ஶ்ரீமத்பாகவதமஹாபுராணம் :: எட்டாம் ஸ்கந்தம் :: அத்யாயம் 1.
மன்வந்தரங்களின் வர்ணனை
அத₂ ப்ரத₂மோऽத்₂யாய:

ஶ்ரீராஜோவாச
ஸ்வாயம்பு₄வஸ்யேஹ கு₃ரோ வம்ஶோऽயம் விஸ்தராச்ச்₂ருத:|
யத்ர விஶ்வஸ்ருஜாம் ஸர்கோ₃ மநூநன்யான் வத₃ஸ்வ ந:|| 1

யத்ர யத்ர ஹரேர்ஜன்ம கர்மாணி ச மஹீயஸ:|
க்₃ருணந்தி கவயோ ப்₃ரஹ்மன் தாநி நோ வத₃ ஶ்ருண்வதாம்|| 2

யத்₃ யஸ்மிந்நந்தரே ப்₃ரஹ்மன் ப₄க₃வான் விஶ்வபா₄வன:|
க்ருதவான் குருதே கர்தா ஹ்யதீதேऽநாக₃தேऽத்₃ய வா|| 3

ஶ்ரீருஷிருவாச|
மனவோऽஸ்மின் வ்யதீதா: ஷட் கல்பே ஸ்வாயம்பு₄வாத₃ய:|
ஆத்₃யஸ்தே கதி₂தோ யத்ர தே₃வாதீ₃நாம் ச ஸம்ப₄வ:|| 4

ஆகூத்யாம் தே₃வஹூத்யாம் ச து₃ஹித்ரோஸ்தஸ்ய வை மனோ:|
த₄ர்மஜ்ஞாநோபதே₃ஶார்த₂ம் ப₄க₃வான் புத்ரதாம் க₃த:|| 5

க்ருதம் புரா ப₄க₃வத: கபிலஸ்யாநு வர்ணிதம்|
ஆக்₂யாஸ்யே ப₄க₃வான் யஜ்ஞோ யச்சகார குரூத்₃வஹ|| 6

விரக்த: காமபோ₄கே₃ஷு ஶதரூபாபதி: ப்ரபு₄:|
விஸ்ருஜ்ய ராஜ்யம் தபஸே ஸபா₄ர்யோ வனமாவிஶத் 7

ஸுநந்தா₃யாம் வர்ஷஶதம் பதை₃கேன பு₄வம் ஸ்ப்ருஶன்|
தப்யமானஸ்தபோ கோ₄ர மித₃மன்வாஹ பா₄ரத|| 8

ஶ்ரீமநுருவாச|
யேன சேதயதே விஶ்வம் விஶ்வம் சேதயதே ந யம்|
யோ ஜாக₃ர்தி ஶயானே ऽஸ்மின் நாயம் தம் வேத₃ வேத₃ ஸ:|| 9

ஆத்மாவாஸ்யமித₃ம் விஶ்வம் யத் கிஞ்சிஜ்ஜக₃த்யாம் ஜக₃த்|
தேன த்யக்தேன பு₄ஞ்ஜீதா₂ மா க்₃ருத₄: கஸ்யஸ்வித்₃ த₄னம்|| 10

யம் ந பஶ்யதி பஶ்யந்தம் சக்ஷுர் யஸ்ய ந ரிஷ்யதி|
தம் பூ₄தநிலயம் தே₃வம் ஸுபர்ண முபதா₄வத|| 11

ந யஸ்யாத்₃யந்தௌ மத்₄யம் ச ஸ்வ: பரோ நாந்தரம் ப₃ஹி:|
விஶ்வஸ்யாமூனி யத்₃ யஸ்மாத்₃ விஶ்வம் ச தத்₃ருதம் மஹத்|| 12

ஸ விஶ்வகாய: புருஹூத ஈஶ:
      ஸத்ய: ஸ்வயம்ஜ்யோதிரஜ: புராண:|
த₄த்தேऽஸ்ய ஜன்மாத்₃யஜயா ஆத்மஶக்த்யா
      தாம் வித்₃யயோத₃ஸ்ய நிரீஹ ஆஸ்தே|| 13

அதா₂க்₃ரே ருஷய: கர்மாணீஹந்தேऽகர்மஹேதவே|
ஈஹமாநோ ஹி புருஷ: ப்ராயோऽநீஹாம் ப்ரபத்₃யதே|| 14

ஈஹதே ப₄க₃வாநீஶோ ந ஹி தத்ர விஷஜ்ஜதே|
ஆத்மலாபே₄ன பூர்ணார்தோ₂ நாவஸீத₃ந்தி யேऽநு தம்|| 15

தமீஹமானம் நிரஹங்க்ருதம் பு₃த₄ம்
      நிராஶிஷம் பூர்ணமனன்ய சோதி₃தம்|
ந்ரூன் ஶிக்ஷயந்தம் நிஜவர்த்மஸம்ஸ்தி₂தம்
      ப்ரபு₄ம் ப்ரபத்₃யே ऽகி₂ல த₄ர்ம பா₄வனம்|| 16

