ஶ்ரீமத்பாகவதமஹாபுராணம் :: ஒன்பதாம் ஸ்கந்தம் :: அத்யாயம் 10.
பகவான் ஸ்ரீராமரின் லீலைகளின் வர்ணனை
அத2 த3ஶமோऽத்2யாய:
ஶ்ரீஶுக உவாச
க2ட்வாங்கா3த்3 தீ3ர்க4பா3ஹுஶ்ச ரகு4ஸ்தஸ்மாத் ப்ருது2ஶ்ரவா:|
அஜஸ்ததோ மஹாராஜஸ் தஸ்மாத்3 த3ஶரதோ2ऽப4வத்|| 1
தஸ்யாபி ப4க3வான் ஏஷ ஸாக்ஷாத்3 ப்3ரஹ்மமயோ ஹரி:|
அம்ஶாம்ஶேன சதுர்தா4கா3த் புத்ரத்வம் ப்ரார்தி2த: ஸுரை:|
ராமலக்ஷ்மண ப4ரத ஶத்ருக்4நா இதி ஸம்ஜ்ஞயா|| 2
தஸ்யாநு சரிதம் ராஜன் ந்ருஷிபி4ஸ் தத்த்வ த3ர்ஶிபி4:|
ஶ்ருதம் ஹி வர்ணிதம் பூ4ரி த்வயா ஸீதாபதேர் முஹு:|| 3
கு3ர்வர்தே2 த்யக்தராஜ்யோ வ்யசரத3நுவனம்
பத்3மபத்3ப்4யாம் ப்ரியாயா:|
பாணிஸ்பர்ஶாக்ஷமாப்4யாம் ம்ருஜிதபத2ருஜோ
யோ ஹரீந்த்3ராநுஜாப்4யாம்|
வைரூப்யாச் சூ2ர்பணக்2யா: ப்ரிய விரஹருஷா-
ऽऽரோபித ப்4ரூவிஜ்ரும்ப4|
த்ரஸ்தாப்3தி4ர் ப3த்3த4ஸேது: க2லத3வத3ஹன:
கோஸலேந்த்3ரோऽவதாந் ந:|| 4
விஶ்வாமித்ராத்4வரே யேன மாரீசாத்3யா நிஶாசரா:|
பஶ்யதோ லக்ஷ்மணஸ்யைவ ஹதா நைர்ருத புங்க3வா:|| 5
யோ லோகவீரஸமிதௌ த4நுரைஶமுக்3ரம்
ஸீதாஸ்வயம்வர க்3ருஹே த்ரிஶதோபநீதம்|
ஆதா3ய பா3லக3ஜலீல இவேக்ஷு யஷ்டிம்
ஸஜ்ஜீக்ருதம் ந்ருப விக்ருஷ்ய ப3ப4ஞ்ஜ மத்4யே|| 6
ஜித்வாநுரூப கு3ணஶீலவயோऽங்க3ரூபாம்
ஸீதாபி4தா4ம் ஶ்ரியமுரஸ்யபி4லப்3த4மாநாம்|
மார்கே3 வ்ரஜன் ப்4ருகு3பதேர் வ்யநயத் ப்ரரூட4ம்
த3ர்பம் மஹீமக்ருத யஸ்த்ரிரராஜ பீ3ஜாம்|| 7
ய: ஸத்யபாஶபரிவீத பிதுர்நிதே3ஶம்
ஸ்த்ரைணஸ்ய சாபி ஶிரஸா ஜக்3ருஹே ஸபா4ர்ய:|
ராஜ்யம் ஶ்ரியம் ப்ரணயின: ஸுஹ்ருதோ3 நிவாஸம்
த்யக்த்வா யயௌ வனமஸூநிவ முக்தஸங்க3:|| 8
ரக்ஷ:ஸ்வஸுர் வ்யக்ருத ரூபமஶுத்3த4 பு3த்3தே4:
தஸ்யா: க2ரத்ரிஶிரதூ3ஷணமுக்2ய ப3ந்தூ4ன்|
ஜக்4நே சதுர்த3ஶஸஹஸ்ர மபாரணீய-
