ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 53.
ருக்மணியை அபகரித்தல்
அத2 த்ரிபஞ்சாஶத்தமோऽத்4யாய:
ஶ்ரீஶுக உவாச -
வைத3ர்ப்4யா: ஸ து ஸந்தே3ஶம் நிஶம்ய யது3நந்த3ன:|
ப்ரக்3ருஹ்ய பாணிநா பாணிம் ப்ரஹஸந்நித3மப்3ரவீத்|| 1
ஶ்ரீப4க3வாநுவாச
ததா2ஹமபி தச்சித்தோ நித்3ராம் ச ந லபே4 நிஶி|
வேதா3ஹம் ருக்மிணா த்3வேஷாத் மமோத்3வாஹோ நிவாரித:|| 2
தாமாநயிஷ்ய உன்மத்2ய ராஜன்யாபஸதா3ன் ம்ருதே4|
மத்பராமனவத்3யாங்கீ3ம் ஏத4ஸோऽக்3நிஶிகா2மிவ|| 3
ஶ்ரீஶுக உவாச
உத்3வாஹர்க்ஷம் ச விக்ஞாய ருக்மிண்யா மது4ஸூத3ன:|
ரத2: ஸம்யுஜ்யதாமாஶு தா3ருகேத்யாஹ ஸாரதி2ம்|| 4
ஸ சாஶ்வை: ஶைப்3ய ஸுக்3ரீவ மேக4புஷ்ப ப3லாஹகை:|
யுக்தம் ரத2முபாநீய தஸ்தௌ2 ப்ராஞ்ஜலிரக்3ரத:|| 5
ஆருஹ்ய ஸ்யந்த3நம் ஶௌரிர் த்3விஜமாரோப்ய தூர்ணகை3:|
ஆனர்தாதே3க ராத்ரேண வித3ர்பா4நக3மத்3 ஹயை:|| 6
ராஜா ஸ குண்டி3நபதி: புத்ரஸ்நேஹவஶம் க3த:|
ஶிஶுபாலாய ஸ்வாம் கன்யாம் தா3ஸ்யன் கர்மாண்யகாரயத்|| 7
புரம் ஸம்ம்ருஷ்ட ஸம்ஸிக்த மார்க3 ரத்2யா சதுஷ்பத2ம்|
சித்ரத்4வஜ பதாகாபி4ஸ் தோரணை: ஸமலங்க்ருதம்|| 8
ஸ்ரக்3 க3ந்த4மால்யாப4ரணைர் விரஜோऽம்ப3ர பூ4ஷிதை:|
ஜுஷ்டம் ஸ்த்ரீபுருஷை: ஶ்ரீமத்3க்3ருஹை ரகு3ரு தூ4பிதை:|| 9
பித்ரூன் தே3வான் ஸமப்4யர்ச்ய விப்ராம்ஶ்ச விதி4வன் ந்ருப|
போ4ஜயித்வா யதா2ன்யாயம் வாசயாமாஸ மங்க3ளம்|| 10
ஸுஸ்நாதாம் ஸுத3தீம் கன்யாம் க்ருத கௌதுகமங்க3ளாம்|
ஆஹதாம்ஶுக யுக்3மேன பூ4ஷிதாம் பூ4ஷணோத்தமை:|| 11
சக்ரு: ஸாம ருக்3 யஜுர்மந்த்ரைர் வத்4வா ரக்ஷாம் த்3விஜோத்தமா:|
புரோஹிதோऽத2ர்வவித்3 வை ஜுஹாவ க்3ரஹஶாந்தயே|| 12
ஹிரண்யரூப்ய வாஸாம்ஸி திலாம்ஶ்ச கு3ட3மிஶ்ரிதான்|
ப்ராதா3த்3 தே4நூஶ்ச விப்ரேப்4யோ ராஜா விதி4விதா3ம் வர:|| 13
ஏவம் சேதி3பதீ ராஜா த3மகோ4ஷ: ஸுதாய வை|
காரயாமாஸ மந்த்ரஜ்ஞை: ஸர்வமப்4யுத3யோசிதம்|| 14
மத3ச்யுத்3பி4ர் க3ஜாநீகை: ஸ்யந்த3னைர் ஹேமமாலிபி4:|
