ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 58.
பகவான் ஸ்ரீ கிருஷ்ணருடைய மற்ற விவாகங்கள்
அத2 அஷ்டபஞ்சாஶத்தமோऽத்4யாய:
ஶ்ரீஶுக உவாச -
ஏகதா3 பாண்ட3வான் த்3ரஷ்டும் ப்ரதீதான் புருஷோத்தம:|
இந்த்3ரப்ரஸ்த2ம் க3த: ஶ்ரீமான் யுயுதா4நாதி3பி4ர் வ்ருத:|| 1
த்3ருஷ்ட்வா தமாக3தம் பார்தா2 முகுந்த3மகி2லேஶ்வரம்|
உத்தஸ்து2ர்யுக3பத்3 வீரா: ப்ராணா முக்2யமிவாக3தம்|| 2
பரிஷ்வஜ்யாச்யுதம் வீரா அங்க3ஸங்க3 ஹதைநஸ:|
ஸாநுராக3ஸ்மிதம் வக்த்ரம் வீக்ஷ்ய தஸ்ய முத3ம் யயு:|| 3
யுதி4ஷ்டி2ரஸ்ய பீ4மஸ்ய க்ருத்வா பாதா3பி4வந்த3னம்|
பா2ல்கு3னம் பரிரப்4யாத2 யமாப்4யாம் சாபி4வந்தி3த:|| 4
பரமாஸன ஆஸீநம் க்ருஷ்ணா க்ருஷ்ணமநிந்தி3தா|
நவோடா4 வ்ரீடி3தா கிஞ்சிச்ச2னைரேத்யாப்4யவந்த3த|| 5
ததை2வ ஸாத்யகி: பார்தை2: பூஜிதஶ்சாபி4வந்தி3த:|
நிஷஸாதா3ஸநேஅ யே ச பூஜிதா: பர்யுபாஸத|| 6
ப்ருதா2ம் ஸமாக3த்ய க்ருதாபி4வாத3னஸ்
தயாதிஹார்தா3ர்த்3ர த்3ருஶாபி4ரம்பி4த:|
ஆப்ருஷ்டவாம் ஸ்தாம் குஶலம் ஸஹஸ்நுஷாம்
பித்ருஷ்வஸாரம் பரிப்ருஷ்டபா3ந்த4வ:|| 7
தமாஹ ப்ரேம வைக்லவ்ய ருத்3த4 கண்டா2ஶ்ருலோசநா|
ஸ்மரந்தீ தான் ப3ஹூன் க்லேஶான் க்லேஶாபாயாத்ம த3ர்ஶனம்|| 8
ததை3வ குஶலம் நோऽபூ4த் ஸநாதா2ஸ்தே க்ருதா வயம்|
ஜ்ஞாதீன் ந: ஸ்மரதா க்ருஷ்ண ப்4ராதா மே ப்ரேஷிதஸ்த்வயா|| 9
ந தேऽஸ்தி ஸ்வபரப்4ராந்திர் விஶ்வஸ்ய ஸுஹ்ருதா3த்மன:|
ததா2பி ஸ்மரதாம் ஶஶ்வத் க்லேஶான் ஹம்ஸி ஹ்ருதி3 ஸ்தி2த:|| 10
யுதி4ஷ்டி2ர உவாச
கிம் ந ஆசரிதம் ஶ்ரேயோ ந வேதா3ஹமதீ4ஶ்வர|
யோகே3ஶ்வராணாம் து3ர்த3ர்ஶோ யந்நோ த்3ருஷ்ட: குமேத4ஸாம்|| 11
இதி வை வார்ஷிகான் மாஸான் ராஜ்ஞா ஸோऽப்4யர்தி2த: ஸுக2ம்|
ஜனயன் நயநாநந்த3 மிந்த்3ரப்ரஸ்தௌ2 கஸாம் விபு4:|| 12
ஏகதா3 ரத2மாருஹ்ய விஜயோ வானரத்4வஜம்|
கா3ண்டீ3வம் த4நுராதா3ய தூணௌ ச அக்ஷயஸாயகௌ|| 13
ஸாகம் க்ருஷ்ணேன ஸந்நத்3தோ4 விஹர்தும் விபினம் வனம்|
