ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 59.
பௌமாசுரனின் உத்தாரணமும் பதினாறாயிரத்து நூறு ராஜ கன்னிகைகளைப் பகவான் விவாகம் செய்து கொள்ளுதலும்
அத2 ஏகோனஷஷ்டிதமோऽத4யாய:
ஶ்ரீராஜோவாச -
யதா2 ஹதோ ப4க3வதா பௌ4மோ யேன ச தா: ஸ்த்ரிய: |
நிருத்3தா4 ஏததா3சக்ஷ்வ விக்ரமம் ஶார்ங்க3த4ன்வன: || 1
ஶ்ரீஶுக உவாச -
இந்த்3ரேண ஹ்ருதச்ச2த்ரேண ஹ்ருதகுண்ட3ல ப3ந்து4நா |
ஹ்ருதாமராத்3ரிஸ்தா2னேன ஜ்ஞாபிதோ பௌ4மசேஷ்டிதம் |
ஸபா4ர்யோ க3ருடா3ரூட4: ப்ராக்3ஜ்யோதிஷபுரம் யயௌ || 2
கி3ரிது3ர்கை3: ஶஸ்த்ர து3ர்கை3ர் ஜலாக்3ன்யநில து3ர்க3மம் |
முரபாஶாயுதைர் கோ4ரைர் த்3ருடை4: ஸர்வத ஆவ்ருதம் || 3
க3த3யா நிர்பி3பே4தா3த்3ரீன் ஶஸ்த்ர து3ர்கா3ணி ஸாயகை: |
சக்ரேணாக்3னிம் ஜலம் வாயும் முரபாஶாம்ஸ்ததா2ஸினா || 4
ஶங்க2 நாதே3ன யந்த்ராணி ஹ்ருத3யாநி மனஸ்வினாம் |
ப்ராகாரம் க3த3யா கு3ர்வ்யா நிர்பி3பே4த3 க3தா3த4ர: || 5
பாஞ்ச ஜன்ய த்4வநிம் ஶ்ருத்வா யுகா3ந்தஶநிபீ4ஷணம் |
முர: ஶயான உத்தஸ்தௌ2 தை3த்ய: பஞ்சஶிரா ஜலாத் || 6
த்ரிஶூலமுத்3யம்ய ஸுது3ர்நிரீக்ஷணோ
யுகா3ந்தஸூர்யாநல ரோசிருல்ப3ண: |
க்3ரஸம்ஸ்த்ரிலோகீமிவ பஞ்சபி4ர் முகை2ர்
அப்4யத்3ரவத் தார்க்ஷ்யஸுதம் யதோ2ரக3: || 7
ஆவித்4ய ஶூலம் தரஸா க3ருத்மதே
நிரஸ்ய வக்த்ரைர் வ்யநத3த் ஸ பஞ்சபி4: |
ஸ ரோத3ஸீ ஸர்வதி3ஶோऽந்தரம் மஹான்
ஆபூரயந் அண்ட3கடாஹ மாவ்ருணோத் || 8
ததா3பதத்3 வை த்ரிஶிக2ம் க3ருத்மதே
ஹரி: ஶராப்4யாமபி4நத் த்ரிதௌ4ஜஸா |
முகே2ஷு தம் சாபி ஶரைரதாட3யத்
தஸ்மை க3தா3ம் ஸோऽபி ருஷா வ்யமுஞ்சத || 9
தாமாபதந்தீம் க3த3யா க3தா3ம் ம்ருதே4
க3தா3க்3ரஜோ நிர்பி3பி4தே3 ஸஹஸ்ரதா4 |
உத்3யம்ய பா3ஹூநபி4தா4வதோऽஜித:
ஶிராம்ஸி சக்ரேண ஜஹார லீலயா || 10
வ்யஸு: பபாதாம்ப4ஸி க்ருத்தஶீர்ஷோ
