ஶ்ரீமத்பாகவதமஹாபுராணம் :: பதினொன்றாம் ஸ்கந்தம் :: அத்யாயம் 20.
ஞான யோகம், பக்தி யோகம் மற்றும் கர்ம யோகம்
அத2 விம்ஶோऽத்4யாய:
ஶ்ரீஉத்3த4வ உவாச -
விதி4ஶ்ச ப்ரதிஷே த4ஶ்ச நிக3மோ ஹீஶ்வரஸ்ய தே|
அவேக்ஷதேऽரவிந்தா3க்ஷ கு3ணம் தோ3ஷம் ச கர்மணாம்|| 1
வர்ணாஶ்ரம விகல்பம் ச ப்ரதிலோமாநுலோமஜம்|
த்3ரவ்ய தே3ஶவய: காலான் ஸ்வர்க3ம் நரகமேவ ச|| 2
கு3ணதோ3ஷ பி4தா3த்3ருஷ்டிம் அந்தரேண வசஸ்தவ|
நி:ஶ்ரேயஸம் கத2ம் ந்ரூணாம் நிஷேத4 விதி4லக்ஷணம்|| 3
பித்ரு தே3வ மநுஷ்யாணாம் வேத3ஶ்சக்ஷுஸ்தவேஶ்வர|
ஶ்ரேயஸ்த்வநு பலப்3தே4ऽர்தே2 ஸாத்4ய ஸாத4னயோரபி|| 4
கு3ண தோ3ஷ பி4தா3 த்3ருஷ்டிர்நிக3 மாத்தே ந ஹி ஸ்வத:|
நிக3மேநாபவாத3ஶ்ச பி4தா3யா இதி ஹ ப்4ரம:|| 5
ஶ்ரீப4க3வாநுவாச -
யோகா3ஸ்த்ரயோ மயா ப்ரோக்தா ந்ருணாம் ஶ்ரேயோ விதி4த்ஸயா|
ஜ்ஞானம் கர்ம ச ப4க்திஶ்ச நோபாயோऽன்யோऽஸ்தி குத்ரசித்|| 6
நிர்விண்ணா நாம் ஜ்ஞான யோகோ3 ந்யாஸிநாமிஹ கர்மஸு|
தேஷ்வநிர்விண்ண சித்தாநாம் கர்மயோக3ஸ்து காமிநாம்|| 7
யத்3ருச்ச2யா மத் கதா2தௌ3 ஜாத ஶ்ரத்3த4ஸ்து ய: புமான்|
ந நிர்விண்ணோ நாதி ஸக்தோ ப4க்தி யோகோ3ऽஸ்ய ஸித்3தி4த3:|| 8
தாவத் கர்மாணி குர்வீத ந நிர்வித்3யேத யாவதா|
மத் கதா2ஶ்ரவணாதௌ3 வா ஶ்ரத்3தா4 யாவந்ந ஜாயதே|| 9
ஸ்வத4ர்மஸ்தோ2 யஜன் யஜ்ஞை ரநாஶீ:காம உத்3த4வ|
ந யாதி ஸ்வர்க3நரகௌ யத்3யந்யந்ந ஸமாசரேத்|| 10
அஸ்மிம்ல்லோகே வர்தமான: ஸ்வத4ர்மஸ்தோ2 அநக4: ஶுசி:|
ஜ்ஞானம் விஶுத்3த4மாப்நோதி மத்3ப4க்திம் வா யத்3ருச்ச2யா|| 11
ஸ்வர்கி3ணோऽப்யேத மிச்ச2ந்தி லோகம் நிரயிணஸ்ததா2|
ஸாத4கம் ஜ்ஞான ப4க்திப்4யா முப4யம் தத3ஸாத4கம்|| 12
ந நர: ஸ்வர்க3திம் காங்க்ஷேந்நாரகீம் வா விசக்ஷண:|
நேமம் லோகம் ச காங்க்ஷேத தே3ஹாவேஶாத் ப்ரமாத்3யதி|| 13
ஏதத்3 வித்3வான் புரா ம்ருத்யோர ப4வாய க4டேத ஸ:|
அப்ரமத்த இத3ம் ஜ்ஞாத்வா மர்த்யமப்யர்த2 ஸித்3தி4த3ம்|| 14
சி2த்3யமானம் யமைரேதை: க்ருதநீட3ம் வனஸ்பதிம்|
க2க3: ஸ்வகேத முத்ஸ்ருஜ்ய க்ஷேமம் யாதி ஹ்யலம்பட:|| 15
அஹோராத்ரைஶ் சி2த்3யமானம் பு3த்3த்4வாऽऽயுர் ப4யவேபது2:|
முக்தஸங்க3: பரம் பு3த்3த்4வா நிரீஹ உபஶாம்யதி|| 16
ந்ரு தே3ஹமாத்3யம் ஸுலப4ம் ஸுது3ர்லப4ம்
ப்லவம் ஸுகல்பம் கு3ருகர்ணதா4ரம்|
மயாநுகூலேன நப4ஸ்வதேரிதம்
புமான் ப4வாப்3தி4ம் ந தரேத் ஸ ஆத்மஹா|| 17
யதா3ऽऽரம்பே4ஷு நிர்விண்ணோ விரக்த: ஸம்யதேந்த்3ரிய:|
அப்4யாஸேநாத்மநோ யோகீ3 தா4ரயேத் ஆசலம் மன:|| 18
தா4ர்யமாணம் மநோ யர்ஹி ப்4ராம்யத் ஆஶ்வனவஸ்தி2தம்|
