ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 45.
ஸ்ரீ கிருஷ்ணர் மற்றும் பலராமருக்கும் உபநயனமும் குருகுல வாசம் செய்தலும்
அத2 பஞ்சசத்வாரிம்ஶோऽத்4யாய:
ஶ்ரீஶுக உவாச -
பிதராவுபலப்3தா4ர்தௌ2 விதி3த்வா புருஷோத்தம:|
மா பூ4தி3தி நிஜாம் மாயாம் ததாந ஜனமோஹிநீம்|| 1
உவாச பிதராவேத்ய ஸாக்3ரஜ: ஸாத்வர்ஷப4:|
ப்ரஶ்ரயாவனத: ப்ரீணன்னம்ப3 தாதேதி ஸாத3ரம்|| 2
நாஸ்மத்தோ யுவயோஸ்தாத நித்யோத்கண்டி2தயோரபி|
பா3ல்ய பௌக3ண்ட3 கைஶோரா: புத்ராப்4யாமப4வன் க்வசித்|| 3
ந லப்3தோ4 தை3வஹதயோர் வாஸோ நௌ ப4வத3ந்திகே|
யாம் பா3லா: பித்ருகே3ஹஸ்தா2 விந்த3ந்தே லாலிதா முத3ம்|| 4
ஸர்வார்த2 ஸம்ப4வோ தே3ஹோ ஜநித: போஷிதோ யத:|
ந தயோர் யாதி நிர்வேஶம் பித்ரோர் மர்த்ய: ஶதாயுஷா|| 5
யஸ்தயோராத்மஜ: கல்ப ஆத்மநா ச த4நேந ச|
வ்ருத்திம் ந த3த்3யாத் தம் ப்ரேத்ய ஸ்வமாம்ஸம் கா2த3யந்தி ஹி|| 6
மாதரம் பிதரம் வ்ருத்3த4ம் பா4ர்யாம் ஸாத்4வீம் ஸுதம் ஶிஶும்|
கு3ரும் விப்ரம் ப்ரபந்நம் ச கல்போऽபி3ப்4ரச்ச்2வஸன் ம்ருத:|| 7
தந்நாவகல்பயோ: கம்ஸாத் நித்ய முத்3விக்3ந சேதஸோ:|
மோக4மேதே வ்யதிக்ராந்தா தி3வஸா வாமநர்சதோ:|| 8
தத் க்ஷந்துமர்ஹத2ஸ்தாத மாதர்நௌ பரதந்த்ரயோ:|
அகுர்வதோர்வாம் ஶுஶ்ரூஷாம் க்லிஷ்டயோர் து3ர்ஹ்ருதா3 ப்4ருஶம்|| 9
ஶ்ரீஶுக உவாச
இதி மாயாமநுஷ்யஸ்ய ஹரேர் விஶ்வாத்மநோ கி3ரா|
மோஹிதாவங்க மாரோப்ய பரிஷ்வஜ்யாபதுர் முத3ம்|| 10
ஸிஞ்சந்தாவஶ்ருதா4ராபி4: ஸ்நேஹபாஶேன சாவ்ருதௌ|
ந கிஞ்சிதூ3சதூ ராஜன் பா3ஷ்பகண்டௌ2 விமோஹிதௌ|| 11
ஏவமாஶ்வாஸ்ய பிதரௌ ப4க3வான் தே3வகீஸுத:|
மாதாமஹம் தூக்3ரஸேனம் யதூ3நாமகரோந் ந்ருபம்|| 12
ஆஹ சாஸ்மான் மஹாராஜ ப்ரஜாஶ்சாஜ்ஞப்துமர்ஹஸி|
யயாதிஶாபாத்3 யது3பி4ர் நாஸிதவ்யம் ந்ருபாஸனே|| 13
மயி ப்4ருத்ய உபாஸீநே ப4வதோ விபு3தா4த3ய:|
ப3லிம் ஹரந்த்யவநதா: கிமுதான்யே நராதி4பா:|| 14
ஸர்வான் ஸ்வான் க்ஞாதி ஸம்ப3ந்தா4ன் தி3க்3ப்4ய: கம்ஸப4யாகுலான்|
யது3 வ்ருஷ்ண்யந்த4க மது4 தா3ஶார்ஹ குகுராதி3கான்|| 15
ஸபா4ஜிதான் ஸமாஶ்வாஸ்ய விதே3ஶாவாஸ கர்ஶிதான்|
ந்யவாஸயத் ஸ்வகே3ஹேஷு வித்தை: ஸந்தர்ப்ய விஶ்வக்ருத்|| 16
க்ருஷ்ண ஸங்கர்ஷண பு4ஜைர் கு3ப்தா லப்3த4மநோரதா2:|