நிக்ருத்த ஶ்ருங்கோ3ऽத்3ரிரிவேந்த்3ர தேஜஸா |
தஸ்யாத்மஜா: ஸப்த பிதுர்வதா4துரா:
ப்ரதிக்ரியாமர்ஷ ஜுஷ: ஸமுத்3யதா: || 11
தாம்ரோऽந்தரிக்ஷ: ஶ்ரவணோ விபா4வஸு:
வஸுர் நப4ஸ்வாநருணஶ்ச ஸப்தம: |
பீட2ம் புரஸ்க்ருத்ய சமூபதிம் ம்ருதே4
பௌ4மப்ரயுக்தா நிரக3ன் த்4ருதாயுதா4: || 12
ப்ராயுஞ்ஜதாஸாத்3ய ஶரானஸீன் க3தா3:
ஶக்த்ய்ருஷ்டி ஶூலான்யஜிதே ருஷோல்ப3ணா: |
தச்ச2ஸ்த்ர கூடம் ப4க3வான் ஸ்வமார்க3ணை-
ரமோக4வீர்யஸ் திலஶஶ்சகர்த ஹ || 13
தான் பீட2முக்2யாநநயத்3 யமக்ஷயம்
நிக்ருத்த ஶீர்ஷோருபு4ஜாங்க்4ரி வர்மண: |
ஸ்வாநீகபானச்யுத சக்ரஸாயகைஸ்
ததா2 நிரஸ்தான் நரகோ த4ராஸுத: || 14
நிரீக்ஷ்ய து3ர்மர்ஷண ஆஸ்ரவன்மதை3ர்
க3ஜை: பயோதி4 ப்ரப4வைர் நிராக்ரமாத் |
த்3ருஷ்ட்வா ஸபா4ர்யம் க3ருடோ3 பரி ஸ்தி2தம்
ஸூர்யோபரிஷ்டாத் ஸதடி3த்3 க4னம் யதா2 |
க்ருஷ்ணம் ஸ தஸ்மை வ்யஸ்ருஜச் ச2தக்4நீம்
யோதா4ஶ்ச ஸர்வே யுக3பத் ஸ்ம விவ்யது4: || 15
தத்3 பௌ4ம ஸைன்யம் ப4க3வான் க3தா3க்3ரஜோ
விசித்ர வாஜைர் நிஶிதை: ஶிலீமுகை2: |
நிக்ருத்த பா3ஹூருஶிரோத்4ர விக்3ரஹம்
சகார தர்ஹ்யேவ ஹதாஶ்வ குஞ்ஜரம் || 16
யானி யோதை4: ப்ரயுக்தானி ஶஸ்த்ராஸ்த்ராணி குரூத்3வஹ |
ஹரிஸ்தான்யச்சி2னத்தீக்ஷ்ணை: ஶரைரேகைகஶஸ்த்ரீபி4: || 17
உஹ்யமான: ஸுபர்ணேன பக்ஷாப்4யாம் நிக்4நதா க3ஜான் |
கு3ருத்மதா ஹன்யமாநாஸ்துண்ட3 பக்ஷ நகை2ர் க3ஜா: || 18
புரமேவாவிஶந்நார்தா நரகோ யுத்4யயுத்4யத |
த்3ருஷ்ட்வா வித்3ராவிதம் ஸைன்யம் க3ருடே3நார்தி3தம் ஸ்வகம் || 19
தம் பௌ4ம: ப்ராஹரத் ஶக்த்யா வஜ்ர: ப்ரதிஹதோ யத: |
நாகம்பத தயா வித்3தோ4 மாலாஹத இவ த்3விப: || 20
ஶூலம் பௌ4மோऽச்யுதம் ஹந்துமாத3தே3 விததோ2த்3யம: |
தத்3விஸர்கா3த் பூர்வமேவ நரகஸ்ய ஶிரோ ஹரி: |
அபாஹரத்3 க3ஜஸ்த2ஸ்ய சக்ரேண க்ஷுரநேமிநா || 21
