ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 44.
சாணூரன், முஷ்டிகள் முதலிய பயில்வான்கள் மற்றும் கம்சனுடைய உத்தாரணம்
அத2 சதுஶ்சத்வாரிம்ஶோऽத்4யாய:
ஶ்ரீஶுக உவாச -
ஏவம் சர்சித ஸங்கல்போ ப4க3வான் மது4ஸூத3ன: |
ஆஸஸாதா3த2 சணூரம் முஷ்டிகம் ரோஹிணீஸுத: || 1 ||
ஹஸ்தாப்4யாம் ஹஸ்தயோர் ப3த்3த்4வா பத்3ப்4யாமேவ ச பாத3யோ: |
விசகர்ஷதுரன்யோன்யம் ப்ரஸஹ்ய விஜிகீ3ஷயா || 2 ||
அரத்நீ த்3வே அரத்நிப்4யாம் ஜாநுப்4யாம் சைவ ஜாநுநீ |
ஶிர: ஶீர்ஷ்ணோரஸோரஸ்தாவன்யோன்ய-மபி4ஜக்4நது: || 3 ||
பரிப்4ராமண விக்ஷேப பரிரம்பா4வபாதனை: |
உத்ஸர்பணாபஸர்பணைஶ்சான்யோன்யம் ப்ரத்யருந்த4தாம் || 4 ||
உத்தா2பனைருந்நயனைஶ்சாலனை: ஸ்தா2பனைரபி |
பரஸ்பரம் ஜிகீ3ஷந்தாவபசக்ரது ராத்மன: || 5 ||
தத்3 ப3லாப3லவத்3 யுத்3த4ம் ஸமேதா: ஸர்வயோஷித: |
ஊசு: பரஸ்பரம் ராஜன் ஸாநுகம்பா வரூத2ஶ: || 6 ||
மஹாநயம் ப3தாத4ர்ம ஏஷாம் ராஜஸபா4ஸதா3ம் |
யே ப3லாப3லவத்3 யுத்3த4ம் ராஜ்ஞோऽன்விச்ச2ந்தி பஶ்யத: || 7 ||
க்வ வஜ்ரஸார ஸர்வாங்கௌ3 மல்லௌ ஶைலேந்த்3ர ஸந்நிபௌ4 |
க்வ சாதிஸுகுமாராங்கௌ3 கிஶோரௌ நாப்தயௌவனௌ || 8 ||
த4ர்ம வ்யதிக்ரமோ ஹ்யஸ்ய ஸமாஜஸ்ய த்4ருவம் ப4வேத் |
யத்ராத4ர்ம: ஸமுத்திஷ்டே2த் ந ஸ்தே2யம் தத்ர கர்ஹிசித் || 9 ||
ந ஸபா4ம் ப்ரவிஶேத் ப்ராஜ்ஞ: ஸப்4யதோ3ஷாநநுஸ்மரன் |
அப்3ருவன் விப்3ருவந் நஜ்ஞோ நர: கில்பி3ஷ மஶ்நுதே || 10 ||
வல்க3த: ஶத்ருமபி4த: க்ருஷ்ணஸ்ய வத3நாம்பு3ஜம் |
வீக்ஷ்யதாம் ஶ்ரமவார்யுப்தம் பத்3மகோஶமிவாம்பு3பி4: || 11 ||
கிம் ந பஶ்யத ராமஸ்ய முக2மாதாம்ர லோசனம் |
முஷ்டிகம் ப்ரதி ஸாமர்ஷம் ஹாஸ ஸம்ரம்ப4 ஶோபி4தம் || 12 ||
புண்யா ப3த வ்ரஜபு4வோ யத3யம் ந்ருலிங்க3-
கூ3ட4: புராண புருஷோ வனசித்ரமால்ய: |
கா3: பாலயன் ஸஹப3ல: க்வணயம்ஶ்ச வேணும்
விக்ரீத3யாஞ்சதி கி3ரித்ர ரமார்சிதாங்க்4ரி: || 13 ||
கோ3ப்யஸ்தப: கிமசரன் யத3முஷ்ய ரூபம்
லாவண்யஸாரமஸமோர்த்4வ மனன்யஸித்3த4ம் |
த்3ருக்3பி4: பிப3ந்த்யநுஸவாபி4நவம் து3ராப-
மேகாந்ததா4ம யஶஸ: ஶ்ரிய ஐஶ்வரஸ்ய || 14 ||
யா தோ3ஹநே ऽவஹநநே மத2நோபலேப-
ப்ரேங்கே2ங்க2 நார்ப4ருதி3தோக்ஷண மார்ஜநாதௌ3 |
கா3யந்தி சைந மநுரக்ததி4யோऽஶ்ருகண்ட்2யோ
த4ன்யா வ்ரஜஸ்த்ரிய உருக்ரமசித்தயாநா: || 15 ||
ப்ராதர் வ்ரஜாத்3 வ்ரஜத ஆவிஶதஶ்ச ஸாயம்
கோ3பி4: ஸமம் க்வணயதோऽஸ்ய நிஶம்ய வேணும் |
