ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 51.
காலயவனன் சாம்பலாகுதலும் மற்றும் முசுகுந்தனுடைய சரித்ரமும்
அத₂ ஏகபஞ்சாஶத்தமோऽத்₄யாய:

ஶ்ரீஶுக உவாச -
தம் விலோக்ய விநிஷ்க்ராந்தமுஜ்ஜிஹாநமிவோடு₃பம்|
த₃ர்ஶநீயதமம் ஶ்யாமம் பீதகௌஶேய வாஸஸம்|| 1

ஶ்ரீ வத்ஸவக்ஷஸம் ப்₄ராஜத்கௌஸ்துபா₄முக்த கந்த₄ரம்|
ப்ருது₂தீ₃ர்க₄ சதுர்பா₃ஹும் நவகஞ்ஜாருணேக்ஷணம்|| 2

நித்யப்ரமுதி₃தம் ஶ்ரீமத் ஸுகபோலம் ஶுசிஸ்மிதம்|
முகா₂ரவிந்த₃ம் பி₃ப்₄ராணம் ஸ்பு₂ரன் மகரகுண்ட₃லம்|| 3

வாஸுதே₃வோ ஹ்யயமிதி புமான் ஶ்‍ரீவத்ஸலாஞ்ச₂ன:|
சதுர்ப்₄ருஜோऽரவிந்தா₃க்ஷோ வனமால்யதிஸுந்த₃ர:|| 4

லக்ஷணைர் நாரத₃ப்ரோக்தைர் நான்யோ ப₄விதுமர்ஹதி|
நிராயுத₄ஶ்சலன் பத்₃ப்₄யாம் யோத்ஸ்யேऽனேன நிராயுத₄:|| 5

இதி நிஶ்சித்ய யவன: ப்ராத்₃ரவந்தம் பராங்முக₂ம்|
அன்வதா₄வஜ்ஜிக்₄ருக்ஷுஸ்தம் து₃ராபமபி யோகி₃நாம்|| 6

ஹஸ்தப்ராப்த மிவாத்மானம் ஹரிணா ஸ பதே₃ பதே₃|
நீதோ த₃ர்ஶயதா தூ₃ரம் யவனேஶோऽத்₃ரிகந்த₃ரம்|| 7

பலாயனம் யது₃குலே ஜாதஸ்ய தவ நோசிதம்|
இதி க்ஷிபந்நநுக₃தோ நைனம் ப்ராபாஹதாஶுப₄:|| 8

எவம் க்ஷிப்தோऽபி ப₄க₃வான் ப்ராவிஶத்₃ கி₃ரிகந்த₃ரம்|
ஸோऽபி ப்ரவிஷ்டஸ் தத்ரான்யம் ஶயானம் த₃த்₃ருஶே நரம்|| 9

நன்வஸௌ தூ₃ரமானீய ஶேதே மாமிஹ ஸாது₄வத்|
இதி மத்வாச்யுதம் மூட₄ஸ்தம் பதா₃ ஸமதாட₃யத்|| 10

ஸ உத்தா₂ய சிரம் ஸுப்த: ஶனைருன்மீல்ய லோசனே|
தி₃ஶோ விலோகயன் பார்ஶ்வே தமத்₃ராக்ஷீத் அவஸ்தி₂தம்|| 11

ஸ தாவத் தஸ்ய ருஷ்டஸ்ய த்₃ருஷ்டிபாதேன பா₄ரத|
தே₃ஹஜேநாக்₃நிநா த₃க்₃தோ₄ ப₄ஸ்மஸாத₃ப₄வத் க்ஷணாத்|| 12

ஶ்ரீராஜோவாச
கோ நாம ஸ புமான் ப்₃ரஹ்மன் கஸ்ய கிம்வீர்ய எவ ச|
கஸ்மாத்₃ கு₃ஹாம் க₃த: ஶிஷ்யே கிம் தேஜோ யவநார்த₃ன:|| 13

