ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 43.
குவலயாபீடம் என்ற யானை கொல்லப்படுதலும் மல்யுத்த பூமியில் பிரவேசித்தலும்
அத2 த்ரிசத்வாரிம்ஶோऽத்4யாய:
ஶ்ரீஶுக உவாச -
அத2 க்ருஷ்ணஶ்ச ராமஶ்ச க்ருதஶௌசௌ பரந்தப |
மல்லது3ந்து3பி4 நிர்கோ4ஷம் ஶ்ருத்வா த்3ரஷ்டுமுபேயது: || 1 ||
ரங்க3த்3வாரம் ஸமாஸாத்3ய தஸ்மின் நாக3 மவஸ்தி2தம் |
அபஶ்யத் குவலயாபீட3ம் க்ருஷ்ணோऽம்ப3ஷ்ட2 ப்ரசோதி3தம் || 2 ||
ப3த்3த்4வா பரிகரம் ஶௌரி: ஸமுஹ்ய குடிலாலகான் |
உவாச ஹஸ்திபம் வாசா மேக4நாத3க3பீ4ரயா || 3 ||
அம்ப3ஷ்டா2ம்ப3ஷ்ட2 மார்க3ம் நௌ தே3ஹ்யபக்ரம மா சிரம் |
நோ சேத் ஸகுஞ்ஜரம் த்வாத்3ய நயாமி யமஸாத3னம் || 4 ||
ஏவம் நிர்ப4ர்த்ஸிதோऽம்ப3ஷ்ட2: குபித: கோபிதம் க3ஜம் |
சோத3யாமாஸ க்ருஷ்ணாய காலாந்தகயமோபமம் || 5 ||
கரீந்த்3ரஸ்தமபி4த்3ருத்ய கரேண தரஸாக்3ரஹீத் |
கராத்3 விக3ளித: ஸோऽமும் நிஹத்யாங்க்4ரிஷ்வலீயத || 6 ||
ஸங்க்ருத்3த4ஸ்தமசக்ஷாணோ க்4ராணத்3ருஷ்டி: ஸ கேஶவம் |
பராம்ருஶத் புஷ்கரேண ஸ ப்ரஸஹ்ய விநிர்க3த: || 7 ||
புச்சே2 ப்ரக்3ருஹ்யாதிப3லம் த4நுஷ: பஞ்சவிம்ஶதிம் |
விசகர்ஷ யதா2 நாக3ம் ஸுபர்ண இவ லீலயா || 8 ||
ஸ பர்யாவர்தமானேன ஸவ்யத3க்ஷிணதோऽச்யுத: |
ப3ப்4ராம ப்4ராம்யமாணேன கோ3வத்ஸேநேவ பா3லக: || 9 ||
ததோऽபி4மக2மப்4யேத்ய பாணிநாऽऽஹத்ய வாரணம் |
ப்ராத்3ரவன் பாதயாமாஸ ஸ்ப்ருஶ்யமான: பதே3 பதே3 || 10 ||
ஸ தா4வன் க்ரீட3யா பூ4மௌ பதித்வா ஸஹஸோத்தி2த: |
தம் மத்வா பதிதம் க்ருத்3தோ4 த3ந்தாப்4யாம் ஸோऽஹநத் க்ஷிதிம் || 11 ||
ஸ்வவிக்ரமே ப்ரதிஹதே குஞ்ஜரேந்த்3ரோऽத்யமர்ஷித: |
சோத்3யமாநோ மஹாமாத்ரை: க்ருஷ்ணமப்4யத்3ரவத்3 ருஷா || 12 ||
தமாபதந்த மாஸாத்3ய ப4க3வான் மது4ஸூத3ன: |
நிக்3ருஹ்ய பாணிநா ஹஸ்தம் பாதயாமாஸ பூ4தலே || 13 ||
பதிதஸ்ய பதா3ऽऽக்ரம்ய ம்ருகே3ந்த்3ர இவ லீலயா |
