ஶ்ரீமத்பாகவதமஹாபுராணம் :: பதினொன்றாம் ஸ்கந்தம் :: அத்யாயம் 21.
குண தோஷ வ்யவஸ்தையின் ஸ்வரூபமும் மற்றும் ரகச்யமும்
அத2 ஏகவிம்ஶோऽத்4யாய:
ஶ்ரீப4க3வாநுவாச
ய ஏதான் மத்பதோ2 ஹித்வா ப4க்திஜ்ஞான க்ரியாத்மகான்|
க்ஷுத்3ரான் காமாம்ஶ்சலை: ப்ராணைர் ஜுஷந்த: ஸம்ஸரந்தி தே|| 1
ஸ்வே ஸ்வேऽதி4காரே யா நிஷ்டா2 ஸ கு3ண: பரிகீர்தித:|
விபர்யயஸ்து தோ3ஷ: ஸ்யாது3ப4யோரேஷ நிஶ்சய:|| 2
ஶுத்3த்4யஶுத்3தீ4 விதீ4யேதே ஸமாநேஷ்வபி வஸ்துஷு|
த்3ரவ்யஸ்ய விசிகித் ஸார்த2ம் கு3ண தோ3 ஷௌ ஶுபா4ஶுபௌ4|| 3
த4ர்மார்த2ம் வ்யவஹாரார்த2ம் யாத்ரார்த2 மிதி சானக4|
த3ர்ஶிதோऽயம் மயாऽऽசாரோ த4ர்ம முத்3வஹதாம் து4ரம்|| 4
பூ4ம்யம் ப்3வக்3ன்ய நிலாகாஶா பூ4தாநாம் பஞ்ச தா4தவ:|
ஆப்3ரஹ்மஸ்தா2வராதீ3நாம் ஶாரீரா ஆத்மஸம்யுதா:|| 5
வேதே3ன நாம ரூபாணி விஷமாணி ஸமேஷ்வபி|
தா4துஷூத்3த4வ கல்ப்யந்த ஏதேஷாம் ஸ்வார்த2ஸித்3த4யே|| 6
தே3ஶகாலாதி3பா4வாநாம் வஸ்தூநாம் மம ஸத்தம|
கு3ணதோ3ஷௌ விதீ4யேதே நியமார்த2ம் ஹி கர்மணாம்|| 7
அக்ருஷ்ணஸாரோ தே3ஶாநாமப்3ரஹ்மண்யோऽஶுசிர்ப4வேத்|
க்ருஷ்ண ஸாரோऽப்யஸௌவீர கீகடாஸம்ஸ் க்ருதேரிணம்|| 8
கர்மண்யோ கு3ணவான் காலோ த்3ரவ்யத: ஸ்வத ஏவ வா|
யதோ நிவர்ததே கர்ம ஸ தோ3ஷோऽகர்மக: ஸ்ம்ருத:|| 9
த்3ரவ்யஸ்ய ஶுத்3த்4ய ஶுத்3தீ4 ச த்3ரவ்யேண வசனேன ச|
ஸம்ஸ்காரேணாத2 காலேன மஹத்வால்ப தயாத2வா|| 10
ஶக்த்யா ஶக்த்யாத2வா பு3த்3த்4யா ஸம்ருத்3த்4யா ச யதா3த்மனே|
அக4ம் குர்வந்தி ஹி யதா2 தே3ஶாவஸ்தா2நு ஸாரத:|| 11
தா4ன்யதா3ர்வஸ்தி2தந்தூநாம் ரஸதைஜஸசர்மணாம்|
காலவாய்வக்3நி ம்ருத்தோயை: பார்தி2வாநாம் யுதாயுதை:|| 12
அமேத்4யலிப்தம் யத்3 யேன க3ந்த4ம் லேபம் வ்யபோஹதி|
ப4ஜதே ப்ரக்ருதிம் தஸ்ய தச்சௌ2சம் தாவதி3ஷ்யதே|| 13
ஸ்நாந தா3ன தபோऽவஸ்தா2 வீர்ய ஸம்ஸ்கார கர்மபி4:|
மத் ஸ்ம்ருத்யா சாத்மன: ஶௌசம் ஶுத்3த4: கர்மா சரேத்3 த்3விஜ:|| 14
