ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 52.
ருக்மிணிதேவியின் சந்தேசம்
அத2 த்விபஞ்சாஶத்தமோऽத்4யாய:
ஶ்ரீஶுக உவாச
இத்த2ம் ஸோऽநுக்3ரஹீதோऽங்க3 க்ருஷ்ணேன இக்ஷ்வாகு நந்த3ன:|
தம் பரிக்ரம்ய ஸன்னம்ய நிஶ்சக்ராம கு3ஹாமுகா2த்|| 1
ஸ வீக்ஷ்ய க்ஷுல்லகான் மர்த்யான் பஶூன் வீருத்3வனஸ்பதீன்|
மத்வா கலியுக3ம் ப்ராப்தம் ஜகா3ம தி3ஶ முத்தராம்|| 2
தப: ஶ்ரத்3தா4யுதோ தீ4ரோ நி:ஸங்கோ3 முக்தஸம்ஶய:|
ஸமாதா4ய மன: க்ருஷ்ணே ப்ராவிஶத்3 க3ந்த4மாத3னம்|| 3
ப3த3ர்யாஶ்ரம மாஸாத்3ய நரநாராயணாலயம்|
ஸர்வத்3வந்த்3வஸஹ: ஶாந்தஸ் தபஸாऽऽராத4யத்3 ஹரிம்|| 4
ப4க3வான் புனராவ்ரஜ்ய புரீம் யவநவேஷ்டிதாம்|
ஹத்வா ம்லேச்ச2ப3லம் நின்யே ததீ3யம் த்3வாரகாம் த4னம்|| 5
நீயமானே த4னே கோ3பி4ர் ந்ருபி4ஶ்சாச்யுதசோதி3தை:|
ஆஜகா3ம ஜராஸந்த4 ஸ்த்ரயோவிம்ஶத்யனீகப:|| 6
விலோக்ய வேக3ரப4ஸம் ரிபுஸைன்யஸ்ய மாத4வௌ|
மநுஷ்ய சேஷ்டாமாபந்நௌ ராஜன் து3த்3ருவதுர் த்3ருதம்|| 7
விஹாய வித்தம் ப்ரசுர மபீ4தௌ பீ4ருபீ4தவத்|
பத்3ப்4யாம் பத்3மபலாஶாப்4யாம் சேலதுர் ப3ஹுயோஜனம்|| 8
பலாயமாநௌ தௌ த்3ருஷ்ட்வா மாக3த4: ப்ரஹஸன் ப3லீ|
அன்வதா4வத்3 ரதா2நீகை: ஈஶயோ: அப்ரமாணவித்|| 9
ப்ரத்3ருத்ய தூ3ரம் ஸம்ஶ்ராந்தௌ துங்க3மாருஹதாம் கி3ரிம்|
ப்ரவர்ஷணாக்2யம் ப4க3வான் நித்யதா3 யத்ர வர்ஷதி|| 10
கி3ரௌ நிலீநாவாஜ்ஞாய நாதி4க3ம்ய பத3ம் ந்ருப|
த3தா3ஹ கி3ரிமேதோ4பி4: ஸமந்தாத3க்3நி முத்ஸ்ருஜன்|| 11
தத உத்பத்ய தரஸா த3ஹ்யமாந தடாது3பௌ4|
த3ஶைகயோஜநாத்துங்கா3ந்நிபேதது ரதோ4 பு4வி|| 12
அலக்ஷ்யமாணௌ ரிபுணா ஸாநுகே3ன யதூ3த்தமௌ|
ஸ்வபுரம் புனராயாதௌ ஸமுத்3ர பரிகா2ம் ந்ருப|| 13
ஸோऽபி த3க்3தா4விதி ம்ருஷா மன்வாநோ ப3லகேஶவௌ|
ப3லமாக்ருஷ்ய ஸுமஹத் மக3தா4ன் மாக3தோ4 யயௌ|| 14
ஆநர்தாதி4பதி: ஶ்ரீமான் ரைவதோ ரைவதீம் ஸுதாம்|
ப்3ரஹ்மணா சோதி3த: ப்ராதா3த்3 ப3லாயேதி புரோதி3தம்|| 15
ப4க3வாநபி கோ3விந்த3 உபயேமே குரூத்3வஹ|
வைத3ர்பீ4ம் பீ4ஷ்மகஸுதாம் ஶ்ரியோ மாத்ராம் ஸ்வயம்வரே|| 16
ப்ரமத்2ய தரஸா ராஜ்ஞ: ஶால்வாதீ3ம்ஶ்சைத்3ய பக்ஷகா3ன்|
