ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 54.
ஸ்ரீகிருஷ்ண-ருக்மணி விவாகம்
அத2 சது:பஞ்சாஶத்தமோऽத்4யாய:
ஶ்ரீஶுக உவாச -
இதி ஸர்வே ஸுஸம்ரப்3தா4 வாஹாநாருஹ்ய த3ம்ஶிதா:|
ஸ்வை: ஸ்வைர் ப3லை: பரிக்ராந்தா அன்வீயுர் த்4ருதகார்முகா:|| 1
தாநாபதத ஆலோக்ய யாத3வாநீக யூத2பா:|
தஸ்து2ஸ்தத்ஸம்முகா2 ராஜன் விஸ்பூ2ர்ஜ்ய ஸ்வத4நூம்ஷி தே|| 2
அஶ்வப்ருஷ்டே2 க3ஜஸ்கந்தே4 ரதோ2பஸ்தே ச கோவிதா3:|
முமுசு: ஶரவர்ஷாணி மேகா4 அத்3ரிஷ்வபோ யதா2|| 3
பத்யுர்ப3லம் ஶராஸாரைஶ் ச2ன்னம் வீக்ஷ்ய ஸுமத்4யமா|
ஸவ்ரீட3மைக்ஷத் தத்3வக்த்ரம் ப4யவிஹ்வல லோசநா|| 4
ப்ரஹஸ்ய ப4க3வாநாஹ மா ஸ்ம பை4ர் வாமலோசநே|
வினங்க்ஷ்யத்யது4னைவைதத் தாவகை: ஶாத்ரவம் ப3லம்|| 5
தேஷாம் தத்3விக்ரமம் வீரா க3த3ஸங்கர்ஷணாத3ய:|
அம்ருஷ்யமாணா நாராசைர் ஜக்4நுர் ஹயக3ஜான் ரதா2ன்|| 6
பேது: ஶிராம்ஸி ரதி2நாமஶ்விநாம் க3ஜிநாம் பு4வி|
ஸகுண்ட3ல கிரீடாநி ஸோஷ்ணீஷாணி ச கோடிஶ:|| 7
ஹஸ்தா: ஸாஸிக3தே3ஷ்வாஸா: கரபா4 ஊரவோऽங்க்4ரய:|
அஶ்வாஶ்வதர நாகோ3ஷ்ட்ர க2ர மர்த்ய ஶிராம்ஸி ச|| 8
ஹன்யமாநப3லாநீகா வ்ருஷ்ணிபி4ர் ஜயகாங்க்ஷிபி4:|
ராஜாநோ விமுகா2 ஜக்3முர் ஜராஸந்த4 புர:ஸரா:|| 9
ஶிஶுபாலம் ஸமப்4யேத்ய ஹ்ருததா3ரமிவாதுரம்|
நஷ்டத்விஷம் க3தோத்ஸாஹம் ஶுஷ்யத்3வத3ன மப்3ருவன்|| 10
போ4 போ4: புருஷஶார்தூ3ல தௌ3ர்மநஸ்யமித3ம் த்யஜ|
ந ப்ரியாப்ரியயோ ராஜன் நிஷ்டா2 தே3ஹிஷு த்3ருஶ்யதே|| 11
யதா2 தா3ருமயீ யோஷித் ந்ருத்யதே குஹகேச்ச2யா|
ஏவ மீஶ்வர தந்த்ரோऽயமீஹதே ஸுக2து3:க2யோ:|| 12
ஶௌரே: ஸப்தத3ஶாஹம் வை ஸம்யுகா3நி பராஜித:|
த்ரயோவிம்ஶதிபி4: ஸைன்யைர் ஜிக்3யே ஏகமஹம் பரம்|| 13
ததா2ப்யஹம் ந ஶோசாமி ந ப்ரஹ்ருஷ்யாமி கர்ஹிசித்|
காலேன தை3வயுக்தேன ஜானன் வித்3ராவிதம் ஜக3த்|| 14
அது4நாபி வயம் ஸர்வே வீரயூத2ப யூத2பா:|
பராஜிதா: ப2ல்கு3தந்த்ரைர் யது3பி4: க்ருஷ்ணபாலிதை:|| 15
ரிபவோ ஜிக்3யுரது4நா கால ஆத்மாநுஸாரிணி|