கோத3ண்ட3பாணிரடமான உவாஸ க்ருச்ச்2ரம்|| 9
ஸீதாகதா2ஶ்ரவண தீ3பித ஹ்ருச்ச2யேன
ஸ்ருஷ்டம் விலோக்ய ந்ருபதே த3ஶகந்த4ரேண|
ஜக்4நேऽத்3பு4தைணவபுஷா ऽऽஶ்ரமதோऽபக்ருஷ்டோ
மாரீசமாஶு விஶிகே2ன யதா2 கமுக்3ர:|| 10
ரக்ஷோऽத4மேன வ்ருகவத்3 விபிநேऽஸமக்ஷம்
வைதே3ஹராஜது3ஹிதர்யபயாபிதாயாம்|
ப்4ராத்ரா வனே க்ருபணவத் ப்ரியயா வியுக்த:
ஸ்த்ரீஸங்கி3நாம் க3திமிதி ப்ரத2யம்ஶ்சசார|| 11
த3க்3த்4வாऽऽத்மக்ருத்ய ஹதக்ருத்ய மஹன் கப3ந்த4ம்
ஸக்2யம் விதா4ய கபிபி4ர் த3யிதாக3திம் தை:|
பு3த்3த்4வாத2 வாலிநி ஹதே ப்லவகே3ந்த்3ர ஸைன்யை:
வேலாமகா3த் ஸ மநுஜோऽஜப4வார்சிதாங்க்4ரி|| 12
யத்3ரோஷ விப்4ரம விவ்ருத்த கடாக்ஷ பாத-
ஸம்ப்4ராந்த நக்ரமகரோ ப4யகீ3ர்ணகோ4ஷ:|
ஸிந்து4: ஶிரஸ்யர்ஹணம் பரிக்3ருஹ்ய ரூபீ
பாதா3ரவிந்த3முபக3ம்ய ப3பா4ஷ ஏதத்|| 13
ந த்வாம் வயம் ஜட3தி4யோ நு விதா3ம பூ4மன்
கூடஸ்த2மாதி3புருஷம் ஜக3தாமதீ4ஶம்|
யத் ஸத்த்வத: ஸுரக3ணா ரஜஸ: ப்ரஜேஶா
மன்யோஶ்ச பூ4தபதய: ஸ ப4வான் கு3ணேஶ:|| 14
காமம் ப்ரயாஹி ஜஹி விஶ்ரவஸோऽவமேஹம்
த்ரைலோக்ய ராவண மவாப்நுஹி வீர பத்நீம்|
ப3த்4நீஹி ஸேதுமிஹ தே யஶஸோ விதத்யை
கா3யந்தி தி3க்3விஜயிநோ யமுபேத்ய பூ4பா:|| 15
ப3த்3த்4வோத3தௌ4 ரகு4பதிர் விவிதா4த்3ரிகூடை:
ஸேதும் கபீந்த்3ரகரகம்பித பூ4ருஹாங்கை3:|
ஸுக்3ரீவ நீல ஹநுமத்ப்ரமுகை2ரநீகைர்
லங்காம் விபீ4ஷண த்3ருஶாऽऽவிஶத் அக்3ரத3க்3தா4ம்|| 16
ஸா வாநரேந்த்3ர ப3லருத்3த4 விஹார கோஷ்ட2-
ஶ்ரீத்3வார கோ3புர ஸதோ3 வலபீ4விடங்கா|
நிர்ப4ஜ்யமான தி4ஷணத்4வஜ ஹேமகும்ப4-
ஶ்ருங்கா3டகா க3ஜகுலைர் ஹ்ரதி3நீவ கூ4ர்ணா|| 17
ரக்ஷ:பதிஸ் தத3வலோக்ய நிகும்ப4 கும்ப4-
தூ4ம்ராக்ஷ து3ர்முக2 ஸுராந்த நராந்தகாதீ3ன்|
புத்ரம் ப்ரஹஸ்த மதிகாய விகம்பநாதீ3ன்
