ஶ்ரீமத்பாகவதமஹாபுராணம் :: ஆறாம் ஸ்கந்தம் :: அத்யாயம் 4.
தக்ஷன் பகவானைத் துதி செய்தலும் பகவான் தோன்றுதலும்
அத2 சதுர்தோ2ऽத்2யாய:
ஶ்ரீராஜோவாச
தே3வாஸுர ந்ருணாம் ஸர்கோ3 நாகா3நாம் ம்ருக3 பக்ஷிணாம்|
ஸாமாஸிகஸ்த்வயா ப்ரோக்தோ யஸ்து ஸ்வாயம்பு4வேऽந்தரே|| 1
தஸ்யைவ வ்யாஸமிச்சா2மி ஜ்ஞாதும் தே ப4க3வன் யதா2|
அநுஸர்க3ம் யயா ஶக்த்யா ஸஸர்ஜ ப4க3வான் பர:|| 2
ஶ்ரீஸூத உவாச
இதி ஸம்ப்ரஶ்ன மாகர்ண்ய ராஜர்ஷேர் பா3த3ராயணி:|
ப்ரதிநந்த்3ய மஹாயோகீ3 ஜகா3த3 முனிஸத்தமா:|| 3
ஶ்ரீஶுக உவாச
யதா3 ப்ரசேதஸ: புத்ரா த3ஶ ப்ராசீனப3ர்ஹிஷ:|
அந்த: ஸமுத்3ராது3ன்மக்3நா த3த்3ருஶுர் கா3ம் த்3ருமைர் வ்ருதாம்|| 4
த்3ருமேப்4ய: க்ருத்4யமாநாஸ்தே தபோதீ3பித மன்யவ:|
முக2தோ வாயுமக்3நிம் ச ஸஸ்ருஜுஸ்தத்3 தி3த4க்ஷயா|| 5
தாப்4யாம் நிர்த3ஹ்யமாநாம்ஸ்தாநுபலப்4ய குரூத்3வஹ|
ராஜோவாச மஹான் ஸோமோ மன்யும் ப்ரஶமயன் இவ|| 6
மா த்3ருமேப்4யோ மஹாபா4கா3 தீ3நேப்4யோ த்3ரோக்3து4மர்ஹத2|
விவர்த4யிஷவோ யூயம் ப்ரஜாநாம் பதய: ஸ்ம்ருதா:|| 7
அஹோ ப்ரஜாபதிபதிர் ப4க3வான் ஹரிரவ்யய:|
வனஸ்பதீ நோஷதீ4ஶ்ச ஸஸர்ஜோர்ஜமிஷம் விபு4:|| 8
அன்னம் சராணா மசரா ஹ்யபத3: பாத3சாரிணாம்|
அஹஸ்தா ஹஸ்தயுக்தாநாம் த்3விபதா3ம் ச சதுஷ்பத3:|| 9
யூயம் ச பித்ரான்வாதி3ஷ்டா தே3வதே3வேன ச அனகா4:|
ப்ரஜாஸர்கா3ய ஹி கத2ம் வ்ருக்ஷான் நிர்த3க்3து4 மர்ஹத2|| 10
ஆதிஷ்ட2த ஸதாம் மார்க3ம் கோபம் யச்ச2த தீ3பிதம்|
பித்ரா பிதாமஹேநாபி ஜுஷ்டம் வ: ப்ரபிதாமஹை:|| 11
தோகாநாம் பிதரௌ ப3ந்தூ4 த்3ருஶ: பக்ஷ்ம ஸ்த்ரியா: பதி:|
பதி: ப்ரஜாநாம் பி4க்ஷூணாம் க்3ருஹ்யஜ்ஞாநாம் பு3த4: ஸுஹ்ருத்|| 12
அந்தர்தே3ஹேஷு பூ4தாநாமாத்மா ऽऽஸ்தே ஹரிரீஶ்வர:|
ஸர்வம் தத்3தி4ஷ்ண்ய மீக்ஷத்4வமேவம் வஸ்தோஷிதோ ஹ்யஸௌ|| 13
ய: ஸமுத்பதிதம் தே3ஹ ஆகாஶான்மன்யு முல்ப3ணம்|
