ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 60.
ஸ்ரீ கிருஷ்ண ருக்மிணி சம்வாதம்
அத2 ஷஷ்டிதமோऽத4யாய:
ஶ்ரீஶுக உவாச -
கர்ஹிசித் ஸுக2மாஸீநம் ஸ்வதல்பஸ்த2ம் ஜக3த்3கு3ரும்|
பதிம் பர்யசரத்3 பை4ஷ்மீ வ்யஜனேன ஸகீ2ஜனை:|| 1
யஸ்த்வே தல்லீலயா விஶ்வம் ஸ்ருஜத்யத்த்யவதீஶ்வர:|
ஸ ஹி ஜாத: ஸ்வஸேதூநாம் கோ3பீதா2ய யது3ஷ்வஜ:|| 2
தஸ்மிந் நந்தர் க்3ருஹே ப்4ராஜன் முக்தாதா3ம விலம்பி3நா|
விராஜிதே விதான்ன தீ3பைர் மணிமயைரபி|| 3
மல்லிகாதா3மபி4: புஷ்பைர் த்3விரேப2 குலநாதி3தை:|
ஜாலரந்த்4ர ப்ரவிஷ்டைஶ்ச கோ3பி4ஶ்சந்த்3ரமஸோऽமலை:|| 4
பாரிஜாத வநாமோத3 வாயுநோத்3யான ஶாலிநா|
தூ4பைரகு3ருஜை ராஜன் ஜால ரந்த்4ர விநிர்க3தை:|| 5
பய:பே2னநிபே4 ஶுப்4ரே பர்யங்கே கஶிபூத்தமே|
உபதஸ்தே2 ஸுகா2ஸீனம் ஜக3தாமீஶ்வரம் பதிம்|| 6
வாலவ்யஜன மாதா3ய ரத்ன த3ண்ட3ம் ஸகீ2கராத்|
தேன வீஜயதீ தே3வீ உபாஸாம்சக்ர ஈஶ்வரம்|| 7
ஸோபாச்யுதம் க்வணயதீ மணி நூபுராப்4யாம்
ரேஜேऽங்கு3ளீய வலய வ்யஜநாக்3ர ஹஸ்தா|
வஸ்த்ராந்த கூ3ட4 குச குங்கும ஶோணஹார-
பா4ஸா நிதம்ப3 த்4ருதயா ச பரார்த்4ய காஞ்ச்யா|| 8
தாம் ரூபிணீம் ஶ்ரீயமனன்ய க3திம் நிரீக்ஷ்ய
யா லீலயா த்4ருத தநோரநுரூபரூபா|
ப்ரீத: ஸ்மயந்நலக குண்ட3ல நிஷ்க கண்ட2
வக்த்ரோல்லஸத் ஸ்மித ஸுதா4ம் ஹரிராப3பா4ஷே|| 9
ஶ்ரீப4க3வாநுவாச
ராஜபுத்ரீப்ஸிதா பூ4பைர் லோகபாலவிபூ4திபி4:|
மஹாநுபா4வை: ஶ்ரீமத்3பீ4 ரூபௌதா3ர்ய ப3லோர்ஜிதை:|| 10
தான் ப்ராப்தாநர்தி2நோ ஹித்வா சைத்3யாதீ3ன் ஸ்மரது3ர்மதா3ன்|
த3த்தா ப்4ராத்ரா ஸ்வபித்ரா ச கஸ்மாந் நோ வவ்ருஷேऽஸமான்|| 11
ராஜப்4யோ பி3ப்4யத: ஸுப்4ரு ஸமுத்3ரம் ஶரணம் க3தான்|
ப3லவத்3பி4: க்ருதத்3வேஷான் ப்ராயஸ் த்யக்த ந்ருபாஸநான்|| 12
அஸ்பஷ்டவர்த்மநாம் பும்ஸாமலோக பத2மீயுஷாம்|
ஆஸ்தி2தா: பத3வீம் ஸுப்4ரு ப்ராய: ஸீத3ந்தி யோஷித:|| 13
