ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 11.
பகவான் ஸ்ரீராமரின் மீதி லீலைகளின் வர்ணனை
அத2 ஏகாத3ஶோऽத்2யாய:
ஶ்ரீஶுக உவாச|
ப4க3வாநாத்மநாऽऽத்மாநம் ராம உத்தம கல்பகை:|
ஸர்வதே3வமயம் தே3வமீஜே ஆசார்யவான் மகை2:|| 1
ஹோத்ரேऽத3தா3த்3 தி3ஶம் ப்ராசீம் ப்3ரஹ்மணே த3க்ஷிணாம் ப்ரபு4:|
அத்4வர்யவே ப்ரதீசீம் ச உதீ3சீம் ஸாமகா3ய ஸ:|| 2
ஆசார்யாய த3தௌ3 ஶேஷாம் யாவதீ பூ4ஸ்தத3ந்தரா|
மன்யமான இத3ம் க்ருத்ஸ்நம் ப்3ராஹ்மணோऽர்ஹதி நி:ஸ்ப்ருஹ:|| 3
இத்யயம் தத3லங்காரவாஸோப்4யாமவஶேஷித:|
ததா2 ராஜ்ஞ்யபி வைதே3ஹீ ஸௌமங்க3ல்யாவஶேஷிதா|| 4
தே து ப்3ராஹ்மண்யதே3வஸ்ய வாத்ஸல்யம் வீக்ஷ்ய ஸம்ஸ்துதம்|
ப்ரீதா: க்லிந்ந தி4யஸ்தஸ்மை ப்ரத்யர்ப்யேத3ம் ப3பா4ஷிரே|| 5
அப்ரத்தம் நஸ்த்வயா கிம் நு ப4க3வன் பு4வனேஶ்வர|
யந்நோऽந்தர் ஹ்ருத3யம் விஶ்ய தமோ ஹம்ஸி ஸ்வரோசிஷா|| 6
நமோ ப்3ரஹ்மண்யதே3வாய ராமாயாகுண்ட2மேத4ஸே|
உத்தமஶ்லோகது4ர்யாய ந்யஸ்த த3ண்டா3ர்பிதாங்க்4ரயே|| 7
கதா3சில்லோகஜிஜ்ஞாஸுர் கூ3டோ3 ராத்ர்யாமலக்ஷித:|
சரன் வாசோऽஶ்ருணோத்3 ராமோ பா4ர்யாமுத்3தி3ஶ்ய கஸ்யசித்|| 8
நாஹம் பி3ப4ர்மி த்வாம் து3ஷ்டாமஸதீம் பரவேஶ்மகா3ம்|
ஸ்த்ரீலோபீ4 பி3ப்4ருயாத் ஸீதாம் ராமோ நாஹம் ப4ஜே புன:|| 9
இதி லோகாத்3 ப3ஹுமுகா2த்3 து3ராராத்4யாத3ஸம்வித3:|
பத்யா பீ4தேன ஸா த்யக்தா ப்ராப்தா ப்ராசேதஸாஶ்ரமம்|| 10
அந்தர்வத்ன்யாக3தே காலே யமௌ ஸா ஸுஷுவே ஸுதௌ|
குஶோ லவ இதி க்2யாதௌ தயோஶ்சக்ரே க்ரியா முனி:|| 11
அங்க3த3ஶ்சித்ரகேதுஶ்ச லக்ஷ்மணஸ்யாத்மஜௌ ஸ்ம்ருதௌ|
தக்ஷ: புஷ்கல இத்யாஸ்தாம் ப4ரதஸ்ய மஹீபதே|| 12
ஸுபா3ஹு: ஶ்ருதஸேனஶ்ச ஶத்ருக்4நஸ்ய ப3பூ4வது:|
க3ந்த4ர்வான் கோடிஶோ ஜக்4நே ப4ரதோ விஜயே தி3ஶாம்|| 13
ததீ3யம் த4னமாநீய ஸர்வம் ராஜ்ஞே ந்யவேத3யத்|
ஶத்ருக்4னஶ்ச மதோ4: புத்ரம் லவணம் நாம ராக்ஷஸம்|
ஹத்வா மது4வனே சக்ரே மது2ராம் நாம வை புரீம்|| 14
முநௌ நிக்ஷிப்ய தனயௌ ஸீதா ப4ர்த்ரா விவாஸிதா|
த்4யாயந்தீ ராமசரணௌ விவரம் ப்ரவிவேஶ ஹ|| 15
தச்ஶ்ருத்வா ப4க3வான் ராமோ ருந்த4ந்நபி தி4யா ஶுச:|
ஸ்மரம் ஸ்தஸ்யா கு3ணாம் ஸ்தாம்ஸ்தாந் நாஶக்நோத்3 ரோத்3 து4மீஶ்வர:|| 16
ஸ்த்ரீ பும்ப்ரஸங்க3 ஏதாத்3ருக் ஸர்வத்ர த்ராஸமாவஹ:|
அபீஶ்வராணாம் கிமுத க்3ராம்யஸ்ய க்3ருஹசேதஸ:|| 17
தத ஊர்த்4வம் ப்3ரஹ்மசர்யம் தா4ரயந் அஜுஹோத் ப்ரபு4:|
த்ரயோத3ஶாப்3த3 ஸாஹஸ்ர மக்3நிஹோத்ரமக2ண்டி3தம்|| 18
ஸ்மரதாம் ஹ்ருதி3 வின்யஸ்ய வித்3த4ம் த3ண்ட3க கண்டகை:|
ஸ்வபாத3பல்லவம் ராம ஆத்மஜ்யோதிரகா3த் தத:|| 19