ஆத்மஜிஜ்ஞாஸயா யச்சே2த் ஸ கு3ணாநதி வர்ததே|| 14
அலம் த3க்3தை4ர் த்3ருமைர் தீ3னை: கி2லாநாம் ஶிவமஸ்து வ:|
வார்க்ஷீ ஹ்யேஷா வரா கன்யா பத்நீத்வே ப்ரதிக்3ருஹ்யதாம்|| 15
இத்யா மந்த்ர்ய வராரோஹாம் கன்யாமாப்ஸரஸீம் ந்ருப|
ஸோமோ ராஜா யயௌ த3த்த்வா தே த4ர்மேணோபயேமிரே|| 16
தேப்4யஸ்தஸ்யாம் ஸமப4வத்3 த3க்ஷ: ப்ராசேதஸ: கில|
யஸ்ய ப்ரஜா விஸர்கே3ண லோகா ஆபூரிதாஸ்த்ரய:|| 17
யதா2 ஸஸர்ஜ பூ4தாநி த3க்ஷோ து3ஹித்ருவத்ஸல:|
ரேதஸா மனஸா சைவ தன்மமாவஹித: ஶ்ருணு|| 18
மனஸைவாஸ்ருஜத் பூர்வம் ப்ரஜாபதிரிமா: ப்ரஜா:|
தே3வாஸுர மநுஷ்யாதீ3ந் நப4:ஸ்த2ல ஜலௌகஸ:|| 19
தமப்3ரும்ஹித மாலோக்ய ப்ரஜாஸர்க3ம் ப்ரஜாபதி:|
விந்த்4ய பாதா3நுபவ்ரஜ்ய ஸோऽசரத்3 து3ஷ்கரம் தப:|| 20
தத்ராக4மர்ஷணம் நாம தீர்த2ம் பாபஹரம் பரம்|
உபஸ்ப்ருஶ்யாநு ஸவனம் தபஸா தோஷயத்3 ஹரிம்|| 21
அஸ்தௌஷீத்3 ஹம்ஸகு3ஹ்யேன ப4க3வந்தமதோ4க்ஷஜம்|
துப்4யம் தத3பி4தா4ஸ்யாமி கஸ்யாதுஷ்யத்3 யதா2 ஹரி:|| 22
ஶ்ரீப்ரஜாபதிருவாச
நம: பராயாவிததா2நுபூ4தயே
கு3ணத்ரயாபா4ஸ நிமித்தப3ந்த4வே|
அத்3ருஷ்டதா4ம்னே கு3ணதத்வ பு3த்3தி4பி4ர்
நிவ்ருத்தமாநாய த3தே4 ஸ்வயம்பு4வே|| 23
ந யஸ்ய ஸக்2யம் புருஷோऽவைதி ஸக்2யு:
ஸகா2 வஸன் ஸம்வஸத: புரேऽஸ்மின்|
கு3ணோ யதா2 கு3ணிநோ வ்யக்த த்3ருஷ்டே:
தஸ்மை மஹேஶாய நமஸ்கரோமி|| 24
தே3ஹோऽஸவோऽக்ஷா மனவோ பூ4தமாத்ரா
நாத்மான மன்யம் ச விது3: பரம் யத்|
ஸர்வம் புமான் வேத3 கு3ணாம்ஶ்ச தஜ்ஜ்ஞோ
ந வேத3 ஸர்வஜ்ஞமநந்தமீடே3|| 25
யதோ3பராமோ மனஸோ நாமரூப-
ரூபஸ்ய த்3ருஷ்டஸ்ம்ருதி ஸம்ப்ரமோஷாத்|
ய ஈயதே கேவலயா ஸ்வஸம்ஸ்த2யா
ஹம்ஸாய தஸ்மை ஶுசிஸத்3மனே நம:|| 26
மநீஷிணோऽந்தர்ஹ்ருதி3 ஸம்நிவேஶிதம்
ஸ்வஶக்திபி4ர் நவபி4ஶ்ச த்ரிவ்ருத்3பி4:|
வஹ்நிம் யதா2 தா3ருணி பாஞ்சத3ஶ்யம்
மனீஷயா நிஷ்கர்ஷந்தி கூ3ட4ம்|| 27
ஸ வை மமாஶேஷவிஶேஷமாயா