பத்த்யஶ்வ ஸங்குலை: ஸைன்யை: பரீத: குண்டி3னம் யயௌ|| 15
தம் வை வித3ர்பா4தி4பதி: ஸமப்4யேத்யாபி4பூஜ்ய ச|
நிவேஶயாமாஸ முதா3 கல்பிதான்ய நிவேஶனே|| 16
தத்ர ஶால்வோ ஜராஸந்தோ4 த3ந்தவக்த்ரோ விதூ3ரத2:|
ஆஜக்3முஶ்சைத்3யபக்ஷீயா: பௌண்ட்3ரகாத்3யா: ஸஹஸ்ரஶ:|| 17
க்ருஷ்ணராமத்3விஷோ யத்தா: கன்யாம் சைத்3யாய ஸாதி4தும்|
யத்3யாக3த்ய ஹரேத் க்ருஷ்ணோ ராமாத்3யைர் யது3பி4ர் வ்ருத:|| 18
யோத்ஸ்யாம: ஸம்ஹதாஸ்தேன இதி நிஶ்சிதமானஸா:|
ஆஜக்3முர் பூ4பு4ஜ: ஸர்வே ஸமக்3ர ப3லவாஹனா:|| 19
ஶ்ருத்வைதத்3 ப4க3வான் ராமோ விபக்ஷீய ந்ருபோத்3யமம்|
க்ருஷ்ணம் சைகம் க3தம் ஹர்தும் கன்யாம் கலஹஶங்கித:|| 20
ப3லேன மஹதா ஸார்த4ம் ப்4ராத்ருஸ்நேஹ பரிப்லுத:|
த்வரித: குண்டி3னம் ப்ராகா3த்3 க3ஜாஶ்வரத2 பத்திபி4:|| 21
பீ4ஷ்மகன்யா வராரோஹா காங்க்ஷந்த்யாக3மநம் ஹரே:|
ப்ரத்யாபத்தி மபஶ்யந்தீ த்3விஜஸ்யாசிந்தயத் ததா3|| 22
அஹோ த்ரியாமாந்தரித உத்3வாஹோ மேऽல்பராத4ஸ:|
நாக3ச்ச2த்யரவிந்தா3க்ஷோ நாஹம் வேத்3ம்யத்ர காரணம்|
ஸோऽபி நாவர்ததேऽத்3யாபி மத்ஸந்தே3ஶஹரோ த்3விஜ:|| 23
அபி மய்யநவத்3யாத்மா த்3ருஷ்ட்வா கிஞ்சிஜ் ஜுகு3ப்ஸிதம்|
மத்பாணிக்3ரஹணே நூநம் நாயாதி ஹி க்ருதோத்3யம:|| 24
து3ர்ப4கா3யா ந மே தா4தா நாநுகூலோ மஹேஶ்வர:|
தே3வீ வா விமுகா2 கௌ3ரீ ருத்3ராணீ கி3ரிஜா ஸதீ|| 25
ஏவம் சிந்தயதீ பா3லா கோ3விந்த3ஹ்ருத மானஸா|
ந்யமீலயத காலக்ஞா நேத்ரே சாஶ்ருகலாகுலே|| 26
ஏவம் வத்4வா: ப்ரதீக்ஷந்த்யா கோ3விந்தா3க3மனம் ந்ருப|
வாம ஊருர்பு4ஜோ நேத்ரமஸ்பு2ரன் ப்ரியபா4ஷிண:|| 27
அத2 க்ருஷ்ணவிநிர்தி3ஷ்ட: ஸ ஏவ த்3விஜஸத்தம:|
அந்த:புரசரீம் தே3வீம் ராஜபுத்ரீம் த3த3ர்ஶ ஹ|| 28
ஸா தம் ப்ரஹ்ருஷ்டவத3ன மவ்யக்3ராத்மக3திம் ஸதீ|
ஆலக்ஷ்ய லக்ஷணாபி4ஜ்ஞா ஸமப்ருச்ச2த் ஶுசிஸ்மிதா|| 29
தஸ்யா ஆவேத3யத் ப்ராப்தம் ஶஶம்ஸ யது3நந்த3னம்|
உக்தம் ச ஸத்யவசந மாத்மோபநயனம் ப்ரதி|| 30
தமாக3தம் ஸமாஜ்ஞாய வைத3ர்பீ4 ஹ்ருஷ்ட மானஸா|
