ஶ்ரீமத்பாகவதமஹாபுராணம் :: மூன்றாம் ஸ்கந்தம் :: அத்யாயம் 4.
உத்தவரிடம் விடை பெற்று விதுரர் மைத்ரேய ரிஷியிடம் போதல்
த்ருதீயஸ்கந்தே₄: அத₂ சதுர்தோ₂அத்₄யாய:

உத்₃த₄வ உவாச
அத₂ தே தத₃நுஜ்ஞாதா பு₄க்த்வா பீத்வா ச வாருணீம்|
தயா விப்₄ரம்ஶிதஜ்ஞானா து₃ருக்தைர் மர்ம பஸ்ப்ருஶு:|| 1

தேஷாம் மைரேயதோ₃ஷேண விஷமீக்ருத சேதஸாம்|
நிம்லோசதி ரவாவாஸீத்₃ வேணூநாமிவ மர்த₃னம்|| 2

ப₄க₃வான் ஸ்வாத்மமாயாயா க₃திம் தாமவலோக்ய ஸ:|
ஸரஸ்வதீமுபஸ்ப்ருஶ்ய வ்ருக்ஷமூலமுபாவிஶத்|| 3

அஹம் சோக்தோ ப₄க₃வதா ப்ரபந்நார்திஹரேண ஹ|
ப₃த₃ரீம் த்வம் ப்ரயாஹீதி ஸ்வகுலம் ஸஞ்ஜிஹீர்ஷுணா|| 4

அதா₂பி தத₃பி₄ப்ரேதம் ஜாநந் நஹமரிந்த₃ம|
ப்ருஷ்ட₂தோऽன்வக₃மம் ப₄ர்து: பாத₃விஶ்லேஷணாக்ஷம:|| 5

அத்₃ராக்ஷமேகமாஸீனம் விசின்வன் த₃யிதம் பதிம்|
ஶ்ரீநிகேதம் ஸரஸ்வத்யாம் க்ருதகேதமகேதனம்|| 6

ஶ்யாமாவதா₃தம் விரஜம் ப்ரஶாந்தாருணலோசனம்|
தோ₃ர்பி₄ஶ்சதுர்பி₄ர் விதி₃தம் பீதகௌஶாம்ப₃ரேண ச|| 7

வாம ஊராவதி₄ஶ்ரித்ய த₃க்ஷிணாங்க்₄ரிஸரோருஹம்|
அபாஶ்ரிதார்ப₄காஶ்வத்த₂மக்ருஶம் த்யக்தபிப்பலம்|| 8

தஸ்மின் மஹாபா₄க₃வதோ த்₃வைபாயன ஸுஹ்ருத் ஸகா₂|
லோகாநநுசரன் ஸித்₃த₄ ஆஸஸாத₃ யத்₃ருச்ச₂யா|| 9

தஸ்யாநுரக்தஸ்ய முநேர்முகுந்த₃:
ப்ரமோத₃பா₄வாநத கந்த₄ரஸ்ய|
ஆஶ்ருண்வதோ மாமநுராக₃ஹாஸ
ஸமீக்ஷயா விஶ்ரமயந்நு வாச|| 10

ஶ்ரீப₄க₃வாநுவாச
வேதா₃ஹமந்தர் மநஸீப்ஸிதம் தே
த₃தா₃மி யத்தத்₃ து₃ரவாபமன்யை:|
ஸத்ரே புரா விஶ்வஸ்ருஜாம் வஸூநாம்
மத்ஸித்₃தி₄காமேன வஸோ த்வயேஷ்ட:|| 11

ஸ ஏஷ ஸாதோ₄ சரமோ ப₄வாநா-
மாஸாதி₃தஸ்தே மத₃நுக்₃ரஹோ யத்|
யன்மாம் ந்ருலோகான் ரஹ உத்ஸ்ருஜந்தம்
தி₃ஷ்ட்யா த₃த்₃ருஶ்வான் விஶதா₃நுவ்ருத்த்யா|| 12

புரா மயா ப்ரோக்தமஜாய நாப்₄யே
பத்₃மே நிஷண்ணாய மமாதி₃ஸர்கே₃|
ஜ்ஞானம் பரம் மன்மஹிமாவபா₄ஸம்
யத் ஸூரயோ பா₄க₃வதம் வத₃ந்தி|| 13

