ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 20.
பகவான் வாமனர் விராட ரூபமெடுத்து இரண்டடிகளால் பூமியையும் ஸ்வர்க்கத்தையும் அளத்தல்
அத2 விம்ஶோऽத்2யாய:
ஶ்ரீஶுக உவாச -
ப3லிரேவம் க்3ருஹபதி: குலாசார்யேண பா4ஷித:|
தூஷ்ணீம் பூ4த்வா க்ஷணம் ராஜன் உவாசாவஹிதோ கு3ரும்|| 1
ஶ்ரீப3லிருவாச -
ஸத்யம் ப4க3வதா ப்ரோக்தம் த4ர்மோऽயம் க்3ருஹமேதி4நாம்|
அர்த2ம் காமம் யஶோ வ்ருத்திம் யோ ந பா3தே4த கர்ஹிசித்|| 2
ஸ சாஹம் வித்தலோபே4ன ப்ரத்யாசக்ஷே கத2ம் த்3விஜம்|
ப்ரதிஶ்ருத்ய த3தா3மீதி ப்ராஹ்ராதி3: கிதவோ யதா2|| 3
ந ஹ்யஸத்யாத் பரோऽத4ர்ம இதி ஹோவாச பூ4ரியம்|
ஸர்வம் ஸோடு4மலம் மன்யே ருதேऽலீகபரம் நரம்|| 4
நாஹம் பி3பே4மி நிரயாந்நாத4ன்யாத3ஸுகா2ர்ணவாத்|
ந ஸ்தா2நச்யவநான் ம்ருத்யோர் யதா2 விப்ரப்ரலம்ப4நாத்|| 5
யத்3 யத்3தா4ஸ்யதி லோகேऽஸ்மின் ஸம்பரேதம் த4நாதி3கம்|
தஸ்ய த்யாகே3 நிமித்தம் கிம் விப்ரஸ்துஷ்யேன்ன தேன சேத்|| 6
ஶ்ரேய: குர்வந்தி பூ4தாநாம் ஸாத4வோ து3ஸ்த்யஜாஸுபி4:|
த3த்4யங்க3ஶிபி3 ப்ரப்4ருதய: கோ விகல்போ த4ராதி3ஷு|| 7
யைரியம் பு3பு4ஜே ப்3ரஹ்மன் தை3த்யேந்த்3ரைரநிவர்திபி4:|
தேஷாம் காலோऽக்3ரஸீல்லோகான் ந யஶோऽதி4க3தம் பு4வி|| 8
ஸுலபா4 யுதி4 விப்ரர்ஷே ஹ்யநிவ்ருத்தாஸ்தநுத்யஜ:|
ந ததா2 தீர்த2 ஆயாதே ஶ்ரத்3த4யா யே த4னத்யஜ:|| 9
மனஸ்வின: காருணிகஸ்ய ஶோப4னம்
யத3ர்தி2காமோபநயேன து3ர்க3தி:|
குத: புனர் ப்3ரஹ்மவிதா3ம் ப4வாத்3ருஶாம்
ததோ வடோரஸ்ய த3தா3மி வாஞ்சி2தம்|| 10
யஜந்தி யஜ்ஞக்ரதுபி4ர் யமாத்3ருதா
ப4வந்த ஆம்நாய விதா4ந கோவிதா3:|
ஸ ஏவ விஷ்ணுர் வரதோ3ऽஸ்து வா பரோ
தா3ஸ்யாம்யமுஷ்மை க்ஷிதிமீப்ஸிதாம் முனே|| 11
யத்3யபஸாவ த4ர்மேண மாம் ப3த்4நீயாத3நாக3ஸம்|
ததா2ப்யேனம் ந ஹிம்ஸிஷ்யே பீ4தம் ப்3ரஹ்மதநும் ரிபும்|| 12