ததா3 வயம் விஜேஷ்யாமோ யதா3 கால: ப்ரத3க்ஷிண:|| 16
ஏவம் ப்ரபோ3தி4தோ மித்ரை: சைத்3யோऽகா3த் ஸாநுக3: புரம்|
ஹதஶேஷா: புனஸ்தேऽபி யயு: ஸ்வம் ஸ்வம் புரம் ந்ருபா:|| 17
ருக்மீ து ராக்ஷஸோத்3வாஹம் க்ருஷ்ணத்3விட3ஸஹன் ஸ்வஸு:|
ப்ருஷ்ட2தோऽன்வக3மத் க்ருஷ்ண மக்ஷௌஹிண்யா வ்ருதோ ப3லீ|| 18
ருக்ம்யமர்ஷீ ஸுஸம்ரப்3த4: ஶ்ருண்வதாம் ஸர்வபூ4பு4ஜாம்|
ப்ரதிஜஜ்ஞி மஹாபா3ஹுர் த3ம்ஶித: ஸஶராஸன:|| 19
அஹத்வா ஸமரே க்ருஷ்ண மப்ரத்யூஹ்ய ச ருக்மிணீம்|
குண்டி3னம் ந ப்ரவேக்ஷ்யாமி ஸத்யமேதத்3 ப்3ரவீமி வ:|| 20
இத்யுக்த்வா ரத2மாருஹ்ய ஸாரதி2ம் ப்ராஹ ஸத்வர:|
சோத3யாஶ்வான் யத: க்ருஷ்ணஸ்தஸ்ய மே ஸம்யுக3ம் ப4வேத்|| 21
அத்3யாஹம் நிஶிதைர் பா3ணைர் கோ3பாலஸ்ய ஸுது3ர்மதே:|
நேஷ்யே வீர்யமத3ம் யேன ஸ்வஸா மே ப்ரஸப4ம் ஹ்ருதா|| 22
விகத்த2மான: குமதிரீஶ்வரஸ்யாப்ரமாணவித்|
ரதே2னைகேன கோ3விந்த3ம் திஷ்ட2 திஷ்டே2த்யதா2ஹ்வயத்|| 23
த4நுர் விக்ருஷ்ய ஸுத்3ருட4ம் ஜக்4னே க்ருஷ்ணம் த்ரிபி4: ஶரை:|
ஆஹ சாத்ர க்ஷணம் திஷ்ட2 யதூ3நாம் குலபாம்ஸன|| 24
குத்ர யாஸி ஸ்வஸாரம் மே முஷித்வா த்4வாங்க்ஷவத் ஹவி:|
ஹரிஷ்யேऽத்3ய மத3ம் மந்த3 மாயின: கூடயோதி4ன:|| 25
யாவந்ந மே ஹதோ பா3ணை: ஶயீதா2 முஞ்ச தா3ரிகாம்|
ஸ்மயன் க்ருஷ்ணோ த4நுஶ்சி2த்த்வா ஷட்3பி4ர் விவ்யாத4 ருக்மிணம்|| 26
அஷ்டபி4ஶ் சதுரோ வாஹான் த்3வாப்4யாம் ஸூதம் த்4வஜம் த்ரிபி4:|
ஸ சான்யத்3 த4நுராதா4ய க்ருஷ்ணம் விவ்யாத4 பஞ்சபி4:|| 27
தைஸ்தாதி3த: ஶரௌக்4ரைஸ்து சிச்சே2த3 த4நுரச்யுத:|
புனரன்யது3பாத3த்த தத3ப்யச்சி2னத3வ்யய:|| 28
பரிக4ம் பட்டிஶம் ஶூலம் சர்மாஸீ ஶக்திதோமரௌ|
யத்3 யதா3யுத4 மாத3த்த தத் ஸர்வம் ஸோऽச்சி2னத் ஹரி:|| 29
ததோ ரதா2த3வப்லுத்ய க2ட்3க3பாணிர் ஜிகா4ம்ஸயா|
க்ருஷ்ண மப்4யத்3ரவத் க்ருத்3த4: பதங்க3 இவ பாவகம்|| 30
தஸ்ய சாபதத: க2ட்3க3ம் திலஶஶ்சர்ம சேஷுபி4:|
சி2த்த்வாஸி மாத3தே3 திக்3மம் ருக்மிணம் ஹந்து முத்3யத:|| 31
த்3ருஷ்ட்வா ப்4ராத்ருவதோ4த்3யோக3ம் ருக்மிணீ ப4யவிஹ்வலா|