ப3ஹுவ்யாளம்ருகா3கீர்ணம் ப்ராவிஶத் பரவீரஹா|| 14
தத்ராவித்4யச்ச2ரைர் வ்யாக்4ரான் ஸூகரான் மஹிஷான் ருரூன்|
ஶரபா4ன் க3வயான் க2ட்3கா3ன் ஹரிணான்ஶஶஶல்லகான்|| 15
தான் நின்யு: கிங்கரா ராஜ்ஞே மேத்4யான் பர்வண்யுபாக3தே|
த்ருட்பரீத: பரிஶ்ராந்தோ பி3ப4த்ஸுர் யமுநாமகா3த்|| 16
தத்ரோபஸ்ப்ருஶ்ய விஶத3ம் பீத்வா வாரி மஹாரதௌ2|
க்ருஷ்ணௌ த3த்3ருஶது: கன்யாம் சரந்தீம் சாரு த3ர்ஶனாம்|| 17
தாமாஸாத்3ய வராரோஹாம் ஸுத்3விஜாம் ருசிராநநாம்|
பப்ரச்ச2 ப்ரேஷித: ஸக்2யா பா2ல்கு3ன: ப்ரமதோ3த்தமாம்|| 18
கா த்வம் கஸ்யாஸி ஸுஶ்ரோணி குதோऽஸி கிம் சிகீர்ஷஸி|
மன்யே த்வாம் பதிமிச்ச2ந்தீம் ஸர்வம் கத2ய ஶோப4னே|| 19
ஶ்ரீகாளிந்த்3யுவாச
அஹம் தே3வஸ்ய ஸவிதுர் து3ஹிதா பதிமிச்ச2தீ|
விஷ்ணும் வரேண்யம் வரத3ம் தப: பரமமாஸ்தி2த:|| 20
நான்யம் பதிம் வ்ருணே வீர தம்ருதே ஶ்ரீநிகேதனம்|
துஷ்யதாம் மே ஸ ப4க3வான் முகுந்தோ3ऽநாத2ஸம்ஶ்ரய:|| 21
காளிந்தீ3தி ஸமாக்2யாதா வஸாமி யமுநாஜலே|
நிர்மிதே ப4வனே பித்ரா யாவத3ச்யுத த3ர்ஶனம்|| 22
ததா2வத3த்3 கு3டா3கேஶோ வாஸுதே3வாய ஸோऽபி தாம்|
ரத2மாரோப்ய தத்3 வித்3வான் த4ர்மராஜ முபாக3மத்|| 23
யதை3வ க்ருஷ்ண: ஸந்தி3ஷ்ட: பார்தா2நாம் பரமாத்3பு4தம்|
காரயாமாஸ நக3ரம் விசித்ரம் விஶ்வகர்மணா|| 24
ப4க3வாம்ஸ்தத்ர நிவஸன் ஸ்வநாம் ப்ரியசிகீர்ஷயா|
அக்3நயே கா2ண்ட3வம் தா3துமர்ஜுனஸ்யாத2 ஸாரதி2:|| 25
ஸோऽக்3நிஸ்துஷ்டோ த4நுரதா3த்3த4யாஞ்ஶ்வேதான் ரத2ம் ந்ருப|
அர்ஜுநாயாக்ஷயௌ தூணௌ வர்ம சாபே4த்3யமஸ்த்ரிபி4:|| 26
மயஶ்ச மோசிதோ வஹ்நே: ஸபா4ம் ஸக்2ய உபாஹரத்|
யஸ்மின் து3ர்யோத4னஸ்யாஸீஜ் ஜலஸ்த2லத்3ருஶி ப்4ரம:|| 27
ஸ தேன ஸமநுஜ்ஞாத: ஸுஹ்ருத்3பி4ஶ்சாநு மோதி3த:|
ஆயயௌ த்3வாரகாம் பூ4ய: ஸாத்யகிப்ரமுகை2ர் வ்ருத:|| 28
அதோ2பயேமே காளிந்தீ3ம் ஸுபுண்யர்த்வ்ருக்ஷ ஊர்ஜிதே|
விதன்வன் பரமாநந்த3ம் ஸ்வாநாம் பரமமங்க3ளம்|| 29
விந்த்3யாநுவிந்தா3 வாவந்த்யௌ து3ர்யோத4ந வஶாநுகௌ3|