க்3ருஹேஷு ரேமிரே ஸித்3தா4: க்ருஷ்ணராமக3தஜ்வரா:|| 17
வீக்ஷந்தோऽஹரஹ: ப்ரீதா முகுந்த3வத3நாம்பு3ஜம்|
நித்யம் ப்ரமுதி3தம் ஶ்ரீமத் ஸத3யஸ்மித வீக்ஷணம்|| 18
தத்ர ப்ரவயஸோऽப்யாஸன் யுவாநோऽதிப3லௌஜஸ:|
பிப3ந்தோऽக்ஷைர் முகுந்த3ஸ்ய முகா2ம்பு3ஜஸுதா4ம் முஹு:|| 19
அத2 நந்த3ம் ஸமஸாத்3ய ப4க3வான் தே3வகீஸுத:|
ஸங்கர்ஷணஶ்ச ராஜேந்த்3ர பரிஷ்வஜ்யேத3மூசது:|| 20
பிதர்யுவாப்4யாம் ஸ்நிக்3தா4ப்4யாம் போஷிதௌ லாலிதௌ ப்4ருஶம்|
பித்ரோரப்4யதி4கா ப்ரீதிராத்மஜேஷ்வாத்மநோऽபி ஹி|| 21
ஸ பிதா ஸா ச ஜனனீ யௌ புஷ்ணீதாம் ஸ்வபுத்ரவத்|
ஶிஶூன் ப3ந்து4பி4ருத்ஸ்ருஷ்டாநகல்பை: போஷரக்ஷணே|| 22
யாத யூயம் வ்ரஜம் தாத வயம் ச ஸ்நேஹ து3:கி2தான்|
ஜ்ஞாதீன் வோ த்3ரஷ்டு மேஷ்யாமோ விதா4ய ஸுஹ்ருதா3ம் ஸுக2ம்|| 23
ஏவம் ஸாந்த்வய்ய ப4க3வான் நந்த3ம் ஸவ்ரஜமச்யுத:|
வாஸோऽலங்கார குப்யாத்3யைரர்ஹயாமாஸ ஸாத3ரம்|| 24
இத்யுக்தஸ்தௌ பரிஷ்வஜ்ய நந்த3: ப்ரணயவிஹ்வல:|
பூரயந்நஶ்ருபி4ர் நேத்ரே ஸஹ கோ3பைர் வ்ரஜம் யயௌ|| 25
அத2 ஶூரஸுதோ ராஜன் புத்ரயோ: ஸமகாரயத்|
புரோத4ஸா ப்3ராஹ்மணைஶ்ச யதா2வத்3 த்3விஜஸம்ஸ்க்ருதிம்|| 26
தேப்4யோऽதா3த்3 த3க்ஷிணா கா3வோ ருக்மமாலா: ஸ்வலங்க்ருதா:|
ஸ்வலங்க்ருதேப்4ய: ஸம்பூஜ்ய ஸவத்ஸா: க்ஷௌமமாலிநீ:|| 27
யா: க்ருஷ்ணராமஜன்மர்க்ஷே மநோத3த்தா மஹாமதி:|
தாஶ்சாத3தா3த3நுஸ்ம்ருத்ய கம்ஸேநாத4ர்மதோ ஹ்ருதா:|| 28
ததஶ்ச லப்3த4 ஸம்ஸ்காரௌ த்3விஜத்வம் ப்ராப்ய ஸுவ்ரதௌ|
க3ர்கா3த்3 யது3குலாசார்யாத்3 கா3யத்ரம் வ்ரதமாஸ்தி2தௌ|| 29
ப்ரப4வௌ ஸர்வவித்3யாநாம் ஸர்வஜ்ஞௌ ஜக3தீ3ஶ்வரௌ|
நான்யஸித்3தா4மலஜ்ஞானம் கூ3ஹமாநௌ நரேஹிதை:|| 30
அதோ2 கு3ருகுலே வாஸமிச்ச2ந்தாவுபஜக்3மது:|
காஶ்யம் ஸாந்தீ3பநிம் நாம ஹ்யவந்திபுர வாஸினம்|| 31
யதோ2பஸாத்3ய தௌ தா3ந்தௌ கு3ரௌ வ்ருத்திமநிந்தி3தாம்|
க்3ராஹயந்தாவுபேதௌ ஸ்ம ப4க்த்யா தே3வமிவாத்3ருதௌ|| 32
தயோர் த்3விஜவரஸ்துஷ்ட: ஶுத்3த4பா4வாநுவ்ருத்திபி4:|
ப்ரோவாச வேதா3நகி2லான் ஸாங்கோ3பநிஷதோ3 கு3ரு:|| 33
ஸரஹஸ்யம் த4நுர்வேத3ம் த4ர்மான் ந்யாயபதா2ம்ஸ்ததா2|
ததா2 சான்வீக்ஷிகீம் வித்3யாம் ராஜநீதிம் ச ஷட்3விதா4ம்|| 34
ஸர்வம் நரவரஶ்ரேஷ்டௌ2 ஸர்வவித்3யா ப்ரவர்தகௌ|
