ஶ்ரீமத்பாகவதமஹாபுராணம் :: ஆறாம் ஸ்கந்தம் :: அத்யாயம் 5.
ஸ்ரீநாரதரின் உபதேசத்தினால் தக்ஷபுத்ரர்கள் விரக்தி அடைதலும், மற்றும் நாரதருக்கு தக்ஷன் சாபமும்
அத2 பஞ்சமோऽத்2யாய:
ஶ்ரீஶுக உவாச
தஸ்யாம் ஸ பாஞ்ச ஜன்யாம் வை விஷ்ணுமாயோப ப்3ரும்ஹித|
ஹர்யஶ்வ ஸம்ஜ்ஞாநயுதம் புத்ராந் அஜநயத்3 விபு4:|| 1
அப்ருத2க்3 த4ர்மஶீலாஸ்தே ஸர்வே தா3க்ஷாயணா ந்ருப|
பித்ரா ப்ரோக்தா: ப்ரஜாஸர்கே3 ப்ரதீசீம் ப்ரயயுர் தி3ஶம்|| 2
தத்ர நாராயணஸரஸ் தீர்த2ம் ஸிந்து4 ஸமுத்3ரயோ:|
ஸங்க3மோ யத்ர ஸுமஹன் முனிஸித்3த4 நிஷேவிதம்|| 3
தது3பஸ்பர்ஶநாதே3வ விநிர்தூ4த மலாஶயா:|
த4ர்மே பாரமஹம்ஸ்யே ச ப்ரோத்பன்னமதயோऽப்யுத|| 4
தேபிரே தப ஏவோக்3ரம் பித்ரா தே3ஶேன யந்த்ரிதா:|
ப்ரஜா விவ்ருத்3த4யே யத்தான் தே3வர்ஷிஸ்தான் த3த3ர்ஶ ஹ|| 5
உவாச சாத2 ஹர்யஶ்வா: கத2ம் ஸ்ரக்ஷ்யத2 வை ப்ரஜா:|
அத்3ருஷ்ட்வாந்தம் பு4வோ யூயம் பா3லிஶா ப3த பாலகா:|| 6
ததை2க புருஷம் ராஷ்ட்ரம் பி3லம் ச அத்3ருஷ்ட நிர்க3மம்|
ப3ஹுரூபாம் ஸ்த்ரியம் சாபி புமாம்ஸம் பும்ஶ்சலீபதிம்|| 7
நதீ3 முப4யதோவாஹாம் பஞ்ச பஞ்சாத்3பு4தம் க்3ருஹம்|
க்வசித்3ஹம்ஸம் சித்ரகத2ம் க்ஷௌரபவ்யம் ஸ்வயம் ப்4ரமிம்|| 8
கத2ம் ஸ்வபிதுராதே3ஶமவித்3வாம்ஸோ விபஶ்சித:|
அநுரூபமவிஜ்ஞாய அஹோ ஸர்க3ம் கரிஷ்யத2|| 9
ஶ்ரீஶுக உவாச
தன்னிஶம்யாத2 ஹர்யஶ்வா ஔத்பத்திக மநீஷயா|
வாச:கூடம் து தே3வர்ஷே: ஸ்வயம் விமம்ருஶுர் தி4யா|| 10
பூ4: க்ஷேத்ரம் ஜீவஸம்ஜ்ஞம் யத3நாதி3 நிஜப3ந்த4னம்|
அத்3ருஷ்ட்வா தஸ்ய நிர்வாணம் கிமஸத்கர்மபி4ர் ப4வேத்|| 11
ஏக ஏவேஶ்வரஸ்துர்யோ ப4க3வான் ஸ்வாஶ்ரய: பர:|
தமத்3ருஷ்ட்வாப4வம் பும்ஸ: கிமஸத்கர்மபி4ர் ப4வேத்|| 12
புமான் நைவைதி யத்3 க3த்வா பி3லஸ்வர்க3ம் க3தோ யதா2|
ப்ரத்யக்3தா4மாவித3 இஹ கிமஸத்கர்மபி4ர் ப4வேத்|| 13
நாநாரூபா ऽऽத்மநோ பு3த்3தி4: ஸ்வைரிணீவ கு3ணான்விதா|
