ஶ்ரீமத்பாகவதமஹாபுராணம் :: மூன்றாம் ஸ்கந்தம் :: அத்யாயம் 2.
உத்தவர் பகவானின் பால லீலைகளை வர்ணித்தல்
த்ருதீயஸ்கந்தே4: அத2 த்3விதீயோஅத்4யாய:
ஶ்ரீஶுக உவாச
இதி பா4க3வத: ப்ருஷ்ட: க்ஷத்த்ரா வார்தாம் ப்ரியாஶ்ரயாம்|
ப்ரதிவக்தும் ந சோத்ஸேஹ ஔத்கண்ட்2யாத் ஸ்மாரிதேஶ்வர:|| 1
ய: பஞ்சஹாயநோ மாத்ரா ப்ராதராஶாய யாசித:|
தன்னைச்ச2த்3 ரசயன் யஸ்ய ஸபர்யாம் பா3லலீலயா|| 2
ஸ கத2ம் ஸேவயா தஸ்ய காலேன ஜரஸம் க3த:|
ப்ருஷ்டோ வார்தாம் ப்ரதிப்3ரூயாத்3 ப4ர்து: பாதா3வநுஸ்மரன் || 3
ஸ முஹூர்தமபூ4த் தூஷ்ணீம் க்ருஷ்ணாங்க்4ரிஸுத4யா ப்4ருஶம்|
தீவ்ரேண ப4க்தியோகே3ன நிமக்3ன: ஸாது4 நிர்வ்ருத:|| 4
புலகோத்3பி4ன்ன ஸர்வாங்கோ3 முஞ்சன் மீலத்3 த்3ருஶா ஶுச:|
பூர்ணார்தோ2 லக்ஷிதஸ்தேன ஸ்நேஹப்ரஸரஸம்ப்லுத:|| 5
ஶநகைர் ப4க3வல்லோகாந் ந்ருலோகம் புநராக3த:|
விம்ருஜ்ய நேத்ரே விது3ரம் ப்ரத்யாஹோத்3த4வ உத்ஸ்மயன்|| 6
உத்3த4வ உவாச
க்ருஷ்ணத்3யுமணி நிம்லோசே கீ3ர்ணேஷ்வஜக3ரேண ஹ|
கிம் நு ந: குஶலம் ப்3ரூயாம் க3தஶ்ரீஷு க்3ருஹேஷ்வஹம்|| 7
து3ர்ப4கோ3 ப3த லோகோऽயம் யத3வோ நிதராமபி|
யே ஸம்வஸந் தோ ந விது3ர் ஹரிம் மீனா இவோடு3பம்|| 8
இங்கி3தஜ்ஞா: புருப்ரௌடா4 ஏகாராமாஶ்ச ஸாத்வதா:|
ஸாத்வதாம் ருஷப4ம் ஸர்வே பூ4தாவாஸமமம்ஸத|| 9
தே3வஸ்ய மாயயா ஸ்ப்ருஷ்டா யே சான்யத3ஸதா3ஶ்ரிதா:|
ப்4ராம்யதே தீ4ர் ந தத்3வாக்யை: ஆத்மன்யுப்தாத்மநோ ஹரௌ|| 10
ப்ரத3ர்ஶ்யாதப்த தபஸாமவித்ருப்த த்3ருஶாம் ந்ருணாம்|
ஆதா3யாந் தரதா4த்3 யஸ்து ஸ்வபி3ம்ப3ம் லோகலோசனம்|| 11
யன்மர்த்யலீலௌபயிகம் ஸ்வயோக3
மாயாப3லம் த3ர்ஶயதா க்3ருஹீதம்|
விஸ்மாபனம் ஸ்வஸ்ய ச ஸௌப4க3ர்த்3தே4:
பரம் பத3ம் பூ4ஷண பூ4ஷணாங்க3ம்|| 12
யத்3த4ர்மஸூ நோர் ப3த ராஜஸூயே
நிரீக்ஷ்ய த்3ருக்ஸ்வஸ்த்யயனம் த்ரிலோக:|
கார்த்ஸ்ன்யேன சாத்3யேஹ க3தம் விதா4து-
ரர்வாக்ஸ்ருதௌ கௌஶலமித்யமன்யத|| 13
யஸ்யாநுராக3ப்லுதஹாஸராஸ
லீலாவலோக ப்ரதிலப்3த4மாநா:|
வ்ரஜஸ்த்ரியோ த்3ருக்3பி4ரநு ப்ரவ்ருத்த
தி4யோऽவதஸ்து2: கில க்ருத்ய ஶேஷா:|| 14
ஸ்வஶாந் தரூபேஷ்விதரை: ஸ்வரூபை-
ரப்4யர்த்3யமாநேஷ்வநுகம்பிதாத்மா|
பராவரேஶோ மஹத3ம்ஶயுக்தோ
ஹ்யஜோऽபி ஜாதோ ப4க3வான் யதா2க்3னி:|| 15
மாம் கே2த3யத்யேதத3ஜஸ்ய ஜன்ம
விட3ம்ப3னம் யத்3வஸுதே3வகே3ஹே|
வ்ரஜே ச வாஸோऽரிப4யாதி3வ ஸ்வயம்
புராத்3 வ்யவாத்ஸீத்3யத3நந் தவீர்ய:|| 16
து3நோதி சேத: ஸ்மரதோ மமைதத்3
யதா3ஹ பாதா3வபி4வந் த்3ய பித்ரோ:|
தாதாம்ப3 கம்ஸாது3ருஶங்கிதாநாம்
ப்ரஸீத3தம் நோऽக்ருத நிஷ்க்ருதீநாம்|| 17