ஶ்ரீஶுக உவாச
ஸ இக்ஷ்வாகுகுலே ஜாதோ மாந்தா₄த்ருதனயோ மஹான்|
முசுகுந்த₃ இதி க்₂யாதோ ப்₃ரஹ்மண்ய: ஸத்யஸங்க₃ர:|| 14

ஸ யாசித: ஸுரக₃ணை: இந்த்₃ராத்₃யை: ஆத்மரக்ஷணே|
அஸுரேப்₄ய: பரித்ரஸ்தைஸ் தத்₃ரக்ஷாம் ஸோऽகரோச்சிரம்|| 15

லப்₃த்₄வா கு₃ஹம் தே ஸ்வ:பாலம் முசுகுந்த₃ மதா₂ப்₃ருவன்|
ராஜன் விரமதாம் க்ருச்ச்₂ராத்₃ ப₄வான் ந: பரிபாலநாத்|| 16

நரலோகே பரித்யஜ்ய ராஜ்யம் நிஹத கண்டகம்|
அஸ்மான் பாலயதோ வீர காமாஸ்தே ஸர்வ உஜ்ஜி₂தா:|| 17

ஸுதா மஹிஷ்யோ ப₄வதோ ஜ்ஞாதயோऽமாத்ய மந்த்ரிண:|
ப்ரஜாஶ்ச துல்யகாலீயா நாது₄நா ஸந்தி காலிதா:|| 18

காலோ ப₃லீயான் ப₃லிநாம் ப₄க₃வான் ஈஶ்வரோऽவ்யய:|
ப்ரஜா: காலயதே க்ரீட₃ன் பஶுபாலோ யதா₂ பஶூன்|| 19

வரம் வ்ருணீஷ்வ ப₄த்₃ரம் தே ருதே கைவல்யமத்₃ய ந:|
எக எவேஶ்வரஸ்தஸ்ய ப₄க₃வான் விஷ்ணுரவ்யய:|| 20

எவமுக்த: ஸ வை தே₃வான் அபி₄வந்த்₃ய மஹாயஶா:|
அஶயிஷ்ட கு₃ஹாவிஷ்டோ நித்₃ரயா தே₃வத₃த்தயா|| 21

ஸ்வாபம் யாதம் யஸ்து மத்₄யே போ₃த₄யேத் த்வாமசேதன:|
ஸ த்வயா த்₃ருப்டமாத்ரஸ்து ப₄ஸ்மீப₄வது தத்க்ஷணாத்|| 22

யவனே ப₄ஸ்மஸாந்நீதே ப₄க₃வான் ஸாத்வதர்ஷப₄:|
ஆத்மானம் த₃ர்ஶயாமாஸ முசுகுந்தா₃ய தீ₄மதே|| 23

தமாலோக்ய க₄னஶ்யாமம் பீத கௌஶேயவாஸஸம்|
ஶ்ரீவத்ஸ வக்ஷஸம் ப்₄ராஜத் கௌஸ்துபே₄ன விராஜிதம்|| 24

சதுர்ப்₄ருஜம் ரோசமானம் வைஜயந்த்யா ச மாலயா|
சாரு ப்ரஸன்னவத₃னம் ஸ்பு₂ரன் மகரகுண்ட₃லம்|| 25

ப்ரேக்ஷணீயம் ந்ருலோகஸ்ய ஸாநுராக₃ஸ்மிதேக்ஷணம்|
அபீச்யவயஸம் மத்த ம்ருகே₃ந்த்₃ரோதா₃ரவிக்ரமம்|| 26

பர்யப்ருச்ச₂ன் மஹாபு₃த்₃தி₄ஸ் தேஜஸா தஸ்ய த₄ர்ஷித:|
ஶங்கித: ஶனகை ராஜா து₃ர்த₄ர்ஷ மிவ தேஜஸா|| 27

ஶ்ரீமுசுகுந்த₃ உவாச
கோ ப₄வாநிஹ ஸம்ப்ராப்தோ விபினே கி₃ரிக₃ஹ்வரே|
பத்₃ப்₄யாம் பத்₃மபலாஶாப்₄யாம் விசரஸ்யுருகண்டகே|| 28