பஶ்யதாம் ஸர்வலோகாநாம் தார்க்ஷ்யபுத்ர: ஸுதா4மிவ|| 17
ஶ்ரீராஜோவாச
ப4க3வான் பீ4ஷ்மகஸுதாம் ருக்மிணீம் ருசிரானனாம்|
ராக்ஷஸேன விதா4நேன உபயேம இதி ஶ்ருதம்|| 18
ப4க3வன் ஶ்ரோதுமிச்சா2மி க்ருஷ்ணஸ்யாமிததேஜஸ:|
யதா2 மாக3த4ஶால்வாதீ3ன் ஜித்வா கன்யாமுபாஹரத்|| 19
ப்3ரஹ்மன் க்ருஷ்ணகதா2: புண்யா மாத்4வீர் லோகமலாபஹா:|
கோ நு த்ருப்யேத ஶ்ருண்வான: ஶ்ருதஜ்ஞொ நித்யநூதநா:|| 20
ஶ்ரீஶுக உவாச
ராஜாऽऽஸீத்3 பீ4ஷ்மகோ நாம வித3ர்பா4தி4பதிர் மஹான்|
தஸ்ய பஞ்சாப4வன் புத்ரா: கன்யைகா ச வரானனா|| 21
ருக்ம்யக்3ரஜோ ருக்மரதோ2 ருக்மபா3ஹுரநந்தர:|
ருக்மகேஶோ ருக்மமாலீ ருக்மிண்யேஷாம் ஸ்வஸா ஸதீ|| 22
ஸோபஶ்ருத்ய முகுந்த3ஸ்ய ரூபவீர்ய கு3ணஶ்ரிய:|
க்3ருஹாக3தைர் கீ3யமாநாஸ் தம் மேனே ஸத்3ருஶம் பதிம்|| 23
தாம் பு3த்3தி4லக்ஷணௌதா3ர்ய ரூப ஶீலகு3ணாஶ்ரயாம்|
க்ருஷ்ணஶ்ச ஸத்3ருஶீம் பா4ர்யாம் ஸமுத்3வோடு4ம் மனோ த3தே4|| 24
ப3ந்தூ4நாமிச்ச2தாம் தா3தும் க்ருஷ்ணாய ப4கி3நீம் ந்ருப|
ததோ நிவார்ய க்ருஷ்ணத்3விட்3 ருக்மீ சைத்3யமமன்யத|| 25
தத3வேத்யாஸிதாபாங்கீ3 வைத3ர்பீ4 து3ர்மநா ப்4ருஶம்|
விசிந்த்யாப்தம் த்3விஜம் கஞ்சித் க்ருஷ்ணாய ப்ராஹிணோத்3 த்3ருதம்|| 26
த்3வாரகாம் ஸ ஸமப்4யேத்ய ப்ரதீஹாரை: ப்ரவேஶித:|
அபஶ்யதா3த்3யம் புருஷமாஸீனம் காஞ்சநாஸனே|| 27
த்3ருஷ்ட்வா ப்3ரஹ்மண்யதே3வஸ் தமவருஹ்ய நிஜாஸநாத்|
உபவேஶ்யார்ஹயாம் சக்ரே யதா2ऽऽத்மானம் தி3வௌகஸ:|| 28
தம் ப்4ருக்தவந்தம் விஶ்ராந்தமுபக3ம்ய ஸதாம் க3தி:|
பாணிநாபி4ம்ருஶன் பாதா3வவ்யக்3ரஸ்தமப்ருச்ச2த|| 29
கச்சித்3 த்3விஜவரஶ்ரேஷ்ட2 த4ர்மஸ்தே வ்ருத்3த4ஸம்மத:|
வர்ததே நாதிக்ருச்ச்2ரேண ஸந்துஷ்டமனஸ: ஸதா3|| 30
ஸந்துஷ்டோ யர்ஹி வர்தேத ப்3ராஹ்மணோ யேன கேனசித்|
அஹீயமான: ஸ்வாத்3 த4ர்மாத் ஸ ஹ்யஸ்யாகி2ல காமது4க்|| 31
அஸந்துஷ்டோऽஸக்ருல்லோகா நாப்நோத்யபி ஸுரேஶ்வர:|
அகிஞ்சநோऽபி ஸந்துஷ்ட: ஶேதே ஸர்வாங்க3விஜ்வர:|| 32
விப்ரான் ஸ்வலாப4ஸந்துஷ்டான் ஸாதூ4ன் பூ4தஸுஹ்ருத்தமான்|
நிரஹங்காரிண: ஶாந்தான் நமஸ்யே ஶிரஸாஸக்ருத்|| 33
