ஶ்ரீமத்பாகவதமஹாபுராணம் :: மூன்றாம் ஸ்கந்தம் :: அத்யாயம் 1.
உத்தவரும் விதுரரும் சந்தித்தல்
த்ருதீயஸ்கந்தே4: அத2 ப்ரத2மோஅத்4யாய:
ஶ்ரீஶுக உவாச|
ஏவ மேதத் புரா ப்ருஷ்டோ மைத்ரேயோ ப4க3வான் கில|
க்ஷத்த்ரா வனம் ப்ரவிஷ்டேன த்யக்த்வா ஸ்வக்3ருஹம்ருத்3தி4மத்|| 1
யத்3வா அயம் மந்த்ரக்ருத்3 வோ ப4க3வாநகி2லேஶ்வர:|
பௌரவேந்த்3ர க்3ருஹம் ஹித்வா ப்ரவிவேஶாத்மஸாத்க்ருதம்|| 2
ராஜோவாச|
குத்ர க்ஷத்துர் ப4க3வதா மைத்ரேயேணாஸ ஸங்க3ம:|
கதா3 வா ஸஹ ஸம்வாத3 ஏதத்3 வர்ணய ந: ப்ரபோ4|| 3
ந ஹ்யல்பார்தோ2த3யஸ்தஸ்ய விது3ரஸ்யாமலாத்மன:|
தஸ்மின் வரீயஸி ப்ரஶ்ன: ஸாது4வாதோ3பப்3ரும்ஹித:|| 4
ஸூத உவாச|
ஸ ஏவம் ருஷிவர்யோऽயம் ப்ருஷ்டோ ராஜ்ஞா பரீக்ஷிதா|
ப்ரத்யாஹ தம் ஸுப3ஹுவித் ப்ரீதாத்மா ஶ்ரூயதாமிதி|| 5
ஶ்ரீஶுக உவாச|
யதா3 து ராஜா ஸ்வஸுதாநஸாதூ4ன்
புஷ்ணன் அத4ர்மேண விநஷ்டத்3ருஷ்டி:|
ப்4ராதுர் யவிஷ்ட2ஸ்ய ஸுதான் விப3ந்தூ4ன்
ப்ரவேஶ்ய லாக்ஷாப4வனே த3தா3ஹ|| 6
யதா3 ஸபா4யாம் குருதே3வதே3வ்யா:
கேஶாபி4மர்ஶம் ஸுதகர்ம க3ர்ஹ்யம்|
ந வாரயாமாஸ ந்ருப: ஸ்நுஷாயா:
ஸ்வாஸ்ரைர் ஹரந்த்யா: குசகுங்குமானி|| 7
த்3யூதே த்வத4ர்மேண ஜிதஸ்ய ஸாதோ4:
ஸத்யாவலம்ப3ஸ்ய வனாக3தஸ்ய|
ந யாசதோऽதா3த் ஸமயேன தா3யம்
தமோ ஜுஷாணோ யத3ஜாதஶத்ரோ:|| 8
யதா3 ச பார்த்த2ப்ரஹித: ஸபா4யாம்
ஜக3த்3கு3ருர் யானி ஜகா3த3 க்ருஷ்ண:|
ந தானி பும்ஸாமம்ருதாயநாநி
ராஜோரு மேனே க்ஷதபுண்யலேஶ:|| 9
யதோ3பஹூதோ ப4வனம் ப்ரவிஷ்டோ
மந்த்ராய ப்ருஷ்ட: கில பூர்வஜேன|
அதா2ஹ தன்மந்த்ரத்3ருஶாம் வரீயான்
யன்மந்த்ரிணோ வைது3ரிகம் வத3ந்தி|| 10
அஜாதஶத்ரோ: ப்ரதியச்ச2 தா3யம்
திதிக்ஷதோ து3ர்விஷஹம் தவாக3:|
ஸஹாநுஜோ யத்ர வ்ருகோத3ராஹி:
ஶ்வஸன் ருஷா யத் த்வமலம் பி3பே4ஷி|| 11
பார்தா2ம்ஸ்து தே3வோ ப4க3வான் முகுந்தோ3
க்3ருஹீதவான் ஸ க்ஷிதிதே3வதே3வ:|