ஏஷ வா உத்தமஶ்லோகோ ந ஜிஹாஸதி யத்3 யஶ:|
ஹத்வா மைநாம் ஹரேத்3 யுத்3தே4 ஶயீத நிஹதோ மயா|| 13
ஶ்ரீஶுக உவாச -
ஏவமஶ்ரத்3தி4தம் ஶிஷ்யமநாதே3ஶகரம் கு3ரு:|
ஶஶாப தை3வப்ரஹித: ஸத்யஸந்த4ம் மனஸ்வினம்|| 14
த்3ருட4ம் பண்டி3தமானீ அஜ்ஞ: ஸ்தப்3தோ4ऽஸ்யஸ்மது3பேக்ஷயா|
மச்சா2ஸநாதிகோ3 யஸ்த்வமசிராத்3 ப்4ரஶ்யஸே ஶ்ரிய:|| 15
ஏவம் ஶப்த: ஸ்வகு3ருணா ஸத்யாந்ந சலிதோ மஹான்|
வாமநாய த3தா3வேநாம் அர்சித்வோத3க பூர்வகம்|| 16
விந்த்4யாவளிஸ்ததா3 ऽऽக3த்ய பத்நீ ஜாலகமாலிநீ|
ஆநின்யே கலஶம் ஹைமமவனேஜன்யபாம் ப்4ருதம்|| 17
யஜமான: ஸ்வயம் தஸ்ய ஶ்ரீமத் பாத3யுக3ம் முதா3|
அவநிஜ்யாவஹன் மூர்த்4நி தத3போ விஶ்வபாவனீ:|| 18
ததா3ऽஸுரேந்த்3ரம் தி3வி தே3வதாக3ணா
க3ந்த4ர்வ வித்3யாத4ரஸித்3த4 சாரணா:|
தத் கர்ம ஸர்வேऽபி க்3ருணந்த ஆர்ஜவம்
ப்ரஸூன வர்ஷைர் வவ்ருஷுர் முதா3ன்விதா:|| 19
நேது3ர் முஹுர் து3ந்து3ப4ய: ஸஹஸ்ரஶோ
க3ந்த4ர்வ கிம்பூருஷ கிந்நரா ஜகு3:|
மனஸ்விநானேன க்ருதம் ஸுது3ஷ்கரம்
வித்3வானதா3த்3 யத்3 ரிபவே ஜக3த்த்ரயம்|| 20
தத்3 வாமனம் ரூபமவர்த4தாத்3பு4தம்
ஹரேரனந்தஸ்ய கு3ணத்ரயாத்மகம்|
பூ4: க2ம் தி3ஶோ த்3யௌர் விவரா: பயோத4ய:
திர்யங் ந்ரு தே3வா ருஷயோ யதா3ஸத|| 21
காயே ப3லிஸ்தஸ்ய மஹாவிபூ4தே:
ஸஹர்த்விகா3சார்யஸத3ஸ்ய ஏதத்|
த3த3ர்ஶ விஶ்வம் த்ரிகு3ணம் கு3ணாத்மகே
பூ4தேந்த்3ரியார்தா2ஶய ஜீவயுக்தம்|| 22
ரஸாமசஷ்டாங்க்4ரிதலேऽத2 பாத3யோ:
மஹீம் மஹீத்4ரான் புருஷஸ்ய ஜங்க4யோ:|
பதத்த்ரிணோ ஜாநுநி விஶ்வமூர்தே-
ரூர்வோர்க3ணம் மாருத மிந்த்3ரஸேந:|| 23
ஸந்த்4யாம் விபோ4ர்வாஸஸி கு3ஹ்ய ஐக்ஷத்
ப்ரஜாபதீன்ஜக4னே ஆத்மமுக்2யான்|
நாப்4யாம் நப4: குக்ஷிஷு ஸப்தஸிந்தூ4-
நுருக்ரமஸ்யோரஸி சர்க்ஷமாலாம்|| 24
ஹ்ருத்3யங்க3 த4ர்மம் ஸ்தனயோர்முராரேர்