நிர்க3ம்ய தூர்ணமப3லா: பதி2 பூ4ரிபுண்யா:
பஶ்யந்தி ஸஸ்மிதமுக2ம் ஸத3யாவலோகம் || 16 ||
ஏவம் ப்ரபா4ஷமாணாஸு ஸ்த்ரீஷு யோகே3ஶ்வரோ ஹரி: |
ஶத்ரும் ஹந்தும் மனஶ்சக்ரே ப4க3வான் ப4ரதர்ஷப4 || 17 ||
ஸப4யா: ஸ்த்ரீகி3ர: ஶ்ருத்வா புத்ரஸ்நேஹ ஶுசாऽऽதுரௌ |
பிதராவன்வதப்யேதாம் புத்ரயோரபு3தௌ4 ப3லம் || 18 ||
தைஸ்தைர் நியுத்3த4விதி4பி4ர் விவிதை4ரச்யுதேதரௌ |
யுயுதா4தே யதா2ன்யோன்யம் ததை2வ ப3லமுஷ்டிகௌ || 19 ||
ப4க3வத்3கா3த்ர நிஷ்பாதைர் வஜ்ரநீஷ்பேஷ நிஷ்டு2ரை: |
சாணூரோ ப4ஜ்யமாநாங்கோ3 முஹுர் க்3லாநிமவாப ஹ || 20 ||
ஸ ஶ்யேனவேக3 உத்பத்ய முஷ்டீக்ருத்ய கராவுபௌ4 |
ப4க3வந்தம் வாஸு தே3வம் க்ருத்3தோ4 வக்ஷஸ்யபா3த4த || 21 ||
நாசலத் தத்ப்ரஹாரேண மாலாஹத இவ த்3விப: |
பா3ஹ்வோர் நிக்3ருஹ்ய சாணூரம் ப3ஹுஶோ ப்4ராமயன் ஹரி: || 22 ||
பூ4ப்ருஷ்டே2 போத2யாமாஸ தரஸா க்ஷீணஜீவிதம் |
விஸ்ரஸ்தாகல்பகேஶஸ்ரக் இந்த்3ரத்4வஜ இவாபதத் || 23 ||
ததை2வ முஷ்டிக: பூர்வம் ஸ்வமுஷ்ட்யாபி4ஹதேன வை |
ப3லப4த்3ரேண ப3லிநா தலேநாபி4ஹதோ ப்4ருஶம் || 24 ||
ப்ரவேபித: ஸ ருதி4ரமுத்3வமன் முக2தோऽர்தி3த: |
வ்யஸு: பபாதோர்வ்யுபஸ்தே2 வாதாஹத இவாங்க்4ரிப: || 25 ||
தத: கூடமநுப்ராப்தம் ராம: ப்ரஹரதாம் வர: |
அவதீ4ல்லீலயா ராஜன் ஸாவஜ்ஞம் வாமமுஷ்டிநா || 26 ||
தர்ஹ்யேவ ஹி ஶல: க்ருஷ்ணபதா3பஹத ஶீர்ஷக: |
த்3விதா4 விதீ3ர்ணஸ்தோஶலக உபா4வபி நிபேதது: || 27 ||
சாணூரே முஷ்டிகே கூடே ஶலே தோஶலகே ஹதே |
ஶேஷா: ப்ரது3த்3ருவுர் மல்லா: ஸர்வே ப்ராணபரீப்ஸவ: || 28 ||
கோ3பான் வயஸ்யாநாக்ருஷ்ய தை: ஸம்ஸ்ருஜ்ய விஜஹ்ரது: |
வாத்3யமாநேஷு தூர்யேஷு வல்க3ந்தௌ ருதநூபுரௌ || 29 ||
ஜநா: ப்ரஜஹ்ருஷு: ஸர்வே கர்மணா ராமக்ருஷ்ணயோ: |
ருதே கம்ஸம் விப்ரமுக்2யா: ஸாத4வ: ஸாது4 ஸாத்4விதி || 30 ||
ஹதேஷு மல்லவர்யேஷு வித்3ருதேஷு ச போ4ஜராட் |
ந்யவாரயத் ஸ்வதூர்யாணி வாக்யம் சேத3 முவாச ஹ || 31 ||
நி:ஸாரயத து3ர்வ்ருத்தௌ வஸுதே3வாத்மஜௌ புராத் |
த4னம் ஹரத கோ3பாநாம் நந்த3ம் ப3த்4நீத து3ர்மதிம் || 32 ||
வஸுதே3வஸ்து து3ர்மேதா4 ஹன்யதாமாஶ்வஸத்தம: |
உக்3ரஸேன: பிதா சாபி ஸாநுக3: பரபக்ஷக3: || 33 ||
ஏவம் விகத்த2மானே வை கம்ஸே ப்ரகுபிதோऽவ்யய: |
லகி4ம்நோத்பத்ய தரஸா மஞ்சமுத்துங்க3மாருஹத் || 34 ||
தமாவிஶந்தமாலோக்ய ம்ருத்யுமாத்மன ஆஸநாத் |
மனஸ்வீ ஸஹஸோத்தா2ய ஜக்3ருஹே ஸோऽஸிசர்மணீ || 35 ||
