ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 21.
பகவான் பலியைப் பந்தப்படுத்துதல்
அத₂ ஏகவிம்ஶோऽத்₂யாய:

ஶ்ரீஶுக உவாச -
ஸத்யம் ஸமீக்ஷ்யாப்₃ஜப₄வோ நகே₂ந்து₃பி₄ர்
      ஹதஸ்வதா₄மத்₃யுதிராவ்ருதோऽப்₄யகா₃த்|
மரீசிமிஶ்ரா ருஷயோ ப்₃ருஹத்₃வ்ரதா:
      ஸநந்த₃நாத்₃யா நரதே₃வ யோகி₃ன:|| 1

வேதோ₃பவேதா₃ நியமான்விதா யமா:
      தர்கேதிஹாஸாங்க₃ புராண ஸம்ஹிதா:|
யே சாபரே யோக₃ஸமீர தீ₃பித
      ஜ்ஞாநாக்₃நிநா ரந்தி₄தகர்மகல்மஷா:|
வவந்தி₃ரே யத்ஸ்மரணாநுபா₄வத:
      ஸ்வாயம்பு₄வம் தா₄ம க₃தா அகர்மகம்|| 2

அதா₂ங்க்₄ரயே ப்ரோந்நமிதாய விஷ்ணோ-
      ருபாஹரத் பத்₃மப₄வோऽர்ஹணோத₃கம்|
ஸமர்ச்ய ப₄க்த்யாப்₄யக்₃ருணாத் ஶுசிஶ்ரவா-
      யந்நாபி₄ பங்கேருஹஸம்ப₄வ: ஸ்வயம்|| 3

தா₄து: கமண்ட₃லு ஜலம் தது₃ருக்ரமஸ்ய
      பாதா₃வநேஜன பவித்ரதயா நரேந்த்₃ர|
ஸ்வர்து₄ன்யபூ₄ந் நப₄ஸி ஸா பததீ நிமார்ஷ்டி
      லோகத்ரயம் ப₄க₃வதோ விஶதே₃வ கீர்தி:|| 4

ப்₃ரஹ்மாத₃யோ லோகநாதா₂: ஸ்வநாதா₂ய ஸமாத்₃ருதா:|
ஸாநுகா₃ ப₃லிமாஜஹ்ரு: ஸம்க்ஷிப்தாத்ம விபூ₄தயே|| 5

தோயை: ஸமர்ஹணை: ஸ்ரக்₃பி₄ர் தி₃வ்யக₃ந்தா₄நுலேபனை:|
தூ₄பைர் தீ₃பை: ஸுரபி₄பி₄ர் லாஜாக்ஷத ப₂லாங்குரை:|| 6

ஸ்தவனைர் ஜயஶப்₃தை₃ஶ்ச தத்₃வீர்ய மஹிமாங்கிதை:|
ந்ருத்ய வாதி₃த்ர கீ₃தைஶ்ச ஶங்க₂து₃ந்து₃பி₄ நி:ஸ்வனை:|| 7

ஜாம்ப₃வாந் ருக்ஷராஜஸ்து பே₄ரீஶப்₃தை₃ர் மநோஜவ:|
விஜயம் தி₃க்ஷு ஸர்வாஸு மஹோத்ஸவமகோ₄ஷயத்|| 8

மஹீம் ஸர்வாம் ஹ்ருதாம் த்₃ருஷ்ட்வா த்ரிபத₃வ்யாஜயாஞ்சயா|
ஊசு: ஸ்வப₄ர்துரஸுரா தீ₃க்ஷிதஸ்யாத்யமர்ஷிதா:|| 9

ந வா அயம் ப்₃ரஹ்மப₃ந்து₄ர் விஷ்ணுர் மாயாவிநாம் வர:|
த்₃விஜரூப ப்ரதிச்ச₂ந்நோ தே₃வகார்யம் சிகீர்ஷதி|| 10

அனேன யாசமானேன ஶத்ருணா வடுரூபிணா|
ஸர்வஸ்வம் நோ ஹ்ருதம் ப₄ர்துர் ந்யஸ்த த₃ண்ட₃ஸ்ய ப₃ர்ஹிஷி|| 11

ஸத்யவ்ரதஸ்ய ஸததம் தீ₃க்ஷிதஸ்ய விஶேஷத:|
நாந்ருதம் பா₄ஷிதும் ஶக்யம் ப்₃ரஹ்மண்யஸ்ய த₃யாவத:|| 12

தஸ்மாத₃ஸ்ய வதோ₄ த₄ர்மோ ப₄ர்து: ஶுஶ்ரூஷணம் ச ந:|
இத்யாயுதா₄நி ஜக்₃ருஹுர் ப₃லேரநுசராஸுரா:|| 13

தே ஸர்வே வாமனம் ஹந்தும் ஶூலபட்டிஶபாணய:|
அநிச்ச₂ந்தோ ப₃லே ராஜன் ப்ராத்₃ரவன்ஜாத மன்யவ:|| 14

தாநபி₄த்₃ரவதோ த்₃ருஷ்ட்வா தி₃திஜாநீகபான் ந்ருப|
ப்ரஹஸ்யாநுசரா விஷ்ணோ: ப்ரத்யஷேத₄ன்நுதா₃யுதா₄:|| 15

நந்த₃: ஸுநந்தோ₃ऽத₂ ஜயோ விஜய: ப்ரப₃லோ ப₃ல:|
குமுத₃: குமுதா₃க்ஷஶ்ச விஷ்வக்ஸேந: பதத்த்ரிராட்|| 16