த3ந்தமுத்பாட்ய தேநேப4ம் ஹஸ்திபாம்ஶ்சாஹநத்3 ஹரி: || 14 ||
ம்ருதகம் த்3விப முத்ஸ்ருஜ்ய த3ந்தபாணி: ஸமாவிஶத் |
அம்ஸன்யஸ்த விஷாணோऽஸ்ருங் மத3பி3ந்து3பி4ரங்கித: |
விரூட4 ஸ்வேத3 கணிகாவத3நாம்பு3ருஹோ ப3பௌ4 || 15 ||
வ்ருதௌ கோ3பை: கதிபயைர் ப3லதே3வஜநார்த3நௌ |
ரங்க3ம் விவிஶதூ ராஜன் க3ஜத3ந்த வராயுதௌ4 || 16 ||
மல்லாநாமஶநிர் ந்ருணாம் நரவர:
ஸ்த்ரீணாம் ஸ்மரோ மூர்திமான் |
கோ3பாநாம் ஸ்வஜநோऽஸதாம் க்ஷிதிபு4ஜாம்
ஶாஸ்தா ஸ்வபித்ரோ: ஶிஶு: |
ம்ருத்யுர் போ4ஜபதேர் விராட3விது3ஷாம்
தத்த்வம் பரம் யோகி3நாம் |
வ்ருஷ்ணீநாம் பரதே3வதேதி விதி3தோ
ரங்க3ம் க3த: ஸாக்3ரஜ: || 17 ||
ஹதம் குவலயாபீட3ம் த்3ருஷ்ட்வா தாவபி து3ர்ஜயௌ |
கம்ஸோ மனஸ்வ்யபி ததா3 ப்4ருஶமுத்3விவிஜே ந்ருப || 18 ||
தௌ ரேஜதூ ரங்க3க3தௌ மஹாபு4ஜௌ
விசித்ர வேஷாப4ரண ஸ்ரக3ம்ப3ரௌ |
யதா2 நடாவுத்தம வேஷதா4ரிணௌ
மன: க்ஷிபந்தௌ ப்ரப4யா நிரீக்ஷதாம் || 19 ||
நிரீக்ஷ்ய தாவுத்தமபூருஷௌ ஜநா
மஞ்சஸ்தி2தா நாக3ரராஷ்ட்ரகா ந்ருப |
ப்ரஹர்ஷ வேகோ3த்கலிதேக்ஷணாநநா:
பபுர் ந த்ருப்தா நயனைஸ் ததா3னனம் || 20 ||
பிப3ந்த இவ சக்ஷுர்ப்4யாம் லிஹந்த இவ ஜிஹ்வயா |
ஜிக்4ரந்த இவ நாஸாப்4யாம் ஶ்லிஷ்யந்த இவ பா3ஹுபி4: || 21 ||
ஊசு: பரஸ்பரம் தே வை யதா2த்3ருஷ்டம் யதா2ஶ்ருதம் |
தத்3ரூபகு3ண மாது4ர்ய ப்ராக3ல்ப்4ய ஸ்மாரிதா இவ || 22 ||
ஏதௌ ப4க3வத: ஸாக்ஷாத் ஹரேர் நாராயணஸ்ய ஹி |
அவதீர்ணாவிஹாம்ஶேன வஸுதே3வஸ்ய வேஶ்மனி || 23 ||
ஏஷ வை கில தே3வக்யாம் ஜாதோ நீதஶ்ச கோ3குலம் |
காலமேதம் வஸன் கூ3டோ3 வவ்ருதே4 நந்த3வேஶ்மனி || 24 ||
பூதநாநேன நீதாந்தம் சக்ரவாதஶ்ச தா3னவ: |
அர்ஜுநௌ கு3ஹ்யக: கேஶீ தே4நுகோऽன்யே ச தத்3விதா4: || 25 ||
கா3வ: ஸபாலா ஏதேன தா3வாக்3னே: பரிமோசிதா: |
காளியோ த3மித: ஸர்ப இந்த்3ரஶ்ச விமத3: க்ருத: || 26 ||
ஸப்தாஹ மேகஹஸ்தேன த்4ருதோऽத்3ரிப்ரவரோऽமுநா |
