ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 46.
உத்தவர் வ்ரஜத்திற்குச் செல்லுதல்
அத₂ ஷட்சத்வாரிம்ஶோऽத்₄யாய:

ஶ்ரீஶுக உவாச -
வ்ருஷ்ணீநாம் ப்ரவரோ மந்த்ரீ க்ருஷ்ணஸ்ய த₃யித: ஸகா₂|
ஶிஷ்யோ ப்₃ருஹஸ்பதே: ஸாக்ஷாத் உத்₃த₄வோ பு₃த்₃தி₄ஸத்தம:|| 1

தமாஹ ப₄க₃வான் ப்ரேஷ்ட₂ம் ப₄க்தமேகாந்தினம் க்வசித்|
க்₃ருஹீத்வா பாணிநா பாணிம் ப்ரபந்நார்திஹரோ ஹரி:|| 2

க₃ச்ச உத்₃த₄வ வ்ரஜம் ஸௌம்ய பித்ரோர் நௌ ப்ரீதிமாவஹ|
கோ₃பீநாம் மத்₃வியோகா₃தி₄ம் மத்ஸந்தே₃ஶைர் விமோசய|| 3

தா மன்மனஸ்கா மத்ப்ராணா மத₃ர்தே₂ த்யக்த தை₃ஹிகா:|
மாமேவ த₃யிதம் ப்ரேஷ்ட₂மாத்மானம் மனஸா க₃தா:|
யே த்யக்த லோகத₄ர்மாஶ்ச மத₃ர்தே₂ தான் பி₃ப₄ர்ம்யஹம்|| 4

மயி தா: ப்ரேயஸாம் ப்ரேஷ்டே₂ தூ₃ரஸ்தே₂ கோ₃குலஸ்த்ரிய:|
ஸ்மரந்த்யோऽங்க₃ விமுஹ்யந்தி விரஹ ஔத்கண்ட்₂ய விஹ்வலா:|| 5

தா₄ரயந்த்யதிக்ருச்ச்₂ரேண ப்ராய: ப்ராணான் கத₂ஞ்சன|
ப்ரத்யாக₃மன ஸந்தே₃ஶைர் ப₃ல்லவ்யோ மே மதா₃த்மிகா:|| 6

ஶ்ரீஶுக உவாச
இத்யுக்த உத்₃த₄வோ ராஜன் ஸந்தே₃ஶம் ப₄ர்துராத்₃ருத:|
ஆதா₃ய ரத₂மாருஹ்ய ப்ரயயௌ நந்த₃கோ₃குலம்|| 7

ப்ராப்தோ நந்த₃வ்ரஜம் ஶ்ரீமான் நிம்லோசதி விபா₄வஸௌ|
ச₂ந்நயான: ப்ரவிஶதாம் பஶூநாம் கு₂ரரேணுபி₄:|| 8

வாஸிதார்தே₂ऽபி₄யுத்₄யத்₃பி₄ர் நாதி₃தம் ஶுஷ்மிபி₄ர் வ்ருஷை:|
தா₄வந்தீபி₄ஶ்ச வாஸ்ராபி₄ரூதோ₄பா₄ரை: ஸ்வவத்ஸகான்|| 9

இதஸ்ததோ விலங்க₄த்₃பி₄ர் கோ₃வத்ஸைர் மண்டி₃தம் ஸிதை:|
கோ₃தோ₃ஹஶப்₃தா₃பி₄ரவம் வேணூநாம் நி:ஸ்வநேந ச|| 10

கா₃யந்தீபி₄ஶ்ச கர்மாணி ஶுபா₄னி ப₃லக்ருஷ்ணயோ:|
ஸ்வலங்க்ருதாபி₄ர் கோ₃பீபி₄ர் கோ₃பைஶ்ச ஸுவிராஜிதம்|| 11

அக்₃ந்யர்காதிதி₂ கோ₃விப்ர பித்ரு தே₃வார்சநான்விதை:|
தூ₄ப தீ₃பைஶ்ச மால்யைஶ்ச கோ₃பாவாஸைர் மநோரமம்|| 12