ஸ்வயம்வரே ஸ்வப4கி3நீம் க்ருஷ்ணே ஸக்தாம் ந்யஷேத4தாம்|| 30
ராஜாதி4 தே3வ்யாஸ்தனயாம் மித்ரவிந்தா3ம் பித்ருஷ்வஸு:|
ப்ரஸஹ்ய ஹ்ருதவான் க்ருஷ்ணோ ராஜன் ராஜ்ஞாம் ப்ரபஶ்யதாம்|| 31
நக்3நஜிந்நாம கௌஶல்ய ஆஸீத்3 ராஜாதிதா4ர்மிக:|
தஸ்ய ஸத்யாப4வத் கன்யா தே3வீ நாக்3நஜிதீ ந்ருப|| 32
ந தாம் ஶேகுர் ந்ருபா வோடு4ம் அஜித்வா ஸப்த கோ3வ்ருஷான்|
தீக்ஷ்ண ஶ்ருங்கா3ன் ஸுது3ர்த4ர்ஷான் வீர்யக3ந்தா4 ஸஹான் க2லான்|| 33
தாம் ஶ்ருத்வா வ்ருஷஜில்லப்4யாம் ப4க3வான் ஸாத்வதாம் பதி:|
ஜகா3ம கௌஶல்யபுரம் ஸைன்யேன மஹதா வ்ருத:|| 34
ஸ கோஸலபதி: ப்ரீத: ப்ரத்யுத்தா2நாஸநாதி3பி4:|
அர்ஹணேநாபி கு3ருணா பூஜயன் ப்ரதிநந்தி3த:|| 35
வரம் விலோக்யாபி4மதம் ஸமாக3தம்
நரேந்த்3ரகன்யா சகமே ரமாபதிம்|
பூ4யாத3யம் மே பதிராஶிஷோऽநல:
கரோது ஸத்யா யதி3 மே த்4ருதோ வ்ரதை:|| 36
யத்பாத3பங்கஜரஜ: ஶிரஸா பி3ப4ர்தி
ஶ்ரீரப்3ஜஜ: ஸகி3ரிஶ: ஸஹலோகபாலை:|
லீலாதநூ: ஸ்வக்ருத ஸேது பரீப்ஸயேஶ:
காலே த3த4த் ஸ ப4க3வான் மம கேன துஷ்யேத்|| 37
அர்சிதம் புநரித்யாஹ நாராயண ஜக3த்பதே|
ஆத்மாநந்தே3ன பூர்ணஸ்ய கரவாணி கிமல்பக:|| 38
ஶ்ரீஶுக உவாச
தமாஹ ப4க3வான் ஹ்ருஷ்ட: க்ருதாஸனபரிக்3ரஹ:|
மேக4 க3ம்பீ4ரயா வாசா ஸஸ்மிதம் குருநந்த3ன|| 39
ஶ்ரீப4க3வாநுவாச
நரேந்த்3ர யாச்ஞா கவிபி4ர் விக3ர்ஹிதா
ராஜன்ய ப3ந்தோ4ர் நிஜ த4ர்ம வர்தின:|
ததா2பி யாசே தவ ஸௌஹ்ருதே3ச்ச2யா
கன்யாம் த்வதீ3யாம் ந ஹி ஶுல்கதா3 வயம்|| 40
ஶ்ரீராஜோவாச
கோऽன்யஸ்தேऽப்4யதி4கோ நாத2 கன்யாவர இஹேப்ஸித:|
கு3ணைகதா4ம்நோ யஸ்யாங்கே3 ஶ்ரீர்வஸத்யநபாயினீ|| 41
கிம் த்வஸ்மாபி4: க்ருத: பூர்வம் ஸமய: ஸாத்வதர்ஷப4|
பும்ஸாம் வீர்யபரீக்ஷார்த2ம் கன்யாவர பரீப்ஸயா|| 42
ஸப்தைதே கோ3வ்ருஷா வீர து3ர்தா3ந்தா து3ரவக்3ரஹா:|
ஏதைர்ப4க்3நா: ஸுப3ஹவோ பி4ன்ன கா3த்ரா ந்ருபாத்மஜா:|| 43
யதி3 மே நிக்3ருஹீதா: ஸ்யுஸ்த்வயைவ யது3நந்த3ன|
வரோ ப4வாநபி4 மதோ து3ஹிதுர் மே ஶ்ரிய: பதே|| 44
