ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 55.
பிரத்யும்னனின் பிறப்பும் சம்பராசுரனின் வதமும்
அத2 பஞ்சபஞ்சாஶத்தமோऽத்4யாய:
ஶ்ரீஶுக உவாச -
காமஸ்து வாஸுதே3வாம்ஶோ த3க்3த4: ப்ராக்3 ருத்3ரமன்யுநா|
தே3ஹோபபத்தயே பூ4யஸ் தமேவ ப்ரத்யபத்3யத|| 1
ஸ ஏவ ஜாதோ வைத3ர்ப்4யாம் க்ருஷ்ணவீர்ய ஸமுத்3ப4வ:|
ப்ரத்3யும்ந இதி விக்2யாத: ஸர்வதோऽநவம: பிது:|| 2
தம் ஶம்ப3ர: காமரூபீ ஹ்ருத்வா தோகமநிர்த3ஶம் |
ஸ விதி3த்வாஆத்மன: ஶத்ரும் ப்ராஸ்யோத3ன்வத்யகா3த்3 க்3ருஹம்|| 3
தம் நிர்ஜகா3ர ப3லவான் மீன: ஸோऽப்யபரை: ஸஹ |
வ்ருதோ ஜாலேன மஹதா க்3ருஹீதோ மத்ஸ்யஜீவிபி4:|| 4
தம் ஶம்ப3ராய கைவர்தா உபாஜஹ்ருருபாயனம் |
ஸூதா3 மஹாநஸம் நீத்வாவத்3யன் ஸ்வதி4திநாத்3பு4தம்|| 5
த்3ருஷ்ட்வா தது3த3ரே பா3லம் மாயாவத்யை ந்யவேத3யன் |
நாரதோ3ऽகத2யத் ஸர்வம் தஸ்யா: ஶங்கித சேதஸ: |
பா3லஸ்ய தத்த்வமுத்பத்திம் மத்ஸ்யோத3ர நிவேஶனம்|| 6
ஸா ச காமஸ்ய வை பத்நீ ரதிர்நாம யஶஸ்விநீ |
பத்யுர் நிர்த3க்3த4 தே3ஹஸ்ய தே3ஹோத்பத்திம் ப்ரதீக்ஷதீ|| 7
நிரூபிதா ஶம்ப3ரேண ஸா ஸூபௌத3ந ஸாத4னே |
காம தே3வம் ஶிஶும் பு3த்3த்4வா சக்ரே ஸ்நேஹம் ததா3ர்ப4கே|| 8
நாதிதீ3ர்கே4ண காலேன ஸ கார்ஷ்ணி ரூட4யௌவன: |
ஜனயாமாஸ நாரீணாம் வீக்ஷந்தீநாம் ச விப்4ரமம்|| 9
ஸா தம் பதிம் பத்3மத3ளாயதேக்ஷணம்
ப்ரலம்ப3பா3ஹும் நரலோகஸுந்த3ரம் |
ஸவ்ரீட3 ஹாஸோத்தபி4த ப்4ருவேக்ஷதீ
ப்ரீத்யோபதஸ்தே2 ரதிரங்க3 ஸௌரதை:|| 10
தாமஹ ப4க3வான் கார்ஷ்ணிர் மாதஸ்தே மதிரந்யதா2 |
மாத்ருபா4வ மதிக்ரம்ய வர்தஸே காமிநீ யதா2|| 11
ரதிருவாச -
ப4வான் நாராயணஸுத: ஶம்ப3ரேணாஹ்ருதோ க்3ருஹாத் |
அஹம் தேऽதி4க்ருதா பத்நீ ரதி: காமோ ப4வான் ப்ரபோ4|| 12
ஏஷ த்வாநிர்த3ஶம் ஸிந்தா4வக்ஷிபசச2ம்ப3ரோऽஸுர: |
மத்ஸ்யோऽக்3ரஸீத் தது3த3ராதி3ஹ ப்ராப்தோ ப4வான் ப்ரபோ4|| 13
தமிமம் ஜஹி து3ர்த4ர்ஷம் து3ர்ஜயம் ஶத்ருமாத்மன: |
மாயாஶதவித3ம் த்வம் ச மாயாபி4ர் மோஹநாதி3பி4:|| 14
பரீஶோசதி தே மாதா குரரீவ க3தப்ரஜா |
புத்ரஸ்நேஹாகுலா தீ3நா விவத்ஸா கௌ3ரிவாதுரா|| 15
ப்ரபா4ஷ்யைவம் த3தௌ3 வித்3யாம் ப்ரத்3யும்நாய மஹாத்மனே |
மாயாவதீ மஹாமாயாம் ஸர்வமாயா விநாஶிநீம்|| 16
ஸ ச ஶம்ப3ரமப்4யேத்ய ஸம்யுகா3ய ஸமாஹ்வயத் |
அவிஷஹ்யைஸ் தமாக்ஷேபை: க்ஷிபன் ஸஞ்ஜநயன் கலிம்|| 17
ஸோऽதி4 க்ஷிப்தோ து3ர்வாசோபி4: பதா3ஹத இவோரக3: |
நிஶ்சக்ராம க3தா3பாணிரமர்ஷாத் தாம்ரலோசன:|| 18
க3தா3மாவித்4ய தரஸா ப்ரத்3யும்நாய மஹாத்மனே |
ப்ரக்ஷிப்ய வ்யனத3ந்நாத3ம் வஜ்ர நிஷ்பேஷ நிஷ்டு2ரம்|| 19
தாமாபதந்தீம் ப4க3வான் ப்ரத்3யும்நோ க3த3யா க3தா3ம் |
அபாஸ்ய ஶத்ரவே க்ருத்3த4: ப்ராஹிணோத் ஸ்வக3தா3ம் ந்ருப|| 20