தன்னிஷ்டா2 மக3தஸ்யேஹ கிமஸத்கர்மபி4ர் ப4வேத்|| 14
தத்ஸங்க3ப்4ரம்ஶிதைஶ்வர்யம் ஸம்ஸரந்தம் குபா4ர்யவத்|
தத்3க3தீரபு3த4ஸ்யேஹ கிமஸத் கர்மபி4ர் ப4வேத்|| 15
ஸ்ருஷ்ட்யப்யய கரீம் மாயாம் வேலா கூலாந்தவேகி3தாம்|
மத்தஸ்ய தாமவிஜ்ஞஸ்ய கிமஸத் கர்மபி4ர் ப4வேத்|| 16
பஞ்ச விம்ஶதி தத்வாநாம் புருஷோऽத்3பு4த த3ர்பணம்:|
அத்4யாத்ம மபு3த4ஸ்யேஹ கிமஸத் கர்மபி4ர் ப4வேத்|| 17
ஐஶ்வரம் ஶாஸ்த்ர முத்ஸ்ருஜ்ய ப3ந்த4 மோக்ஷாநு த3ர்ஶனம்|
விவிக்த பத3 மஜ்ஞாய கிமஸத் கர்மபி4ர் ப4வேத்|| 18
காலசக்ரம் ப்4ரமிஸ்தீக்ஷ்ணம் ஸர்வம் நிஷ்கர்ஷயஜ்ஜக3த்|
ஸ்வதந்த்ரமபு3த4ஸ்யேஹ கிமஸத்கர்மபி4ர் ப4வேத்|| 19
ஶாஸ்த்ரஸ்ய பிதுராதே3ஶம் யோ ந வேத3 நிவர்தகம்|
கத2ம் தத3நுரூபாய கு3ண விஶ்ரம்ப்4யுபக்ரமேத்|| 20
இதி வ்யவஸிதா ராஜன் ஹர்யஶ்வா ஏகசேதஸ:|
ப்ரயயுஸ்தம் பரிக்ரம்ய பந்தா2நமநிவர்தனம்|| 21
ஸ்வர ப்3ரஹ்மணி நிர்பா4த ஹ்ருஷீகேஶ பதா3ம்பு3ஜே|
அக2ண்ட3ம் சித்தமாவேஶ்ய லோகாநநுசரன் முனி:|| 22
நாஶம் நிஶம்ய புத்ராணாம் நாரதா3ச்ஶீலஶாலிநாம்|
அன்வதப்யத க: ஶோசன் ஸுப்ரஜஸ்த்வம் ஶுசாம் பத3ம்|| 23
ஸ பூ4ய: பாஞ்சஜன்யாயாமஜேன பரிஸாந்த்வித:|
புத்ராநஜநயத்3 த3க்ஷ: ஶப3லாஶ்வான் ஸஹஸ்ரிண:|| 24
தேऽபி பித்ரா ஸமாதி3ஷ்டா: ப்ரஜாஸர்கே3 த்4ருதவ்ரதா:|
நாராயணஸரோ ஜக்3முர் யத்ர ஸித்3தா4: ஸ்வபூர்வஜா:|| 25
தது3பஸ்பர்ஶநாதே3வ விநிர்தூ4தமலாஶயா:|
ஜபந்தோ ப்3ரஹ்ம பரமம் தேபுஸ்தऽத்ர மஹத் தப:|| 26
அப்3ப4க்ஷா: கதிசின்மாஸான் கதிசித்3 வாயுபோ4ஜநா:|
ஆராத4யன் மந்த்ரமிம மப்4யஸ்யந்த இட3ஸ்பதிம்|| 27
ௐ நமோ நாராயணாய புருஷாய மஹாத்மனே|
விஶுத்3த4 ஸத்வதி4ஷ்ண்யாய மஹாஹம்ஸாய தீ4மஹி|| 28
இதி தாநபி ராஜேந்த்3ர ப்ரதிஸர்க3தி4யோ முனி:|
உபேத்ய நாரத3: ப்ராஹ வாச:கூடாநி பூர்வவத்|| 29
தா3க்ஷாயணா: ஸம்ஶ்ருணுத க3த3தோ நிக3மம் மம|
அன்விச்ச2தாநு பத3வீம் ப்4ராத்ரூணாம் ப்4ராத்ருவத்ஸலா:|| 30