ஸர்வாநுகா3ன் ஸமஹிநோத3த2 கும்ப4கர்ணம்|| 18
தாம் யாதுதா4ந ப்ருதநாமஸி ஶூல சாப-
ப்ராஸர்ஷ்டி ஶக்தி ஶரதோமர க2ட்3க3து3ர்கா3ம்|
ஸுக்3ரீவ லக்ஷ்மண மருத்ஸுத க3ந்த4மாத3
நீலாங்க3த3ர்க்ஷ பனஸாதி3பி4ரன்விதோऽகா3த்|| 19
தேऽநீகபா ரகு4பதேரபி4பத்ய ஸர்வே
த்3வந்த்3வம் வரூத2 மிப4 பத்தி ரதா2ஶ்வ யோதை4:|
ஜக்4நுர் த்3ருமைர் கி3ரிக3தே3ஷு பி4ரங்க3 தா3த்3யா:
ஸீதாபி4மர்ஶஹதமங்க3ள ராவணேஶான்|| 20
ரக்ஷ: பதி: ஸ்வப3லநஷ்டி மவேக்ஷ்ய ருஷ்ட
ஆருஹ்ய யானகமதா2பி4ஸஸார ராமம்|
ஸ்வ:ஸ்யந்த3னே த்3யுமதி மாதலிநோபநீதே
விப்4ராஜமானமஹநந்நிஶிதை: க்ஷுரப்ரை:|| 21
ராமஸ்தமாஹ புருஷாத3புரீஷ யன்ன:
காந்தாஸமக்ஷமஸதாபஹ்ருதா ஶ்வவத் தே|
த்யக்த த்ரபஸ்ய ப2லமத்3ய ஜுகு3ப்ஸிதஸ்ய
யச்சா2மி கால இவ கர்துரலங்க்4யவீர்ய:|| 22
ஏவம் க்ஷிபன் த4நுஷி ஸம்தி4த முத்ஸஸர்ஜ
பா3ணம் ஸ வஜ்ரமிவ தத்3த்4ருத3யம் பி3பே4த3|
ஸோऽஸ்ருக்3 வமன் த3ஶமுகை2ர் ந்யபதத்3 விமாநாத்
ஹாஹேதி ஜல்பதி ஜனே ஸுக்ருதீவ ரிக்த:|| 23
ததோ நிஷ்க்ரம்ய லங்காயா யாதுதா4ன்ய: ஸஹஸ்ரஶ:|
மந்தோ3த3ர்யா ஸமம் தஸ்மின் ப்ரருத3ந்த்ய உபாத்3ரவன்|| 24
ஸ்வான் ஸ்வான் ப3ந்தூ4ன் பரிஷ்வஜ்ய லக்ஷ்மணேஷுபி4ரர்தி3தான்|
ருருது3: ஸுஸ்வரம் தீ3நா க்4நந்த்ய ஆத்மான மாத்மநா|| 25
ஹா ஹதா: ஸ்ம வயம் நாத2 லோகராவண ராவண|
கம் யாயாச்ச2ரணம் லங்கா த்வத்3விஹீநா பரார்தி3தா|| 26
நைவம் வேத3 மஹாபா4க3 ப4வான் காமவஶம் க3த:|
தேஜோऽநுபா4வம் ஸீதாயா யேன நீதோ த3ஶாமிமாம்|| 27
க்ருதைஷா வித4வா லங்கா வயம் ச குலநந்த3ன|
தே3ஹ: க்ருதோऽன்னம் க்3ருத்4ராணா மாத்மா நரகஹேதவே|| 28
ஶ்ரீஶுக உவாச|
ஸ்வாநாம் விபீ4ஷணஶ்சக்ரே கோஸலேந்த்3ராநு மோதி3த:|
பித்ருமேத4விதா4னேன யது3க்தம் ஸாம்பராயிகம்|| 29
ததோ த3த3ர்ஶ ப4க3வாநஶோகவநிகாஶ்ரமே|