கச்சித்3 வ: குஶலம் ப்3ரஹ்மன் ராஜதோ யஸ்ய ஹி ப்ரஜா:|
ஸுக2ம் வஸந்தி விஷயே பால்யமாநா: ஸ மே ப்ரிய:|| 34
யதஸ்த்வமாக3தோ து3ர்க3ம் நிஸ்தீர்யேஹ யதி3ச்ச2யா|
ஸர்வம் நோ ப்3ரூஹ்யகு3ஹ்யம் சேத் கிம் கார்யம் கரவாம தே|| 35
எவம் ஸம்ப்ருஷ்டஸம்ப்ரஶ்நோ ப்3ராஹ்மண: பரமேஷ்டி2நா|
லீலாக்3ருஹீத தே3ஹேன தஸ்மை ஸர்வமவர்ணயத்|| 36
ஶ்ரீருக்மிண்யுவாச
ஶ்ருத்வா கு3ணான் பு4வனஸுந்த3ர ஶ்ருண்வதாம் தே
நிர்விஶ்ய கர்ண விவரைர் ஹரதோऽங்க3தாபம்|
ரூபம் த்3ருஶாம் த்3ருஶிமதாமகி2லார்த2லாப4ம்
த்வய்யச்யுதாவிஶதி சித்தமபத்ரபம் மே|| 37
கா த்வா முகுந்த3 மஹதீ குலஶீலரூப
வித்3யா வயோ த்3ரவிண தா4மபி4 ராத்மதுல்யம்|
தீ4ரா பதிம் குலவதீ ந வ்ருணீத கன்யா
காலே ந்ருஸிம்ஹ நரலோகமனோऽபி4ராமம்|| 38
தன்மே ப4வான் க2லு வ்ருத: பதிரங்க3 ஜாயாம்
ஆத்மார்பிதஶ்ச ப4வதோऽத்ர விபோ4 விதே4ஹி|
மா வீரபா4க3மபி4மர்ஶது சைத்3ய ஆராத்3
கோ3மாயுவன் ம்ருக3பதேர் ப3லிமம்பு3 ஜாக்ஷ|| 39
பூர்தேஷ்ட த3த்த நியமவ்ரத தே3வ விப்ர-
கு3ர்வர்சநாதி3பி4ரலம் ப4க3வான் பரேஶ:|
ஆராதி4தோ யதி3 க3தா3க்3ரஜ எத்ய பாணிம்
க்3ருஹ்ணாது மே ந த3மகோ4ஷ ஸுதாத3யோऽன்யே|| 40
ஶ்வோ பா4வினி த்வமஜிதோத்3வஹனே வித3ர்பா4ன்
கு3ப்த: ஸமேத்ய ப்ருதநாபதிபி4: பரீத:|
நிர்மத்2ய சைத்3ய மக3தே4ந்த்3ர ப3லம் ப்ரஸஹ்ய
மாம் ராக்ஷஸேன விதி4நோத்3வஹ வீர்யஶுல்காம்|| 41
அந்த:புராந்தரசரீமநிஹத்ய ப3ந்தூ4ன்
த்வாமுத்3வஹே கத2மிதி ப்ரவதா3ம்யுபாயம்|
பூர்வேத்3யுரஸ்தி மஹதீ குலதே3வயாத்ரா
யஸ்யாம் ப3ஹிர் நவவதூ4ர் கி3ரிஜாமுபேயாத்|| 42
யஸ்யாங்க்4ரிபங்கஜரஜ:ஸ்நபனம் மஹாந்தோ
வாஞ்ச2ந்த்யுமாபதிரிவாத்ம தமோऽபஹத்யை|
யர்ஹ்யம்பு3ஜாக்ஷ ந லபே4ய ப4வத்ப்ரஸாத3ம்
ஜஹ்யாமஸூன் வ்ரதக்ருஶான் ஶதஜன்மபி4: ஸ்யாத்|| 43
ப்3ராஹ்மண உவாச
இத்யேதே கு3ஹ்யஸந்தே3ஶா யது3தே3வ மயாऽऽஹ்ருதா:|
விம்ருஶ்ய கர்தும் யச்சாத்ர க்ரியதாம் தத3நந்தரம்|| 44
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 உத்தரார்தே4 ருக்மிண்யுத்3வாஹ-ப்ரஸ்தாவே த்3விபஞ்சாஶத்தமோऽத்4யாய: || 52
பத்தாம் ஸ்கந்தம் - ஐம்பத்தி இரண்டாம் அத்யாயம் முற்றும்.