ஶ்ரீமத்பாகவதமஹாபுராணம் :: பத்தாம் ஸ்கந்தம் :: அத்யாயம் 4.
கம்சனுடைய கைகளிலிருந்து விடுபட்டு யோகமாயை ஆகாயத்தில் போய், வருங்காலத்தைக் கூறல்
அத2 சதுர்தோ2ऽத்2யாய:
ஶ்ரீஶுக உவாச|
ப3ஹிரந்த: புரத்3வார: ஸர்வா: பூர்வவதா3வ்ருதா:|
ததோ பா3லத்4வநிம் ஶ்ருத்வா க்3ருஹபாலா: ஸமுத்தி2தா:|| 1
தே து தூர்ணமுபவ்ரஜ்ய தே3வக்யா க3ர்ப4ஜன்ம தத்|
ஆசக்2யுர் போ4ஜராஜாய யது3த்3விக்3ன: ப்ரதீக்ஷதே|| 2
ஸ தல்பாத் தூர்ணமுத்தா2ய காலோऽயமிதி விஹ்வல:|
ஸூதீக்3ருஹ மகா3த் தூர்ணம் ப்ரஸ்க2லன் முக்த மூர்த4ஜ:|| 3
தமாஹ ப்4ராதரம் தே3வீ க்ருபணா கருணம் ஸதீ|
ஸ்நுஷேயம் தவ கல்யாண ஸ்த்ரியம் மா ஹந்துமர்ஹஸி|| 4
ப3ஹவோ ஹிம்ஸிதா ப்4ராத: ஶிஶவ: பாவகோபமா:|
த்வயா தை3வநிஸ்ருஷ்டேன புத்ரிகைகா ப்ரதீ3யதாம்|| 5
நன்வஹம் தே ஹ்யவரஜா தீ3நா ஹதஸுதா ப்ரபோ4|
தா3துமர்ஹஸி மந்தா3யா அங்கே3மாம் சரமாம் ப்ரஜாம்|| 6
ஶ்ரீஶுக உவாச|
உபகு3ஹ்யாத்மஜாமேவம் ருத3த்யா தீ3னதீ3நவத்|
யாசிதஸ்தாம் விநிர்ப4ர்த்ஸ்ய ஹஸ்தாதா3சிச்சி2தே3 க2ல:|| 7
தாம் க்3ருஹீத்வா சரணயோர் ஜாதமாத்ராம் ஸ்வஸு: ஸுதாம்|
அபோத2யச்சி2லாப்ருஷ்டே2 ஸ்வார்தோ2ன்மூலிதஸௌஹ்ருத3:|| 8
ஸா தத்3ஹஸ்தாத் ஸமுத்பத்ய ஸத்3யோ தே3வ்யம்ப3ரம் க3தா|
அத்3ருஶ்யதாநுஜா விஷ்ணோ: ஸாயுதா4ஷ்டமஹாபு4ஜா|| 9
தி3வ்யஸ்ரக3ம்ப3ராலேப ரத்நாப4ரணபூ4ஷிதா|
த4நு: ஶூலேஷு சர்மாஸி ஶங்க2 சக்ர க3தா3த4ரா|| 10
ஸித்3த4 சாரண க3ந்த4ர்வைர்ப்ஸர:கிந்நரோரகை3:|
உபாஹ்ருதோருப3லிபி4: ஸ்தூயமாநேத3மப்3ரவீத்|| 11
கிம் மயா ஹதயா மந்த3 ஜாத: க2லு தவாந்தக்ருத்|
யத்ர க்வ வா பூர்வஶத்ருர் மா ஹிம்ஸீ: க்ருபணான் வ்ருதா2|| 12
இதி ப்ரபா4ஷ்ய தம் தே3வீ மாயா ப4க3வதீ பு4வி|
ப3ஹுநாமநிகேதேஷு ப3ஹுநாமா ப3பூ4வ ஹ|| 13
தயாபி4ஹிதமாகர்ண்ய கம்ஸ: பரமவிஸ்மித:|
தே3வகீம் வஸுதே3வம் ச விமுச்ய ப்ரஶ்ரிதோऽப்3ரவீத்|| 14
அஹோ ப4கி3ன்யஹோ பா4ம மயா வாம் ப3த பாப்மநா|
புருஷாத3 இவாபத்யம் ப3ஹவோ ஹிம்ஸிதா: ஸுதா:|| 15