ருதம் ச ஸத்யம் ச மனஸ்யதே2ந்து3ம்|
ஶ்ரியம் ச வக்ஷஸ்யரவிந்த3ஹஸ்தாம்
கண்டே2 ச ஸாமானி ஸமஸ்தரேபா2ன்|| 25
இந்த்3ர ப்ரதா4நாநமரான் பு4ஜேஷு
தத்கர்ணயோ: ககுபோ4 த்3யௌஶ்ச மூர்த்4நி|
கேஶேஷு மேகா4ஞ்ச்2வஸனம் நாஸிகாயாம்
அக்ஷ்ணோஶ்ச ஸூர்யம் வத3னே ச வஹ்நிம்|| 26
வாண்யாம் ச ச2ந்தா3ம்ஸி ரஸே ஜலேஶம்
ப்4ருவோர்நிஷேத4ம் ச விதி4ம் ச பக்ஷ்மஸு|
அஹஶ்ச ராத்ரிம் ச பரஸ்ய பும்ஸோ
மன்யும் லலாடேऽத4ர ஏவ லோப4ம்|| 27
ஸ்பர்ஶே ச காமம் ந்ருப ரேதஸாம்ப4:
ப்ருஷ்டே2 த்வத4ர்மம் க்ரமணேஷு யஜ்ஞம்|
சா2யாஸு ம்ருத்யும் ஹஸிதே ச மாயாம்
தநூருஹேஷ்வோஷதி4 ஜாதயஶ்ச|| 28
நதீ3ஶ்ச நாடீ3ஷு ஶிலா நகே2ஷு
பு3த்3தா4வஜம் தே3வக3ணாந் ருஷீம்ஶ்ச|
ப்ராணேஷு கா3த்ரே ஸ்தி2ரஜம்க3மானி
ஸர்வாணி பூ4தாநி த3த3ர்ஶ வீர:|| 29
ஸர்வாத்மநீத3ம் பு4வனம் நிரீக்ஷ்ய
ஸர்வேऽஸுரா: கஶ்மலமாபுரங்க3|
ஸுத3ர்ஶனம் சக்ரமஸஹ்யதேஜோ
த4நுஶ்ச ஶார்ங்க3ம் ஸ்தனயித்நுகோ4ஷம்|| 30
பர்ஜன்ய கோ4ஷோ ஜலஜ: பாஞ்சஜன்ய:
கௌமோத3கீ விஷ்ணுக3தா3 தரஸ்விநீ|
வித்3யாத4ரோऽஸி: ஶதசந்த்3ரயுக்தஸ்
தூணோத்தமா வக்ஷயஸாயகௌ ச|| 31
ஸுநந்த3முக்2யா உபதஸ்து2ரீஶம்
பார்ஷத3 முக்2யா: ஸஹலோகபாலா:|
ஸ்பு2ரத்கிரீடாங்க3த3 மீனகுண்ட3ல-
ஶ்ரீவத்ஸ ரத்நோத்தம மேக2லாம்ப3ரை:|| 32
மது4வ்ரதஸ்ரக்3 வனமாலயா வ்ருதோ
ரராஜ ராஜன் ப4க3வான் உருக்ரம:|
க்ஷிதிம் பதை3கேன ப3லேர் விசக்ரமே
நப4: ஶரீரேண தி3ஶஶ்ச பா3ஹுபி4:|| 33
பத3ம் த்3விதீயம் க்ரமத ஸ்த்ரிவிஷ்டபம்
ந வை த்ருதீயாய ததீ3யமண்வபி|
உருக்ரமஸ்யாங்க்4ரி ருபர்யுபர்யதோ2
மஹர் ஜநாப்4யாம் தபஸ: பரம் க3த:|| 34
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் அஷ்டமஸ்கந்தே4 விஶ்வரூபத3ர்ஶநம் நாம விம்ஶோऽத்4யாய:|| 20 ||
எட்டாம் ஸ்கந்தம் - இருபதாம் அத்யாயம் முற்றும்.