தம் க2ட்3க3 பாணிம் விசரந்தமாஶு
ஶ்யேனம் யதா2 த3க்ஷிணஸவ்யமம்ப3ரே |
ஸமக்3ரஹீத்3 து3ர்விஷஹோக்3ரதேஜா
யதோ2ரக3ம் தார்க்ஷ்யஸுத: ப்ரஸஹ்ய || 36 ||
ப்ரக்3ருஹ்ய கேஶேஷு சலத்கிரீதம்
நிபாத்ய ரங்கோ3பரி துங்க3மஞ்சாத் |
தஸ்யோபரிஷ்டாத் ஸ்வயமப்3ஜனாப4:
பபாத விஶ்வாஶ்ரய ஆத்மதந்த்ர: || 37 ||
தம் ஸம்பரேதம் விசகர்ஷ பூ4மௌ
ஹரிர் யதே2ப4ம் ஜக3தோ விபஶ்யத: |
ஹாஹேதி ஶப்3த3: ஸுமஹாம்ஸ்ததா3பூ4-
து3தீ3ரித: ஸர்வஜனைர் நரேந்த்3ர || 38 ||
ஸ நித்யதோ3த்3விக்3நதி4யா தமீஶ்வரம்
பிப3ன் வத3ன் வா விசரன் ஸ்வபன் ஶ்வஸன் |
த3த3ர்ஶ சக்ராயுத4 மக்3ரதோ ய-
ஸ்ததே3வ ரூபம் து3ரவாப மாப || 39 ||
தஸ்யாநுஜா ப்4ராதரோऽஷ்டௌ கங்கன்யக்3ரோத4காத3ய: |
அப்4யதா4வந்நபி4க்ருத்3தா4 ப்4ராதுர் நிர்வேஶகாரிண: || 40 ||
ததா2திரப4ஸாம் ஸ்தாம்ஸ்து ஸம்யத்தான் ரோஹிணீஸுத: |
அஹன் பரிக4முத்3யம்ய பஶூநிவ ம்ருகா3தி4ப: || 41 ||
நேது3ர் து3ந்து3ப4யோ வ்யோம்நி ப்3ரஹ்மேஶாத்3யா விபூ4தய: |
புஷ்பை: கிரந்தஸ்தம் ப்ரீதா: ஶஶம்ஸுர் நந்ருது: ஸ்த்ரிய: || 42 ||
தேஷாம் ஸ்த்ரியோ மஹாராஜ ஸுஹ்ருன்மரண து3:கி2தா: |
தத்ராபீ4யுர் விநிக்4நந்த்ய: ஶீர்ஷாண்யஶ்ருவிலோசநா: || 43 ||
ஶயாநான் வீரஶய்யாயாம் பதீநாலிங்க்3ய ஶோசதீ: |
விலேபு: ஸுஸ்வரம் நார்யோ விஸ்ருஜந்த்யோ முஹு: ஶுச: || 44 ||
ஹா நாத2 ப்ரிய த4ர்மஜ்ஞ கருணாநாத2வத்ஸல |
த்வயா ஹதேன நிஹதா வயம் தே ஸக்3ருஹப்ரஜா: || 45 ||
த்வயா விரஹிதா பத்யா புரீயம் புருஷர்ஷப4 |
ந ஶோப4தே வயமிவ நிவ்ருத்தோத்ஸவ மங்க3ளா || 46 ||
அநாக3ஸாம் த்வம் பூ4தாநாம் க்ருதவான் த்3ரோஹமுல்ப3ணம் |
தேநேமாம் போ4 த3ஶாம் நீதோ பூ4தத்4ருக் கோ லபே4த ஶம் || 47 ||
ஸர்வேஷாமிஹ பூ4தாநாமேஷ ஹி ப்ரப4வாப்யய: |
கோ3ப்தா ச தத3வத்4யாயீ ந க்வசித் ஸுக2மேத4தே || 48 ||
ஶ்ரீஶுக உவாச -
ராஜயோஷித ஆஶ்வாஸ்ய ப4க3வான் லோகபா4வன: |
யாமாஹுர் லௌகிகீம் ஸம்ஸ்தா2ம் ஹதாநாம் ஸமகாரயத் || 49 ||
மாதரம் பிதரம் சைவ மோசயித்வாத2 ப3ந்த4நாத் |
க்ருஷ்ணராமௌ வவந்தா3தே ஶிரஸாऽऽஸ்ப்ருஶ்ய பாத3யோ: || 50 ||
தே3வகீ வஸுதே3வஶ்ச விஜ்ஞாய ஜக3தீ3ஶ்வரௌ |
க்ருதஸம்வந்த3நௌ புத்ரௌ ஸஸ்வஜாதே ந ஶங்கிதௌ || 51 ||
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 கம்ஸவதோ4 நாம சதுர்சத்வாரிம்ஶோऽத்4யாய: || 44 ||
பத்தாம் ஸ்கந்தம் - நாற்பத்தி நான்காம் அத்யாயம் முற்றும்.