைஸ் தாவந்நாக3மத்3 யாவதா கு3ரு:|| 3
ஶிஷ்யவ்யதிக்ரமம் வீக்ஷ்ய நிர்வர்த்ய கு3ருராக3த:|
அஶபத் பததாத்3 தே3ஹோ நிமே: பண்டி3த மானின:|| 4
நிமி: ப்ரதித3தௌ3 ஶாபம் கு3ரவேऽத4ர்மவர்தினே|
தவாபி பததாத்3 தே3ஹோ லோபா4த்3 த4ர்மமஜானத:|| 5
இத்யுத்ஸஸர்ஜ ஸ்வம் தே3ஹம் நிமிரத்4யாத்ம கோவித3:|
மித்ராவருணயோர் ஜஜ்ஞே உர்வஶ்யாம் ப்ரபிதாமஹ:|| 6
க3ந்த4வஸ்துஷு தத்3தே3ஹம் நிதா4ய முனிஸத்தமா:|
ஸமாப்தே ஸத்ரயாகே3ऽத2 தே3வாநூசு: ஸமாக3தான்|| 7
ராஜ்ஞோ ஜீவது தே3ஹோऽயம் ப்ரஸந்நா: ப்ரப4வோ யதி3|
ததே2த்யுக்தே நிமி: ப்ராஹ மா பூ4ன்மே தே3ஹப3ந்த4னம்|| 8
யஸ்ய யோக3ம் ந வாஞ்ச2ந்தி வியோக3 ப4யகாதரா:|
ப4ஜந்தி சரணாம்போ4ஜம் முனயோ ஹரிமேத4ஸ:|| 9
தே3ஹம் நாவருருத்ஸேऽஹம் து3:க2ஶோக ப4யாவஹம்|
ஸர்வத்ராஸ்ய யதோ ம்ருத்யுர் மத்ஸ்யாநா முத3கே யதா2|| 10
தே3வா ஊசு:|
விதே3ஹ உஷ்யதாம் காமம் லோசநேஷு ஶரீரிணாம்|
உன்மேஷண நிமேஷாப்4யாம் லக்ஷிதோऽத்4யாத்ம ஸம்ஸ்தி2த:|| 11
அராஜகப4யம் ந்ரூணாம் மன்யமாநா மஹர்ஷய:|
தே3ஹம் மமந்து2: ஸ்ம நிமே: குமார: ஸமஜாயத|| 12
ஜன்மநா ஜனக: ஸோऽபூ4த்3 வைதே3ஹஸ்து விதே3ஹஜ:|
மிதி2லோ மத2நாஜ்ஜாதோ மிதி2லா யேன நிர்மிதா|| 13
தஸ்மாத் உதா3வஸுஸ்தஸ்ய புத்ரோऽபூ4ந்நந்தி3வர்த4ன:|
தத: ஸுகேதுஸ்தஸ்யாபி தே3வராதோ மஹீபதே|| 14
தஸ்மாத்3 ப்3ருஹத்3ரத2ஸ்தஸ்ய மஹாவீர்ய: ஸுத்4ருத்பிதா|
ஸுஅத்4ருதேர் த்4ருஷ்டகேதுர் வை ஹர்யஶ்வோऽத2 மருஸ்தத:|| 15
மரோ: ப்ரதீபகஸ்தஸ்மாஜ்ஜாத: க்ருதரதோ2 யத:|
தே3வமீட4ஸ்தஸ்ய ஸுதோ விஶ்ருதோऽத2 மஹாத்4ருதி:|| 16
க்ருதிராதஸ் ததஸ்தஸ்மான் மஹாரோமாத2 தத்ஸுத:|
ஸ்வர்ணரோமா ஸுதஸ்தஸ்ய ஹ்ரஸ்வரோமா வ்யஜாயத|| 17
தத: ஸீரத்4வஜோ ஜஜ்ஞே யஜ்ஞார்த2ம் கர்ஷதோ மஹீம்|
ஸீதா ஶீராக்3ரதோ ஜாதா தஸ்மாத் ஸீரத்4வஜ: ஸ்ம்ருத:|| 18
குஶத்4வஜஸ்தஸ்ய புத்ரஸ்ததோ த4ர்மத்4வஜோ ந்ருப:|
த4ர்மத்4வஜஸ்ய த்3வௌ புத்ரௌ க்ருதத்4வஜ மிதத்4வஜௌ|| 19
க்ருதத்4வஜாத் கேஶித்4வஜ: கா2ண்டி3க்யஸ்து மிதத்4வஜாத்|
க்ருதத்4வஜஸுதோ ராஜன் நாத்மவித்3யா விஶாரத3:|| 20
கா2ண்டி3க்ய: கர்மதத்த்வஜ்ஞோ பீ4த: கேஶித்4வஜாத்3 த்3ருத:|
பா4நுமாம்ஸ்தஸ்ய புத்ரோऽபூ4த் ஶதத்3யும்நஸ்து தத்ஸுத:|| 21
ஶுசிஸ்தத்தனயஸ்தஸ்மாத் ஸநத்3வாஜஸ் ததோऽப4வத்|
ஊர்த்4வகேது: ஸநத்3வாஜாத3ஜோऽத2 புருஜித்ஸுத:|| 22
அரிஷ்டநேமிஸ்தஸ்யாபி ஶ்ருதாயுஸ்தத் ஸுபார்ஶ்வக:|
ததஶ்சித்ரரதோ2 யஸ்ய க்ஷேமாதி4ர் மிதி2லாதி4ப:|| 23
தஸ்மாத் ஸமரத2ஸ்தஸ்ய ஸுத: ஸத்யரத2ஸ்தத:|
ஆஸீது3பகு3ருஸ்தஸ்மாது3பகு3ப்தோ ऽக்3நிஸம்ப4வ:|| 24
வஸ்வநந்தோऽத2 தத்புத்ரோ யுயுதோ4 யத் ஸுபா4ஷண:|
ஶ்ருதஸ்ததோ ஜயஸ்தஸ்மாத்3 விஜயோऽஸ்மாத்3 ருத: ஸுத:|| 25
ஶுனகஸ் தத்ஸுதோ ஜஜ்ஞே வீதஹவ்யோ த்4ருதிஸ்தத:|
ப3ஹுலாஶ்வோ த்4ருதேஸ்தஸ்ய க்ருதிரஸ்ய மஹாவஶீ|| 26
ஏதே வை மைதி2லா ராஜந்நாத்மவித்3யா விஶாரதா3:|
யோகே3ஶ்வரப்ரஸாதே3ன த்3வந்த்3வைர் முக்தா க்3ருஹேஷ்வபி|| 27
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே4 நிமிவம்ஶாநுவர்ணனம் நாம த்ரயோத3ஶோऽத்4யாய:|| 13 ||
ஒன்பதாம் ஸ்கந்தம் - பதின்மூன்றாம் அத்யாயம் முற்றும்.