ஸர்வத: புஷ்பிதவனம் த்₃விஜாலிகுல நாதி₃தம்|
ஹம்ஸகாரண்ட₃வாகீர்ணை: பத்₃மஷண்டை₃ஶ்ச மண்டி₃தம்|| 13

தமாக₃தம் ஸமாக₃ம்ய க்ருஷ்ணஸ்யாநுசரம் ப்ரியம்|
நந்த₃: ப்ரீத: பரிஷ்வஜ்ய வாஸுதே₃வதி₄யாऽऽர்சயத்|| 14

போ₄ஜிதம் பரமாந்நேந ஸம்விஷ்டம் கஶிபௌ ஸுக₂ம்|
க₃தஶ்ரமம் பர்யப்ருச்ச₂த் பாத₃ ஸம்வாஹநாதி₃பி₄:|| 15

கச்சித₃ங்க₃ மஹாபா₄க₃ ஸகா₂ ந: ஶூரநந்த₃ன:|
ஆஸ்தே குஶல்யபத்யாத்₃யைர் யுக்தோ முக்த: ஸுஹ்ருத்₃வ்ருத:|| 16

தி₃ஷ்ட்யா கம்ஸோ ஹத: பாப: ஸாநுக₃: ஸ்வேன பாப்மநா|
ஸாதூ₄நாம் த₄ர்மஶீலாநாம் யதூ₃நாம் த்₃வேஷ்டி ய: ஸதா₃|| 17

அபி ஸ்மரதி ந: க்ருஷ்ணோ மாதரம் ஸுஹ்ருத₃: ஸகீ₂ன்|
கோ₃பான் வ்ரஜம் சாத்மநாத₂ம் கா₃வோ வ்ருந்தா₃வனம் கி₃ரிம்|| 18

அப்யாயாஸ்யதி கோ₃விந்த₃: ஸ்வஜநான் ஸக்ருதீ₃க்ஷிதும்|
தர்ஹி த்₃ரக்ஷ்யாம தத்₃வக்த்ரம் ஸுனஸம் ஸுஸ்மிதேக்ஷணம்|| 19

தா₃வாக்₃நேர் வாதவர்ஷாச்ச வ்ருஷஸர்பாச்ச ரக்ஷிதா:|
து₃ரத்யயேப்₄யோ ம்ருத்யுப்₄ய: க்ருஷ்ணேன ஸுமஹாத்மனா|| 20

ஸ்மரதாம் க்ருஷ்ணவீர்யாணி லீலாபாங்க₃நிரீக்ஷிதம்|
ஹஸிதம் பா₄ஷிதம் சாங்க₃ ஸர்வா ந: ஶிதி₂லா: க்ரியா:|| 21

ஸரிச்சை₂ல வநோத்₃தே₃ஶான் முகுந்த₃பத₃ பூ₄ஷிதான்|
ஆக்ரீடா₃நீக்ஷ்யமாணாநாம் மநோ யாதி ததா₃த்மதாம்|| 22

மன்யே க்ருஷ்ணம் ச ராமம் ச ப்ராப்தாவிஹ ஸுரோத்தமௌ|
ஸுராணாம் மஹத₃ர்தா₂ய க₃ர்க₃ஸ்ய வசனம் யதா₂|| 23

கம்ஸம் நாகா₃யுதப்ராணம் மல்லௌ க₃ஜபதிம் யதா₂|
அவதி₄ஷ்டாம் லீலயைவ பஶூநிவ ம்ருகா₃தி₄ப:|| 24

தாலத்ரயம் மஹாஸாரம் த₄நுர்யஷ்டி மிவேப₄ராட்|
ப₃ப₄ஞ்ஜைகேன ஹஸ்தேன ஸப்தாஹமத₃தா₄த்₃ கி₃ரிம்|| 25

ப்ரலம்போ₃ தே₄நுகோऽரிஷ்டஸ் த்ருணாவர்தோ ப₃காத₃ய:|
தை₃த்யா: ஸுராஸுர ஜிதோ ஹதா யேநேஹ லீலயா|| 26