நிஷேத4 நிர்வாண ஸுகா2நுபூ4தி:|
ஸ ஸர்வநாமா ஸ ச விஶ்வரூப:
ப்ரஸீத3தா மநிருக்தாத்மஶக்தி:|| 28
யத்3யந்நிருக்தம் வசஸா நிரூபிதம்
தி4யாக்ஷபி4ர் வா மனஸா வோத யஸ்ய|
மா பூ4த் ஸ்வரூபம் கு3ணரூபம் ஹி தத்தத்
ஸ வை கு3ணாபாய விஸர்க3 லக்ஷண:|| 29
யஸ்மின் யதோ யேன ச யஸ்ய யஸ்மை
யத்3 யோ யதா2 குருதே கார்யதே ச|
பராவரேஷாம் பரமம் ப்ராக் ப்ராஸித்3த4ம்
தத்3 ப்3ரஹ்ம தத்3ஹேதுரநன்ய தே3கம்|| 30
யச்ச2க்தயோ வத3தாம் வாதி3நாம் வை
விவாத3ஸம்வாத3 பு4வோ ப4வந்தி|
குர்வந்தி சைஷாம் முஹுராத்ம மோஹம்
தஸ்மை நமோऽனந்தகு3ணாய பூ4ம்நே|| 31
அஸ்தீதி நாஸ்தீதி ச வஸ்து நிஷ்ட2யோ-
ரேகஸ்த2யோர் பி4ன்ன விருத்3த4 த4ர்மயோ:|
அவேக்ஷிதம் கிஞ்சந யோக3ஸாங்க்2யயோ:
ஸமம் பரம் ஹ்யநுகூலம் ப்3ருஹத்தத்|| 32
யோऽநுக்3ரஹார்த2ம் ப4ஜதாம் பாத3மூல-
மநாமரூபோ ப4க3வாநநந்த:|
நாமாநி ரூபாணி ச ஜன்மகர்மபி4-
ர்பே4ஜே ஸ மஹ்யம் பரம: ப்ரஸீத3து|| 33
ய: ப்ராக்ருதைர் ஜ்ஞாநபதை2ர் ஜநாநாம்
யதா2ஶயம் தே3ஹக3தோ விபா4தி|
யதா2நில: பார்தி2வமாஶ்ரிதோ கு3ணம்
ஸ ஈஶ்வரோ மே குருதான் மநோரத2ம்|| 34
ஶ்ரீஶுக உவாச
இதி ஸ்துத: ஸம்ஸ்துவத: ஸ தஸ்மின் அக4மர்ஷணே|
ஆவிராஸீத் குருஶ்ரேஷ்ட2 ப4க3வான் ப4க்தவத்ஸல:|| 35
க்ருதபாத3: ஸுபர்ணாம்ஸே ப்ரலம்பா3ஷ்டமஹாபு4ஜ:|
சக்ரஶங்கா2ஸிசர்மேஷு த4நு:பாஶக3தா3த4ர:|| 36
பீதவாஸா க4னஶ்யாம: ப்ரஸந்ந வத3நேக்ஷண:|
வனமாலாநிவீதாங்கோ3 லஸத் ஶ்ரீவத்ஸ கௌஸ்துப4:|| 37
மஹாகிரீடகடக: ஸ்பு2ரன்மகர குண்ட3ல:|
காஞ்ச்யங்கு3ளீயவலய நூபுராங்க3த3 பூ4ஷித:|| 38
த்ரைலோக்ய மோஹனம் ரூபம் பி3ப்4ரத் த்ரிபு4வநேஶ்வர:|
வ்ருதோ நாரத3 நந்தா3த்3யை: பார்ஷதை3: ஸுரயூத2பை:|| 39
ஸ்தூயமாநோऽநுகா3யத்3பி4: ஸித்3த4க3ந்த4ர்வசாரணை:|
ரூபம் தன் மஹதா3ஶ்சர்யம் விசக்ஷ்யாக3த ஸாத்4வஸ:|| 40
நநாம த3ண்ட3வத்3 பூ4மௌ ப்ரஹ்ருஷ்டாத்மா ப்ரஜாபதி:|