மந்த்ரஸ்ய ச பரிஜ்ஞானம் கர்ம ஶுத்3தி4ர் மத3ர்பணம்|
த4ர்ம: ஸம்பத்3யதே ஷட்3பி4 ரத4ர்மஸ்து விபர்யய:|| 15
க்வசித்3 கு3ணோऽபி தோ3ஷ: ஸ்யாத்3 தோ3ஷோऽபி விதி4நா கு3ண:|
கு3ணதோ3ஷார்த2 நியமஸ்தத்3பி4தா3 மேவ பா3த4தே|| 16
ஸமான கர்மாசரணம் பதிதாநாம் ந பாதகம்|
ஔத்பத்தி கோ கு3ண: ஸங்கோ3 ந ஶயான: பதத்யத4:|| 17
யதோ யதோ நிவர்தேத விமுச்யேத ததஸ்தத:|
ஏஷ த4ர்மோ ந்ருணாம் க்ஷேம: ஶோக மோஹ ப4யாபஹ:|| 18
விஷயேஷு கு3ணாத்4யாஸாத் பும்ஸ: ஸங்க3ஸ்ததோ ப4வேத்|
ஸங்கா3த்தத்ர ப4வேத் காம: காமாதே3வ கலிர்ந்ருணாம்|| 19
கலேர்து3ர்விஷஹ: க்ரோத4ஸ்தமஸ் தமநுவர்ததே|
தமஸா க்3ரஸ்யதே பும்ஸஶ்சேதநா வ்யாபிநீ த்3ருதம்|| 20
தயா விரஹித: ஸாதோ4 ஜந்து: ஶூன்யாய கல்பதே|
ததோऽஸ்ய ஸ்வார்த2விப்4ரம்ஶோ மூர்ச்சி2தஸ்ய ம்ருதஸ்ய ச|| 21
விஷயாபி4நிவேஶேன நாத்மானம் வேத3 நாபரம்|
வ்ருக்ஷஜீவிகயா ஜீவன் வ்யர்த2ம் ப4ஸ்த்ரேவ ய: ஶ்வஸன்|| 22
ப2லஶ்ருதிரியம் ந்ருணாம் ந ஶ்ரேயோ ரோசனம் பரம்|
ஶ்ரேயோ விவக்ஷயா ப்ரோக்தம் யதா2 பை4ஷஜ்ய ரோசனம்|| 23
உத்பத்த்யைவ ஹி காமேஷு ப்ராணேஷு ஸ்வஜனேஷு ச|
ஆஸக்தமனஸோ மர்த்யா ஆத்மநோऽநர்த2ஹேதுஷு|| 24
ந தான விது3ஷ: ஸ்வார்த2ம் ப்4ராம்யதோ வ்ருஜிநாத்4வநி|
கத2ம் யுஞ்ஜ்யாத் புனஸ்தேஷு தாம்ஸ்தமோ விஶதோ பு3த4:|| 25
ஏவம் வ்யவஸிதம் கேசித3விஜ்ஞாய குபு3த்3த4ய:|
ப2லஶ்ருதிம் குஸுமிதாம் ந வேத3ஜ்ஞா வத3ந்தி ஹி|| 26
காமின: க்ருபணா லுப்3தா4: புஷ்பேஷு ப2லபு3த்3த4ய:|
அக்3நிமுக்3தா4 தூ4மதாந்தா: ஸ்வம் லோகம் ந வித3ந்தி தே|| 27
ந தே மாமங்க3 ஜாநந்தி ஹ்ருதி3ஸ்த2ம் ய இத3ம் யத:|
உக்த2 ஶஸ்த்ரா ஹ்யஸுத்ருபோ யதா2 நீஹாரசக்ஷுஷ:|| 28
தே மே மதமவிஜ்ஞாய பரோக்ஷம் விஷயாத்மகா:|
ஹிம்ஸாயாம் யதி3 ராக3: ஸ்யாத்3 யஜ்ஞ ஏவ ந சோத3நா|| 29
ஹிம்ஸாவிஹாரா ஹ்யாலப்3தை4: பஶுபி4: ஸ்வஸுகே2ச்ச2யா|