ந பஶ்யந்தீ ப்3ராஹ்மணாய ப்ரியமன்யந்நநாம ஸா|| 31
ப்ராப்தௌ ஶ்ருத்வா ஸ்வது3ஹிது ருத்3வாஹ ப்ரேக்ஷணோத்ஸுகௌ|
அப்4யயாத் தூர்ய கோ4ஷேண ராமக்ருஷ்ணௌ ஸமர்ஹணை:|| 32
மது4பர்கமுபாநீய வாஸாம்ஸி விரஜாம்ஸி ஸ:|
உபாயநான்யபீ4ஷ்டாநி விதி4வத் ஸமபூஜயத்|| 33
தயோர் நிவேஶனம் ஶ்ரீமது3பாகல்ப்ய மஹாமதி:|
ஸஸைன்யயோ: ஸாநுக3யோ ராதித்2யம் வித3தே4 யதா2|| 34
ஏவம் ராஜ்ஞாம் ஸமேதாநாம் யதா2வீர்யம் யதா2வய:|
யதா2ப3லம் யதா2வித்தம் ஸர்வை: காமை: ஸமர்ஹயத்|| 35
க்ருஷ்ண மாக3த மாகர்ண்ய வித3ர்ப4புரவாஸின:|
ஆக3த்ய நேத்ராஞ்ஜலிபி4: பபுஸ்தன்முக2பங்கஜம்|| 36
அஸ்யைவ பா4ர்யா ப4விதும் ருக்மிண்யர்ஹதி நாபரா|
அஸாவப்யனவத்3யாத்மா பை4ஷ்ம்யா: ஸமுசித: பதி:|| 37
கிஞ்சித் ஸுசரிதம் யந்நஸ்தேன துஷ்டஸ்த்ரிலோகக்ருத்|
அநுக்3ருஹ்ணாது க்3ருஹ்ணாது வைத3ர்ப்4யா: பாணிமச்யுத:|| 38
ஏவம் ப்ரேமகலாப3த்3தா4 வத3ந்தி ஸ்ம புரௌகஸ:|
கன்யா சாந்த:புராத் ப்ராகா3த்3 ப4டைர் கு3ப்தாம்பி3காலயம்|| 39
பத்3ப்4யாம் விநிர்யயௌ த்3ரஷ்டும் ப4வான்யா: பாத3பல்லவம்|
ஸா சாநுத்4யாயதீ ஸம்யக் முகுந்த3 சரணாம்பு3ஜம்|| 40
யதவாங்மாத்ருபி4: ஸார்த4ம் ஸகீ2பி4: பரிவாரிதா|
கு3ப்தா ராஜப4டை: ஶூரை: ஸந்நத்3தை4ருத்3யதாயுதை4:|
ம்ருத3ங்க3 ஶங்க2 பணவாஸ்தூர்ய பே4ர்யஶ்ச ஜக்4நிரே|| 41
நாநோபஹார ப3லிபி4ர் வாரமுக்2யா: ஸஹஸ்ரஶ:|
ஸ்ரக்3க3ந்த4 வஸ்த்ராப4ரணைர் த்3விஜபத்ன்ய: ஸ்வலங்க்ருதா:|| 42
கா3யந்த்யஶ்ச ஸ்துவந்தஶ்ச கா3யகா வாத்3யவாத3கா:|
பரிவார்ய வதூ4ம் ஜக்3மு: ஸூதமாக3த4 வந்தி3ன:|| 43
ஆஸாத்3ய தே3வீஸத3னம் தௌ4தபாத3 கராம்பு3ஜா|
உபஸ்ப்ருஶ்ய ஶுசி: ஶாந்தா ப்ரவிவேஶாம்பி3காந்திகம்|| 44
தாம் வை ப்ரவயஸோ பா3லாம் விதி4ஜ்ஞா விப்ரயோஷித:|
ப4வாநீம் வந்த3யாம்சக்ருர் ப4வபத்நீம் ப4வான்விதாம்|| 45
நமஸ்யே த்வாம்பி3கேऽபீ4க்ஷ்ணம் ஸ்வஸந்தான யுதாம் ஶிவாம்|
பூ4யாத் பதிர் மே ப4க3வான் க்ருஷ்ணஸ் தத3நுமோத3தாம்|| 46