ஶ்ரீஶுக உவாச|
இதி மந்த்ரோபநிஷத₃ம் வ்யாஹரந்தம் ஸமாஹிதம்|
த்₃ருஷ்ட்வாஸுரா யாதுதா₄நா ஜக்₃து₄மப்₄யத்₃ரவன் க்ஷுதா₄|| 17

தாம்ஸ்ததா₂வஸிதான் வீக்ஷ்ய யஜ்ஞ: ஸர்வக₃தோ ஹரி:|
யாமை: பரிவ்ருதோ தே₃வைர் ஹத்வாஶாஸத் த்ரிவிஷ்டபம்|| 18

ஸ்வாரோசிஷோ த்₃விதீயஸ்து மநுரக்₃நே: ஸுதோऽப₄வத்|
த்₃யுமத்ஸுஷேண ரோசிஷ்மத்ப்ரமுகா₂ஸ் தஸ்ய சாத்மஜா:|| 19

தத்ர இந்த்₃ரோ ரோசனஸ்த்வாஸீத்₃ தே₃வாஶ்ச துஷிதாத₃ய:|
ஊர்ஜஸ்தம்பா₄த₃ய: ஸப்த ருஷயோ ப்₃ரஹ்மவாதி₃ன:|| 20

ருஷேஸ்து வேத₃ஶிரஸஸ் துஷிதா நாம பத்ன்யபூ₄த்|
தஸ்யாம் ஜஜ்ஞே ததோ தே₃வோ விபு₄ரித்யபி₄விஶ்ருத:|| 21

அஷ்டாஶீதி ஸஹஸ்ராணி முனயோ யே த்₄ருதவ்ரதா:|
அன்வஶிக்ஷன் வ்ரதம் தஸ்ய கௌமார ப்₃ரஹ்மசாரிண:|| 22

த்ருதீய உத்தமோ நாம ப்ரியவ்ரதஸுதோ மநு:|
பவன: ஸ்ருஞ்ஜயோ யஜ்ஞஹோத்ராத்₃யாஸ் தத்ஸுதா ந்ருப|| 23

வஸிஷ்ட₂தனயா: ஸப்த ருஷய: ப்ரமதா₃த₃ய:|
ஸத்யா வேத₃ஶ்ருதா ப₄த்₃ரா தே₃வா இந்த்₃ரஸ்து ஸத்யஜித்|| 24

த₄ர்மஸ்ய ஸூந்ருதாயாம் து ப₄க₃வான் புருஷோத்தம:|
ஸத்யஸேன இதி க்₂யாதோ ஜாத: ஸத்யவ்ரதை: ஸஹ|| 25

ஸோऽந்ருதவ்ரத து₃:ஶீலாநஸதோ யக்ஷராக்ஷஸான்|
பூ₄தத்₃ருஹோ பூ₄தக₃ணாம்ஶ்சாவதீ₄த் ஸத்யஜித்ஸக₂:|| 26

சதுர்த₂ உத்தமப்₄ராதா மநுர்நாம்நா ச தாமஸ:|
ப்ருது₂: க்₂யாதிர் நர: கேதுரித்யாத்₃யா த₃ஶ தத்ஸுதா:|| 27

ஸத்யகா ஹரயோ வீரா தே₃வாஸ்த்ரிஶிக₂ ஈஶ்வர:|
ஜ்யோதிர்தா₄மாத₃ய: ஸப்த ருஷயஸ் தாமஸே ऽந்தரே|| 28

தே₃வா வைத்₄ருதயோ நாம வித்₄ருதேஸ்தநயா ந்ருப|
நஷ்டா: காலேன யைர் வேதா₃ வித்₄ருதா: ஸ்வேன தேஜஸா|| 29

தத்ராபி ஜஜ்ஞே ப₄க₃வான் ஹரிண்யாம் ஹரிமேத₄ஸ:|
ஹரிரித்யாஹ்ருதோ யேன க₃ஜேந்த்₃ரோ மோசிதோ க்₃ரஹாத்|| 30

ஶ்ரீராஜோவாச|
பா₃த₃ராயண ஏதத் தே ஶ்ரோதுமிச்சா₂மஹே வயம்|
ஹரிர் யதா₂ க₃ஜபதிம் க்₃ராஹ க்₃ரஸ்தமமூமுசத்|| 31

தத்கதா₂ ஸுமஹத் புண்யம் த₄ன்யம் ஸ்வஸ்த்யயனம் ஶுப₄ம்|
யத்ர யத்ர உத்தமஶ்லோகோ ப₄க₃வான் கீ₃யதே ஹரி:|| 32

ஶ்ரீஸூத உவாச|
பரீக்ஷிதைவம் ஸ து பா₃த₃ராயணி:
      ப்ராயோபவிஷ்டேன கதா₂ஸு சோதி₃த:|
உவாச விப்ரா: ப்ரதிநந்த்₃ய பார்தி₂வம்
      முதா₃ முநீநாம் ஸத₃ஸி ஸ்ம ஶ்ருண்வதாம்|| 33

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் அஷ்டம-ஸ்கந்தே₄ மன்வந்தராநுசரிதே ப்ரத₂மோऽத்₄யாய: || 1 ||

எட்டாம் ஸ்கந்தம் - முதல் அத்யாயம் முற்றும்.