ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 47.
உத்தவர் கோபியர்களுடன் சம்பாஷித்தல் மற்றும் ப்ரமர கீதம்
அத2 ஸப்தசத்வாரிம்ஶோऽத்4யாய:
ஶ்ரீஶுக உவாச -
தம் வீக்ஷ்ய க்ருஷ்ணாநுசரம் வ்ரஜஸ்த்ரிய:
ப்ரலம்ப3 பா3ஹும் நவகஞ்ஜலோசனம்|
பீதாம்ப3ரம் புஷ்கரமாலினம் லஸன்
முகா2ரவிந்த3ம் மணிம்ருஷ்டகுண்ட3லம்|| 1
ஶுசிஸ்மிதா: கோऽயமபீச்ய த3ர்ஶன:
குதஶ்ச கஸ்யாச்யுத வேஷபூ4ஷண:|
இதி ஸ்ம ஸர்வா: பரிவவ்ரு ருத்ஸுகா:
தமுத்தமஶ்லோக பதா3ம்பு3ஜாஶ்ரயம்|| 2
தம் ப்ரஶ்ரயேணாவனதா: ஸுஸத்க்ருதம்
ஸவ்ரீட3 ஹாஸேக்ஷண ஸூந்ருதாதி3பி4:|
ரஹஸ்யப்ருச்ச2ந்நுபவிஷ்ட மாஸனே
விஜ்ஞாய ஸந்தே3ஶஹரம் ரமாபதே:|| 3
ஜாநீமஸ்த்வாம் யது3பதே: பார்ஷத3ம் ஸமுபாக3தம்|
ப4ர்த்ரேஹ ப்ரேஷித: பித்ரோர் ப4வான் ப்ரியசிகீர்ஷயா| 4
அன்யதா2 கோ3வ்ரஜே தஸ்ய ஸ்மரணீயம் ந சக்ஷ்மஹே|
ஸ்நேஹாநுப3ந்தோ4 ப3ந்தூ4நாம் முனேரபி ஸுது3ஸ்த்யஜ:|| 5
அன்யேஷ்வர்த2க்ருதா மைத்ரீ யாவத3ர்த2 விட3ம்ப3னம்|
பும்பி4: ஸ்த்ரீஷு க்ருதா யத்3வத் ஸுமனஸ்ஸ்விவ ஷட்பதை3:| 6
நிஸ்ஸ்வம் த்யஜந்தி க3ணிகா அகல்பம் ந்ருபதிம் ப்ரஜா:|
அதீ4தவித்3யா ஆசார்யம் ருத்விஜோ த3த்தத3க்ஷிணம்|| 7
க2கா3 வீதப2லம் வ்ருக்ஷம் பு4க்த்வா சாதித2யோ க்3ருஹம்|
த3க்3த4ம் ம்ருகா3ஸ்ததா2ரண்யம் ஜாரோ பு4க்த்வா ரதாம் ஸ்த்ரியம்|| 8
இதி கோ3ப்யோ ஹி கோ3விந்தே3 க3தவாக்காய மானஸா:|
க்ருஷ்ணதூ3தே வ்ரஜம் யாதே உத்3த4வே த்யக்தலௌகிகா:|| 9
கா3யந்த்ய: ப்ரீயகர்மாணி ருத3ந்த்யஶ்ச க3தஹ்ரிய:|
தஸ்ய ஸம்ஸ்ம்ருத்ய ஸம்ஸ்ம்ருத்ய யானி கைஶோர பா3ல்யயோ:|| 10
காசின்மது4கரம் த்3ருஷ்ட்வா த்4யாயந்தீ க்ருஷ்ண ஸங்க3மம்|
ப்ரியப்ரஸ்தா2பிதம் தூ3தம் கல்பயித்வேத3 மப்3ரவீத்|| 11
கோ3ப்யுவாச
மது4ப கிதவப3ந்தோ4 மா ஸ்ப்ருஶங்க்4ரிம் ஸபத்ன்யா:
