ஶ்ரீமத்பாகவதமஹாபுராணம் :: ஆறாம் ஸ்கந்தம் :: அத்யாயம் 3.
யமனுக்கும் யமதூதர்களுக்கும் சம்வாதம்
அத2 த்ருதீயோऽத்2யாய:
ஶ்ரீராஜோவாச
நிஶம்ய தே3வ: ஸ்வப4டோபவர்ணிதம்
ப்ரத்யாஹ கிம் தான் ப்ரதி த4ர்மராஜ:|
ஏவம் ஹதாஜ்ஞோ விஹதான் முராரே:
நைதே3ஶிகைர் யஸ்ய வஶே ஜநோऽயம்|| 1
யமஸ்ய தே3வஸ்ய ந த3ண்ட3ப4ங்க3:
குதஶ்சநர்ஷே ஶ்ருதபூர்வ ஆஸீத்|
ஏதன்முநே வ்ருஶ்சதி லோகஸம்ஶயம்
ந ஹி த்வத3ன்ய இதி மே விநிஶ்சிதம்|| 2
ஶ்ரீஶுக உவாச
ப4க3வத்புருஷை ராஜன் யாம்யா: ப்ரதிஹதோத்3யமா:|
பதிம் விஜ்ஞாபயாமாஸுர் யமம் ஸம்யமநீபதிம்|| 3
யமதூ3தா ஊசு:
கதி ஸந்தீஹ ஶாஸ்தாரோ ஜீவலோகஸ்ய வை ப்ரபோ4|
த்ரைவித்4யம் குர்வத: கர்ம ப2லாபி4வ்யக்தி ஹேதவ:|| 4
யதி3 ஸ்யுர்ப3ஹவோ லோகே ஶாஸ்தாரோ த3ண்ட3தா4ரிண:|
கஸ்ய ஸ்யாதாம் ந வா கஸ்ய ம்ருத்யுஶ்ச அம்ருதமேவ வா|| 5
கிந்து ஶாஸ்த்ருப3ஹுத்வே ஸ்யாத்3 ப3ஹூநாமிஹ கர்மிணாம்|
ஶாஸ்த்ருத்வ முபசாரோ ஹி யதா2 மண்ட3ல வர்திநாம்|| 6
அதஸ்த்வமேகோ பூ4தாநாம் ஸேஶ்வராணாமதீ4ஶ்வர:|
ஶாஸ்தா த3ண்ட3த4ரோ ந்ரூணாம் ஶுபா4ஶுப4விவேசன:|| 7
தஸ்ய தே விஹிதோ த3ண்டோ3 ந லோகே வர்ததேऽது4நா|
சதுர்பி4ரத்3பு4தை: ஸித்3தை4ராஜ்ஞா தே விப்ரலம்பி4தா|| 8
நீயமானம் தவாதே3ஶாத3ஸ்மாபி4ர் யாதநாக்3ருஹான்|
வ்யாமோசயன் பாதகினம் சி2த்வா பாஶான் ப்ரஸஹ்ய தே|| 9
தாம்ஸ்தே வேதி3துமிச்சா2மோ யதி3 நோ மன்யஸே க்ஷமம்|
நாராயணேத்யபி4ஹிதே மா பை4ரித்யாயயுர்த்3ருதம்|| 10
ஶ்ரீஶுக உவாச
இதி தே3வ: ஸ ஆப்ருஷ்ட: ப்ரஜாஸம்யமநோ யம:|
ப்ரீத: ஸ்வதூ3தான் ப்ரத்யாஹ ஸ்மரன் பாதா3ம்பு3ஜம் ஹரே:|| 11
யம உவாச -
பரோ மத3ன்யோ ஜக3தஸ்தஸ்து2ஷஶ்ச
ஓதம் ப்ரோதம் படவத்3 யத்ர விஶ்வம்|
யத3ம்ஶதோऽஸ்ய ஸ்தி2திஜன்மநாஶா
நஸ்யோதவத்3 யஸ்ய வஶே ச லோக:|| 12
யோ நாமபி4ர் வாசி ஜநந்நிஜாயாம்
ப3த்4நாதி தந்த்யாமிவ தா3மபி4ர் கா3:|
யஸ்மை ப3லிம் த இமே நாமகர்ம-