கிம்ஸ்வித் தேஜஸ்விநாம் தேஜோ ப₄க₃வான் வா விபா₄வஸு:|
ஸூர்ய: ஸோமோ மஹேந்த்₃ரோ வா லோகபாலோऽபரோऽபி வா|| 29

மன்யே த்வாம் தே₃வதே₃வாநாம் த்ரயாணாம் புருஷர்ஷப₄ம்|
யத்₃ பா₃த₄ஸே கு₃ஹாத்₄வாந்தம் ப்ரதீ₃ப: ப்ரப₄யா யதா₂|| 30

ஶுஶ்ரூஷதாமவ்யலீக மஸ்மாகம் நரபுங்க₃வ|
ஸ்வஜன்ம கர்ம கோ₃த்ரம் வா கத்₂யதாம் யதி₃ ரோசதே|| 31

வயம் து புருஷவ்யாக்₄ர ஐக்ஷ்வாகா: க்ஷத்ரப₃ந்த₄வ:|
முசுகுந்த₃ இதி ப்ரோக்தோ யௌவநாஶ்வாத்மஜ: ப்ரபோ₄|| 32

சிரப்ரஜாக₃ர ஶ்ராந்தோ நித்₃ரயாபஹதேந்த்₃ரிய:|
ஶயேऽஸ்மின் விஜனே காமம் கேநாப்யுத்தா₂பிதோऽது₄நா|| 33

ஸோऽபி ப₄ஸ்மீக்ருதோ நூநமாத்மீயேனைவ பாப்மநா|
அநந்தரம் ப₄வான் ஶ்ரீமான் லக்ஷிதோऽமித்ர ஶாதன:|| 34

தேஜஸா தேऽவிஷஹ்யேண பூ₄ரி த்₃ரஷ்டும் ந ஶக்நும:|
ஹதௌஜஸா மஹாபா₄க₃ மானநீயோऽஸி தே₃ஹிநாம்|| 35

எவம் ஸம்பா₄ஷிதோ ராஜ்ஞா ப₄க₃வான் பூ₄தபா₄வன:|
ப்ரத்யாஹ ப்ரஹஸன் வாண்யா மேக₄நாத₃க₃பீ₄ரயா|| 36

ஶ்ரீப₄க₃வாநுவாச
ஜன்ம கர்மாபி₄தா₄நாநி ஸந்தி மேऽங்க₃ ஸஹஸ்ரஶ:|
ந ஶக்யந்தேऽநு ஸங்க்₂யாதுமனந்தத்வான்மயாபி ஹி|| 37

க்வசித்₃ ரஜாம்ஸி விமமே பார்தி₂வான்யுருஜன்மபி₄:|
கு₃ணகர்மாபி₄தா₄நாநி ந மே ஜன்மானி கர்ஹிசித்|| 38

காலத்ரயோபபந்நாநி ஜன்ம கர்மாணி மே ந்ருப|
அநுக்ரமந்தோ நைவாந்தம் க₃ச்ச₂ந்தி பரமர்ஷய:|| 39

ததா₂ப்யத்₃யதநான்யங்க₃ ஶ்ருணுஷ்வ க₃த₃தோ மம|
விஜ்ஞாபிதோ விரிஞ்சேன புராஹம் த₄ர்மகு₃ப்தயே|
பூ₄மேர் பா₄ராயமாணாநாமஸுராணாம் க்ஷயாய ச|| 40

அவதீர்ணோ யது₃குலே க்₃ருஹ ஆனகது₃ந்து₃பே₄:|
வத₃ந்தி வாஸுதே₃வேதி வஸுதே₃வஸுதம் ஹி மாம்|| 41

காலநேமிர் ஹத: கம்ஸ: ப்ரலம்பா₃த்₃யாஶ்ச ஸத்₃ த்₃விஷ:|
அயம் ச யவநோ த₃க்₃தோ₄ ராஜன் தே திக்₃மசக்ஷுஷா|| 42

ஸோऽஹம் தவாநுக்₃ரஹார்த₂ம் கு₃ஹாமேதாமுபாக₃த:|
ப்ரார்தி₂த: ப்ரசுரம் பூர்வம் த்வயாஹம் ப₄க்தவத்ஸல:|| 43