நேத3ம் யஶோ ரகு4பதே: ஸுரயாச்ஞயாऽऽத்த-
லீலாதநோரதி4கஸாம்ய விமுக்த தா4ம்ன:|
ரக்ஷோவதோ4 ஜலதி4ப3ந்த4ன மஸ்த்ரபூகை3:
கிம் தஸ்ய ஶத்ருஹனனே கபய: ஸஹாயா:|| 20
யஸ்யாமலம் ந்ருபஸத3ஸ்ஸு யஶோऽது4நாபி
கா3யந்த்யக4க்4நம் ருஷயோ தி3கி3பே4ந்த்3ரபட்டம்|
தம் நாகபால வஸுபால கிரீட ஜுஷ்ட-
பாதா3ம்பு3ஜம் ரகு4பதிம் ஶரணம் ப்ரபத்3யே|| 21
ஸ யை: ஸ்ப்ருஷ்டோऽபி4த்3ருஷ்டோ வா ஸம்விஷ்டோऽநுக3தோऽபி வா|
கோஸலாஸ்தே யயு: ஸ்தா2னம் யத்ர க3ச்ச2ந்தி யோகி3ன:|| 22
புருஷோ ராமசரிதம் ஶ்ரவணை ருபதா4ரயன்|
ஆந்ருஶம்ஸ்யபரோ ராஜன் கர்மப3ந்தை4ர் விமுச்யதே|| 23
ஶ்ரீராஜோவாச|
கத2ம் ஸ ப4க3வான் ராமோ ப்4ராத்ரூன் வா ஸ்வயமாத்மன:|
தஸ்மின் வா தேऽன்வவர்தந்த ப்ரஜா: பௌராஶ்ச ஈஶ்வரே|| 24
ஶ்ரீஶுக உவாச|
அதா2தி3ஶத்3 தி3க்3விஜயே ப்4ராத்ரூன் த்ரிபு4வநேஶ்வர:|
ஆத்மானம் த3ர்ஶயன் ஸ்வாநாம் புரீமைக்ஷத ஸாநுக3:|| 25
ஆஸிக்த மார்கா3ம் க3ந்தோ4தை3: கரிணாம் மத3ஶீகரை:|
ஸ்வாமினம் ப்ராப்தமாலோக்ய மத்தாம் வா ஸுதராமிவ|| 26
ப்ராஸாத3 கோ3புர ஸபா4 சைத்ய தே3வக்3ருஹாதி3ஷு|
வின்யஸ்த ஹேமகலஶை: பதாகாபி4ஶ்ச மண்டி3தாம்|| 27
பூகை3: ஸவ்ருந்தை ரம்பா4பி4: பட்டிகாபி4: ஸுவாஸஸாம்|
ஆத3ர்ஶைரம்ஶுகை: ஸ்ரக்3பி4: க்ருதகௌதுகதோரணாம்|| 28
தமுபேயுஸ்தத்ர தத்ர பௌரா அர்ஹணபாணய:|
ஆஶிஷோ யுயுஜுர் தே3வ பாஹீமாம் ப்ராக் த்வயோத்3 த்4ருதாம்|| 29
தத: ப்ரஜா வீக்ஷ்ய பதிம் சிராக3தம்
தி3த்3ருக்ஷயோத்ஸ்ருஷ்டக்3ருஹா: ஸ்த்ரியோ நரா:|
ஆருஹ்ய ஹர்ம்யாண்யரவிந்த3லோசந-
மத்ருப்த நேத்ரா: குஸுமைரவாகிரன்|| 30
அத2 ப்ரவிஷ்ட: ஸ்வக்3ருஹம் ஜுஷ்டம் ஸ்வை: பூர்வராஜபி4:|
அனந்தாகி2ல கோஷாட்4யமநர்க்4யோரு பரிச்ச2த3ம்|| 31
வித்3ருமோது3ம்ப3ரத்3வாரைர் வைதூ3ர்ய ஸ்தம்ப4பங்க்திபி4:|
ஸ்த2லைர் மாரகதை: ஸ்வச்சை2ர் பா4தஸ்ப2டிக பி4த்திபி4:|| 32
சித்ரஸ்ரக்3பி4: பட்டிகாபி4ர் வாஸோமணிக3ணாம்ஶுகை:|
முக்தாப2லைஶ்சிது3ல்லாஸை: காந்தகாமோப பத்திபி4:|| 33
தூ4பதீ3பை: ஸுரபி4பி4ர் மண்டி3தம் புஷ்பமண்ட3னை:|
ஸ்த்ரீ பும்பி4: ஸுரஸங்காஶைர் ஜுஷ்டம் பூ4ஷண பூ4ஷணை:|| 34
தஸ்மின் ஸ ப4க3வான் ராம: ஸ்நிக்3த4யா ப்ரியயேஷ்டயா|
ரேமே ஸ்வாராமதீ4ராணாம்ருஷப4: ஸீதயா கில|| 35
பு3பு4ஜே ச யதா2காலம் காமான் த4ர்ம மபீட3யன்|
வர்ஷபூகா3ன் ப3ஹூன் ந்ருணாமபி4த்4யாதாங்க்4ரிபல்லவ:|| 36
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே4 ஶ்ரீராமோபாக்2யானே ஏகாத3ஶோऽத்4யாய: || 11 ||
ஒன்பதாம் ஸ்கந்தம் - பதினொன்றாம் அத்யாயம் முற்றும்.