நிப3ந்த4 ப3த்3தா4ஶ்சகிதா வஹந்தி|| 13
அஹம் மஹேந்த்3ரோ நிர்ருதி: ப்ரசேதா:
ஸோமோऽக்3நிரீஶ: பவநோऽர்கோ விரிஞ்ச:|
ஆதி3த்யவிஶ்வே வஸவோऽத2 ஸாத்4யா
மருத்3க3ணா ருத்3ரக3ணா: ஸஸித்3தா4:|| 14
அன்யே ச யே விஶ்வஸ்ருஜோऽமரேஶா
ப்4ருக்3வாத3யோऽஸ்ப்ருஷ்ட ரஜஸ்தமஸ்கா:|
யஸ்யேஹிதம் ந விது3: ஸ்ப்ருஷ்டமாயா:
ஸத்வ ப்ரதா4நா அபி கிம் ததோऽன்யே|| 15
யம் வை ந கோ3பி4ர் மனஸாஸுபி4ர் வா
ஹ்ருதா3 கி3ரா வாஸுப்4ருதோ விசக்ஷதே|
ஆத்மான மந்தர்ஹ்ருதி3 ஸந்தமாத்மநாம்
சக்ஷுர் யதை2வாக்ருதயஸ்தத: பரம்|| 16
தஸ்யாத்ம தந்த்ரஸ்ய ஹரேரதீ4ஶிது:
பரஸ்ய மாயாதி4பதேர்மஹாத்மன:|
ப்ராயேண தூ3தா இஹ வை மநோஹரா:
சரந்தி தத்3ரூபகு3ணஸ்வபா4வா:|| 17
பூ4தாநி விஷ்ணோ: ஸுரபூஜிதானி
து3ர்த3ர்ஶலிங்கா3நி மஹாத்3பு4தாநி|
ரக்ஷந்தி தத்3ப4க்திமத: பரேப்4யோ
மத்தஶ்ச மர்த்யாநத2 ஸர்வதஶ்ச|| 18
த4ர்மம் து ஸாக்ஷாத்3 ப4க3வத் ப்ரணீதம்
ந வை விது3ர்ருஷயோ நாபி தே3வா:|
ந ஸித்3த4 முக்2யா அஸுரா மநுஷ்யா:
குதஶ்ச வித்3யாத4ரசாரணாத3ய:|| 19
ஸ்வயம்பூ4ர் நாரத3: ஶம்பு4: குமார: கபிலோ மநு:|
ப்ரஹ்லாதோ3 ஜனகோ பீ4ஷ்மோ ப3லிர் வையாஸகிர் வயம்|| 20
த்3வாத3ஶைதே விஜாநீமோ த4ர்மம் பா4க3வதம் ப4டா:|
கு3ஹ்யம் விஶுத்3த4ம் து3ர்போ3த4ம் யம் ஜ்ஞாத்வாம்ருதமஶ்நுதே|| 21
ஏதாவாநேவ லோகேऽஸ்மின் பும்ஸாம் த4ர்ம: பர: ஸ்ம்ருத:|
ப4க்தியோகோ3 ப4க3வதி தந்நாம க்3ரஹணாதி3பி4:|| 22
நாமோச்சாரண மாஹாத்ம்யம் ஹரே: பஶ்யத புத்ரகா:|
அஜாமிளோऽபி யேனைவ ம்ருத்யுபாஶாத3முச்யத|| 23
ஏதாவதாமக4நிர்ஹரணாய பும்ஸாம்
ஸங்கீர்தனம் ப4க3வதோ கு3ணகர்மநாம்நாம்|
விக்ருஶ்ய புத்ரமக4வான் யத3ஜாமிளோऽபி
நாராயணேதி ம்ரியமாண இயாய முக்திம்|| 24
ப்ராயேண வேத3 ததி3த3ம் ந மஹாஜநோऽயம்
தே3வ்யா விமோஹித மதிர்ப3த மாயயாலம்|
த்ரய்யாம் ஜடீ3க்ருதமதிர் மது4புஷ்பிதாயாம்
வைதாநிகே மஹதி கர்மணி யுஜ்யமான:|| 25
ஏவம் விம்ருஶ்ய ஸுதி4யோ ப4க3வத்யநந்தே