க்ஷாமாம் ஸ்வவிரஹவ்யாதி4ம் ஶிம்ஶபா மூலமாஸ்தி2தாம்|| 30
ராம: ப்ரியதமாம் பா4ர்யாம் தீ3நாம் வீக்ஷ்யான்வகம்பத|
ஆத்ம ஸம்த3ர்ஶநாஹ்லாத3விகஸன்முக2 பங்கஜாம்|| 31
ஆரோப்யாருருஹே யானம் ப்4ராத்ருப்4யாம் ஹநுமத்3யுத:|
விபீ4ஷணாய ப4க3வான் த3த்த்வா ரக்ஷோக3ணேஶதாம்|| 32
லம்காமாயுஶ்ச கல்பாந்தம் யயௌ சீர்ணவ்ரத: புரீம்|
அவகீர்யமாண: குஸுமைர் லோகபாலார்பிதை: பதி2|| 33
உபகீ3யமானசரித: ஶதத்4ருத்யாதி3பி4ர் முதா3|
கோ3மூத்ரயாவகம் ஶ்ருத்வா ப்4ராதரம் வல்கலாம்ப3ரம்|| 34
மஹாகாருணிகோऽதப்யஜ்ஜடிலம் ஸ்த2ண்டி3லேஶயம்|
ப4ரத: ப்ராப்தமாகர்ண்ய பௌராமாத்ய புரோஹிதை:|| 35
பாது3கே ஶிரஸி ந்யஸ்ய ராமம் ப்ரத்யுத்3யதோऽக்3ரஜம்|
நந்தி3க்3ராமாத் ஸ்வஶிபி3ராத்3 கீ3தவாதி3த்ர நி:ஸ்வனை:|| 36
ப்3ரஹ்மகோ4ஷேண ச முஹு: பட2த்3பி4ர் ப்3ரஹ்மவாதி3பி4:|
ஸ்வர்ணகக்ஷ பதாகாபி4ர் ஹைமைஶ் சித்ரத்4வஜை ரதை2:|| 37
ஸத3ஶ்வை ருக்மஸந்நாஹைர் ப4டை: புரடவர்மபி4:|
ஶ்ரேணீபி4ர் வார முக்2யாபி4ர் ப்4ருத்யைஶ்சைவ பதா3நுகை3:|| 38
பாரமேஷ்ட்2யான்யுபாதா3ய பண்யான்யுச்சாவசாநி ச|
பாத3யோர் ந்யபதத் ப்ரேம்ணா ப்ரக்லிந்ந ஹ்ருத3யேக்ஷண:|| 39
பாது3கே ந்யஸ்ய புரத: ப்ராஞ்ஜலிர் வாஷ்பலோசன:|
தமாஶ்லிஷ்ய சிரம் தோ3ர்ப்4யாம் ஸ்நாபயன் நேத்ரஜைர்ஜலை:|| 40
ராமோ லக்ஷ்மண ஸீதாப்4யாம் விப்ரேப்4யோ யேऽர்ஹஸத்தமா:|
தேப்4ய: ஸ்வயம் நமஶ்சக்ரே ப்ரஜாபி4ஶ்ச நமஸ்க்ருத:|| 41
து4ந்வந்த உத்தராஸங்கா3ன் பதிம் வீக்ஷ்ய சிராக3தம்|
உத்தரா: கோஸலா மால்யை: கிரந்தோ நந்ருதுர்முதா3|| 42
பாது3கே ப4ரதோऽக்3ருஹ்ணாச் சாமர வ்யஜனோத்தமே|
விபீ4ஷண: ஸஸுக்3ரீவ: ஶ்வேதச் ச2த்ரம் மருத்ஸுத:|| 43
த4நுர் நிஷங்கா3ன் ஶத்ருக்4ன: ஸீதா தீர்த2 கமண்ட3லும்|