குசவிலுலித மாலாகுங்குமஶ்மஶ்ருபி4ர் ந:|
வஹது மது4பதிஸ்தன் மாநிநீநாம் ப்ரஸாத3ம்
யது3ஸத3ஸி விட3ம்ப்3யம் யஸ்ய தூ3தஸ்த்வமீத்3ருக்|| 12
ஸக்ருத3 த4ரஸுதா4ம் ஸ்வாம் மோஹிநீம் பாயயித்வா
ஸுமனஸ இவ ஸத்3யஸ்தத்யஜேऽஸ்மான் ப4வாத்3ருக்|
பரிசரதி கத2ம் தத்பாத3பத்3மம் நு பத்3மா
ஹ்யபி ப3த ஹ்ருதசேதா உத்தமஶ்லோக ஜல்பை:|| 13
கிமிஹ ப3ஹு ஷட3ங்க்4ரே கா3யஸி த்வம் யதூ3நாம்
அதி4பதி மக்3ருஹாணாமக்3ரதோ ந: புராணம்|
விஜயஸக2 ஸகீ2நாம் கீ3யதாம் தத்ப்ரஸங்க3:
க்ஷபித குசருஜஸ்தே கல்பயந்தீஷ்டமிஷ்டா:|| 14
தி3வி பு4வி ச ரஸாயாம் கா: ஸ்த்ரியஸ்தத்3து3ராபா:
கபடருசிரஹாஸ ப்4ரூவிஜ்ரும்ப4ஸ்ய யா: ஸ்யு:|
சரணரஜ உபாஸ்தே யஸ்ய பூ4திர் வயம் கா
அபி ச க்ருபணபக்ஷே ஹ்யுத்தமஶ்லோகஶப்3த3:|| 15
விஸ்ருஜ ஶிரஸி பாத3ம் வேத்3ம்யஹம் சாடுகாரை:
அநுநயவிது3ஷஸ்தேऽப்4யேத்ய தௌ3த்யைர் முகுந்தா3த்|
ஸ்வக்ருத இஹ விஸ்ருஷ்டாபத்ய பத்யன்யலோகா
வ்யஸ்ருஜத3க்ருதசேதா: கிம் நு ஸந்தே4ய மஸ்மின்|| 16
ம்ருக3யுரிவ கபீந்த்3ரம் விவ்யதே4 லுப்3த4த4ர்மா
ஸ்த்ரியமக்ருத விரூபாம் ஸ்த்ரீஜித: காமயாநாம்|
ப3லிமபி ப3லிமத்வா வேஷ்டயத்3 த்4வாங்க்ஷவத்3 ய-
ஸ்தத3ல மஸிதஸக்2யைர் து3ஸ்த்யஜஸ் தத்கதா2ர்த2:|| 17
யத3நுசரிதலீலாகர்ணபீயூஷ விப்ருட்-
ஸக்ருத3த3நவிதூ4த த்3வந்த்3வத4ர்மா விநஷ்டா:|
ஸபதி3 க்3ருஹகுடும்ப3ம் தீ3னமுத்ஸ்ருஜ்ய தீ3நா
ப3ஹவ இஹ விஹங்கா3 பி4க்ஷுசர்யாம் சரந்தி|| 18
வயம் ருதமிவ ஜிஹ்மவ்யாஹ்ருதம் ஶ்ரத்3த3தா4நா:
குலிகருதமிவாஜ்ஞா: க்ருஷ்ணவத்4வோ ஹரிண்ய:|
த3த்3ருஶுரஸக்ருதே3தத் தந்நக2ஸ்பர்ஶ தீவ்ர-
ஸ்மரருஜ உபமந்த்ரின் ப4ண்யதாமன்யவார்தா|| 19
ப்ரியஸக2 புனராகா3: ப்ரேயஸா ப்ரேஷித: கிம்
வரய கிமநுருந்தே4 மாநநீயோऽஸி மேऽங்க3|