ஜயந்த: ஶ்ருததே₃வஶ்ச புஷ்பத₃ந்தோऽத₂ ஸாத்வத:|
ஸர்வே நாகா₃யுதப்ராணாஶ்சமூம் தே ஜக்₄நுராஸுரீம்|| 17

ஹன்யமாநான் ஸ்வகான் த்₃ருஷ்ட்வா புருஷாநுசரைர் ப₃லி:|
வாரயாமாஸ ஸம்ரப்₃தா₄ன் காவ்ய ஶாப மநுஸ்மரன்|| 18

ஹே விப்ரசித்தே ஹே ராஹோ ஹே நேமே ஶ்ரூயதாம் வச:|
மா யுத்₄யத நிவர்தத்₄வம் ந ந: காலோऽயமர்த₂க்ருத்|| 19

ய: ப்ரபு₄: ஸர்வபூ₄தாநாம் ஸுக₂து₃:கோ₂பபத்தயே|
தம் நாதிவர்திதும் தை₃த்யா: பௌருஷைரீஶ்வர: புமான்|| 20

யோ நோ ப₄வாய ப்ராகா₃ஸீத₃ப₄வாய தி₃வௌகஸாம்|
ஸ ஏவ ப₄க₃வாநத்₃ய வர்ததே தத்₃விபர்யயம்|| 21

ப₃லேன ஸசிவைர் பு₃த்₃த்₄யா து₃ர்கை₃ர் மந்த்ரௌஷதா₄தி₃பி₄:|
ஸாமாதி₃பி₄ருபாயைஶ்ச காலம் நாத்யேதி வை ஜந:|| 22

ப₄வத்₃பி₄ர் நிர்ஜிதா ஹ்யேதே ப₃ஹுஶோऽநுசரா ஹரே:|
தை₃வேநர்த்₃தை₄ஸ்த ஏவாத்₃ய யுதி₄ ஜித்வா நத₃ந்தி ந:|| 23

ஏதான் வயம் விஜேஷ்யாமோ யதி₃ தை₃வம் ப்ரஸீத₃தி|
தஸ்மாத் காலம் ப்ரதீக்ஷத்₄வம் யோ நோऽர்த₂த்வாய கல்பதே|| 24

ஶ்ரீஶுக உவாச|
பத்யுர் நிக₃தி₃தம் ஶ்ருத்வா தை₃த்யதா₃னவ யூத₂பா:|
ரஸாம் நிவிவிஶூ ராஜன் விஷ்ணுபார்ஷத₃ தாடி₃தா:|| 25

அத₂ தார்க்ஷ்யஸுதோ ஜ்ஞாத்வா விராட் ப்ரபு₄ சிகீர்ஷிதம்|
ப₃ப₃ந்த₄ வாருணை: பாஶைர் ப₃லிம் ஸூத்யே ऽஹநி க்ரதௌ|| 26

ஹாஹாகாரோ மஹாநாஸீத்₃ ரோத₃ஸ்யோ: ஸர்வதோதி₃ஶம்|
க்₃ருஹ்யமாணேऽஸுரபதௌ விஷ்ணுனா ப்ரப₄விஷ்ணுனா|| 27

தம் ப₃த்₃த₄ம் வாருணை: பாஶைர் ப₄க₃வாநாஹ வாமன:|
நஷ்டஶ்ரியம் ஸ்தி₂ரப்ரஜ்ஞ முதா₃ரயஶஸம் ந்ருப|| 28

பதா₃னி த்ரீணி த₃த்தாநி பூ₄மேர் மஹ்யம் த்வயாஸுர|
த்₃வாப்₄யாம் க்ராந்தா மஹீ ஸர்வா த்ருதீயம் உபகல்பய|| 29

யாவத் தபத்யஸௌ கோ₃பி₄ர் யாவதி₃ந்து₃: ஸஹோடு₃பி₄:|
யாவத்₃ வர்ஷதி பர்ஜன்யஸ் தாவதீ பூ₄ரியம் தவ|| 30

பதை₃கேன மயா க்ராந்தோ பூ₄ர்லோக: க₂ம் தி₃ஶஸ்தநோ:|
ஸ்வர்லோகஸ்து த்₃விதீயேன பஶ்யதஸ்தே ஸ்வமாத்மநா|| 31

ப்ரதிஶ்ருத மதா₃துஸ்தே நிரயே வாஸ இஷ்யதே|
விஶ த்வம் நிரயம் தஸ்மாத்₃ கு₃ருணா சாநுமோதி₃த:|| 32

வ்ருதா₂ மநோரத₂ஸ்தஸ்ய தூ₃ரே ஸ்வர்க₃: பதத்யத₄:|
ப்ரதிஶ்ருதஸ்யாதா₃னேன யோऽர்தி₂னம் விப்ரலம்ப₄தே|| 33

விப்ரலப்₃தோ₄ த₃தா₃மீதி த்வயாஹம் சாட்₄யமானினா|
தத்₃ வ்யலீக ப₂லம் பு₄ங்க்ஷ்வ நிரயம் கதிசித் ஸமா:|| 34

இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாமஷ்டமஸ்கந்தே₄ வாமன ப்ராது₃ர்பா₄வே ப₃லி நிக்₃ரஹோ நாம ஏகவிம்ஶோऽத்₄யாய:|| 21

எட்டாம் ஸ்கந்தம் - இருபத்தொன்றாம் அத்யாயம் முற்றும்.