அபி3ப்4ரத3ங்க3த3: க2ட்3க3ம் ஹைமம் சர்மர்க்ஷராண் ந்ருப|| 44
புஷ்பகஸ்தோ2ऽன்வித: ஸ்த்ரீபி4: ஸ்தூயமானஶ்ச வந்தி3பி4:|
விரேஜே ப4க3வான் ராஜன் க்3ரஹைஶ்சந்த்3ர இவோதி3த:|| 45
ப்4ராத்ருபி4ர் நந்தி3த: ஸோऽபி ஸோத்ஸவாம் ப்ராவிஶத் புரீம்|
ப்ரவிஶ்ய ராஜப4வனம் கு3ருபத்நீ: ஸ்வமாதரம்|| 46
கு3ரூன் வயஸ்யாவரஜான் பூஜித: ப்ரத்யபூஜயத்|
வைதே3ஹீ லக்ஷ்மணஶ்சைவ யதா2வத் ஸமுபேயது:|| 47
புத்ரான் ஸ்வமாதரஸ்தாஸ்து ப்ராணாம்ஸ்தன்வ இவோத்தி2தா:|
ஆரோப்யாங்கேऽபி4ஷிஞ்சந்த்யோ பா3ஷ்பௌகை4ர் விஜஹு: ஶுச:|| 48
ஜடா நிர்முச்ய விதி4வத் குலவ்ருத்3தை4: ஸமம் கு3ரு:|
அப்4யஷிஞ்சத்3 யதை2வேந்த்3ரம் சது:ஸிந்து4 ஜலாதி3பி4:|| 49
ஏவம் க்ருதஶிர:ஸ்நாந: ஸுவாஸா: ஸ்ரக்3வ்யலங்க்ருத:|
ஸ்வலங்க்ருதை: ஸுவாஸோபி4ர் ப்4ராத்ருபி4ர் பா4ர்யயா ப3பௌ4|| 50
அக்3ரஹீதா3ஸநம் ப்4ராத்ரா ப்ரணிபத்ய ப்ரஸாதி3த:|
ப்ரஜா: ஸ்வத4ர்மநிரதா வர்ணாஶ்ரம கு3ணான்விதா:|
ஜுகோ3ப பித்ருவத்3 ராமோ மேநிரே பிதரம் ச தம்|| 51
த்ரேதாயாம் வர்தமாநாயாம் கால: க்ருதஸமோऽப4வத்|
ராமே ராஜநி த4ர்மஜ்ஞே ஸர்வபூ4த ஸுகா2வஹே|| 52
வநாநி நத்3யோ கி3ரயோ வர்ஷாணி த்3வீபஸிந்த4வ:|
ஸர்வே காமது3கா4 ஆஸன் ப்ரஜாநாம் ப4ரதர்ஷப4|| 53
நாதி4வ்யாதி4ஜராக்3லாநி து3:க2 ஶோக ப4யக்லமா:|
ம்ருத்யுஶ்சாநிச்ச2தாம் நாஸீத்3 ராமே ராஜன்யதோ4க்ஷஜே|| 54
ஏக பத்நீவ்ரதத4ரோ ராஜர்ஷி சரித: ஶுசி:|
ஸ்வத4ர்மம் க்3ருஹமேதீ4யம் ஶிக்ஷயன் ஸ்வயமாசரத்|| 55
ப்ரேம்ணாநுவ்ருத்த்யா ஶீலேன ப்ரஶ்ரயாவனதா ஸதீ|
தி4யா ஹ்ரியா ச பா4வஜ்ஞா ப4ர்து: ஸீதாஹரன் மன:|| 56
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் நவமஸ்கந்தே4 ராமசரிதே த3ஶமோऽத்4யாய: || 10 ||
ஒன்பதாம் ஸ்கந்தம் - பத்தாம் அத்யாயம் முற்றும்.