இத்யாத்₃ருதோக்த: பரமஸ்ய பும்ஸ:
ப்ரதிக்ஷணாநுக்₃ரஹ பா₄ஜநோऽஹம்|
ஸ்நேஹோத்த₂ரோமா ஸ்க₂லிதாக்ஷரஸ்தம்
முஞ்சன் ஶுச: ப்ராஞ்ஜலிராப₃பா₄ஷே|| 14

கோ ந்வீஶ தே பாத₃ஸரோஜபா₄ஜாம்
ஸுது₃ர்லபோ₄ऽர்தே₂ஷு சதுர்ஷ்வபீஹ|
ததா₂பி நாஹம் ப்ரவ்ருணோமி பூ₄மன்
ப₄வத்பதா₃ம்போ₄ஜ நிஷேவணோத்ஸுக:|| 15

கர்மாண்யநீஹஸ்ய ப₄வோऽப₄வஸ்ய தே
து₃ர்கா₃ஶ்ரயோऽதா₂ரிப₄யாத் பலாயனம்|
காலாத்மநோ யத்ப்ரமதா₃யுதாஶ்ரய:
ஸ்வாத்மன் ரதே: கி₂த்₃யதி தீ₄ர்விதா₃மிஹ|| 16

மந்த்ரேஷு மாம் வா உபஹூய யத் த்வ-
மகுண்டி₂தாக₂ண்ட₃ ஸதா₃த்மபோ₃த₄:|
ப்ருச்சே₂: ப்ரபோ₄ முக்₃த₄ இவாப்ரமத்த-
ஸ்தந்நோ மநோ மோஹயதீவ தே₃வ|| 17

ஜ்ஞானம் பரம் ஸ்வாத்மரஹ:ப்ரகாஶம்
ப்ரோவாச கஸ்மை ப₄க₃வான் ஸமக்₃ரம்|
அபி க்ஷமம் நோ க்₃ரஹணாய ப₄ர்தர்
வதா₃ஞ்ஜஸா யத₃ வ்ருஜினம் தரேம|| 18

இத்யாவேதி₃த ஹார்தா₃ய மஹ்யம் ஸ ப₄க₃வான் பர:|
ஆதி₃தே₃ஶாரவிந்தா₃க்ஷ ஆத்மன: பரமாம் ஸ்தி₂திம்|| 19

ஸ ஏவமாராதி₄தபாத₃ தீர்தா₂த்
அதீ₄த தத்த்வாத்மவிபோ₃த₄மார்க₃:|
ப்ரணம்ய பாதௌ₃ பரிவ்ருத்ய தே₃வ-
மிஹாக₃தோऽஹம் விரஹாதுராத்மா|| 20

ஸோऽஹம் தத்₃த₃ர்ஶநாஹ்லாத₃ வியோகா₃ர்தியுத: ப்ரபோ₄|
க₃மிஷ்யே த₃யிதம் தஸ்ய ப₃த₃ர்யாஶ்ரம மண்ட₃லம்|| 21

யத்ர நாராயணோ தே₃வோ நரஶ்ச ப₄க₃வான் ருஷி:|
ம்ருது₃ தீவ்ரம் தபோ தீ₃ர்க₄ம் தேபாதே லோகபா₄வநௌ|| 22

ஶ்ரீஶுக உவாச
இத்யுத்₃த₄வாது₃பாகர்ண்ய ஸுஹ்ருதா₃ம் து₃:ஸஹம் வத₄ம்|
ஜ்ஞானேன அஶமயத் க்ஷத்தா ஶோகமுத்பதிதம் பு₃த₄:|| 23

ஸ தம் மஹா பா₄க₃வதம் வ்ரஜந்தம் கௌரவர்ஷப₄:|
விஶ்ரம்பா₄த₃ப்₄யத₄த்தேத₃ம் முக்₂யம் க்ருஷ்ணபரிக்₃ரஹே|| 24