அத்3பி4ர் க3ந்தா4க்ஷதைர் தூ4பைர் வாஸ: ஸ்ரங்மால்ய பூ4ஷணை:|
நாநோபஹார ப3லிபி4: ப்ரதீ3பாவலிபி4: ப்ருத2க்|| 47
விப்ரஸ்த்ரிய: பதிமதீஸ்ததா2 தை: ஸமபூஜயத்|
லவணாபூப தாம்பூ3ல கண்ட2ஸூத்ர ப2லேக்ஷுபி4:|| 48
தஸ்யை ஸ்த்ரியஸ்தா: ப்ரத3து3: ஶேஷாம் யுயுஜுராஶிஷ:|
தாப்4யோ தே3வ்யை நமஶ்சக்ரே ஶேஷாம் ச ஜக்3ருஹே வதூ4:|| 49
முனிவ்ரதமத2 த்யக்த்வா நிஶ்சக்ராமாம்பி3காக்3ருஹாத்|
ப்ரக்3ருஹ்ய பாணிநா ப்4ருத்யாம் ரத்நமுத்3ரோபஶோபி4நா|| 50
தாம் தே3வமாயாமிவ வீரமோஹிநீம்
ஸுமத்4யமாம் குண்ட3ல மண்டி3தானனாம்|
ஶ்யாமாம் நிதம்பா3ர்பித ரத்னமேக2லாம்
வ்யஞ்ஜத்ஸ்தநீம் குந்தள ஶங்கிதேக்ஷணாம்|| 51
ஶுசிஸ்மிதாம் பி3ம்ப3 ப2லாத4ரத்3யுதி-
ஶோணாயமான த்3விஜ குந்த3 குட்3மலாம்|
பதா3 சலந்தீம் கலஹம்ஸ கா3மிநீம்
ஶிஞ்ஜத்கலாநூபுர தா4ம ஶோபி4நா|
விலோக்ய வீரா முமுஹு: ஸமாக3தா
யஶஸ்வினஸ்தத்க்ருதஹ்ருச்ச2யார்தி3தா:|| 52
யாம் வீக்ஷ்ய தே ந்ருபதயஸ்தது3தா3ரஹாஸ-
வ்ரீடா3வலோக ஹ்ருதசேதஸ உஜ்ஜி2தாஸ்த்ரா:|
பேது: க்ஷிதௌ க3ஜரதா2ஶ்வக3தா விமூடா4
யாத்ராச்ச2லேன ஹரயேऽர்பயதீம் ஸ்வஶோபா4ம்|| 53
ஸைவம் ஶனைஶ்சலயதீ சலபத்3மகோஶௌ
ப்ராப்திம் ததா3 ப4க3வத: ப்ரஸமீக்ஷமாணா|
உத்ஸார்ய வாமகரஜை ரலகாநபங்கை3:
ப்ராப்தான் ஹ்ரியைக்ஷத ந்ருபான் த3த்3ருஶேऽச்யுதம் ஸா|| 54
தாம் ராஜகன்யாம் ரத2மாருருக்ஷதீம்
ஜஹார க்ருஷ்ணோ த்3விஷதாம் ஸமீக்ஷதாம்|
ரத2ம் ஸமாரோப்ய ஸுபர்ணலக்ஷணம்
ராஜன்யசக்ரம் பரிபூ4ய மாத4வ:|| 55
ததோ யயௌ ராமபுரோக3மை: ஶனை:
ஸ்ருகா3லமத்4யாதி3வ பா4க3ஹ்ருத்3 ஹரி:|| 56
தம் மானின: ஸ்வாபி4ப4வம் யஶ:க்ஷயம்
பரே ஜராஸந்த4வஶா ந ஸேஹிரே|
அஹோ தி4க3ஸ்மான் யஶ ஆத்த த4ன்வநாம்
கோ3பைர் ஹ்ருதம் கேஸரிணாம் ம்ருகை3ரிவ|| 57
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 ருக்மிணீஹரணம் நாம த்ரிபஞ்சாஶத்தமோऽத்4யாய: || 53
பத்தாம் ஸ்கந்தம் - ஐம்பத்தி மூன்றாம் அத்யாயம் முற்றும்.