ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 2.
முதலை கஜேந்திரனைப் பிடித்தல்
அத2 த்3விதீயோऽத்2யாய:
ஶ்ரீஶுக உவாச -
ஆஸீத்3 கி3ரிவரோ ராஜம்ஸ்த்ரிகூட இதி விஶ்ருத: |
க்ஷீரோதே3நாவ்ருத: ஶ்ரீமான் யோஜநாயுதமுச்ச்2ரித:|| 1
தாவதா விஸ்த்ருத: பர்யக் த்ரிபி4: ஶ்ருங்கை3: பயோநிதி4ம் |
தி3ஶ: க2ம் ரோசயந்நாஸ்தே ரௌப்யாயஸ ஹிரண்மயை:|| 2
அன்யைஶ்ச ககுப4: ஸர்வா ரத்ந தா4து விசித்ரிதை: |
நாநாத்3ருமலதா கு3ல்மைர் நிர்கோ4ஷைர் நிர்ஜ2ராம்ப4ஸாம்|| 3
ஸ சாவநிஜ்யமானாங்க்4ரி: ஸமந்தாத் பயஊர்மிபி4: |
கரோதி ஶ்யாமலாம் பூ4மிம் ஹரின்மரகதாஶ்மபி4:|| 4
ஸித்3த4 சாரண க3ந்த4ர்வ வித்3யாத4ர மஹோரகை3: |
கின்னரை ரப்ஸரோபி4ஶ்ச க்ரீட3த்3பி4ர் ஜுஷ்ட கந்த3ர:|| 5
யத்ர ஸங்கீ3த ஸந்நாதை3ர் நத3த்3 கு3ஹமமர்ஷயா |
அபி4க3ர்ஜந்தி ஹரய: ஶ்லாகி4ன: பரஶம்கயா|| 6
நாநாரண்ய பஶுவ்ராத ஸங்குல த்3ரோண்யலம்க்ருத: |
சித்ரத்3ரும ஸுரோத்3யான கலகண்ட2 விஹங்க3ம:|| 7
ஸரித்ஸரோபி4ரச்சோ2தை3: புலினைர் மணிவாலுகை: |
தே3வஸ்த்ரீமஜ்ஜநாமோத3 ஸௌரபா4ம்ப்3வநிலைர் யுத:|| 8
தஸ்ய த்3ரோண்யாம் ப4க3வதோ வருணஸ்ய மஹாத்மன: |
உத்3யானம் ருதுமந்நாம ஆக்ரீட3ம் ஸுரயோஷிதாம்|| 9
ஸர்வதோऽலம்க்ருதம் தி3வ்யைர் நித்யம் புஷ்பப2லத்3ருமை: |
மந்தா3ரை: பாரிஜாதைஶ்ச பாடலாஶோக சம்பகை:|| 10
சூதை: ப்ரியாலை: பனஸைராம்ரைராம்ராதகைரபி |
க்ரமுகைர் நாரிகேலைஶ்ச க2ர்ஜூரைர் பீ3ஜபூரகை:|| 11
மது4கை: ஶாலதாலைஶ்ச தமாலைரஸநார்ஜுனை: |
அரிஷ்டோது3ம்ப3ர ப்லக்ஷைர் வடை: கிம்ஶுகசந்த3னை:|| 12
பிசுமந்தை3: கோவிதா3ரை: ஸரலை: ஸுரதா3ருபி4: |
த்3ராக்ஷேக்ஷு ரம்பா4ஜம்பு3பி4ர் ப3த3ர்யக்ஷாப4யாமலை:|| 13
பி3ல்வை: கபித்தை2ர் ஜம்பீ3ரைர் வ்ருதோ ப4ல்லாதகாதி3பி4: |
தஸ்மின் ஸர: ஸுவிபுலம் லஸத் காஞ்சனபங்கஜம்|| 14
குமுதோ3த்பல கல்ஹார ஶதபத்ர ஶ்ரியோர்ஜிதம் |
மத்தஷட்பத3 நிர்கு4ஷ்டம் ஶகுந்தைஶ்ச கலஸ்வனை:|| 15
ஹம்ஸகாரண்ட3வாகீர்ணம் சக்ராஹ்வை: ஸாரஸைரபி |
ஜலகுக்குட கோயஷ்டி தா3த்யூஹ குலகூஜிதம்|| 16
மத்ஸ்ய கச்ச2ப ஸஞ்சார சலத் பத்3மரஜ: பய: |
கத3ம்ப3வேதஸ நல நீப வஞ்ஜுளகைர் வ்ருதம்|| 17
குந்தை3: குருப3காஶோகை: ஶிரீஷை: கூடஜேங்கு3தை3: |
குப்3ஜகை: ஸ்வர்ணயூதீ2பி4ர் நாக3 புந்நாக3 ஜாதிபி4:|| 18
மல்லிகா ஶதபத்ரைஶ்ச மாத4வீ ஜாலகாதி3பி4: |
ஶோபி4தம் தீரஜைஶ்சான்யைர் நித்யர்துபி4ரலம் த்3ருமை:|| 19
தத்ரைகதா3 தத்3கி3ரிகாநநாஶ்ரய:
கரேணுபி4ர் வாரண யூத2பஶ்சரன் |
ஸகண்டகன் கீசக வேணுவேத்ரவத்3