ஏவம் ஸமயமாகர்ண்ய ப3த்3த்4வா பரிகரம் ப்ரபு4:|
ஆத்மானம் ஸப்ததா4 க்ருத்வா ந்யக்3ருஹ்ணால்லீலயைவ தான்|| 45
ப3த்3த்4வா தான் தா3மபி4: ஶௌரிர் ப4க்3நத3ர்பான் ஹதௌஜஸ:|
வ்யகர்ஷல்லீலயா ப3த்3தா4ன் பா3லோ தா3ருமயான் யதா2|| 46
தத: ப்ரீத: ஸுதாம் ராஜா த3தௌ3 க்ருஷ்ணாய விஸ்மித:|
தாம் ப்ரத்யக்3ருஹ்ணாத்3 ப4க3வான் விதி4வத் ஸத்3ருஶீம் ப்ரபு4:|| 47
ராஜபத்ன்யஶ்ச து3ஹிது: க்ருஷ்ணம் லப்3த்4வா ப்ரியம் பதிம்|
லேபி4ரே பரமாநந்த3ம் ஜாதஶ்ச பரமோத்ஸவ:|| 48
ஶங்க2பே4ர்யானகா நேது3ர் கீ3த வாத்3ய த்3விஜாஶிஷ:|
நரா நார்ய: ப்ரமுதி3தா: ஸுவாஸ: ஸ்ரக3லங்க்ருதா:|| 49
த3ஶதே4நு ஸஹஸ்ராணி பாரிப3ர்ஹமதா3த்3 விபு4:|
யுவதீநாம் த்ரிஸாஹஸ்ரம் நிஷ்க க்3ரீவ ஸுவாஸஸம்|| 50
நவ நாக3 ஸஹஸ்ராணி நாகா3ச்ச2த கு3ணான் ரதா2ன்|
ரதா2ச் ச2த கு3ணானஶ்வான் அஶ்வாச்ச2த கு3ணான் நரான்|| 51
த3ம்பதீ ரத2மாரோப்ய மஹத்யா ஸேநயா வ்ருதௌ|
ஸ்நேஹ ப்ரக்லின்ன ஹ்ருத3யோ யாபயாமாஸ கோஸல:|| 52
ஶ்ருத்வைதத்3 ருருது4ர் பூ4பா நயந்தம் பதி2 கன்யகாம்|
ப4க்3னவீர்யா: ஸுது3ர்மர்ஷா யது3பி4ர் கோ3வ்ருஷை: புரா|| 53
தானஸ்யத: ஶரவ்ராதான் ப3ந்து4ப்ரியக்ருத3ர்ஜுன:|
கா3ண்டீ3வீ காலயாமாஸ ஸிம்ஹ: க்ஷுத்3ர ம்ருகா3நிவ|| 54
பாரிப3ர்ஹமுபாக்3ருஹ்ய த்3வாரகாமேத்ய ஸத்யயா|
ரேமே யதூ3நாம் ருஷபோ4 ப4க3வான் தே3வகீஸுத:|| 55
ஶ்ருதகீர்தே: ஸுதாம் ப4த்3ராமுபயேமே பித்ருஷ்வஸு:|
கைகேயீம் ப்4ராத்ருபி4ர் த3த்தாம் க்ருஷ்ண: ஸந்தர்த3நாதி3பி4:|| 56
ஸுதாம் ச மத்3ராதி4பதேர் லக்ஷ்மணாம் லக்ஷணைர் யுதாம்|
ஸ்வயம்வரே ஜஹாரைக: ஸ ஸுபர்ண: ஸுதா4மிவ|| 57
அன்யாஶ்சைவம் விதா4 பா4ர்யா: க்ருஷ்ணஸ்யாஸன் ஸஹஸ்ரஶ:|
பௌ4மம் ஹத்வா தந்நிரோதா4தா3ஹ்ருதாஶ் சாருத3ர்ஶநா:|| 58
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 அஷ்டமஹிஷ்யுத்3வாஹோ நாமாஷ்டபஞ்சாஶத்தமோऽத்4யாய: || 58
பத்தாம் ஸ்கந்தம் - ஐம்பத்தி எட்டாம் அத்யாயம் முற்றும்.