ஶ்ரீவிது₃ர உவாச
ஜ்ஞானம் பரம் ஸ்வாத்மரஹ: ப்ரகாஶம்
யதா₃ஹ யோகே₃ஶ்வர ஈஶ்வரஸ்தே|
வக்தும் ப₄வாந்நோऽர்ஹதி யத்₃தி₄ விஷ்ணோர்-
ப்₄ருத்யா: ஸ்வப்₄ருத்யார்த₂க்ருதஶ்சரந்தி|| 25

உத்₃த₄வ உவாச
நநு தே தத்வஸம்ராத்₄ய ருஷி: கௌஷாரவோऽந்தி கே|
ஸாக்ஷாத்₃ப₄க₃வதா ऽऽதி₃ஷ்டோ மர்த்யலோகம் ஜிஹாஸதா|| 26

ஶ்ரீஶுக உவாச
இதி ஸஹ விது₃ரேண விஶ்வமூர்தே:
கு₃ணகத₂யா ஸுத₄யா ப்லாவிதோருதாப:|
க்ஷணமிவ புலிநே யமஸ்வஸுஸ்தாம்
ஸமுஷித ஔபக₃விர் நிஶாம் ததோ ऽகா₃த்|| 27

ராஜோவாச
நித₄நமுபக₃தேஷு வ்ருஷ்ணிபோ₄ஜேஷு
அதி₄ ரத₂ யூத₂பயூத₂பேஷு முக்₂ய:|
ஸ து கத₂மவஶிஷ்ட உத்₃த₄வோ யத்₃
ஹரிரபி தத்யஜ ஆக்ருதிம் த்ர்யதீ₄ஶ:|| 28

ஶ்ரீஶுக உவாச
ப்₃ரஹ்மஶாபாபதே₃ஶேன காலேநாமோக₄ வாஞ்சி₂த:|
ஸம்ஹ்ருத்ய ஸ்வகுலம் நூனம் த்யக்ஷ்யந் தே₃ஹமசிந்தயத்|| 29

அஸ்மால்லோகாது₃பரதே மயி ஜ்ஞானம் மதா₃ஶ்ரயம்|
அர்ஹத்யுத்₃த₄வ ஏவாத்₃தா₄ ஸம்ப்ரத்யாத்மவதாம் வர:|| 30

நோத்₃த₄வோऽண்வபி மன்ன்யூநோ யத்₃கு₃ணைர் நார்தி₃த: ப்ரபு₄:|
அதோ மத்₃வயுனம் லோகம் க்₃ராஹயந்நிஹ திஷ்ட₂து|| 31

ஏவம் த்ரிலோககு₃ருணா ஸந்தி₃ஷ்ட: ஶப்₃த₃யோநிநா|
ப₃த₃ர்யாஶ்ரமமாஸாத்₃ய ஹரிமீஜே ஸமாதி₄நா|| 32

விது₃ரோऽப்யுத்₃த₄வாச்ச்₂ருத்வா க்ருஷ்ணஸ்ய பரமாத்மன:|
க்ரீட₃யோபாத்த தே₃ஹஸ்ய கர்மாணி ஶ்லாகி₄தானி ச|| 33

தே₃ஹன்யாஸம் ச தஸ்யைவம் தீ₄ராணாம் தை₄ர்யவர்த₄னம்|
அன்யேஷாம் து₃ஷ்கரதரம் பஶூநாம் விக்லவாத்மநாம்|| 34

ஆத்மானம் ச குருஶ்ரேஷ்ட₂ க்ருஷ்ணேன மநஸேக்ஷிதம்|
த்₄யாயன் க₃தே பா₄க₃வதே ருரோத₃ ப்ரேமவிஹ்வல:|| 35

காளிந்த்₃யா: கதிபி₄: ஸித்₃த₄ அஹோபி₄ர் ப₄ரதர்ஷப₄|
ப்ராபத்₃யத ஸ்வ:ஸரிதம் யத்ர மித்ராஸுதோ முநி:|| 36

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம்
த்ருதீயஸ்கந்தே₄ விது₃ரோத்₃த₄வ ஸம்வாதே₃ சதுர்தோ₂ऽத்₄யாய || 4

மூன்றாம் ஸ்கந்தம் - நான்காம் அத்யாயம் முற்றும்.