பதித்வா பாத3யோர்ப4ர்துருவாச கருணம் ஸதீ|| 32
யோகே3ஶ்வராப்ரமேயாத்மன் தே3வதே3வ ஜக3த்பதே|
ஹந்தும் நார்ஹஸி கல்யாண ப்4ராதரம் மே மஹாபு4ஜ|| 33
ஶ்ரீஶுக உவாச
தயா பரித்ராஸ விகம்பிதாங்க3யா
ஶுசாவஶுஷ்யன்முக2 ருத்3த4கண்ட2யா|
காதர்ய விஸ்ரம்ஸித ஹேமமாலயா
க்3ருஹீதபாத3: கருணோ ந்யவர்தத|| 34
சைலேன ப3த்3த்4வா தமஸாது4காரிணம்
ஸஶ்மஶ்ருகேஶம் ப்ரவபன் வ்யரூபயத்|
தாவன் மமர்து3: பரஸைன்ய மத்3பு4தம்
யது3ப்ரவீரா நளிநீம் யதா2 க3ஜா:|| 35
க்ருஷ்ணாந்திக முபவ்ரஜ்ய த3த்3ருஶுஸ் தத்ர ருக்மிணம்|
ததா2பூ4தம் ஹதப்ராயம் த்3ருஷ்ட்வா ஸங்கர்ஷணோ விபு4:|
விமுச்ய ப3த்3த4ம் கருணோ ப4க3வான் க்ருஷ்ணமப்3ரவீத்|| 36
அஸாத்4வித3ம் த்வயா க்ருஷ்ண க்ருதமஸ்மஜ்ஜுகு3ப்ஸிதம்|
வபனம் ஶ்மஶ்ருகேஶாநாம் வைரூப்யம் ஸுஹ்ருதோ3 வத4:|| 37
மைவாஸ்மான் ஸாத்4வ்யஸூயேதா2 ப்4ராதுர் வைரூப்யசிந்தயா|
ஸுக2 து3:க2தோ3 ந சான்யோऽஸ்தி யத: ஸ்வக்ருதபு4க் புமான்|| 38
ப3ந்து4ர் வதா4ர்ஹதோ3ஷோऽபி ந ப3ந்தோ4ர் வத4மர்ஹதி|
த்யாஜ்ய: ஸ்வேனைவ தோ3ஷேண ஹத: கிம் ஹன்யதே புன:|| 39
க்ஷத்ரியாணாமயம் த4ர்ம: ப்ரஜாபதிவிநிர்மித:|
ப்4ராதாபி ப்4ராதரம் ஹன்யாத்3 யேன கோ4ரதமஸ்தத:|| 40
ராஜ்யஸ்ய பூ4மேர் வித்தஸ்ய ஸ்த்ரியோ மானஸ்ய தேஜஸ:|
மாநிநோऽன்யஸ்ய வா ஹேதோ: ஶ்ரீமதா3ந்தா4: க்ஷிபந்தி ஹி|| 41
தவேயம் விஷமா பு3த்3தி4: ஸர்வபூ4தேஷு து3ர்ஹ்ருதா3ம்|
யன்மன்யஸே ஸதா3ப4த்3ரம் ஸுஹ்ருதா3ம் ப4த்3ரமஜ்ஞவத்|| 42
ஆத்மமோஹோ ந்ருணாமேஷ கல்பதே தே3வமாயயா|
ஸுஹ்ருத்3 து3ர்ஹ்ருது3தா3ஸீன இதி தே3ஹாத்மமாநிநாம்|| 43
ஏக ஏவ பரோ ஹ்யாத்மா ஸர்வேஷாமபி தே3ஹிநாம்|
நாநேவ க்3ருஹ்யதே மூடை4ர் யதா2 ஜ்யோதிர் யதா2 நப4:|| 44
தே3ஹ ஆத்3யந்தவாநேஷ த்3ரவ்யப்ராணகு3ணாத்மக:|
ஆத்மன்யவித்3யயா க்ல்ருப்த: ஸம்ஸாரயதி தே3ஹினம்|| 45
நாத்மநோऽன்யேன ஸம்யோகோ3 வியோக3ஶ்சாஸத: ஸதி|
தத் ஹேதுத்வாத் தத் ப்ரஸித்3தே4ர் த்3ருக்3ரூபாப்4யாம் யதா2 ரவே:|| 46