வர்ஷவாதாஶநிப்4யஶ்ச பரித்ராதம் ச கோ3குலம் || 27 ||
கோ3ப்யோऽஸ்ய நித்யமுதி3த ஹஸிதப்ரேக்ஷணம் முக2ம் |
பஶ்யந்த்யோ விவிதா4ம்ஸ்தாபாம்ஸ்தரந்தி ஸ்மாஶ்ரமம் முதா3 || 28 ||
வத3ந்த்யனேன வம்ஶோऽயம் யதோ3: ஸுப3ஹுவிஶ்ருத: |
ஶ்ரியம் யஶோ மஹத்த்வம் ச லப்ஸ்யதே பரிரக்ஷித: || 29 ||
அயம் சாஸ்யாக்3ரஜ: ஶ்ரீமான் ராம: கமலலோசன: |
ப்ரலம்போ3 நிஹதோ யேன வத்ஸகோ யே ப3காத3ய: || 30 ||
ஜநேஷ்வேவம் ப்3ருவாணேஷு தூர்யேஷு நிநத3த்ஸு ச |
க்ருஷ்ணராமௌ ஸமாபா4ஷ்ய சாணூரோ வாக்ய மப்3ரவீத் || 31 ||
ஹே நந்த3ஸூநோ ஹே ராம ப4வந்தௌ வீரஸம்மதௌ |
நியுத்3த4குஶலௌ ஶ்ருத்வா ராஜ்ஞா ऽऽஹூதௌ தி3த்3ருக்ஷுணா || 32 ||
ப்ரியம் ராஜ்ஞ: ப்ரகுர்வந்த்ய: ஶ்ரேயோ விந்த3ந்தி வை ப்ரஜா: |
மனஸா கர்மணா வாசா விபரீத மதோऽன்யதா2 || 33 ||
நித்யம் ப்ரமுதி3தா கோ3பா வத்ஸபாலா யதா2 ஸ்பு2டம் |
வனேஷு மல்லயுத்3தே4ன க்ரீட3ந்தஶ் சாரயந்தி கா3: || 34 ||
தஸ்மாத்3 ராஜ்ஞ: ப்ரியம் யூயம் வயம் ச கரவாம ஹே |
பூ4தாநி ந: ப்ரஸீத3ந்தி ஸர்வபூ4தமயோ ந்ருப: || 35 ||
தந்நிஶம்யாப்3ரவீத் க்ருஷ்ணோ தே3ஶகால உசிதம் வச: |
நியுத்3த4 மாத்மநோऽபீ4ஷ்டம் மன்யமாநோऽபி4நந்த்3ய ச || 36 ||
ப்ரஜா போ4ஜபதேரஸ்ய வயம் சாபி வநேசரா: |
கரவாம ப்ரியம் நித்யம் தன்ன: பரமநுக்3ரஹ: || 37 ||
பா3லா வயம் துல்யப3லை: க்ரீடி3ஷ்யாமோ யதோ2சிதம் |
ப4வேந் நியுத்3த4ம் மாத4ர்ம: ஸ்ப்ருஶேன் மல்ல ஸபா4ஸத3: || 38 ||
சாணூர உவாச -
ந பா3லோ ந கிஶோரஸ்த்வம் ப3லஶ்ச ப3லினாம் வர: |
லீலயேபோ4 ஹதோ யேன ஸஹஸ்ரத்3விப ஸத்த்வப்4ருத் || 39 ||
தஸ்மாத்3 ப4வத்3ப்4யாம் ப3லிபி4ர் யோத்3த4வ்யம் நாநயோऽத்ர வை |
மயி விக்ரம வார்ஷ்ணேய ப3லேன ஸஹ முஷ்டிக: || 40 ||
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 குவலயாபீட3வதோ4 நாம த்ரிசத்வாரிம்ஶோऽத்4யாய: || 43 ||
பத்தாம் ஸ்கந்தம் - நாற்பத்தி மூன்றாம் அத்யாயம் முற்றும்.