ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 3.
கஜேந்திரன் பகவானைத் துதித்தலும், அவரால் அந்தச் சங்கடத்தினின்று விடுபடுதலும்
அத2 த்ருதீயோऽத்2யாய:
ஶ்ரீபா3த3ராயணிருவாச|
ஏவம் வ்யவஸிதோ பு3த்3த்4யா ஸமாதா4ய மநோ ஹ்ருதி3|
ஜஜாப பரமம் ஜாப்யம் ப்ராக்3ஜன்மன்யநுஶிக்ஷிதம்|| 1
ஶ்ரீக3ஜேந்த்3ர உவாச|
ௐ நமோ ப4க3வதே தஸ்மை யத ஏதத் சிதா3த்மகம்|
புருஷாயாதி3பீ3ஜாய பரேஶாயாபி4தீ4மஹி|| 2
யஸ்மிந்நித3ம் யதஶ்சேத3ம் யேநேத3ம் ய இத3ம் ஸ்வயம்|
யோऽஸ்மாத் பரஸ்மாச்ச பரஸ்தம் ப்ரபத்3யே ஸ்வயம்பு4வம்|| 3
ய: ஸ்வாத்மநீத3ம் நிஜமாயயார்பிதம்
க்வசித்3 விபா4தம் க்வ ச தத் திரோஹிதம்|
அவித்3த4த்3ருக் ஸாக்ஷ்யுப4யம் ததீ3க்ஷதே
ஸ ஆத்மமூலோऽவது மாம் பராத்பர:|| 4
காலேன பஞ்சத்வமிதேஷு க்ருத்ஸ்நஶோ
லோகேஷு பாலேஷு ச ஸர்வஹேதுஷு|
தமஸ்ததா3ऽऽஸீத்3 க3ஹனம் க3பீ4ரம்
யஸ்தஸ்ய பாரே ऽபி4விராஜதே விபு4:|| 5
ந யஸ்ய தே3வா ருஷய: பத3ம் விது3ர்-
ஜந்து: புன: கோऽர்ஹதி க3ந்துமீரிதும்|
யதா2 நடஸ்யாக்ருதிபி4ர் விசேஷ்டதோ
து3ரத்யயாநுக்ரமண: ஸ மாவது|| 6
தி3த்3ருக்ஷவோ யஸ்ய பத3ம் ஸுமங்க3லம்
விமுக்தஸங்கா3 முனய: ஸுஸாத4வ:|
சரந்த்யலோக வ்ரத மவ்ரணம் வனே
பூ4தாத்மபூ4தா: ஸுஹ்ருத3: ஸ மே க3தி:|| 7
ந வித்3யதே யஸ்ய ச ஜன்ம கர்ம வா
ந நாமரூபே கு3ணதோ3ஷ ஏவ வா|
ததா2பி லோகாப்யய ஸம்ப4வாய ய:
ஸ்வமாயயா தான்யநுகாலம்ருச்ச2தி|| 8
தஸ்மை நம: பரேஶாய ப்3ரஹ்மணேऽநந்தஶக்தயே|
அரூபாயோருரூபாய நம ஆஶ்சர்ய கர்மணே|| 9
நம ஆத்ம ப்ரதீ3பாய ஸாக்ஷிணே பரமாத்மனே|
நமோ கி3ராம் விதூ3ராய மனஸஶ்சேதஸாமபி|| 10
ஸத்த்வேன ப்ரதிலப்4யாய நைஷ்கர்ம்யேண விபஶ்சிதா|
நம: கைவல்யநாதா2ய நிர்வாணஸுக2ஸம்விதே3|| 11
நம: ஶாந்தாய கோ4ராய மூடா4ய கு3ணத4ர்மிணே|
நிர்விஶேஷாய ஸாம்யாய நமோ ஜ்ஞானக4னாய ச|| 12
க்ஷேத்ரஜ்ஞாய நமஸ்துப்4யம் ஸர்வாத்4யக்ஷாய ஸாக்ஷிணே|
புருஷாயாத்ம மூலாய மூல ப்ரக்ருதயே நம:|| 13
ஸர்வேந்த்3ரிய கு3ணத்3ரஷ்ட்ரே ஸர்வ ப்ரத்யயஹேதவே|
அஸதா ச்சா2யயோக்தாய ஸதா3பா4ஸாய தே நம:|| 14
நமோ நமஸ்தே ऽகி2ல காரணாய
நிஷ்காரணாய அத்3பு4த காரணாய|
ஸர்வாக3மாம்நாய மஹார்ணவாய
நமோऽபவர்கா3ய பராயணாய|| 15
கு3ணாரணிச்ச2ந்ந சிது3ஷ்மபாய
தத்க்ஷோப4 விஸ்பூ2ர்ஜித மானஸாய|
நைஷ்கர்ம்யபா4வேன விவர்ஜிதாக3ம-
ஸ்வயம் ப்ரகாஶாய நமஸ்கரோமி|| 16
மாத்3ருக் ப்ரபந்ந பஶு பாஶவிமோக்ஷணாய
முக்தாய பூ4ரிகருணாய நமோऽலயாய|
ஸ்வாம்ஶேன ஸர்வதநுப்4ருன் மனஸி ப்ரதீத-
ப்ரத்யக்3 த்3ருஶே ப4க3வதே ப்3ருஹதே நமஸ்தே|| 17
ஆத்மாத்மஜாப்த க்3ருஹ வித்த ஜனேஷு ஸக்தைர்-
து3ஷ்ப்ராபணாய கு3ணஸங்க3 விவர்ஜிதாய|
முக்தாத்மபி4: ஸ்வஹ்ருத3யே பரிபா4விதாய