நிஷ்கிஞ்சநா வயம் ஶஶ்வந் நிஷ்கிஞ்சன ஜன ப்ரியா:|
தஸ்மாத் ப்ராயேண ந ஹ்யாட்4யா மாம் ப4ஜந்தி ஸுமத்4யமே|| 14
யயோராத்மஸமம் வித்தம் ஜன்மைஶ்வர்யாக்ருதிர் ப4வ:|
தயோர் விவாஹோ மைத்ரீ ச நோத்தமாத4மயோ: க்வசித்|| 15
வைத3ர்ப்4யேதத3விஜ்ஞாய த்வயாதீ3ர்க4ஸமீக்ஷயா|
வ்ருதா வயம் கு3ணைர்ஹீநா பி4க்ஷுபி4: ஶ்லாகி4தா முதா4|| 16
அதா2த்மநோऽநுரூபம் வை ப4ஜஸ்வ க்ஷத்ரியர்ஷப4ம்|
யேன த்வமாஶிஷ: ஸத்யா இஹாமுத்ர ச லப்ஸ்யஸே|| 17
சைத்3ய ஶால்வ ஜராஸந்த4 த3ந்த வக்த்ராத3யோ ந்ருபா:|
மம த்3விஷந்தி வாமோரு ருக்மீ சாபி தவாக்3ரஜ:|| 18
தேஷாம் வீர்யமதா3ந்தா4நாம் த்3ருப்தாநாம் ஸ்மயநுத்தயே|
ஆநிதாஸி மயா ப4த்3ரே தேஜோऽபஹரதாஸதாம்|| 19
உதா3ஸீநா வயம் நூநம் ந ஸ்த்ர்யபத்யார்த2 காமுகா:|
ஆத்மலப்3த்4யாऽऽஸ்மஹே பூர்ணா கே3ஹயோர் ஜ்யோதிரக்ரியா:|| 20
ஶ்ரீஶுக உவாச
ஏதாவது3க்த்வா ப4க3வாநாத்மானம் வல்லபா4மிவ|
மன்யமாநாமவிஶ்லேஷாத் தத்3த3ர்பக்4ந உபாரமத்|| 21
இதி த்ரிலோகேஶபதேஸ் ததா3ऽऽத்மன:
ப்ரியஸ்ய தே3வ்யஶ்ருத பூர்வமப்ரியம்|
ஆஶ்ருத்ய பீ4தா ஹ்ருதி3 ஜாதவேபது2-
ஶ்சிந்தாம் து3ரந்தாம் ருத3தீ ஜகா3ம ஹ|| 22
பதா3 ஸுஜாதேன நகா2ருணஶ்ரியா
பு4வம் லிக2ந்த்யஶ்ருபி4ரஞ்ஜநாஸிதை:|
ஆஸிஞ்சதீ குங்கும ரூஷிதௌ ஸ்தநௌ
தஸ்தா2வதோ4முக்2யதி து3:க2ருத்3த4வாக்|| 23
தஸ்யா: ஸுது3:க2 ப4யஶோக விநஷ்ட பு3த்3தே4ர்
ஹஸ்தாச் ச்2லத2த்3 வலயதோ வ்யஜநம் பபாத|
தே3ஹஶ்ச விக்லவதி4ய: ஸஹஸைவ முஹ்யன்
ரம்பே4வ வாயுவிஹதா ப்ரவிகீர்ய கேஶான்|| 24
தத்3 த்3ருஷ்ட்வா ப4க3வான் க்ருஷ்ண: ப்ரியாயா: ப்ரேம ப3ந்த4னம்|
ஹாஸ்ய ப்ரௌடி4 மஜாநந்த்யா: கருண: ஸோऽன்வகம்பத|| 25
பர்யங்காத3வருஹ்யாஶு தாமுத்தா2ப்ய சதுர்பு4ஜ:|
கேஶான் ஸமுஹ்ய தத்3வக்த்ரம் ப்ராம்ருஜத் பத்3மபாணிநா|| 26
ப்ரம்ருஜ்யாஶ்ருகலே நேத்ரே ஸ்தநௌ சோபஹதௌ ஶுசா|
ஆஶ்லிஷ்ய பா3ஹுநா ராஜன் நநன்ய விஷயாம் ஸதீம்|| 27