நயஸி கத2மிஹாஸ்மான் து3ஸ்த்யஜ த்3வந்த்3வபார்ஶ்வம்
ஸதத முரஸி ஸௌம்ய ஶ்ரீர்வதூ4: ஸாகமாஸ்தே|| 20
அபி ப3த மது4புர்யாமார்யபுத்ரோऽது4நாऽऽஸ்தே
ஸ்மரதி ஸ பித்ருகே3ஹான் ஸௌம்ய ப3ந்தூ4ம்ஶ்ச கோ3பான்|
க்வசித3பி ஸ கதா2 ந: கிங்கரீணாம் க்3ருணீதே
பு4ஜமகு3ருஸுக3ந்த4ம் மூர்த்4ந்யதா4ஸ்யத் கதா3 நு|| 21
ஶ்ரீஶுக உவாச
அத உத்3த4வோ நிஶம்யைவம் க்ருஷ்ணத3ர்ஶந லாலஸா:|
ஸாந்த்வயன் ப்ரியஸந்தே3ஶைர் கோ3பீரித3மபா4ஷத| 22
ஶ்ரீஉத்3த4வ உவாச
அஹோ யூயம் ஸ்ம பூர்ணார்தா2 ப4வத்யோ லோகபூஜிதா:|
வாஸுதே3வே ப4க3வதி யாஸாமித்யர்பிதம் மன:|| 23
தா3ன வ்ரத தபோஹோம ஜபஸ்வாத்4யாய ஸம்யமை:|
ஶ்ரேயோபி4ர் விவிதை4ஶ்சான்யை: க்ருஷ்ணே ப4க்திர் ஹி ஸாத்4யதே|| 24
ப4க3வத்யுத்தமஶ்லோகே ப4வதீபி4ரநுத்தமா|
ப4க்தி: ப்ரவர்திதா தி3ஷ்ட்யா முனீநாமபி து3ர்லபா4|| 25
தி3ஷ்ட்யா புத்ரான் பதீன் தே3ஹான் ஸ்வஜநான் ப4வநாநி ச|
ஹித்வா வ்ருணீத யூயம் யத் க்ருஷ்ணாக்2யம் புருஷம் பரம்|| 26
ஸர்வாத்மபா4வோऽதி4க்ருதோ ப4வதீநாமதோ4க்ஷஜே|
விரஹேண மஹாபா4கா3 மஹான் மேऽநுக்3ரஹ: க்ருத:|| 27
ஶ்ரூயதாம் ப்ரியஸந்தே3ஶோ ப4வதீநாம் ஸுகா2வஹ:|
யமாதா3யாக3தோ ப4த்3ரா அஹம் ப4ர்தூ ரஹஸ்கர:|| 28
ஶ்ரீப4க3வாநுவாச
ப4வதீநாம் வியோகோ3 மே ந ஹி ஸர்வாத்மநா க்வசித்|
யதா2 பூ4தாநி பூ4தேஷு க2ம் வாய்வக்3நிர் ஜலம் மஹீ |
ததா2ஹம் ச மன: ப்ராண பூ4தேந்த்3ரிய கு3ணாஶ்ரய:|| 29
ஆத்மன்யேவாத்மநாऽऽத்மானம் ஸ்ருஜே ஹன்ம்யநுபாலயே|
ஆத்மமாயாநுபா4வேன பூ4தேந்த்3ரிய கு3ணாத்மநா|| 30
ஆத்மா ஜ்ஞாநமய: ஶுத்3தோ4 வ்யதிரிக்தோऽகு3ணான்வய:|
ஸுஷுப்திஸ்வப்ந ஜாக்3ரத்3பி4ர் மாயாவ்ருத்திபி4 ரீயதே|| 31
யேநேந்த்3ரியார்தா2ன் த்4யாயேத ம்ருஷா ஸ்வப்நவது3த்தி2த:|