ஜ்ஞானாத்மனே ப4க3வதே நம ஈஶ்வராய|| 18
யம் த4ர்மகாமார்த2 விமுக்திகாமா
ப4ஜந்த இஷ்டாம் க3திமாப்நுவந்தி|
கிம் த்வாஶிஷோ ராத்யபி தே3ஹமவ்யயம்
கரோது மே ऽத3ப்4ரத3யோ விமோக்ஷணம்|| 19
ஏகாந்திநோ யஸ்ய ந கஞ்சநார்த2ம்
வாஞ்ச2ந்தி யே வை ப4க3வத்ப்ரபந்நா:|
அத்யத்3பு4தம் தச்சரிதம் ஸுமங்க3ளம்
கா3யந்த ஆனந்த3 ஸமுத்3ரமக்3நா:|| 20
தமக்ஷரம் ப்3ரஹ்ம பரம் பரேஶ-
மவ்யக்தமாத்4யாத்மிக யோக3 க3ம்யம்|
அதீந்த்3ரியம் ஸூக்ஷ்ம மிவாதிதூ3ரம்-
அனந்த மாத்3யம் பரிபூர்ணமீடே3|| 21
யஸ்ய ப்3ரஹ்மாத3யோ தே3வா வேதா3 லோகாஶ்சராசரா:|
நாமரூப விபே4தே3ன ப2ல்க்3வ்யா ச கலயா க்ருதா:|| 22
யதா2ர்சிஷோऽக்3னே: ஸவிதுர்க3ப4ஸ்தயோ
நிர்யாந்தி ஸம்யாந்த்யஸக்ருத் ஸ்வரோசிஷ:|
ததா2 யதோऽயம் கு3ணஸம்ப்ரவாஹோ
பு3த்3தி4ர் மன: கா2னி ஶரீரஸர்கா3:|| 23
ஸ வை ந தே3வாஸுர மர்த்யதிர்யங்
ந ஸ்த்ரீ ந ஷண்டோ3 ந புமான் ந ஜந்து:|
நாயம் கு3ண: கர்ம ந ஸன்ன சாஸன்
நிஷேத4ஶேஷோ ஜயதாத3ஶேஷ:|| 24
ஜிஜீவிஷே நாஹமிஹாமுயா கிம்
அந்தர் ப3ஹிஶ்சாவ்ருதயேப4யோன்யா|
இச்சா2மி காலேன ந யஸ்ய விப்லவஸ்
தஸ்யாத்மலோகாவரணஸ்ய மோக்ஷம்|| 25
ஸோऽஹம் விஶ்வஸ்ருஜம் விஶ்வம் அவிஶ்வம் விஶ்வ வேத3ஸம்|
விஶ்வாத்மானமஜம் ப்3ரஹ்ம ப்ரணதோऽஸ்மி பரம் பத3ம்|| 26
யோக3ரந்தி4தகர்மாணோ ஹ்ருதி3 யோக3விபா4விதே|
யோகி3நோ யம் ப்ரபஶ்யந்தி யோகே3ஶம் தம் நதோऽஸ்ம்யஹம்|| 27
நமோ நமஸ்துப்4ய மஸஹ்யவேக3-
ஶக்தி த்ரயாய அகி2லதீ4கு3ணாய|
ப்ரபன்ன பாலாய து3ரந்த ஶக்தயே
கதி3ந்த்3ரியாணா மனவாப்ய வர்த்மனே|| 28
நாயம் வேத3 ஸ்வமாத்மானம் யச்ச2க்த்யாஹம் தி4யா ஹதம்|
தம் து3ரத்யய மாஹாத்ம்யம் ப4க3வந்தமிதோऽஸ்ம்யஹம்|| 29
ஶ்ரீஶுக உவாச|
ஏவம் க3ஜேந்த்3ர முபவர்ணித நிர்விஶேஷம்
ப்3ரஹ்மாத3யோ விவித4லிங்க3பி4தா3பி4மானா:|
நைதே யதோ3பஸஸ்ருபுர் நிகி2லாத்மகத்வாத்
தத்ராகி2லாமரமயோ ஹரிராவிராஸீத்|| 30
தம் தத்3வதா3ர்தமுபலப்4ய ஜக3ந்நிவாஸ:
ஸ்தோத்ரம் நிஶம்ய தி3விஜை: ஸஹ ஸம்ஸ்துவத்3பி4:|
ச2ந்தோ3மயேன க3ருடே3ன ஸமுஹ்யமான:
சக்ராயுதோ4ऽப்4யக3மதா3ஶு யதோ க3ஜேந்த்3ர :|| 31
ஸோऽந்த: ஸரஸ்யுருப3லேன க்3ருஹீத ஆர்தோ
த்3ருஷ்ட்வா க3ருத்மதி ஹரிம் க2 உபாத்தசக்ரம்|
உத்க்ஷிப்ய ஸாம்பு3ஜகரம் கி3ரமாஹ க்ருச்ச்2ராத்
நாராயணாகி2லகு3ரோ ப4க3வன் நமஸ்தே|| 32
தம் வீக்ஷ்ய பீடி3தமஜ: ஸஹஸாவதீர்ய
ஸக்3ராஹமாஶு ஸரஸ: க்ருபயோஜ்ஜஹார|
க்3ராஹாத்3 விபாடிதமுகா2த3ரிணா க3ஜேந்த்3ரம்
ஸம்பஶ்யதாம் ஹரிரமூமுசது3ஸ்ரியாணாம்|| 33
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாமஷ்டமஸ்கந்தே4 க3ஜேந்த்3ர மோக்ஷணே த்ருதீயோऽத்4யாய: || 3 ||
எட்டாம் ஸ்கந்தம் - மூன்றாம் அத்யாயம் முற்றும்.