ஸர்வாத்மநா வித3த4தே க2லு பா4வயோக3ம்|
தே மே ந த3ண்ட3மர்ஹந்த்யத2 யத்3யமீஷாம்
ஸ்யாத் பாதகம் தத3பி ஹந்த்யுருகா3யவாத3:|| 26
தே தே3வஸித்3த4பரிகீ3த பவித்ரகா3தா2
யே ஸாத4வ: ஸமத்3ருஶோ ப4க3வத்ப்ரபந்நா:|
தான் நோபஸீத3த ஹரேர்க3த3யாபி4கு3ப்தான்
நைஷாம் வயம் ந ச வய: ப்ரப4வாம த3ண்டே3|| 27
தாநாநயத்4வமஸதோ விமுகா2ன் முகுந்த3-
பாதா3ரவிந்த3 மகரந்த3 ரஸாத3ஜஸ்ரம்|
நிஷ்கிஞ்சனை: பரமஹம்ஸகுலை ரஸஜ்ஞை:
ஜுஷ்டாத்3 க்3ருஹே நிரயவர்த்மநி ப3த்3த4த்ருஷ்ணான்|| 28
ஜிஹ்வா ந வக்தி ப4க3வத்3கு3ண நாமதே4யம்
சேதஶ்ச ந ஸ்மரதி தச்சரணாரவிந்த3ம்|
க்ருஷ்ணாய நோ நமதி யச்சி2ர ஏகதா3பி
தாநாநயத்4வ மஸதோऽக்ருத விஷ்ணுக்ருத்யான்|| 29
தத் க்ஷம்யதாம் ஸ ப4க3வான் புருஷ: புராணோ
நாராயண: ஸ்வபுருஷைர் யத3ஸத்க்ருதம் ந:|
ஸ்வாநாமஹோ ந விது3ஷாம் ரசிதாஞ்ஜலீநாம்
க்ஷாந்திர் க3ரீயஸி நம: புருஷாய பூ4ம்னே|| 30
தஸ்மாத் ஸங்கீர்தனம் விஷ்ணோர் ஜக3ன்மங்க3ளமம்ஹஸாம்|
மஹதாமபி கௌரவ்ய வித்3த்4யைகாந்திக நிஷ்க்ருதம்|| 31
ஶ்ருண்வதாம் க்3ருணதாம் வீர்யாண்யுத்3தா3மாநி ஹரேர் முஹு:|
யதா2 ஸுஜாதயா ப4க்த்யா ஶுத்3த்4யேந்நாத்மா வ்ரதாதி3பி4:|| 32
க்ருஷ்ணாங்க்4ரி பத்3ம மது4லிண் ந புனர்விஸ்ருஷ்ட-
மாயாகு3ணேஷு ரமதே வ்ருஜிநாவஹேஷு|
அன்யஸ்து காமஹத ஆத்மரஜ: ப்ரமார்ஷ்டும்
ஈஹேத கர்ம யத ஏவ ரஜ: புன: ஸ்யாத்|| 33
இத்த2ம் ஸ்வப4ர்த்ருக3தி3தம் ப4க3வன்மஹித்வம்
ஸம்ஸ்ம்ருத்ய விஸ்மித தி4யோ யமகிங்கராஸ்தே|
நைவாச்யுதாஶ்ரய ஜனம் ப்ரதி ஶங்கமாநா
த்3ரஷ்டும் ச பி3ப்4யதி தத: ப்ரப்4ருதி ஸ்ம ராஜன்|| 34
இதிஹாஸமிமம் கு3ஹ்யம் ப4க3வான் கும்ப4ஸம்ப4வ:|
கத2யாமாஸ மலய ஆஸீநோ ஹரிமர்சயன்|| 35
||இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
ஷஷ்ட2ஸ்கந்தே4 யமபுருஷ ஸம்வாதே3 த்ருதீயோऽத்4யாய:|| 3 ||
ஆறாம் ஸ்கந்தம் - மூன்றாம் அத்யாயம் முற்றும்.