அதந்த்3ரிதோऽநுரோதே4ன மார்கே3ணாத்மவஶம் நயேத்|| 19
மநோக3திம் ந விஸ்ருஜேஜ்ஜித ப்ராணோ ஜிதேந்த்3ரிய:|
ஸத்த்வ ஸம்பந்நயா பு3த்3த்4யா மன ஆத்மவஶம் நயேத்|| 20
ஏஷ வை பரமோ யோகோ3 மனஸ: ஸங்க்3ரஹ: ஸ்ம்ருத:|
ஹ்ருத3ய ஜ்ஞத்வமன்விச்ச2ன் த3ம்யஸ்யே வார்வதோ முஹு:|| 21
ஸாங்க்2யேன ஸர்வபா4வாநாம் ப்ரதிலோமாநுலோமத:|
ப4வாப்யயாவநுத்4யாயேன் மநோ யாவத் ப்ரஸீத3தி|| 22
நிர்விண்ணஸ்ய விரக்தஸ்ய புருஷஸ்யோக்த வேதி3ன:|
மனஸ்த்யஜதி தௌ3ராத்ம்யம் சிந்திதஸ்யாநு சிந்தயா|| 23
யமாதி3பி4ர்யோக3 பதை2 ரான்வீக்ஷிக்யா ச வித்3யயா|
மமார்சோபாஸநாபி4ர்வா நான்யைர் யோக்3யம் ஸ்மரேன் மன:|| 24
யதி3 குர்யாத் ப்ரமாதே3ன யோகீ3 கர்ம விக3ர்ஹிதம்|
யோகே3னைவ த3ஹேத3ம்ஹோ நான்யத் தத்ர கதா3சன|| 25
ஸ்வே ஸ்வேऽதி4காரே யா நிஷ்டா2 ஸ கு3ண: பரிகீர்தித:|
கர்மணாம் ஜாத்யஶுத்3தா4நாமநேன நியம: க்ருத:|
கு3ணதோ3ஷவிதா4னேன ஸங்கா3நாம் த்யாஜநேச்ச2யா|| 26
ஜாத ஶ்ரத்3தோ4 மத்கதா2ஸு நிர்விண்ண: ஸர்வகர்மஸு|
வேத3 து3க்கா2த்மகான் காமான் பரித்யாகே3ऽப்யநீஶ்வர:|| 27
ததோ ப4ஜேத மாம் ப்ரீத: ஶ்ரத்3தா4ளுர் த்3ருட4 நிஶ்சய:|
ஜுஷமாணஶ்ச தான் காமான் து3க்கோ2 த3ர்காம்ஶ்ச க3ர்ஹயன்|| 28
ப்ரோக்தேன ப4க்தியோகே3ன ப4ஜதோ மாஸக்ருன்முனே:|
காமா ஹ்ருத3ய்யா நஶ்யந்தி ஸர்வே மயி ஹ்ருதி3 ஸ்தி2தே|| 29
பி4த்3யதே ஹ்ருத3யக்3ரந்தி2ஶ்சி2த்3யந்தே ஸர்வஸம்ஶயா:|
க்ஷீயந்தே சாஸ்ய கர்மாணி மயி த்3ருஷ்டேऽகி2லாத்மனி|| 30
தஸ்மான் மத்3ப4க்தியுக்தஸ்ய யோகி3நோ வை மதா3த்மன:|
ந ஜ்ஞானம் ந ச வைராக்3யம் ப்ராய: ஶ்ரேயோ ப4வேதி3ஹ|| 31
யத் கர்மபி4ர்யத்தபஸா ஜ்ஞான வைராக்3யதஶ்ச யத்|
யோகே3ன தா3ன த4ர்மேண ஶ்ரேயோபி4ரிதரைரபி|| 32
ஸர்வம் மத்3ப4க்தியோகே3ன மத்3ப4க்தோ லப4தேऽஞ்ஜஸா|
ஸ்வர்கா3பவர்க3ம் மத்3தா4ம கத2ஞ்சித்3 யதி3 வாஞ்ச2தி|| 33
ந கிஞ்சித் ஸாத4வோ தீ4ரா ப4க்தா ஹ்யே காந்திநோ மம|
வாஞ்ச2ந்த்யபி மயா த3த்தம் கைவல்ய மபுநர்ப4வம்|| 34
நைரபேக்ஷ்யம் பரம் ப்ராஹுர் நி:ஶ்ரேயஸமனல்பகம்|
தஸ்மாந்நிராஶிஷோ ப4க்திர் நிரபேக்ஷஸ்ய மே ப4வேத்|| 35
ந மய்யே காந்த ப4க்தாநாம் கு3ண தோ3ஷோத்3ப4வா கு3ணா:|
ஸாதூ4நாம் ஸம சித்தாநாம் பு3த்3தே4: பரமுபேயுஷாம்|| 36
ஏவமேதான் மயாऽऽதி3ஷ்டாந் அநுதிஷ்ட2ந்தி மே பத2:|
க்ஷேமம் விந்த3ந்தி மத்ஸ்தா2னம் யத்3 ப்3ரஹ்ம பரமம் விது3:|| 37
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் ஏகாத3ஶஸ்கந்தே4 விம்ஶோऽத்4யாய: || 20 ||
பதினொன்றாம் ஸ்கந்தம் - இருபதாம் அத்யாயம் முற்றும்.