தந்நிருந்த்4யாதி3ந்த்3ரியாணி விநித்3ர: ப்ரத்யபத்3யத|| 32
ஏதத3ந்த: ஸமாம்நாயோ யோக3: ஸாங்க்2யம் மனீஷிணாம்|
த்யாக3ஸ்தபோ த3ம: ஸத்யம் ஸமுத்3ராந்தா இவாபகா3:|| 33
யத் த்வஹம் ப4வதீநாம் வை தூ3ரே வர்தே ப்ரியோ த்3ருஶாம்|
மனஸ: ஸந்நிகர்ஷார்த2ம் மத3நுத்4யான காம்யயா|| 34
யதா2 தூ3ரசரே ப்ரேஷ்டே2 மன ஆவிஶ்ய வர்ததே|
ஸ்த்ரீணாம் ச ந ததா2 சேத: ஸந்நிக்ருஷ்டேऽக்ஷிகோ3சரே|| 35
மய்யாவேஶ்ய மன: க்ருத்ஸ்னம் விமுக்தாஶேஷ வ்ருத்தி யத்|
அநுஸ்மரந்த்யோ மாம் நித்ய மசிரான் மாமுபைஷ்யத2|| 36
யா மயா க்ரீட3தா ராத்ர்யாம் வநேऽஸ்மின் வ்ரஜ ஆஸ்தி2தா:|
அலப்3த4ராஸா: கல்யாண்யோ மாऽऽபுர் மத்3வீர்யசிந்தயா|| 37
ஶ்ரீஶுக உவாச
ஏவம் ப்ரியதமாதி3ஷ்டமாகர்ண்ய வ்ரஜயோஷித:|
தா ஊசு ருத்3த4வம் ப்ரீதாஸ் தத் ஸந்தே3ஶாக3த ஸ்ம்ருதீ:|| 38
கோ3ப்ய ஊசு:
தி3ஷ்ட்யாஹிதோ ஹத: கம்ஸோ யதூ3நாம் ஸாநுகோ3ऽக4க்ருத்|
தி3ஷ்ட்யாऽऽப்தைர் லப்3த4ஸர்வார்தை2: குஶல்யாஸ்தேऽச்யுதோऽது4நா|| 39
கச்சித்3 க3தா3க்3ரஜ: ஸௌம்ய கரோதி புரயோஷிதாம்|
ப்ரீதிம் ந: ஸ்நிக்3த4 ஸவ்ரீட3 ஹாஸோதா3ரேக்ஷணார்சித:|| 40
கத2ம் ரதிவிஶேஷஜ்ஞ: ப்ரியஶ்ச வரயோஷிதாம்|
நாநுப3த்4யேத தத்3வாக்யைர் விப்4ரமைஶ்சாநுபா4ஜித:|| 41
அபி ஸ்மரதி ந: ஸாதோ4 கோ3விந்த3: ப்ரஸ்துதே க்வசித்|
கோ3ஷ்டி2மத்4யே புரஸ்த்ரீணாம் க்3ராம்யா: ஸ்வைர கதா2ந்தரே|| 42
தா: கிம் நிஶா: ஸ்மரதி யாஸு ததா3 ப்ரியாபி4ர்
வ்ருந்தா3வனே குமுத3 குந்த3 ஶஶாங்கரம்யே|
ரேமே க்வணச்சரணநூபுர ராஸ கோ3ஷ்ட்2யாம்
அஸ்மாபி4ரீடி3த மநோஜ்ஞகத2: கதா3சித்|| 43
அப்யேஷ்யதீஹ தா3ஶார்ஹஸ்தப்தா: ஸ்வக்ருதயா ஶுசா|
ஸஞ்ஜீவயன் நு நோ கா3த்ரைர் யதே2ந்த்3ரோ வனமம்பு3தை3:|| 44
கஸ்மாத் க்ருஷ்ண இஹாயாதி ப்ராப்தராஜ்யோ ஹதாஹித:|