கோ வா அமுஷ்யாங்க்4ரிஸரோஜரேணும்
விஸ்மர்துமீஶீத புமான் விஜிக்4ரன்|
யோ விஸ்பு2ரத்3 ப்4ரூவிடபேன பூ4மேர்
பா4ரம் க்ருதாந் தேன திரஶ்சகார|| 18
த்3ருஷ்டா ப4வத்3பி4ர்நநு ராஜஸூயே
சைத்3யஸ்ய க்ருஷ்ணம் த்3விஷதோऽபி ஸித்3தி4:|
யாம் யோகி3ன: ஸம்ஸ்ப்ருஹயந் தி ஸம்யக்3
யோகே3ன கஸ்தத்3விரஹம் ஸஹேத|| 19
ததை2வ சான்யே நரலோகவீரா
ய ஆஹவே க்ருஷ்ணமுகா2ரவிந்த3ம்|
நேத்ரை: பிப3ந்தோ நயநாபி4ராமம்
பார்தா2ஸ்த்ரபூத: பத3மாபுரஸ்ய|| 20
ஸ்வயம் த்வஸாம்யாதிஶயஸ்த்ர்யதீ4ஶ:
ஸ்வாராஜ்யலக்ஷ்ம்யாப்தஸமஸ்தகாம:|
ப3லிம் ஹரத்3பி4ஶ்சிர லோகபாலை:
கிரீடகோட்யேடி3த பாத3பீட2:|| 21
தத் தஸ்ய கைங்கர்ய மலம் ப்4ருதாந் நோ
விக்3லாபயத்யங்க3 யது3க்3ரஸேனம்|
திஷ்ட2ந் நிஷண்ணம் பரமேஷ்டி2தி4ஷ்ண்யே
ந்யபோ3த4யத்3 தே3வ நிதா4ரயேதி|| 22
அஹோ ப3கீ யம் ஸ்தனகாலகூடம்
ஜிகா4ம்ஸயாபாயயத3ப்யஸாத்4வீ|
லேபே4 க3திம் தா4த்ர்யுசிதாம் ததோऽன்யம்
கம் வா த3யாளும் ஶரணம் வ்ரஜேம|| 23
மன்யேऽஸுரான் பா4க3வதாம்ஸ்த்ர்யதீ4ஶே
ஸம்ரம்ப4 மார்கா3பி4 நிவிஷ்ட சித்தான்|
யே ஸம்யுகே3ऽசக்ஷத தார்க்ஷ்ய புத்ர-
மம்ஸே ஸுநாபா4யுத4மாபதந்தம்|| 24
வஸுதே3வஸ்ய தே3வக்யாம் ஜாதோ போ4ஜேந்த்3ரப3ந் த4நே|
சிகீர்ஷுர் ப4க3வானஸ்யா: ஶமஜேநாபி4யாசித:|| 25
ததோ நந்த3வ்ரஜமித: பித்ரா கம்ஸாத்3 விபி3ப்4யதா|
ஏகாத3ஶ ஸமாஸ்தத்ர கூ3டா4ர்சி: ஸப3லோऽவஸத்|| 26
பரீதோ வத்ஸபைர் வத்ஸாம்ஶ்சாரயன் வ்யஹரத்3 விபு4:|
யமுநோபவனே கூஜத்3 த்3விஜஸங்குலிதாங்க்4ரிபே|| 27
கௌமாரீம் த3ர்ஶயம்ஶ்சேஷ்டாம் ப்ரேக்ஷணீயாம் வ்ரஜௌகஸாம்|
ருத3ந்நிவ ஹஸன்முக்3த4 பா3லஸிம்ஹாவலோகன:|| 28
ஸ ஏவ கோ3த4னம் லக்ஷ்ம்யா நிகேதம் ஸிதகோ3வ்ருஷம்|
சாரயந் நநுகா3ன் கோ3பான் ரணத்3வேணுரரீரமத்|| 29
ப்ரயுக்தான் போ4ஜராஜேன மாயின: காமரூபிண:|
லீலயா வ்யநுத3த் தாம்ஸ்தான் பா3ல: க்ரீட3நகாநிவ|| 30
விபந்நான் விஷபாநேன நிக்3ருஹ்ய பு4ஜகா3தி4பம்|
உத்தா2ப்யாபாயயத்3 கா3வஸ்தத்தோயம் ப்ரக்ருதிஸ்தி2தம்|| 31
அயாஜயத்3 கோ3ஸவேன கோ3பராஜம் த்3விஜோத்தமை:|
வித்தஸ்ய சோருபா4ரஸ்ய சிகீர்ஷன் ஸத்3வ்யயம் விபு4:|| 32
வர்ஷதீந்த்3ரே வ்ரஜ: கோபாத்3 ப4க்3நமாநேऽதிவிஹ்வல:|
கோ3த்ரலீலாதபத்ரேண த்ராதோ ப4த்3ராநுக்3ருஹ்ணதா|| 33
ஶரத் ஶஶிகரைர் ம்ருஷ்டம் மாநயன் ரஜநீமுக2ம்|
கா3யன் கலபத3ம் ரேமே ஸ்த்ரீணாம் மண்ட3ல மண்ட3ன:|| 34
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
த்ருதீயஸ்கந்தே4 விது3ரோத்3த4வ ஸம்வாதே3 த்3விதீயோऽத்4யாய || 2
மூன்றாம் ஸ்கந்தம் - இரண்டாம் அத்யாயம் முற்றும்.