ஸாந்த்வயாமாஸ ஸாந்த்வஜ்ஞ: க்ருபயா க்ருபணாம் ப்ரபு4:|
ஹாஸ்ய ப்ரௌடி4 ப்4ரமச்சித்தா மதத3ர்ஹாம் ஸதாம் க3தி:|| 28
ஶ்ரீப4க3வாநுவாச
மா மா வைத3ர்ப்4யஸூயேதா2 ஜானே த்வாம் மத்பராயணாம்|
த்வத்3வச: ஶ்ரோதுகாமேன க்ஷ்வேல்யாऽऽசரித மங்க3னே|| 29
முக2ம் ச ப்ரேமஸம்ரம்ப4ஸ்பு2ரிதாத4ர மீக்ஷிதும்|
கடாக்ஷேபாருணாபாங்க3ம் ஸுந்த3ர ப்4ருகுடீதடம்|| 30
அயம் ஹி பரமோ லாபோ4 க்3ருஹேஷு க்3ருஹமேதி4நாம்|
யந்நர்மைர் நீயதே யாம: ப்ரியயா பீ4ரு பா4மிநி|| 31
ஶ்ரீஶுக உவாச
ஸைவம் ப4க3வதா ராஜன் வைத3ர்பீ4 பரிஸாந்த்விதா|
ஜ்ஞாத்வா தத்பரிஹாஸோக்திம் ப்ரியத்யாக3ப4யம் ஜஹௌ|| 32
ப3பா4ஷ ருஷப4ம் பும்ஸாம் வீக்ஷந்தீ ப4க3வன்முக2ம்|
ஸவ்ரீட3ஹாஸருசிரஸ்நிக்3தா4பாங்கே3ன பா4ரத|| 33
ஶ்ரீருக்மிண்யுவாச
நன்வேவ மேத த3ரவிந்த3விலோசநாஹ
யத்3 வை ப4வான் ப4க3வதோऽஸத்3ருஶீ விபூ4ம்ந:|
க்வ ஸ்வே மஹிம்ன்யபி4ரதோ ப4க3வாம்ஸ்த்ர்யதீ4ஶ:
க்வாஹம் கு3ணப்ரக்ருதி ரஜ்ஞக்3ருஹீத பாதா3|| 34
ஸத்யம் ப4யாதி3வ கு3ணேப்4ய உருக்ரமாந்த:
ஶேதே ஸமுத்3ர உபலம்ப4னமாத்ர ஆத்மா|
நித்யம் கதி3ந்த்3ரியக3ணை: க்ருதவிக்3ரஹஸ்த்வம்
த்வத்ஸேவகைர் ந்ருபபத3ம் விது4தம் தமோऽந்த4ம்|| 35
த்வத்பாத3 பத்3ம மகரந்த3 ஜுஷாம் முநீநாம்
வர்த்மாஸ்பு2டம் ந்ருபஶுபி4ர் நநு து3ர்விபா4வ்யம்|
யஸ்மாத3லௌகிக மிவேஹித மீஶ்வரஸ்ய
பூ4மம்ஸ்தவேஹித மதோ2 அநு யே ப4வந்தம்|| 36
நிஷ்கிஞ்சநோ நநு ப4வான் ந யதோऽஸ்தி கிஞ்சித்3
யஸ்மை ப3லிம் ப3லிபு4ஜோऽபி ஹரந்த்யஜாத்3யா:|
ந த்வா வித3ந்த்யஸுத்ருபோऽந்தக மாட்4யதாந்தா4:
ப்ரேஷ்டோ2 ப4வான் ப3லிபு4ஜாமபி தேऽபி துப்4யம்|| 37
த்வம் வை ஸமஸ்த புருஷார்த2மய: ப2லாத்மா
யத்3வாஞ்ச2யா ஸுமதயோ விஸ்ருஜந்தி க்ருத்ஸ்நம்|
தேஷாம் விபோ4 ஸமுசிதோ ப4வத: ஸமாஜ:
பும்ஸ: ஸ்த்ரியாஶ்ச ரதயோ: ஸுக2து3:கி2நோர் ந|| 38