ஸ த்வஹம் த்யக்த காருண்ய: த்யக்த ஜ்ஞாதி ஸுஹ்ருத் க2ல:|
காம்ல்லோகான் வை க3மிஷ்யாமி ப்3ரஹ்மஹேவ ம்ருத: ஶ்வஸன்|| 16
தை3வமப்யந்ருதம் வக்தி ந மர்த்யா ஏவ கேவலம்|
யத்3 விஶ்ரம்பா4த3ஹம் பாப: ஸ்வஸுர் நிஹதவான் ஶிஶூன்|| 17
மா ஶோசதம் மஹாபா4கா3வாத்மஜான் ஸ்வக்ருதம்பு4ஜ:|
ஜந்தவோ ந ஸதை3கத்ர தை3வாதீ4நாஸ்ததா3ऽऽஸதே|| 18
பு4வி பௌ4மானி பூ4தாநி யதா2 யாந்தயபயாந்தி ச|
நாயமாத்மா ததை2தேஷு விபர்யேதி யதை2வ பூ4:|| 19
யதா2நேவம்விதோ3 பே4தோ3 யத ஆத்மவிபர்யய:|
தே3ஹயோக3 வியோகௌ3 ச ஸம்ஸ்ருதிர் ந நிவர்ததே|| 20
தஸ்மாத்3 ப4த்3ரே ஸ்வதநயான் மயா வ்யாபாதி3தாநபி|
மாநுஶோச யத: ஸர்வ: ஸ்வக்ருதம் விந்த3தேऽவஶ:|| 21
யாவத்3த4தோऽஸ்மி ஹந்தாஸ்மீத்யாத்மானம் மன்யதே ऽஸ்வத்3ருக்|
தாவத் தத3பி4மான்யஜ்ஞோ பா3த்4யபா3த4கதாமியாத்|| 22
க்ஷமத்4வம் மம தௌ3ராத்ம்யம் ஸாத4வோ தீ3னவத்ஸலா:|
இத்யுக்த்வாஶ்ருமுக2: பாதௌ3 ஶ்யால: ஸ்வஸ்ரோரதா2க்3ரஹீத்|| 23
மோசயாமாஸ நிக3டா3த் விஶ்ரப்3த4: கன்யகாகி3ரா|
தே3வகீம் வஸுதே3வம் ச த3ர்ஶயன்னாத்ம ஸௌஹ்ருத3ம்|| 24
ப்4ராது: ஸமநுதப்தஸ்ய க்ஷாந்த்வா ரோஷம் ச தே3வகீ|
வ்யஸ்ருஜத் வஸுதே3வஶ்ச ப்ரஹஸ்ய தமுவாச ஹ|| 25
ஏவமேதன் மஹாபா4க3 யதா2 வத3ஸி தே3ஹிநாம்|
அஜ்ஞான ப்ரப4வாஹம்தீ4: ஸ்வபரேதி பி4தா3 யத:|| 26
ஶோக ஹர்ஷப4யத்3வேஷ லோப4 மோஹ மதா3ன்விதா:|
மிதோ2 க்4நந்தம் ந பஶ்யந்தி பா4வைர் பா4வம் ப்ருத2க்3த்3ருஶ:|| 27
ஶ்ரீஶுக உவாச|
கம்ஸ ஏவம் ப்ரஸந்நாப்4யாம் விஶுத்3த4ம் ப்ரதிபா4ஷித:|
தே3வகீ வஸுதே3வாப்4யா மநுஜ்ஞாதோऽவிஶத்3 க்3ருஹம்|| 28
தஸ்யாம் ராத்ர்யாம் வ்யதீதாயாம் கம்ஸ ஆஹூய மந்த்ரிண:|
தேப்4ய ஆசஷ்ட தத் ஸர்வம் யது3க்தம் யோக3நித்3ரயா|| 29
ஆகர்ண்ய ப4ர்துர் க3தி3தம் தமூசுர் தே3வஶத்ரவ:|
தே3வான் ப்ரதி க்ருதாமர்ஷா தை3தேயா நாதிகோவிதா3:|| 30
ஏவம் சேத் தர்ஹி போ4ஜேந்த்3ர புரக்3ராம வ்ரஜாதி3ஷு|
அநிர்த3ஶான் நிர்த3ஶாம்ஶ்ச ஹநிஷ்யாமோऽத்3ய வை ஶிஶூன்|| 31
கிமுத்3யமை: கரிஷ்யந்தி தே3வா: ஸமரபீ4ரவ:|