ஆஸ்தே ஸ்வபுர்யாம் யது3தே3வதே3வோ
விநிர்ஜிதாஶேஷ ந்ருதே3வதே3வ:|| 12
ஸ ஏஷ தோ3ஷ: புருஷத்3விடா3ஸ்தே
க்3ருஹான் ப்ரவிஷ்டோ யமபத்யமத்யா|
புஷ்ணாஸி க்ருஷ்ணாத்3 விமுகோ2 க3தஶ்ரீ
ஸ்த்யஜாஶ்வஶைவம் குலகௌஶலாய|| 13
இத்யூசிவாம்ஸ்தத்ர ஸுயோத4னேன
ப்ரவ்ருத்3த4கோபஸ்பு2ரிதாத4ரேண|
அஸத்க்ருத: ஸத்ஸ்ப்ருஹணீயஶீல:
க்ஷத்தா ஸகர்ணாநுஜஸௌப3லேன|| 14
க ஏனமத்ரோபஜுஹாவ ஜிஹ்மம்
தா3ஸ்யா: ஸுதம் யத்3ப3லினைவ புஷ்ட:|
தஸ்மின் ப்ரதீப: பரக்ருத்ய ஆஸ்தே
நிர்வாஸ்யதாமாஶு புராச்ச்2வஸான:|| 15
ஸ இத்த2மத்யுல்ப3ணகர்ணபா3ணைர்
ப்4ராது: புரோ மர்மஸு தாடி3தோऽபி|
ஸ்வயம் த4நுர் த்3வாரி நிதா4ய மாயாம்
க3தவ்யதோ2ऽயாது3ரு மாநயான:|| 16
ஸ நிர்க3த: கௌரவபுண்யலப்3தோ4
க3ஜாஹ்வயாத் தீர் த2பத3: பதா3னி|
அன்வாக்ரமத் புண்யசிகீர்ஷயோர்வ்யாம்
ஸ்வதி4ஷ்டி2தோ யானி ஸஹஸ்ரமூர்தி:|| 17
புரேஷு புண்யோபவநாத்3ரி குஞ்ஜேஷ
அபங்கதோயேஷு ஸரித்ஸர:ஸு|
அனந்தலிங்கை3: ஸமலங்க்ருதேஷு
சசார தீர்தா2யதனேஷ்வனன்ய:|| 18
கா3ம் பர்யடன் மேத்4யவிவிக்தவ்ருத்தி:
ஸதா3ऽऽப்லுதோऽத4: ஶயநோऽவதூ4த:|
அலக்ஷித: ஸ்வைரவதூ4தவேஷோ
வ்ரதாநி சேரே ஹரிதோஷணானி|| 19
இத்த2ம் வ்ரஜன் பா4ரதமேவ வர்ஷம்
காலேன யாவத்3க3தவான் ப்ரபா4ஸம்|
தாவத் ஶஶாஸ க்ஷிதிமேக சக்ராமே-
காதபத்ராமஜிதேன பார்த்த2:|| 20
தத்ராத2 ஶுஶ்ராவ ஸுஹ்ருத்3விநஷ்டிம்
வனம் யதா2 வேணுஜ வன்ஹி ஸம்ஶ்ரயம்|
ஸம்ஸ்பர்த4யா த3க்3த4மதா2நுஶோசன்
ஸரஸ்வதீம் ப்ரத்யகி3யாய தூஷ்ணீம்|| 21
தஸ்யாம் த்ரிதஸ்யோஶனஸோ மநோஶ்ச
ப்ருதோ2ரதா2க்3நேரஸிதஸ்ய வாயோ:|
தீர்த்த2ம் ஸுதா3ஸஸ்ய க3வாம் கு3ஹஸ்ய
யச்ச்2ராத்3த4 தே3வஸ்ய ஸ ஆஸிஷேவே|| 22
அன்யாநி சேஹ த்3விஜதே3வதே3வை:
க்ருதானி நாநாயதனானி விஷ்ணோ:|
ப்ரத்யங்க3முக்2யாங்கித மந்தி3ராணி
யத்3த3ர்ஶநாத் க்ருஷ்ண மநுஸ்மரந்தி|| 23
ததஸ்த்வதிவ்ரஜ்ய ஸுராஷ்ட்ரம்ருத்3த4ம்