த்வம் ந்யஸ்த த3ண்ட3முனிபி4ர் க3தி3தாநுபா4வ
ஆத்மாऽऽத்மத3ஶ்ச ஜக3தாமிதி மே வ்ருதோऽஸி|
ஹித்வா ப4வத்3ப்4ருவ உதீ3ரித காலவேக3-
த்4வஸ்தாஶிஷோऽப்3ஜ ப4வநாகபதீன் குதோऽன்யே|| 39
ஜாட்3யம் வசஸ்தவ க3தா3க்3ரஜ யஸ்து பூ4பான்
வித்3ராவ்ய ஶார்ங்க3நிநதே3ன ஜஹர்த2 மாம் த்வம்|
ஸிம்ஹோ யதா2 ஸ்வப3லிமீஶ பஶூன் ஸ்வபா4க3ம்
தேப்4யோ ப4யாத்3 யது3த3தி4ம் ஶரணம் ப்ரபன்ன:|| 40
யத்3வாஞ்ச2யா ந்ருபஶிகா2மணயோऽங்க3 வைன்ய-
ஜாயந்த நாஹுஷ க3யாத3ய ஐகபத்யம்|
ராஜ்யம் விஸ்ருஜ்ய விவிஶுர் வனமம்பு3ஜாக்ஷ
ஸீத3ந்தி தேऽநு பத3வீம் த இஹாஸ்தி2தா: கிம்|| 41
கான்யம் ஶ்ரயேத தவ பாத3ஸரோஜ க3ந்த4-
மாக்4ராய ஸன்முக2ரிதம் ஜனதாபவர்க3ம்|
லக்ஷ்ம்யாலயம் த்வவிக3ணய்ய கு3ணாலயஸ்ய
மர்த்யா ஸதோ3ரு ப4யமர்த2 விவீக்த த்3ருஷ்டி:|| 42
தம் த்வாநுரூபமப4ஜம் ஜக3தாமதீ4ஶ-
மாத்மான மத்ர ச பரத்ர ச காமபூரம்|
ஸ்யான்மே தவாங்க்4ரிரரணம் ஸ்ருதிபி4ர் ப்4ரமந்த்யா
யோ வை ப4ஜந்த முபயாத்யந்ருதாபவர்க3:|| 43
தஸ்யா: ஸ்யுரச்யுத ந்ருபா ப4வதோபதி3ஷ்டா:
ஸ்த்ரீணாம் க்3ருஹேஷு க2ரகோ3ஶ்வ பி3டா3லப்4ருத்யா:|
யத் கர்ண மூல மரிகர்ஷண நோபயாயாத்3
யுஷ்மத்கதா2 ம்ருட3 விரிஞ்ச ஸபா4ஸு கீ3தா|| 44
த்வக் ஶ்மஶ்ரு ரோமநக2கேஶ பினத்3த4மந்தர்
மாம்ஸாஸ்தி2 ரக்த க்ருமிவிட் கப2 பித்தவாதம்|
ஜீவச்ச2வம் ப4ஜதி காந்தமதிர் விமூடா4
யா தே பதா3ப்3ஜ மகரந்த3 மஜிக்4ரதீ ஸ்த்ரீ|| 45
அஸ்த்வம்பு3ஜாக்ஷ மம தே சரணாநுராக3
ஆத்மன் ரதஸ்ய மயி சாநதிரிக்த த்3ருஷ்டே:|
யர்ஹ்யஸ்ய வ்ருத்3த4ய உபாத்தரஜோऽதிமாத்ரோ
மாமீக்ஷஸே தது3 ஹ ந: பரமாநுகம்பா|| 46
நைவாலீகமஹம் மன்யே வசஸ்தே மது4ஸூத3ன|
அம்பா3யா இவ ஹி ப்ராய: கன்யாயா: ஸ்யாத்3 ரதி: க்வசித்|| 47
வ்யூடா4யாஶ்சாபி பும்ஶ்சல்யா மநோऽப்4யேதி நவம் நவம்|
பு3தோ4ऽஸதீம் ந பி3ப்4ருயாத் தாம் பி3ப்4ரது3ப4யச்யுத:|| 48
ஶ்ரீப4க3வாநுவாச