ஸ ச மாயாம் ஸமாஶ்ரித்ய தை3தேயீம் மயத3ர்ஶிதம் |
முமுசேऽஸ்த்ரமயம் வர்ஷம் கார்ஷ்ணௌ வைஹாயஸோऽஸுர:|| 21
பா3த்4யமாநோऽஸ்த்ரவர்ஷேண ரௌக்மிணேயோ மஹாரத2: |
ஸத்த்வாத்மிகாம் மஹாவித்3யாம் ஸர்வமாயோபமர்தி3நீம்|| 22
ததோ கௌ3ஹ்யக கா3ந்த4ர்வ பைஶாசோரக3 ராக்ஷஸீ: |
ப்ராயுங்க்த ஶதஶோ தை3த்ய: கார்ஷ்ணிர் வ்யத4மயத் ஸ தா:|| 23
நிஶாத மஸி முத்3யம்ய ஸகிரீடம் ஸகுண்ட3லம் |
ஶம்ப3ரஸ்ய ஶிர: காயாத் தாம்ரஶ்மஶ்ர்வோஜஸாஹரத்|| 24
ஆகீர்யமாணோ தி3விஜை: ஸ்துவத்3பி4: குஸுமோத்கரை: |
பா4ர்யயாம்ப3ர சாரிண்யா புரம் நீதோ விஹாயஸா|| 25
அந்த:புரவரம் ராஜன் லலநாஶதஸங்குலம் |
விவேஶ பத்ன்யா க3க3நாத்3 வித்3யுதேவ ப3லாஹக:|| 26
தம் த்3ருஷ்ட்வா ஜலத3ஶ்யாமம் பீதகௌஶேய வாஸஸம் |
ப்ரலம்ப3பா3ஹும் தாம்ராக்ஷம் ஸுஸ்மிதம் ருசிராநநம்|| 27
ஸ்வலங்க்ருத முகா2ம்போ4ஜம் நீலவக்ராலகாலிபி4: |
க்ருஷ்ணம் மத்வா ஸ்த்ரியோ ஹ்ரீதா நிலில்யுஸ்தத்ர தத்ர ஹ|| 28
அவதா4ர்ய ஶனைரீஷத்3வைலக்ஷண்யேன யோஷித: |
உபஜக்3மு: ப்ரமுதி3தா: ஸஸ்த்ரீரத்னநம் ஸுவிஸ்மிதா:|| 29
அத2 தத்ராஸிதாபாங்கீ3 வைத3ர்பீ4 வல்கு3பா4ஷிணீ |
அஸ்மரத் ஸ்வஸுதம் நஷ்டம் ஸ்நேஹஸ்நுத பயோத4ரா|| 30
கோந்வயம் நரவைதூ3ர்ய: கஸ்ய வா கமலேக்ஷண: |
த்4ருத: கயா வா ஜட2ரே கேயம் லப்3தா4 த்வநேன வா|| 31
மம சாப்யாத்மஜோ நஷ்டோ நீதோ ய: ஸூதிகாக்3ருஹாத் |
ஏதத் துல்ய வயோ ரூபோ யதி3 ஜீவதி குத்ரசித்|| 32
கத2ம் த்வநேந ஸம்ப்ராப்தம் ஸாரூப்யம் ஶார்ங்க3த4ன்வன: |
ஆக்ருத்யாவயவைர் க3த்யா ஸ்வரஹாஸாவலோகனை:|| 33
ஸ ஏவ வா ப4வேன் நூநம் யோ மே க3ர்பே4 த்4ருதோऽர்ப4க: |
அமுஷ்மின் ப்ரீதிரதி4கா வாம: ஸ்பு2ரதி மே பு4ஜ:|| 34
ஏவம் மீமாம்ஸமானாயாம் வைத3ர்ப்4யாம் தே3வகீஸுத: |
தே3வக்யானகது3ந்து3ப்4யாமுத்தமஶ்லோக ஆக3மத்|| 35
விஜ்ஞாதார்தோ2ऽபி ப4க3வான் தூஷ்ணீமாஸ ஜநார்த3ன: |
நாரதோ3ऽகத2யத் ஸர்வம் ஶம்ப3ராஹரணாதி3கம்|| 36
தச்ச்2ருத்வா மஹதா3ஶ்சர்யம் க்ருஷ்ணாந்த:புரயோஷித: |
அப்4யநந்த3ன் ப்3ப3ஹூநப்3தா3ன் நஷ்டம் ம்ருதமிவாக3தம்|| 37
தே3வகீ வஸுதே3வஶ்ச க்ருஷ்ணராமௌ ததா2 ஸ்த்ரிய: |
த3ம்பதீ தௌ பரிஷ்வஜ்ய ருக்மிணீ ச யயுர்முத3ம்|| 38
நஷ்டம் ப்ரத்3யும்ந மாயாதமாகர்ண்ய த்3வாரகௌகஸ: |
அஹோ ம்ருத இவாயாதோ பா3லோ தி3ஷ்ட்யேதி ஹாப்3ருவன்|| 39
யம் வை முஹு: பித்ருஸரூபநிஜேஶபா4வா:
தன்மாதரோ யத3ப4ஜன் ரஹ ரூட4பா4வா: |
சித்ரம் ந தத் க2லு ரமாஸ்பத3 பி3ம்ப3பி3ம்பே3
காமே ஸ்மரேऽக்ஷவிஷயே கிமுதான்ய நார்ய:|| 40
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 ப்ரத்3யும்நோத்பத்தி நிரூபணம் நாம பஞ்ச பஞ்சாஶத்தமோऽத்4யாய:|| 55 ||
பத்தாம் ஸ்கந்தம் - ஐம்பத்தி ஐந்தாம் அத்யாயம் முற்றும்.