ஸகுண்ட3லம் சாரு கிரீட பூ4ஷணம்
ப3பௌ4 ப்ருதி2வ்யாம் பதிதம் ஸமுஜ்ஜ்வலம் |
ஹாஹேதி ஸாத்4விதி ருஷய: ஸுரேஶ்வரா
மால்யைர் முகுந்த3ம் விகிரந்த ஈடி3ரே || 22
ததஶ்ச பூ4: க்ருஷ்ணமுபேத்ய குண்ட3லே |
ப்ரதப்த ஜாம்பூ3நத3 ரத்ன பா4ஸ்வரே |
ஸ வைஜயந்த்யா வனமாலயார்பயத்
ப்ராசேதஸம் ச2த்ரமதோ2 மஹாமணிம் || 23
அஸ்தௌஷீத3த2 விஶ்வேஶம் தே3வீ தே3வவரார்சிதம் |
ப்ராஞ்ஜலி: ப்ரணதா ராஜன் ப4க்தி ப்ரவணயா தி4யா || 24
பூ4மிருவாச
நமஸ்தே தே3வதே3வேஶ ஶங்க2சக்ர க3தா3த4ர |
ப4க்தேச்சோ2பாத்தரூபாய பரமாத்மன் நமோऽஸ்து தே || 25
நம: பங்கஜ நாபா4ய நம: பங்கஜமாலினே |
நம: பங்கஜ நேத்ராய நமஸ்தே பங்கஜாங்க்4ரயே || 26
நமோ ப4க3வதே துப்4யம் வாஸுதே3வாய விஷ்ணவே |
புருஷாயாதி3பீ3ஜாய பூர்ண போ3தா4ய தே நம: || 27
அஜாய ஜனயித்ரேऽஸ்ய ப்3ரஹ்மணேऽனந்த ஶக்தயே |
பராவராத்மன் பூ4தாத்மன் பரமாத்மன் நமோऽஸ்து தே || 28
த்வம் வை ஸிஸ்ருக்ஷு ரஜ உத்கடம் ப்ரபோ4
தமோ நிரோதா4ய பி3ப4ர்ஷ்யஸம்வ்ருத: |
ஸ்தா2நாய ஸத்வம் ஜக3தோ ஜக3த்பதே
கால: ப்ரதா4னம் புருஷோ ப4வான் பர: || 29
அஹம் பயோ ஜ்யோதிரதா2நிலோ நபோ4
மாத்ராணி தே3வா மந இந்த்3ரியாணி |
கர்தா மஹாநித்யகி2லம் சராசரம்
த்வய்யத்3விதீயே ப4க3வந்நயம் ப்4ரம: || 30
தஸ்யாத்மஜோऽயம் தவ பாத3பங்கஜம்
பீ4த: ப்ரபந்நார்தி ஹரோபஸாதி3த: |
தத் பாலயைனம் குரு ஹஸ்த பங்கஜம்
ஶிரஸ்யமுஷ்யாகி2ல கல்மஷா பஹம் || 31
ஶ்ரீஶுக உவாச -
இதி பூ4ம்யர்தி2தோ வாக்3பி4ர் ப4க3வான் ப4க்திநம்ரயா |
த3த்த்வாப4யம் பௌ4மக்3ருஹம் ப்ராவிஶத் ஸகலர்த்3தி4மத் || 32
தத்ர ராஜன்ய கன்யாநாம் ஷட் ஸஹஸ்ராதி4காயுதம் |
பௌ4மாஹ்ருதாநாம் விக்ரம்ய ராஜப்4யோ த3த்3ருஶே ஹரி: || 33
தம் ப்ரவிஷ்டம் ஸ்த்ரியோ வீக்ஷ்ய நரவீரம் விமோஹிதா: |
மனஸா வவ்ரிரேऽபீ4ஷ்டம் பதிம் தை3வோபஸாதி3தம் || 34