வரான் வ்ருணீஷ்வ ராஜர்ஷே ஸர்வான் காமான் த₃தா₃மி தே|
மாம் ப்ரஸந்நோ ஜன: கஶ்சின்ன பூ₄யோऽர்ஹதி ஶோசிதும்|| 44

ஶ்ரீஶுக உவாச
இத்யுக்தஸ்தம் ப்ரணம்யாஹ முசுகுந்தோ₃ முதா₃ன்வித:|
ஜ்ஞாத்வா நாராயணம் தே₃வம் க₃ர்க₃ வாக்ய மநுஸ்மரன்|| 45

ஶ்ரீமுசுகுந்த₃ உவாச
விமோஹிதோऽயம் ஜன ஈஶ மாயயா
      த்வதீ₃யயா த்வாம் ந ப₄ஜத்யனர்த₂த்₃ருக்|
ஸுகா₂ய து₃:க₂ ப்ரப₄வேஷு ஸஜ்ஜதே
      க்₃ருஹேஷு யோஷித் புருஷஶ்ச வஞ்சித:|| 46

லப்₃த்₄வா ஜநோ து₃ர்லப₄மத்ர மாநுஷம்
      கத₂ஞ்சித₃வ்யங்க₃மயத்னதோऽனக₄|
பாதா₃ரவிந்த₃ம் ந ப₄ஜத்யஸன்மதிர்
      க்₃ருஹாந்த₄ கூபே பதிதோ யதா₂ பஶு:|| 47

மமைஷ காலோऽஜித நிஷ்ப₂லோ க₃தோ
      ராஜ்யஶ்ரியோன்னத்₃த₄மத₃ஸ்ய பூ₄பதே:|
மர்த்யாத்ம பு₃த்₃தே₄: ஸுததா₃ரகோஶபூ₄-
      ஷ்வாஸஜ்ஜமானஸ்ய து₃ரந்தசிந்தயா|| 48

களேவரேऽஸ்மின் க₄டகுட்₃ய ஸந்நிபே₄
      நிரூட₄மாநோ நரதே₃வ இத்யஹம்|
வ்ருதோ ரதே₂பா₄ஶ்வ பதா₃த்யநீகபைர்
      கா₃ம் பர்யடம்ஸ்த்வாக₃ணயன் ஸுது₃ர்மத₃:|| 49

ப்ரமத்தமுச்சைரிதி க்ருத்யசிந்தயா
      ப்ரவ்ருத்₃த₄லோப₄ம் விஷயேஷு லாலஸம்|
த்வமப்ரமத்த: ஸஹஸாபி₄பத்₃யஸே
      க்ஷுல்லேலிஹாநோऽஹிரிவாகு₂மந்தக:|| 50

புரா ரதை₂ர் ஹேமபரிஷ்க்ருதைஶ்சரன்
      மதங்க₃ஜைர் வா நரதே₃வஸம்ஜ்ஞித:|
ஸ எவ காலேன து₃ரத்யயேன தே
      களேவரோ விட்க்ருமி ப₄ஸ்மஸம்ஜ்ஞித:|| 51

நிர்ஜித்ய தி₃க்சக்ரமபூ₄த விக்₃ரஹோ
      வராஸனஸ்த₂: ஸமராஜவந்தி₃த:|
க்₃ருஹேஷு மைது₂ன்ய ஸுக்₂ரேஷு யோஷிதாம்
      க்ரீடா₃ம்ருக₃: பூருஷ ஈஶ நீயதே|| 52

கரோதி கர்மாணி தபஸ்ஸுநிஷ்டி₂தோ
      நிவ்ருத்த போ₄க₃ஸ்தத₃பேக்ஷயா த₃த₃த்|
புனஶ்ச பூ₄யாஸமஹம் ஸ்வராடி₃தி
      ப்ரவ்ருத்₃த₄ தர்ஷோ ந ஸுகா₂ய கல்பதே|| 53

