ஶ்ரீமத்பாகவதமஹாபுராணம் :: மூன்றாம் ஸ்கந்தம் :: அத்யாயம் 3.
பகவானின் இதர லீலைகளின் வர்ணனை
த்ருதீயஸ்கந்தே4: அத2 த்ருதீயோஅத்4யாய:
உத்3த4வ உவாச|
தத: ஸ ஆக3த்ய புரம் ஸ்வபித்ரோ-
ஶ்சிகீர்ஷயா ஶம் ப3லதே3வஸம்யுத:|
நிபாத்ய துங்கா3த்3 ரிபுயூத2நாத2ம்
ஹதம் வ்யகர்ஷத்3 வ்யஸுமோஜஸோர்வ்யாம்|| 1
ஸாந்தீ3பநே: ஸக்ருத் ப்ரோக்தம் ப்3ரஹ்மாதீ4த்ய ஸவிஸ்தரம்|
தஸ்மை ப்ராதா3த்3 வரம் புத்ரம் ம்ருதம் பஞ்சஜநோத3ராத்|| 2
ஸமாஹுதா பீ4ஷ்மக கன்யயா யே
ஶ்ரிய: ஸவர்ணேன பு3பூ4ஷயைஷாம்|
கா3ந்த4ர்வவ்ருத்த்யா மிஷதாம் ஸ்வபா4க3ம்
ஜஹ்ரே பத3ம் மூர்த்4நி த3த4த்ஸுபர்ண:|| 3
ககுத்3மிநோऽவித்3த4நஸோ த3மித்வா
ஸ்வயம்வரே நாக்3நஜிதீமுவாஹ|
தத்3ப4க்3நமாநாநபி க்3ருத்4யதோऽஜ்ஞா-
ஞ்ஜக்4நே ऽக்ஷத: ஶஸ்த்ரப்4ருத: ஸ்வஶஸ்த்ரை:|| 4
ப்ரியம் ப்ரபு4ர் க்3ராம்ய இவ ப்ரியாயா
விதி4த்ஸுரார்ச்ச2த்3 த்3யுதரும் யத3ர்தே2|
வஜ்ரயாத்3ரவத் தம் ஸக3ணோ ருஷாந்த4:
க்ரீடா3ம்ருகோ3 நூநமயம் வதூ4நாம்|| 5
ஸுதம் ம்ருதே4 க2ம் வபுஷா க்3ரஸந்தம்
த்3ருஷ்ட்வா ஸுநாபோ4ன்மதி2தம் த4ரித்ர்யா|
ஆமந்த்ரிதஸ்தத்தநயாய ஶேஷம்
த3த்த்வா தத3ந்த:புரமாவிவேஶ|| 6
தத்ராஹ்ருதாஸ்தா நரதே3வகன்யா:
குஜேன த்3ருஷ்ட்வா ஹரிமார்தப3ந்து4ம்|
உத்தா2ய ஸத்3யோ ஜக்3ருஹு: ப்ரஹர்ஷ
வ்ரீடா3நுராக3ப்ரஹிதாவலோகை:|| 7
ஆஸாம் முஹூர்த ஏகஸ்மின் நாநாகா3ரேஷு யோஷிதாம்|
ஸவித4ம் ஜக்3ருஹே பாணீன் அநுரூப: ஸ்வமாயயா|| 8
தாஸ்வபத்யான்யஜநயதா3த்மதுல்யானி ஸர்வத:|
ஏகைகஸ்யாம் த3ஶ த3ஶ ப்ரக்ருதேர் விபு3பூ4ஷயா|| 9
காலமாக3த4ஶால்வாதீ3நநீகை ருந்த4த: புரம்|
அஜீக4னத் ஸ்வயம் தி3வ்யம் ஸ்வபும்ஸாம் தேஜ ஆதி3ஶத்|| 10
ஶம்ப3ரம் த்3விவித3ம் பா3ணம் முரம் ப3ல்வலமேவ ச|
அன்யாம்ஶ்ச த3ந்தவக்ராதீ3னவதீ4த் காம்ஶ்ச கா4தயத்|| 11
அத2 தே ப்4ராத்ருபுத்ராணாம் பக்ஷயோ: பதிதான் ந்ருபான்|
சசால பூ4: குருக்ஷேத்ரம் யேஷாமாபததாம் ப3லை:|| 12
ஸ கர்ணது3:ஶாஸனஸௌப3லாநாம்
குமந்த்ரபாகேன ஹதஶ்ரியாயுஷம்|
ஸுயோத4னம் ஸாநுசரம் ஶயானம்
ப4க்3நோருமூர்வ்யாம் ந நநந்த3 பஶ்யன்|| 13