நரேந்த்3ர கன்யா உத்3வாஹ்ய ப்ரீத: ஸர்வஸுஹ்ருத்3வ்ருத:|| 45
கிமஸ்மாபி4ர் வநௌகோபி4 ரன்யாபி4ர்வா மஹாத்மன:|
ஶ்ரீபதே: ஆப்தகாமஸ்ய க்ரியேதார்த2: க்ருதாத்மன:|| 46
பரம் ஸௌக்2யம் ஹி நைராஶ்யம் ஸ்வைரிண்யப்யாஹ பிங்க3ளா|
தஜ்ஜாநதீநாம் ந: க்ருஷ்ணே ததா2ப்யாஶா து3ரத்யயா|| 47
க உத்ஸஹேத ஸந்த்யக்து முத்தமஶ்லோகஸம்வித3ம்|
அநிச்ச2தோऽபி யஸ்ய ஶ்ரீ: அங்கா3ன்ன ச்யவதே க்வசித்|| 48
ஸரிச்சை2ல வனோத்3தே3ஶா கா3வோ வேணுரவா இமே|
ஸங்கர்ஷண ஸஹாயேன க்ருஷ்ணேந ஆசரிதா: ப்ரபோ4|| 49
புன: புன: ஸ்மாரயந்தி நந்த3கோ3பஸுதம் ப3த|
ஶ்ரீநிகேதைஸ் தத்பத3கைர் விஸ்மர்தும் நைவ ஶக்நும:|| 50
க3த்யா லலிதயோதா3ரஹாஸ லீலாவலோகனை:|
மாத்4வ்யா கி3ரா ஹ்ருததி4ய: கத2ம் தம் விஸ்மராம ஹே|| 51
ஹே நாத2 ஹே ரமாநாத2 வ்ரஜநாதா2ர்திநாஶன|
மக்3ன முத்3த4ர கோ3விந்த3 கோ3குலம் வ்ருஜிநார்ணவாத்|| 52
ஶ்ரீஶுக உவாச
ததஸ்தா: க்ருஷ்ணஸந்தே3ஶைர் வ்யபேத விரஹஜ்வரா:|
உத்3த4வம் பூஜயாஞ்சக்ருர் ஜ்ஞாத்வாऽऽத்மான மதோ4க்ஷஜம்|| 53
உவாஸ கதிசின்மாஸான் கோ3பீநாம் விநுத3ன் ஶுச:|
க்ருஷ்ணலீலாகதா2ம் கா3யன் ரமயாமாஸ கோ3குலம்|| 54
யாவந்த்யஹானி நந்த3ஸ்ய வ்ரஜேऽவாத்ஸீத் ஸ உத்3த4வ:|
வ்ரஜௌகஸாம் க்ஷணப்ராயாண்யாஸன் க்ருஷ்ணஸ்ய வார்தயா|| 55
ஸரித்3வநகி3ரி த்3ரோணீர் வீக்ஷன் குஸுமிதான் த்3ருமான்|
க்ருஷ்ணம் ஸம்ஸ்மாரயன் ரேமே ஹரிதா3ஸோ வ்ரஜௌகஸாம்|| 56
த்3ருஷ்ட்வைவமாதி3 கோ3பீநாம் க்ருஷ்ணாவேஶாத்மவிக்லவம்|
உத்3த4வ: பரமப்ரீதஸ்தா நமஸ்யந்நித3ம் ஜகௌ3|| 57
ஏதா: பரம் தநுப்4ருதோ பு4வி கோ3பவத்4வோ
கோ3விந்த3 ஏவ நிகி2லாத்மனி ரூட4பா4வா:|
வாஞ்ச2ந்தி யத்3 ப4வபி4யோ முனயோ வயம் ச
கிம் ப்3ரஹ்மஜன்மபி4: அநந்தகதா2ரஸஸ்ய|| 58
க்வேமா: ஸ்த்ரியோ வனசரீர் வ்யபி4சாரது3ஷ்டா:
க்ருஷ்ணே க்வ சைஷ பரமாத்மநி ரூட4பா4வ:|