பூ4யாத் பதிரயம் மஹ்யம் தா4தா தத3நுமோத3தாம் |
இதி ஸர்வா: ப்ருத2க் க்ருஷ்ணே பா4வேன ஹ்ருத3யம் த3து4: || 35
தா: ப்ராஹிணோத்3 த்3வாரவதீம் ஸும்ருஷ்ட விரஜோऽம்ப3ரா: |
நரயானைர் மஹாகோஶான் ரதா2ஶ்வான் த்3ரவிணம் மஹத் || 36
ஐராவதகுலேபா4ம்ஶ்ச சதுர்த3ந்தாம்ஸ்தரஸ்வின: |
பாண்டு3ராம்ஶ்ச சது:ஷஷ்டிம் ப்ரேரயாமாஸ கேஶவ: || 37
க3த்வா ஸுரேந்த்3ர ப4வனம் த3த்த்வாதி3த்யை ச குண்ட3லே |
பூஜித ஸ்த்ரித3ஶேந்த்3ரேண ஸஹேந்த்3ர்யாண்யா ச ஸப்ரிய: || 38
சோதி3தோ பா4ர்யயோத்பாட்ய பாரீஜாதம் க3ருத்மதி |
ஆரோப்ய ஸேந்த்3ரான் விபு3தா4ன் நிர்ஜித்யோபாநயத் புரம் || 39
ஸ்தா2பித: ஸத்யபா4மாயா க்3ருஹோத்3யாநோபஶோப4ன: |
அன்வகு3ர் ப்4ரமரா: ஸ்வர்கா3த் தத்3க3ந்தா4ஸவ லம்படா: || 40
யயாச ஆனம்ய கிரீடகோடிபி4:
பாதௌ3 ஸ்ப்ருஶந் நச்யுத மர்த2ஸாத4னம் |
ஸித்3தா4ர்த2 ஏதேன விக்3ருஹ்யதே மஹா-
நஹோ ஸுராணாம் ச தமோ தி4கா3ட்4யதாம் || 41
அதோ2 முஹூர்த ஏகஸ்மின் நாநாகா3ரேஷு தா: ஸ்த்ரிய: |
யதோ2 பயேமே ப4க3வாம்ஸ்தாவத்3 ரூபத4ரோऽவ்யய: || 42
க்3ருஹேஷு தாஸாமனபாய்யதர்கக்ருந்
நிரஸ்த ஸாம்யாதிஶயேஷ்வவஸ்தி2த: |
ரேமே ரமாபி4ர் நிஜகாம ஸம்ப்லுதோ
யதே2தரோ கா3ர்ஹக மேதி4காம்ஶ்சரன் || 43
இத்த2ம் ரமாபதிமவாப்ய பதிம் ஸ்த்ரியஸ்தா
ப்3ரஹ்மாத3யோऽபி ந விது3: பத3வீம் யதீ3யாம் |
பே4ஜுர் முதா3விரத மேதி4தயாநுராக3-
ஹாஸாவலோக நவ ஸங்க3ம ஜல்ப லஜ்ஜா: || 44
ப்ரத்யுத்3க3மாஸன வரார்ஹண பாத3ஶௌச-
தாம்பூ3லவிஶ்ரமணவீஜநக3ந்த4மால்யை: |
கேஶப்ரஸாரஶயநஸ்நபநோபஹார்யைर्
தா3ஸீஶதா அபி விபோ4ர்வித3து4: ஸ்ம தா3ஸ்யம் || 45
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 பாரிஜாத ஹரண நரகவதோ4 நாம ஏகோந ஷஷ்டிதமோऽத்4யாய: || 59 ||
பத்தாம் ஸ்கந்தம் - ஐம்பத்தி ஒன்பதாம் அத்யாயம் முற்றும்.