ஸாத்4வ்யேதச் ச்2ரோதுகாமைஸ்த்வம் ராஜபுத்ரீ ப்ரலம்பி4தா|
மயோதி3தம் யத3ன்வாத்த2 ஸர்வம் தத் ஸத்யமேவ ஹி|| 49
யான் யான் காமயஸே காமான் மய்யகாமாய பா4மிநி|
ஸந்தி ஹ்யேகாந்த ப4க்தாயாஸ் தவ கல்யாணி நித்யதா3|| 50
உபலப்3த4ம் பதிப்ரேம பாதிவ்ரத்யம் ச தேऽநகே4|
யத்3வாக்யைஶ் சால்யமாநாயா ந தீ4ர்மய்யபகர்ஷிதா|| 51
யே மாம் ப4ஜந்தி தா3ம்பத்யே தபஸா வ்ரதசர்யயா|
காமாத்மாநோऽபவர்கே3ஶம் மோஹிதா மம மாயயா|| 52
மாம் ப்ராப்ய மாநின்யபவர்க3 ஸம்பத3ம்
வாஞ்ச2ந்தி யே ஸம்பத3 ஏவ தத்பதிம்|
தே மந்த3பா4க்3யா நிரயேऽபி யே ந்ருணாம்
மாத்ராத்மகத்வாத்நிரய: ஸுஸங்க3ம:|| 53
தி3ஷ்ட்யா க்3ருஹேஶ்வர்ய ஸக்ருன் மயி த்வயா
க்ருதாநுவ்ருத்திர் ப4வமோசநீ க2லை:|
ஸுது3ஷ்கராஸௌ ஸுதராம் து3ராஶிஷோ
ஹ்யஸும்ப4ராயா நிக்ருதிஞ்ஜுஷ: ஸ்த்ரியா:|| 54
ந த்வாத்3ருஶீம் ப்ரணயிநீம் க்3ருஹிணீம் க்3ருஹேஷு
பஶ்யாமி மானினி யயா ஸ்வவிவாஹகாலே|
ப்ராப்தான் ந்ருபான்வக3ணய்ய ரஹோ ஹரோ மே
ப்ரஸ்தா2பிதோ த்3விஜ உபஶ்ருத ஸத்கத2ஸ்ய|| 55
ப்4ராதுர் விரூபகரணம் யுதி4 நிர்ஜிதஸ்ய
ப்ரோத்3வாஹபர்வணி ச தத்3வத4 மக்ஷ கோ3ஷ்ட்2யாம்|
து3:க2ம் ஸமுத்த2மஸஹோऽஸ்மத3யோக3 பீ4த்யா
நைவாப்3ரவீ: கிமபி தேன வயம் ஜிதாஸ்தே|| 56
தூ3தஸ்த்வயாऽऽத்ம லப4னே ஸுவிவிக்த மந்த்ர:
ப்ரஸ்தா2பிதோ மயி சிராயதி ஶூன்யமேதத்|
மத்வா ஜிஹாஸ இத3 மங்க3 மனன்ய யோக்3யம்
திஷ்டே2த தத் த்வயி வயம் ப்ரதிநந்த3யாம:|| 57
ஶ்ரீஶுக உவாச
ஏவம் ஸௌரதஸம்லாபைர் ப4க3வான்ஜக3தீ3ஶ்வர:|
ஸ்வரதோ ரமயா ரேமே நரலோகம் விட3ம்ப3யன்|| 58
ததா2ன்யாஸாமபி விபு4ர் க்3ருஹேஷு க்3ருஹவாநிவ|
ஆஸ்தி2தோ க்3ருஹமேதீ4யான் த4ர்மாம்ல்லோககு3ருர் ஹரி:|| 59
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தார்தே4 க்ருஷ்ண ருக்மிணீ ஸம்வாதோ3 நாம ஷஷ்டிதமோऽத்4யாய:|| 60
பத்தாம் ஸ்கந்தம் - அறுபதாம் அத்யாயம் முற்றும்.