நன்வீஶ்வரோऽநுப4ஜதோऽவிது3ஷோऽபி ஸாக்ஷாத்
ஶ்ரேயஸ்தநோத்யக3த3ராஜ இவோபயுக்த:|| 59
நாயம் ஶ்ரியோऽங்க3 உ நிதாந்தரதே: ப்ரஸாத3:
ஸ்வர்யோஷிதாம் நளிநக3ந்த4ருசாம் குதோऽன்யா:|
ராஸோத்ஸவே ऽஸ்ய பு4ஜத3ண்ட3க்3ருஹீத கண்ட2-
லப்3தா4ஶிஷாம் ய உத3கா3த்3 வ்ரஜவல்லவீநாம்|| 60
ஆஸாமஹோ சரணரேணுஜுஷாமஹம் ஸ்யாம்
வ்ருந்தா3வனே கிமபி கு3ல்மலதௌஷதீ4நாம்|
யா து3ஸ்த்யஜம் ஸ்வஜன மார்யபத2ம் ச ஹித்வா
பே4ஜுர் முகுந்த3பத3வீம் ஶ்ருதிபி4ர் விம்ருக்3யாம்|| 61
யா வை ஶ்ரியார்சிதமஜாதி3பி4ராப்தகாமைர்
யோகே3ஶ்வரைரபி யதா3த்மனி ராஸகோ3ஷ்ட்2யாம்|
க்ருஷ்ணஸ்ய தத்3 ப4க3வதஶ்சரணாரவிந்த3ம்
ந்யஸ்தம் ஸ்தநேஷு விஜஹு: பரிரப்4ய தாபம்|| 62
வந்தே3 நந்த3வ்ரஜஸ்த்ரீணாம் பாத3ரேணுமபீ4க்ஷ்ணஶ:|
யாஸாம் ஹரிகதோ2த்3கீ3தம் புநாதி பு4வனத்ரயம்|| 63
ஶ்ரீஶுக உவாச
அத2 கோ3பீரநுஜ்ஞாப்ய யஶோதா3ம் நந்த3மேவ ச|
கோ3பாநாமந்த்ர்ய தா3ஶார்ஹோ யாஸ்யந்நாருருஹே ரத2ம்|| 64
தம் நிர்க3தம் ஸமாஸாத்3ய நாநோபாயன பாணய:|
நந்தா3த3யோऽநுராகே3ண ப்ராவோசந்நஶ்ருலோசநா:|| 65
மனஸோ வ்ருத்தயோ ந: ஸ்யு: க்ருஷ்ணபாதா3ம்பு3ஜாஶ்ரயா:|
வாசோऽபி4தா4யினீர் நாம்நாம் காயஸ்தத்ப்ரஹ்வணாதி3ஷு|| 66
கர்மபி4ர் ப்4ராம்யமாணாநாம் யத்ர க்வாபீஶ்வரேச்ச2யா|
மங்க3ளாசரிதைர் தா3னை ரதிர் ந: க்ருஷ்ண ஈஶ்வரே|| 67
ஏவம் ஸபா4ஜிதோ கோ3பை: க்ருஷ்ணப4க்த்யா நராதி4ப|
உத்3த4வ: புநராக3ச்ச2த் மது2ராம் க்ருஷ்ணபாலிதாம்|| 68
க்ருஷ்ணாய ப்ரணிபத்யாஹ ப4க்த்யுத்3ரேகம் வ்ரஜௌகஸாம்|
வஸுதே3வாய ராமாய ராஜ்ஞே சோபாயநான்யதா3த்|| 69
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 உத்3த4வ ப்ரதியானே ஸப்தசத்வாரிம்ஶோऽத்4யாய: || 47
பத்தாம் ஸ்கந்தம் - நாற்பத்தி ஏழாம் அத்யாயம் முற்றும்.