ப்4ராத்ரூணாம் ப்ராயணம் ப்4ராதா யோऽநுதிஷ்ட2தி த4ர்மவித்|
ஸ புண்யப3ந்து4: புருஷோ மருத்3பி4: ஸஹ மோத3தே|| 31
ஏதாவது3க்த்வா ப்ரயயௌ நாரதோ3ऽமோக4த3ர்ஶன:|
தேऽபி ச அன்வக3மன் மார்க3ம் ப்4ராத்ரூணாமேவ மாரிஷ|| 32
ஸத்4ரீசீனம் ப்ரதீசீநம் பரஸ்யாநு பத2ம் க3தா:|
நாத்3யாபி தே நிவர்தந்தே பஶ்சிமா யாமிநீரிவ|| 33
ஏதஸ்மின் கால உத்பாதான் ப3ஹூன் பஶ்யன் ப்ரஜாபதி:|
பூர்வவன் நாரத3க்ருதம் புத்ரநாஶ முபாஶ்ருணோத்|| 34
சுக்ரோத4 நாரதா3யாஸௌ புத்ரஶோக விமூர்ச்சி2த:|
தே3வர்ஷி முபலப்4யாஹ ரோஷாத்3 விஸ்பு2ரிதாத4ர:|| 35
ஶ்ரீத3க்ஷ உவாச
அஹோ அஸாதோ4 ஸாதூ4நாம் ஸாது4லிங்கே3ன நஸ்த்வயா|
அஸாத்4வகார்யர்ப4காணாம் பி4க்ஷோர் மார்க3: ப்ரத3ர்ஶித:|| 36
ருணைஸ்த்ரிபி4ரமுக்தாநாம் அமீமாம்ஸித கர்மணாம்|
விகா4த: ஶ்ரேயஸ: பாப லோகயோருப4யோ: க்ருத:|| 37
ஏவம் த்வம் நிரநுக்ரோஶோ பா3லாநாம் மதிபி4த்3 ஹரே:|
பார்ஷத3 மத்4யே சரஸி யஶோஹா நிரபத்ரப:|| 38
நநு பா4க3வதா நித்யம் பூ4தாநுக்3ரஹகாதரா:|
ருதே த்வாம் ஸௌஹ்ருத3க்4னம் வை வைரங்கர மவைரிணாம்|| 39
நேத்த2ம் பும்ஸாம் விராக3: ஸ்யாத் த்வயா கேவலிநா ம்ருஷா|
மன்யஸே யத்3யுபஶமம் ஸ்நேஹபாஶநிக்ருந்தனம்|| 40
நாநுபூ4ய ந ஜாநாதி புமான் விஷயதீக்ஷ்ணதாம்|
நிர்வித்3யதே ஸ்வயம் தஸ்மாந்ந ததா2 பி4ன்னதீ4: பரை:|| 41
யந்நஸ்த்வம் கர்மஸந்தா4நாம் ஸாதூ4நாம் க்3ருஹமேதி4நாம்|
க்ருதவாநஸி து3ர்மர்ஷம் விப்ரியம் தவ மர்ஷிதம்|| 42
தந்துக்ருந்தன யந்நஸ்த்வ மப4த்3ர மசர: புன:|
தஸ்மால்லோகேஷு தே மூட4 ந ப4வேத்3 ப்4ரமத: பத3ம்|| 43
ஶ்ரீஶுக உவாச
ப்ரதிஜக்3ராஹ தத்3பா3ட4ம் நாரத3: ஸாது4ஸம்மத:|
ஏதாவான் ஸாது4வாதோ3 ஹி திதிக்ஷேதேஶ்வர: ஸ்வயம்|| 44
||இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
ஷஷ்ட2ஸ்கந்தே4 நாரத3ஶாபோ நாம பஞ்சமோऽத்4யாய|| 5 ||
ஆறாம் ஸ்கந்தம் - ஐந்தாம் அத்யாயம் முற்றும்.