ஶ்ரீஶுக உவாச
இதி ஸம்ஸ்ம்ருத்ய ஸம்ஸ்ம்ருத்ய நந்த₃: க்ருஷ்ணாநுரக்ததீ₄:|
அத்யுத்கண்டோ₂ऽப₄வத் தூஷ்ணீம் ப்ரேமப்ரஸரவிஹ்வல:|| 27

யஶோதா₃ வர்ண்யமாநாநி புத்ரஸ்ய சரிதாநி ச|
ஶ்ருண்வந்த்யஶ்ரூண்யவாஸ்ராக்ஷீத் ஸ்நேஹஸ்நுத பயோத₄ரா|| 28

தயோரித்த₂ம் ப₄க₃வதி க்ருஷ்ணே நந்த₃யஶோத₃யோ:|
வீக்ஷ்யாநுராக₃ம் பரமம் நந்த₃மாஹோத்₃த₄வோ முதா₃|| 29

ஶ்ரீஉத்₃த₄வ உவாச
யுவாம் ஶ்லாக்₄யதமௌ நூனம் தே₃ஹிநாமிஹ மானத₃|
நாராயணேऽகி₂லகு₃ரௌ யத் க்ருதா மதிரீத்₃ருஶீ|| 30

ஏதௌ ஹி விஶ்வஸ்ய ச பீ₃ஜயோநீ
      ராமோ முகுந்த₃: புருஷ: ப்ரதா₄னம்|
அன்வீய பூ₄தேஷு விலக்ஷணஸ்ய
      ஜ்ஞானஸ்ய சேஶாத இமௌ புராணௌ|| 31

யஸ்மின்ஜன: ப்ராணவியோக₃ காலே
      க்ஷணம் ஸமாவேஶ்ய மநோ விஶுத்₃த₄ம்|
நிர்ஹ்ருத்ய கர்மாஶயமாஶு யாதி
      பராம் க₃திம் ப்₃ரஹ்மமயோऽர்கவர்ண:|| 32

தஸ்மின் ப₄வந்தாவகி₂லாத்மஹேதௌ
      நாராயணே காரணமர்த்ய மூர்தௌ|
பா₄வம் வித₄த்தாம் நிதராம் மஹாத்மன்
      கிம் வாவஶிஷ்டம் யுவயோ: ஸுக்ருத்யம்|| 33

ஆக₃மிஷ்யத்யதீ₃ர்கே₄ண காலேன வ்ரஜமச்யுத:|
ப்ரியம் விதா₄ஸ்யதே பித்ரோர்ப₄க₃வான் ஸாத்வதாம் பதி:|| 34

ஹத்வா கம்ஸம் ரங்க₃மத்₄யே ப்ரதீபம் ஸர்வஸாத்வதாம்|
யதா₃ஹ வ: ஸமாக₃த்ய க்ருஷ்ண: ஸத்யம் கரோதி தத்|| 35

மா கி₂த்₃யதம் மஹாபா₄கௌ₃ த்₃ரக்ஷ்யத₂: க்ருஷ்ணமந்திகே|
அந்தர்ஹ்ருதி₃ ஸ பூ₄தாநாமாஸ்தே ஜ்யோதிரிவைத₄ஸி|| 36

ந ஹ்யஸ்யாஸ்தி ப்ரிய: கஶ்சின் நாப்ரியோ வாஸ்த்யமானின:|
நோத்தமோ நாத₄மோ நாபி ஸமானஸ்யாஸமோऽபி வா|| 37

ந மாதா ந பிதா தஸ்ய ந பா₄ர்யா ந ஸுதாத₃ய:|
நாத்மீயோ ந பரஶ்சாபி ந தே₃ஹோ ஜன்ம ஏவ ச|| 38

ந சாஸ்ய கர்ம வா லோகே ஸத₃ஸன்மிஶ்ரயோநிஷு|
க்ரீடா₃ர்த₂: ஸோऽபி ஸாதூ₄நாம் பரித்ராணாய கல்பதே|| 39