யஜந்தே தே3வதா யஜ்ஞை: பித்ருபூ4தபதீன் க2லா:|| 30
ஸ்வப்நோபமமமும் லோகமஸந்தம் ஶ்ரவண ப்ரியம்|
ஆஶிஷோ ஹ்ருதி3 ஸங்கல்ப்ய த்யஜந்த்யர்தா2ன் யதா2 வணிக்|| 31
ரஜ: ஸத்வ தமோநிஷ்டா2 ரஜ: ஸத்வ தமோஜுஷ:|
உபாஸத இந்த்3ர முக்2யான் தே3வாதீ3ன் ந ததை2வ மாம்|| 32
இஷ்ட்வேஹ தே3வதா யஜ்ஞைர்க3த்வா ரம்ஸ்யா மஹே தி3வி|
தஸ்யாந்த இஹ பூ4யாஸ்ம மஹாஶாலா மஹாகுலா:|| 33
ஏவம் புஷ்பிதயா வாசா வ்யாக்ஷிப்தமனஸாம் ந்ருணாம்|
மாநிநாம் சாதிலுப்3தா4நாம் மத்3வார்தாபி ந ரோசதே|| 34
வேதா3 ப்3ரஹ்மாத்மவிஷயா ஸ்த்ரிகாண்ட3 விஷயா இமே|
பரோக்ஷவாதா3 ருஷய: பரோக்ஷம் மம ச ப்ரியம்|| 35
ஶப்3த3 ப்3ரஹ்ம ஸுது3ர்போ3த4ம் ப்ராணேந்த்3ரிய மநோமயம்|
அநந்தபாரம் க3ம்பீ4ரம் து3ர்வி கா3ஹ்யம் ஸமுத்3ரவத்|| 36
மயோப ப்3ரும்ஹிதம் பூ4ம்நா ப்3ரஹ்மணாநந்த ஶக்திநா|
பூ4தேஷு கோ4ஷரூபேண பி3ஸேஷூர்ணேவ லக்ஷ்யதே|| 37
யதோ2ர்ண நாபி4ர்ஹ்ருத3யாதூ3ர்ணா முத்3வமதே முகா2த்|
ஆகாஶாத்3 கோ4ஷவான் ப்ராணோ மனஸா ஸ்பர்ஶரூபிணா|| 38
ச2ந்தோ3 மயோऽம்ருதமய: ஸஹஸ்ர பத3வீம் ப்ரபு4:|
ௐகாராத்3 வ்யஞ்ஜித ஸ்பர்ஶஸ்வரோஷ்மாந்த: ஸ்த2பூ4ஷிதாம்|| 39
விசித்ரபா4ஷாவிததாம் ச2ந்தோ3பி4ஶ்சதுருத்தரை:|
அனந்தபாராம் ப்3ருஹதீம் ஸ்ருஜத்யாக்ஷிபதே ஸ்வயம்|| 40
கா3யத்ர்யுஷ்ணிக3 அநுஷ்டுப் ச ப்3ருஹதீ பங்க்திரேவ ச|
த்ரிஷ்டுப்3ஜக3த் யதிச்ச2ந்தோ3 ஹ்யத்யஷ்ட் யதி ஜக3த்3 விராட்|| 41
கிம் வித4த்தே கிமாசஷ்டே கிமநூத்3ய விகல்பயேத்|
இத்யஸ்யா ஹ்ருத3யம் லோகே நான்யோ மத்3 வேத3 கஶ்சன|| 42
மாம் வித4த்தேऽபி4த4த்தே மாம் விகல்ப்யா போஹ்யதே த்வஹம்|
ஏதாவான் ஸர்வ வேதா3ர்த2: ஶப்3த3 ஆஸ்தா2ய மாம் பி4தா3ம்|
மாயா மாத்ர மநூத்3யாந்தே ப்ரதிஷித்4ய ப்ரஸீத3தி|| 43
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஏகாத3ஶஸ்கந்தே4 ஏகவிம்ஶோऽத்4யாய:|| 21 ||
பதினொன்றாம் ஸ்கந்தம் - இருப்பத்தி ஒன்றாம் அத்யாயம் முற்றும்.