ப₄வாபவர்கோ₃ ப்₄ரமதோ யதா₃ ப₄வே
      ஜ்ஜநஸ்ய தர்ஹ்யச்யுத ஸத்ஸமாக₃ம:|
ஸத்ஸங்க₃மோ யர்ஹி ததை₃வ ஸத்₃க₃தௌ
      பராவரேஶே த்வயி ஜாயதே மதி:|| 54

மன்யே மமாநுக்₃ரஹ ஈஶ தே க்ருதோ
      ராஜ்யாநுப₃ந்தா₄பக₃மோ யத்₃ருச்ச₂யா|
ய: ப்ரார்த்₂யதே ஸாது₄பி₄ரேகசர்யயா
      வனம் விவிக்ஷத்₃பி₄ரக₂ண்ட₃ பூ₄மிபை:|| 55

ந காமயேऽன்யம் தவ பாத₃ஸேவநா-
      த₃கிஞ்சன ப்ரார்த்₂யதமாத்₃ வரம் விபோ₄|
ஆராத்₄ய கஸ்த்வாம் ஹ்யபவர்க₃த₃ம் ஹரே
      வ்ருணீத ஆர்யோ வரமாத்மப₃ந்த₄னம்|| 56

தஸ்மாத்₃ விஸ்ருஜ்யாஶிஷ ஈஶ ஸர்வதோ
      ரஜஸ்தம:ஸத்வகு₃ணாநுப₃ந்த₄நா:|
நிரஞ்ஜனம் நிர்கு₃ணமத்₃வயம் பரம்
      த்வாம் ஜ்ஞாப்திமாத்ரம் புருஷம் வ்ரஜாம்யஹம்|| 57

சிரமிஹ வ்ருஜிநார்தஸ்தப்யமாநோऽநுதாபை:
      அவித்ருஷ ஷட₃மித்ரோऽலப்₃த₄ஶாந்தி: கத₂ஞ்சித்|
ஶரணத₃ ஸமுபேதஸ்த்வத்பதா₃ப்₃ஜம் பராத்மன்
      அப₄யம்ருத மஶோகம் பாஹி மாபன்னமீஶ|| 58

ஶ்ரீப₄க₃வாநுவாச
ஸார்வபௌ₄ம மஹாராஜ மதிஸ்தே விமலோர்ஜிதா|
வரை: ப்ரலோபி₄தஸ்யாபி ந காமைர் விஹதா யத:|| 59

ப்ரலோபி₄தோ வரைர்யத் த்வமப்ரமாதா₃ய வித்₃தி₄ தத்|
ந தீ₄ர் மய்யேகப₄க்தாநாமாஶீர்பி₄ர் பி₄த்₃யதே க்வசித்|| 60

யுஞ்ஜாநாநாம் அப₄க்தாநாம் ப்ராணாயாமாதி₃பி₄ர் மன:|
அக்ஷீணவாஸனம் ராஜன் த்₃ருஶ்யதே புனருத்தி₂தம்|| 61

விசரஸ்வ மஹீம் காமம் மய்யாவேஶித மானஸ:|
அஸ்த்வேவம் நித்யதா₃ துப்₄யம் ப₄க்திர் மய்யனபாயிநீ|| 62

க்ஷாத்ர த₄ர்மஸ்தி₂தோ ஜன்தூன் ந்யவதீ₄ர் ம்ருக₃யாதி₃பி₄:|
ஸமாஹிதஸ் தத்தபஸா ஜஹ்யக₄ம் மது₃பாஶ்ரித:|| 63

ஜன்மன்யநந்தரே ராஜன் ஸர்வபூ₄த ஸுஹ்ருத்தம:|
பூ₄த்வா த்₃விஜவரஸ்த்வம் வை மாமுபைஷ்யஸி கேவலம்|| 64

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் த₃ஶமஸ்கந்தே₄ உத்தரார்தே₄ முசுகுந்த₃ஸ்துதிர் நாம ஏகபஞ்சாஶத்தமோऽத்₄யாய:|| 51

பத்தாம் ஸ்கந்தம் - ஐம்பதொன்றாம் அத்யாயம் முற்றும்.