விஶால கு3ல்மம் ப்ரருஜன் வனஸ்பதீன்|| 20
யத்3க3ந்த4 மாத்ராத்3 ஹாரயோ க3ஜேந்த்3ரா
வ்யாக்4ராத3யோ வ்யாளம்ருகா3: ஸக2ட்3கா3: |
மஹோரகா3ஶ்சாபி ப4யாத்3 த்3ரவந்தி
ஸகௌ3ரக்ருஷ்ணா: ஶரபா4ஶ்சமர்ய:|| 21
வ்ருகா வராஹா மஹிஷர்க்ஷஶல்யா
கோ3புச்ச2ஶாலாவ்ருக மர்கடாஶ்ச |
அன்யத்ர க்ஷுத்3ரா ஹரிணா: ஶஶாத3யஶ்
சரந்த்யபீ4தா யத3நுக்3ரஹேண|| 22
ஸ க4ர்மதப்த: கரிபி4: கரேணுபி4ர்
வ்ருதோ மத3ச்யுத்கலபை4 ரநுத்3ருத: |
கி3ரிம் க3ரிம்ணா பரித: ப்ரகம்பயன்
நிஷேவ்யமாணோऽலிகுலைர் மதா3ஶனை:|| 23
ஸரோऽநிலம் பங்கஜ ரேணுரூஷிதம்
ஜிக்4ரன் விதூ3ரான்மத3விஹ்வலேக்ஷண: |
வ்ருத: ஸ்வயூதே2ன த்ருஷார்தி3தேன தத்
ஸரோவராப்4யாஶ மதா2க3மத்3 த்3ருதம்|| 24
விகா3ஹ்ய தஸ்மின் அம்ருதாம்பு3 நிர்மலம்
ஹேமாரவிந்தோ3த்பலரேணு வாஸிதம் |
பபௌ நிகாமம் நிஜபுஷ்கரோத்3த்4ருத-
மாத்மான மத்3பி4: ஸ்நபயன் க3தக்லம:|| 25
ஸ்வபுஷ்கரேணோத்3 த்4ருத ஶீகராம்பு3பி4ர்
நிபாயயன் ஸம்ஸ்நபயன் யதா2 க்3ருஹீ |
க்4ருணீ கரேணூ: கலபா4ம்ஶ்ச து3ர்மதோ3
நாசஷ்ட க்ருச்ச்2ரம் க்ருபணோऽஜமாயயா|| 26
தம் தத்ர கஶ்சித் ந்ருப தை3வசோதி3தோ
க்3ராஹோ ப3லீயாம்ஶ்சரணே ருஷா க்3ரஹீத் |
யத்3ருச்ச2யைவம் வ்யஸனம் க3தோ க3ஜோ
யதா2ப3லம் ஸோऽதிப3லோ விசக்ரமே|| 27
ததா2ऽऽதுரம் யூத2பதிம் கரேணவோ
விக்ருஷ்யமாணம் தரஸா ப3லீயஸா |
விசுக்ருஶுர் தீ3ன தி4யோऽபரே க3ஜா:
பார்ஷ்ணிக்3ரஹாஸ்தாரயிதும் ந சாஶகன்|| 28
நியுத்4யதோரேவமிபே4ந்த்3ர நக்ரயோர்
விகர்ஷதோ ரந்தரதோ ப3ஹிர்மித2: |
ஸமா: ஸஹஸ்ரம் வ்யக3மன் மஹீபதே
ஸப்ராணயோஶ்சித்ரமமம்ஸதாமரா:|| 29
ததோ க3ஜேந்த்3ரஸ்ய மநோப3லௌஜஸாம்
காலேன தீ3ர்கே4ண மஹானபூ4த்3 வ்யய: |
விக்ருஷ்யமாணஸ்ய ஜலேऽவஸீ த3தோ
விபர்யயோऽபூ4த் ஸகலம் ஜலௌகஸ:|| 30
இத்த2ம் க3ஜேந்த்3ர: ஸ யதா3ऽऽப ஸங்கடம்
ப்ராணஸ்ய தே3ஹீ விவஶோ யத்3ருச்ச2யா |
அபாரயந்நாத்மவிமோக்ஷணே சிரம்
த3த்4யாவிமாம் பு3த்3தி4 மதா2ப்4யபத்3யத|| 31
ந மாமிமே ஜ்ஞாதய ஆதுரம் க3ஜா:
குத: கரிண்ய: ப்ரப4வந்தி மோசிதும் |
க்3ராஹேண பாஶேன விதா4துராவ்ருதோ-
ऽபியஹம் ச தம் யாமி பரம் பராயணம்|| 32
ய: கஶ்சநேஶோ ப3லிநோऽந்தகோரகா3த்
ப்ரசண்ட3வேகா3த3பி4தா4வதோ ப்4ருஶம் |
பீ4தம் ப்ரபன்னம் பரிபாதி யத்3ப4யாத்
ம்ருத்யு: ப்ரதா4வத்யரணம் தமீமஹி|| 33
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் அஷ்டமஸ்கந்தே4 மன்வந்தராநு வர்ணனே க3ஜேந்த்3ரோபாக்2யானே த்3விதீயோऽத்4யாய: || 2 ||
எட்டாம் ஸ்கந்தம் - இரண்டாம் அத்யாயம் முற்றும்.