ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 12.
இக்ஷ்வாகு வம்சத்தின் மீதி ராஜாக்களின் வர்ணனை
அத₂ த்வாத₃ஶோऽத்₂யாய:

ஶ்ரீஶுக உவாச|
குஶஸ்ய ச அதிதி₂ஸ்தஸ்மாத் நிஷத₄ஸ்தத்ஸுதோ நப₄:|
புண்ட₃ரீகோऽத₂ தத்புத்ர: க்ஷேமத₄ன்வாப₄வத் தத:|| 1

தே₃வாநீகஸ்ததோऽநீஹ: பாரியாத்ரோऽத₂ தத்ஸுத:|
ததோ ப₃லஸ்த₂லஸ் தஸ்மாத்₃ வஜ்ரநாபோ₄ऽர்கஸம்ப₄வ:|| 2

க₂க₃ணஸ் தத்ஸுதஸ் தஸ்மாத்₃ வித்₄ருதிஶ்சாப₄வத் ஸுத:|
ததோ ஹிரண்யநாபோ₄ऽபூ₄த்₃ யோகா₃சார்யஸ்து ஜைமினே:|| 3

ஶிஷ்ய: கௌஸல்ய ஆத்₄யாத்மம் யாஜ்ஞவல்க்யோऽத்₄யகா₃த்₃ யத:|
யோக₃ம் மஹோத₃யம்ருஷிர் ஹ்ருத₃யக்₃ரந்தி₂ பே₄த₃கம்|| 4

புஷ்யோ ஹிரண்யநாப₄ஸ்ய த்₄ருவஸந்தி₄ஸ்ததோऽப₄வத்|
ஸுத₃ர்ஶநோऽதா₂க்₃நிவர்ண: ஶீக்₄ரஸ்தஸ்ய மரு: ஸுத:|| 5

ஸோऽஸாவாஸ்தே யோக₃ஸித்₃த₄: கலாபக்₃ராம மாஶ்ரித:|
கலேரந்தே ஸூர்யவம்ஶம் நஷ்டம் பா₄வயிதா புன:|| 6

தஸ்மாத் ப்ரஸுஶ்ருதஸ்தஸ்ய ஸந்தி₄ஸ்தஸ்யாப்யமர்ஷண:|
மஹஸ்வாம்ஸ் தத்ஸுதஸ் தஸ்மாத்₃ விஶ்வஸாஹ்வோऽன்வஜாயத|| 7

தத: ப்ரஸேநஜித் தஸ்மாத் தக்ஷகோ ப₄விதா புன:|
ததோ ப்₃ருஹத்₃‍ப₃லோ யஸ்து பித்ரா தே ஸமரே ஹத:|| 8

ஏதே ஹி ஈக்ஷ்வாகுபூ₄பாலா அதீதா: ஶ்ருண்வநாக₃தான்|
ப்₃ருஹத்₃‍ப₃லஸ்ய ப₄விதா புத்ரோ நாம ப்₃ருஹத்₃ரண:|| 9

ஊருக்ரியஸ்ததஸ்தஸ்ய வத்ஸவ்ருத்₃தோ₄ ப₄விஷ்யதி|
ப்ரதிவ்யோமஸ்ததோ பா₄நுர் தி₃வாகோ வாஹிநீபதி:|| 10

ஸஹதே₃வஸ்ததோ வீரோ ப்₃ருஹத₃ஶ்வோऽத₂ பா₄நுமான்|
ப்ரதீகாஶ்வோ பா₄நுமத: ஸுப்ரதீகோऽத₂ தத்ஸுத:|| 11

ப₄விதா மருதே₃வோऽத₂ ஸுநக்ஷத்ரோऽத₂ புஷ்கர:|
தஸ்யாந்தரிக்ஷஸ் தத்புத்ர: ஸுதபாஸ்தத₃மித்ரஜித்|| 12

ப்₃ருஹத்₃ராஜஸ்து தஸ்யாபி ப₃ர்ஹிஸ்தஸ்மாத் க்ருதஞ்ஜய:|
ரணஞ்ஜயஸ்தஸ்ய ஸுத: ஸஞ்ஜயோ ப₄விதா தத:|| 13

தஸ்மாச் சா₂க்யோऽத₂ ஶுத்₃தோ₄தோ₃ லாங்க₃லஸ்தத்ஸுத: ஸ்ம்ருத:|
தத: ப்ரஸேநஜித் தஸ்மாத் க்ஷுத்₃ரகோ ப₄விதா தத:|| 14

ரணகோ ப₄விதா தஸ்மாத் ஸுரத₂ஸ்தனயஸ்தத:|
ஸுமித்ரோ நாம நிஷ்டா₂ந்த ஏதே பா₃ர்ஹத்₃‍ப₃லான்வயா:|| 15

இக்ஷ்வாகூணாமயம் வம்ஶ: ஸுமித்ராந்தோ ப₄விஷ்யதி|
யதஸ்தம் ப்ராப்ய ராஜானம் ஸம்ஸ்தா₂ம் ப்ராப்ஸ்யதி வை கலௌ|| 16

இதி ஶ்ரீமத்₃‍பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே₄ இக்ஷ்வாகு வம்ஶ வர்ணனம் நாம த்₃வாஶோऽத்₄யாய: || 12 ||

ஒன்பதாம் ஸ்கந்தம் - பன்னிரண்டாம் அத்யாயம் முற்றும்.