ஸத்வம் ரஜஸ்தம இதி ப₄ஜதே நிர்கு₃ணோ கு₃ணான்|
க்ரீட₃ந்நதீதோऽத்ர கு₃ணை: ஸ்ருஜத்யவதி ஹந்த்யஜ:|| 40

யதா₂ ப்₄ரமரிகாத்₃ருஷ்ட்யா ப்₄ராம்யதீவ மஹீயதே|
சித்தே கர்தரி தத்ராத்மா கர்தேவாஹம்தி₄யா ஸ்ம்ருத:|| 41

யுவயோரேவ நைவாய மாத்மஜோ ப₄க₃வான் ஹரி:|
ஸர்வேஷாமாத்மஜோ ஹ்யாத்மா பிதா மாதா ஸ ஈஶ்வர:|| 42

த்₃ருஷ்டம் ஶ்ருதம் பூ₄தப₄வத்₃ ப₄விஷ்யத்
      ஸ்தா₂ஸ்நுஶ்சரிஷ்ணுர் மஹத₃ல்பகம் ச|
விநாச்யுதாத்₃ வஸ்து தராம் ந வாச்யம்
      ஸ ஏவ ஸர்வம் பரமாத்மபூ₄த:|| 43

ஏவம் நிஶா ஸா ப்₃ருவதோர் வ்யதீதா
      நந்த₃ஸ்ய க்ருஷ்ணாநுசரஸ்ய ராஜன்|
கோ₃ப்ய: ஸமுத்தா₂ய நிரூப்ய தீ₃பான்
      வாஸ்தூன் ஸமப்₄யர்ச்ய த₃தீ₄ன்யமந்த₂ன்|| 44

தா தீ₃பதீ₃ப்தைர் மணிபி₄ர் விரேஜூ
      ரஜ்ஜூர்விகர்ஷத்₃ பு₄ஜ கங்கணஸ்ரஜ:|
சலந்நிதம்ப₃ஸ்தந ஹார குண்ட₃ல-
      த்விஷத் கபோலாருண குங்குமானனா:|| 45

உத்₃கா₃யதீநாமரவிந்த₃லோசனம்
      வ்ரஜாங்க₃நாநாம் தி₃வமஸ்ப்ருஶத்₃ த்₄வனி:|
த₃த்₄நஶ்ச நிர்மந்த₂நஶப்₃த₃ மிஶ்ரிதோ
      நிரஸ்யதே யேன தி₃ஶாமமங்க₃ளம்|| 46

ப₄க₃வத்யுதி₃தே ஸூர்யே நந்த₃த்₃வாரி வ்ரஜௌகஸ:|
த்₃ருஷ்ட்வா ரத₂ம் ஶாதகௌம்ப₄ம் கஸ்யாயமிதி சாப்₃ருவன்|| 47

அக்ரூர ஆக₃த: கிம் வா ய: கம்ஸஸ்யார்த₂ ஸாத₄க:|
யேன நீதோ மது₄புரீம் க்ருஷ்ண: கமலலோசன:|| 48

கிம் ஸாத₄யிஷ்யத்யஸ்மாபி₄ர் ப₄ர்து: ப்ரீதஸ்ய நிஷ்க்ருதிம்|
தத: ஸ்த்ரீணாம் வத₃ந்தீநாமுத்₃த₄வோऽகா₃த் க்ருதாஹ்நிக:|| 49

|| இதி ஶ்ரீமத்₃பா₄க₃வதே மஹாபுராணே பாரமஹம்ஸ்யாம் ஸம்ஹிதாயாம் த₃ஶமஸ்கந்தே₄ பூர்வார்தே₄ நந்த₃ஶோகாபநயனம் நாம ஷட்சத்வாரிம்ஶோऽத்₄யாய: || 46 ||

பத்தாம் ஸ்கந்தம் - நாற்பத்தி ஆறாம் அத்யாயம் முற்றும்.