ஜன்மாத3யஸ்து தே3ஹஸ்ய விக்ரியா நாத்மன: க்வசித்|
கலாநாமிவ நைவேந்தோ3ர் ம்ருதிர் ஹ்யஸ்ய குஹூரிவ|| 47
யதா2 ஶயான ஆத்மானம் விஷயான் ப2லமேவ ச|
அநுபு4ங்க்தே ऽப்யஸத்யர்தே2 ததா2 ஆப்நோத்யபு3தோ4 ப4வம்|| 48
தஸ்மாத் அக்ஞானஜம் ஶோகமாத்மஶோஷ விமோஹனம்|
தத்த்வஜ்ஞானேன நிர்ஹ்ருத்ய ஸ்வஸ்தா2 ப4வ ஶுசிஸ்மிதே|| 49
ஶ்ரீஶுக உவாச
ஏவம் ப4க3வதா தன்வீ ராமேண ப்ரதிபோ3தி4தா|
வைமனஸ்யம் பரித்யஜ்ய மநோ பு3த்3த்4யா ஸமாத3தே4|| 50
ப்ராணாவஶேஷ உத்ஸ்ருஷ்டோ த்3விட்3பி4ர் ஹத ப3லப்ரப4:|
ஸ்மரன் விரூபகரணம் விததா2த்ம மநோரத2:|| 51
சக்ரே போ4ஜகடம் நாம நிவாஸாய மஹத் புரம்|
அஹத்வா து3ர்மதிம் க்ருஷ்ணமப்ரத்யூஹ்ய யவீயஸீம்|
குண்டி3னம் ந ப்ரவேக்ஷ்யாமீத்யுக்த்வா தத்ராவஸத்3 ருஷா|| 52
ப4க3வான் பீ4ஷ்மக ஸுதாமேவம் நிர்ஜித்ய பூ4மிபான்|
புரமாநீய விதி4வது3பயேமே குரூத்3வஹ|| 53
ததா3 மஹோத்ஸவோ ந்ரூணாம் யது3புர்யாம் க்3ருஹே க்3ருஹே|
அபூ4த3நன்யபா4வாநாம் க்ருஷ்ணே யது3பதௌ ந்ருப|| 54
நரா நார்யஶ்ச முதி3தா: ப்ரம்ருஷ்ட மணிகுண்ட3லா:|
பாரிப3ர்ஹ முபாஜஹ்ருர் வரயோஶ் சித்ரவாஸஸோ:|| 55
ஸா வ்ருஷ்ணிபுர்யுத்தபி4தேந்த்3ரகேதுபி4ர்
விசித்ர மால்யாம்ப3ர ரத்ன தோரணை:|
ப3பௌ4 ப்ரதித்3வார்யுபக்ல்ருப்த மங்க3ளை:
ஆபூர்ண கும்பா4கு3ரு தூ4பதீ3பகை:|| 56
ஸிக்தமார்கா3 மத3ச்யுத்3பி4ராஹூத ப்ரேஷ்ட2பூ4பு4ஜாம்|
க3ஜைர் த்3வாஸ்ஸு பராம்ருஷ்டரம்பா4பூகோ3ப ஶோபி4தா|| 57
குரு ஸ்ருஞ்ஜயகைகேய வித3ர்ப4 யது3 குந்தய:|
மிதோ2 முமுதி3ரே தஸ்மின் ஸம்ப்4ரமாத் பரிதா4வதாம்|| 58
ருக்மிண்யா ஹரணம் ஶ்ருத்வா கீ3யமானம் ததஸ்தத:|
ராஜாநோ ராஜகன்யாஶ்ச ப3பூ4வுர் ப்4ருஶவிஸ்மிதா:|| 59
த்3வாரகாயாமபூ4த்3 ராஜன் மஹாமோத3: புரௌகஸாம்|
ருக்மிண்யா ரமயோபேதம் த்3ருஷ்ட்வா க்ருஷ்ணம் ஶ்ரிய: பதிம்|| 60
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 ருக்மிண்யுத்3வாஹே சது: பஞ்சாஶத்தமோऽத்4யாய: || 54
பத்தாம் ஸ்கந்தம் - ஐம்பத்தி நான்காம் அத்யாயம் முற்றும்.