ஸௌவீரமத்ஸ்யான் குருஜாங்க3லாம்ஶ்ச|
காலேன தாவத்3 யமுநாமுபேத்ய
தத்ரோத்3த4வம் பா4க3வதம் த3த3ர்ஶ|| 24
ஸ வாஸுதே3வாநுசரம் ப்ரஶாந்தம்
ப்3ருஹஸ்பதே: ப்ராக் தநயம் ப்ரதீதம்|
ஆலிங்க்3ய கா3ட4ம் ப்ரணயேன ப4த்3ரம்
ஸ்வாநாமப்ருச்ச2த்3 ப4க3வத்ப்ரஜாநாம்|| 25
கச்சித் புராணௌ புருஷௌ ஸ்வநாப்4ய
பாத்3மாநுவ்ருத்யேஹ கிலாவதீர்ணௌ|
ஆஸாத உர்வ்யா: குஶலம் விதா4ய
க்ருதக்ஷணௌ குஶலம் ஶூரகே3ஹே|| 26
கச்சித் குரூணாம் பரம: ஸுஹ்ருந்நோ
பா4ம: ஸ ஆஸ்தே ஸுக2மங்க3 ஶௌரி:|
யோ வை ஸ்வஸ்ணாம் பித்ருவத்3 த3தா3தி
வரான் வதா3ன்யோ வரதர்பணேன|| 27
கச்சித்3 வரூதா2தி4பதிர் யதூ3நாம்
ப்ரத்3யும்ந ஆஸ்தே ஸுக2மங்க3 வீர:|
யம் ருக்மிணீ ப4க3வதோऽபி4லேபே4
ஆராத்4ய விப்ரான் ஸ்மரமாதி3ஸர்கே3|| 28
கச்சித் ஸுக2ம் ஸாத்வத வ்ருஷ்ணிபோ4ஜ
தா3ஶார்ஹகாணாமதி4ப: ஸ ஆஸ்தே|
யமப்4யஷிஞ்சச் ச2தபத்ரநேத்ரோ
ந்ருபாஸநாஶாம் பரிஹ்ருத்ய தூ3ராத்|| 29
கச்சித்3 ஹரே: ஸௌம்ய ஸுத: ஸத்3ருக்ஷ
ஆஸ்தேऽக்3ரணீ ரதி2நாம் ஸாது4 ஸாம்ப3:|
அஸூத யம் ஜாம்ப3வதீ வ்ரதாட்4யா
தே3வம் கு3ஹம் யோऽம்பி3கயா த்4ருதோऽக்3ரே|| 30
க்ஷேமம் ஸ கச்சித்3யுயுதா4ன ஆஸ்தே
ய: பா2ல்கு3நால்லப்3த4 த4நூரஹஸ்ய:|
லேபே4ऽஞ்ஜஸாதோ4க்ஷஜ ஸேவயைவ
க3திம் ததீ3யாம் யதிபி4ர் து3ராபாம்|| 31
கச்சித்3 பு3த4: ஸ்வஸ்த்யனமீவ ஆஸ்தே
ஶ்வப2ல்கபுத்ரோ ப4க3வத்ப்ரபன்ன:|
ய: க்ருஷ்ணபாதா3ங்கித மார்க3பாம்ஸு-
ஷ்வசேஷ்டத ப்ரேமவிபி4ன்னதை4ர்ய:|| 32
கச்சிச்சி2வம் தே3வக போ4ஜபுத்ர்யா
விஷ்ணுப்ரஜாயா இவ தே3வமாது:|
யா வை ஸ்வக3ர்பே4ண த3தா4ர தே3வம்
த்ரயீ யதா2 யஜ்ஞவிதானமர்த்த2ம்|| 33
அபிஸ்விதா3ஸ்தே ப4க3வான் ஸுக2ம் வோ
ய: ஸாத்வதாம் காமது3கோ4ऽநிருத்3த4:|
யமாமநந்தி ஸ்ம ஹி ஶப்3த3யோனிம்
மநோமயம் ஸத்த்வதுரீய தத்வம்|| 34
அபிஸ்வித3ன்யே ச நிஜாத்ம
தை3வமநன்யவ்ருத்த்யா ஸமநுவ்ரதா யே|
ஹ்ருதீ3கஸத்யாத்மஜ சாருதே3ஷ்ண