ந கிஞ்சநோதீ3ரயிதுமஶகத் தீவ்ரயா முதா3|
ஆபூரித மநோத்3வாரைர் ஹ்ரதி3ன்ய இவ நிர்ஜ2ரை:|| 41
தம் ததா2வனதம் ப4க்தம் ப்ரஜாகாமம் ப்ரஜாபதிம்|
சித்தஜ்ஞ: ஸர்வபூ4தாநாமித3மாஹ ஜநார்த3ன:|| 42
ஶ்ரீப4க3வாநுவாச
ப்ராசேதஸ மஹாபா4க3 ஸம்ஸித்3த4ஸ் தபஸா ப4வான்|
யத் ஶ்ரத்3த4யா மத்பரயா மயி பா4வம் பரம் க3த:|| 43
ப்ரீதோऽஹம் தே ப்ரஜாநாத2 யத் தேऽஸ்யோத்3 ப்3ரும்ஹணம் தப:|
மமைஷ காமோ பூ4தாநாம் யத்3 பூ4யாஸுர் விபூ4தய:|| 44
ப்3ரஹ்மா ப4வோ ப4வந்தஶ்ச மனவோ விபு3தே4ஶ்வரா:|
விபூ4தயோ மம ஹ்யேதா பூ4தாநாம் பூ4திஹேதவ:|| 45
தபோ மே ஹ்ருத3யம் ப்3ரஹ்மன் தநுர்வித்3யா க்ரியாऽऽக்ருதி:|
அங்கா3நி க்ரதவோ ஜாதா த4ர்ம ஆத்மாஸவ: ஸுரா:|| 46
அஹமேவாஸ மேவாக்3ரே நான்யத் கிஞ்சாந்தரம் ப3ஹி:|
ஸம்ஜ்ஞான மாத்ரமவ்யக்தம் ப்ரஸுப்தமிவ விஶ்வத:|| 47
மய்யநந்தகு3ணே ऽநந்தே கு3ணதோ கு3ணவிக்3ரஹ:|
யதா3ऽऽஸீத் தத ஏவாத்3ய: ஸ்வயம்பூ4: ஸமபூ4த் அஜ:|| 48
ஸ வை யதா3 மஹாதே3வோ மம வீர்யோபப்3ரும்ஹித:|
மேனே கி2லமிவாத்மான முத்3யத: ஸர்க3 கர்மணி|| 49
அத2 மே ऽபி4ஹிதோ தே3வஸ்தபோऽதப்யத தா3ருணம்|
நவ விஶ்வஸ்ருஜோ யுஷ்மான் யேநாதா3வஸ்ருஜத்3 விபு4:|| 50
ஏஷா பஞ்சஜனஸ்யாங்க3 து3ஹிதா வை ப்ரஜாபதே:|
அஸிக்நீ நாம பத்நீத்வே ப்ரஜேஶ ப்ரதிக்3ருஹ்யதாம்|| 51
மிது2ன வ்யவாய த4ர்மஸ்த்வம் ப்ரஜாஸர்க3மிமம் புன:|
மிது2னவ்யவாய த4ர்மிண்யாம் பூ4ரிஶோ பா4வயிஷ்யஸி|| 52
த்வத்தோऽத4ஸ்தாத் ப்ரஜா: ஸர்வா மிது2நீபூ4ய மாயயா|
மதீ3யயா ப4விஷ்யந்தி ஹரிஷ்யந்தி ச மே ப3லிம்|| 53
ஶ்ரீஶுக உவாச
இத்யுக்த்வா மிஷதஸ்தஸ்ய ப4க3வான் விஶ்வபா4வன:|
ஸ்வப்நோபலப்3தா4ர்த2 இவ தத்ரைவாந்தர்த3தே4 ஹரி:|| 54
||இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
ஷஷ்ட2ஸ்கந்தே4 சதுர்தோ2ऽத்4யாய:|| 4 ||
ஆறாம் ஸ்கந்தம் - நான்காம் அத்யாயம் முற்றும்.