ஸக்ருந்நிக3த3மாத்ரேண தௌ ஸஞ்ஜக்3ருஹதுர் ந்ருப|| 35
அஹோராத்ரைஶ் சது:ஷஷ்ட்யா ஸம்யத்தௌ தாவதீ: கலா:|
கு3ருத3க்ஷிணயாऽऽசார்யம் ச2ந்த3யாமாஸதுர் ந்ருப|| 36
த்3விஜஸ்தயோஸ்தம் மஹிமானமத்3பு4தம்
ஸம்லக்ஷ்ய ராஜந்நதிமாநுஷீம் மதிம்|
ஸம்மந்த்ர்ய பத்ன்யா ஸ மஹார்ணவே ம்ருதம்
பா3லம் ப்ரபா4ஸே வரயாம்ப3பூ4வ ஹ|| 37
ததே2த்யதா2ருஹ்ய மஹாரதௌ2 ரத2ம்
ப்ரபா4ஸமாஸாத்3ய து3ரந்தவிக்ரமௌ|
வேலாமுபவ்ரஜ்ய நிஷீத3து: க்ஷணம்
ஸிந்து4ர் விதி3த்வார்ஹண மாஹரத் தயோ:|| 38
தமாஹ ப4க3வாநாஶு கு3ருபுத்ர: ப்ரதீ3யதாம்|
யோऽஸாவிஹ த்வயா க்3ரஸ்தோ பா3லகோ மஹதோர்மிணா|| 39
ஶ்ரீஸமுத்3ர உவாச
நைவாஹார்ஷமஹம் தே3வ தை3த்ய: பஞ்சஜநோ மஹான்|
அந்தர்ஜலசர: க்ருஷ்ண ஶங்க2ரூபத4ரோऽஸுர:|| 40
ஆஸ்தே தேநாஹ்ருதோ நூனம் தச்ச்2ருத்வா ஸத்வரம் ப்ரபு4:|
ஜலமாவிஶ்ய தம் ஹத்வா நாபஶ்யது3த3ரேऽர்ப4கம்|| 41
தத3ங்க3 ப்ரப4வம் ஶங்க2மாதா3ய ரத2மாக3மத்|
தத: ஸம்யமநீம் நாம யமஸ்ய த3யிதாம் புரீம்|| 42
க3த்வா ஜநார்த3ன: ஶங்க2ம் ப்ரத3த்4மௌ ஸஹலாயுத4:|
ஶங்க2 நிர்ஹ்ராத3 மாகர்ண்ய ப்ரஜாஸம்யமநோ யம:|| 43
தயோ: ஸபர்யாம் மஹதீம் சக்ரே ப4க்த்யுபப்3ரும்ஹி தாம்|
உவாசாவனத: க்ருஷ்ணம் ஸர்வ பூ4தாஶயாலயம்|
லீலாமநுஷ்ய ஹே ர்விஷ்ணோ யுவயோ: கரவாம கிம்|| 44
ஶ்ரீப4க3வாநுவாச
கு3ருபுத்ர மிஹாநீதம் நிஜகர்மநிப3ந்த4நம்|
ஆனயஸ்வ மஹாராஜ மச்சா2ஸன புரஸ்க்ருத:|| 45
ததே2தி தேந உபாநீதம் கு3ருபுத்ரம் யதூ3த்தமௌ|
த3த்வா ஸ்வகு3ரவே பூ4யோ வ்ருணீஷ்வேதி தமூசது:|| 46
ஶ்ரீகு3ருருவாச
ஸம்யக் ஸம்பாதி3தோ வத்ஸ ப4வத்3ப்4யாம் கு3ருநிஷ்க்ரய:|
கோ நு யுஷ்மத்3வித4கு3ரோ: காமாநாமவஶிஷ்யதே|| 47
க3ச்ச2தம் ஸ்வக்3ருஹம் வீரௌ கீர்திர்வாமஸ்து பாவநீ|
ச2ந்தா3ம்ஸ்யயாதயாமாநி ப4வந்த்விஹ பரத்ர ச|| 48
கு3ருணைவ மநுஜ்ஞாதௌ ரதே2நாநிலரம்ஹஸா|
ஆயாதௌ ஸ்வபுரம் தாத பர்ஜன்யநிநதே3ன வை|| 49
ஸமநந்த3ன் ப்ரஜா: ஸர்வா த்3ருஷ்ட்வா ராமஜநார்த3நௌ|
அபஶ்யந்த்யோ ப3ஹ்வஹாநி நஷ்டலப்3த4 த4நா இவ|| 50
|| இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 கு3ருபுத்ராநயனம் நாம பஞ்சசத்வாரிம்ஶோऽத்4யாய: || 45 ||
பத்தாம் ஸ்கந்தம் - நாற்பத்தி ஐந்தாம் அத்யாயம் முற்றும்.