க3தா3த3ய: ஸ்வஸ்தி சரந்தி ஸௌம்ய|| 35
அபி ஸ்வதோ3ர்ப்4யாம் விஜயாச்யுதாப்4யாம்
த4ர்மேண த4ர்ம: பரிபாதி ஸேதும்|
து3ர்யோத4நோऽதப்யத யத்ஸபா4யாம்
ஸாம்ராஜ்யலக்ஷ்ம்யா விஜயாநுவ்ருத்த்யா|| 36
கிம் வா க்ருதாகே4ஷ்வக4மத்யமர்ஷீ
பீ4மோऽஹிவத்3 தீ3ர்க4தமம் வ்யமுஞ்சத்|
யஸ்யாங்க்4ரிபாதம் ரணபூ4ர் ந ஸேஹே
மார்க3ம் க3தா3யாஶ்சரதோ விசித்ரம்|| 37
கச்சித்3 யஶோதா4 ரத2யூத2பாநாம்
கா3ண் டீ3வத4ன்வோபரதாரிராஸ்தே|
அலக்ஷிதோ யச்ச2ர கூட கூ3டோ3
மாயாகிராதோ கி3ரிஶஸ்துதோஷ|| 38
யமாவுதஸ்வித் தனயௌ ப்ருதா2யா:
பார்தை2ர் வ்ருதௌ பக்ஷ்மபி4ரக்ஷிணீவ|
ரேமாத உத்3தா3ய ம்ருதே4 ஸ்வரிக்த2ம்
பராத் ஸுபர்ணாவிவ வஜ்ரிவக்த்ராத்|| 39
அஹோ ப்ருதா2பி த்4ரியதேऽர்ப4கார்தே2
ராஜர்ஷிவர்யேண விநாபி தேன|
யஸ்த்வேகவீரோऽதி4ரதோ2 விஜிக்3யே
த4நுர்த்3விதீய: ககுப4ஶ்சதஸ்ர:|| 40
ஸௌம்யாநுஶோசே தமத4: பதந்தம்
ப்4ராத்ரே பரேதாய விது3த்3ருஹே ய:|
நிர்யாபிதோ யேன ஸுஹ்ருத் ஸ்வபுர்யா
அஹம் ஸ்வபுத்ரான் ஸமநுவ்ரதேன|| 41
ஸோऽஹம் ஹரேர் மர்த்ய விட3ம்ப3னேன
த்3ருஶோ ந்ருணாம் சாலயதோ விதா4து:|
நான்யோபலக்ஷ்ய: பத3வீம் ப்ரஸாதா3ச்
சராமி பஶ்யன் க3தவிஸ்மயோऽத்ர|| 42
நூனம் ந்ருபாணாம் த்ரிமதோ3த்பதா2நாம்
மஹீம் முஹுஶ்சாலயதாம் சமூபி4:|
வதா4த் ப்ரபன்நார்திஜிஹீர்ஷயேஶோ-
ऽப்யுபைக்ஷதாக4ம் ப4க3வான் குரூணாம்|| 43
அஜஸ்ய ஜன்மோத்பத2நாஶநாய
கர்மாண்யகர்துர் க்3ரஹணாய பும்ஸாம்|
நன்வன்யதா2 கோऽர்ஹதி தே3ஹயோக3ம்
பரோ கு3ணாநாமுத கர்மதந்த்ரம்|| 44
தஸ்ய ப்ரபந்நாகி2ல லோகபாநா-
மவஸ்தி2தாநாமநுஶாஸநே ஸ்வே|
அர்தா2ய ஜாதஸ்ய யது3ஷ்வஜஸ்ய
வார்த்தாம் ஸகே2 கீர்தய தீர்த்த2கீர்தே:|| 45
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம்
த்ருதீயஸ்கந்தே4 விது3ரோத்3த4வ ஸம்வாதே3 ப்ரத2மோऽத்4யாய: || 1
மூன்றாம் ஸ்கந்தம் - முதல் அத்யாயம் முற்றும்.