கியான் பு4வோऽயம் க்ஷபிதோருபா4ரோ
யத்3 த்3ரோண பீ4ஷ்மார்ஜுன பீ4மமூலை:|
அஷ்டாத3ஶாக்ஷௌஹிணிகோ மத3ம்ஶைராஸ்தே
ப3லம் து3ர்விஷஹம் யதூ3நாம்|| 14
மிதோ2 யதை3ஷாம் ப4விதா விவாதோ3
மத்4வாமதா3தாம்ர விலோசநாநாம்|
நைஷாம் வதோ4பாய இயானதோऽன்யோ
மய்யுத்3யதேऽந்தர்த3த4தே ஸ்வயம் ஸ்ம|| 15
ஏவம் ஸஞ்சிந்த்ய ப4க3வான் ஸ்வராஜ்யே ஸ்தா2ப்ய த4ர்மஜம்|
நந்த3யாமாஸ ஸுஹ்ருத3: ஸாதூ4நாம் வர்த்ம த3ர்ஶயன்|| 16
உத்தராயாம் த்4ருத: பூரோர்வம்ஶ: ஸாத்4வபி4மன்யுனா|
ஸ வை த்3ரௌண்யஸ்த்ர ஸம்சி2ன்ன: புனர் ப4க3வதா த்4ருத:|| 17
அயாஜயத்3 த4ர்மஸுதமஶ்வமேதை4ஸ்த்ரிபி4ர் விபு4:|
ஸோऽபி க்ஷ்மாமநுஜை ரக்ஷன் ரேமே க்ருஷ்ண மநுவ்ரத:|| 18
ப4க3வாநபி விஶ்வாத்மா லோகவேத3பதா2நுக3:|
காமான் ஸிஷேவே த்3வார்வத்யாமஸக்த: ஸாங்க்2யமாஸ்தி2த:|| 19
ஸ்நிக்3த4ஸ்மிதாவலோகேன வாசா பீயூஷகல்பயா|
சரித்ரேணாநவத்3யேன ஶ்ரீநிகேதேன சாத்மனா|| 20
இமம் லோகமமும் சைவ ரமயன் ஸுதராம் யதூ3ன்|
ரேமே க்ஷணத3யா த3த்த க்ஷணஸ்த்ரீக்ஷணஸௌஹ்ருத3:|| 21
தஸ்யைவம் ரமமாணஸ்ய ஸம்வத்ஸரக3ணான் ப3ஹூன்|
க்3ருஹமேதே4ஷு யோகே3ஷு விராக3: ஸமஜாயத|| 22
தை3வாதீ4நேஷு காமேஷு தை3வாதீ4ன: ஸ்வயம் புமான்|
கோ விஶ்ரம்பே4த யோகே3ன யோகே3ஶ்வரமநுவ்ரத:|| 23
புர்யாம் கதா3சித் க்ரீட3த்3பி4ர் யது3போ4ஜ குமாரகை:|
கோபிதா முனய: ஶேபுர் ப4க3வன்மத கோவிதா3:|| 24
தத: கதிபயைர் மாஸைர் வ்ருஷ்ணிபோ4ஜாந்த4காத3ய:|
யயு: ப்ரபா4ஸம் ஸம்ஹ்ருஷ்டா ரதை2ர் தே3வ விமோஹிதா:|| 25
தத்ர ஸ்நாத்வா பித்ரூன் தே3வான் ருஷீம்ஶ்சைவ தத3ம்ப4ஸா|
தர்பயித்வாத2 விப்ரேப்4யோ கா3வோ ப3ஹுகு3ணா த3து3:|| 26
ஹிரண்யம் ரஜதம் ஶய்யாம் வாஸாம்ஸ்யஜின கம்ப3லான்|
யானம் ரதா2நிபா4ன் கன்யா த4ராம் வ்ருத்திகரீமபி|| 27
அன்னம் சோருரஸம் தேப்4யோ த3த்வா ப4க3வத3ர்பணம்|
கோ3விப்ரார்தா2ஸவ: ஶூரா: ப்ரணேமுர் பு4வி மூர்த4பி4:|| 28
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
த்ருதீயஸ்கந்தே4 விது3ரோத்3த4வ ஸம்வாதே3 த்ருதீயோऽத்4யாய || 3
மூன்றாம் ஸ்கந்தம் - மூன்றாம் அத்யாயம் முற்றும்.