நித்ய முத்3விக்3ந மனஸோ ஜ்யாகோ4ஷைர் த4நுஷஸ்தவ|| 32
அஸ்யதஸ்தே ஶரவ்ராதைர் ஹன்யமாநா: ஸமந்தத:|
ஜிஜீவிஷவ உத்ஸ்ருஜ்ய பலாயனபரா யயு:|| 33
கேசித் ப்ராஞ்ஜலயோ தீ3நா ந்யஸ்த ஶஸ்த்ரா தி3வௌகஸ:|
முக்த கச்ச2 ஶிகா2: கேசித்3 பீ4தா: ஸ்ம இதி வாதி3ன:|| 34
ந த்வம் விஸ்ம்ருத ஶஸ்த்ராஸ்த்ரான் விரதா2ன் ப4யஸம்வ்ருதான்|
ஹம்ஸ்யன்யாஸக்த விமுகா2ன் ப4க்3நசாபாநயுத்4யத:|| 35
கிம் க்ஷேமஶூரைர் விபு3தை4ரஸம்யுக3 விகத்த2னை:|
ரஹோஜுஷா கிம் ஹரிணா ஶம்பு4நா வா வநௌகஸா|
கிமிந்த்3ரேணால்பவீர்யேண ப்3ரஹ்மணா வா தபஸ்யதா|| 36
ததா2பி தே3வா: ஸாபத்ன்யான் நோபேக்ஷ்யா இதி மன்மஹே|
ததஸ் தன் மூலக2நநே நியும்க்ஷ்வாஸ்மானநுவ்ரதான்|| 37
யதா2ऽऽமயோ ऽங்கே3 ஸமுபேக்ஷிதோ ந்ருபி4:
ந ஶக்யதே ரூட4 பத3ஶ் சிகித்ஸிதும்|
யதே2ந்த்3ரியக்3ராம உபேக்ஷிதஸ்ததா2
ரிபுர் மஹான் ப3த்3த4ப3லோ ந சால்யதே|| 38
மூலம் ஹி விஷ்ணுர் தே3வாநாம் யத்ர த4ர்ம: ஸநாதன:|
தஸ்ய ச ப்3ரஹ்ம கோ3விப்ராஸ் தபோ யஜ்ஞா: ஸத3க்ஷிணா:|| 39
தஸ்மாத் ஸர்வாத்மநா ராஜன் ப்3ராஹ்மணான் ப்3ரஹ்மவாதி3ன:|
தபஸ்விநோ யஜ்ஞஶீலான் கா3ஶ்ச ஹன்மோ ஹவிர்து3கா4:|| 40
விப்ரா கா3வஶ்ச வேதா3ஶ்ச தப: ஸத்யம் த3ம: ஶம:|
ஶ்ரத்3தா4 த3யா திதிக்ஷா ச க்ரதவஶ்ச ஹரேஸ்தநூ:|| 41
ஸ ஹி ஸர்வஸுராத்4யக்ஷோ ஹ்யஸுரத்3விட்3 கு3ஹாஶய:|
தன்மூலா தே3வதா: ஸர்வா: ஸேஶ்வரா: ஸசதுர்முகா2:|
அயம் வை தத்3வதோ4பாயோ யத்3ருஷீணாம் விஹிம்ஸனம்|| 42
ஶ்ரீஶுக உவாச|
ஏவம் து3ர்மம்த்ரிபி4: கம்ஸ: ஸஹ ஸம்மந்த்ர்ய து3ர்மதி:|
ப்3ரஹ்ம ஹிம்ஸாம் ஹிதம் மேநே காலபாஶாவ்ருதோऽஸுர:|| 43
ஸந்தி3ஶ்ய ஸாது4லோகஸ்ய கத3நே கத3னப்ரியான்|
காமரூபத4ரான் தி3க்ஷு தா3னவான் க்3ருஹமாவிஶத்|| 44
தே வை ரஜ:ப்ரக்ருதயஸ் தமஸா மூட4சேதஸ:|
ஸதாம் வித்3வேஷ மாசேருராராத் ஆக3த ம்ருத்யவ:|| 45
ஆயு: ஶ்ரியம் யஶோ த4ர்மம் லோகாநாஶிஷ ஏவ ச|
ஹந்தி ஶ்ரேயாம்ஸி ஸர்வாணி பும்ஸோ மஹத3திக்ரம:|| 46
இதி ஶ்ரீமத்3பா4க3வதே மஹாபுராணே பாரமஹம்ஸ்யாம் ஸம்ஹிதாயாம் த3ஶமஸ்கந்தே4 பூர்வார்தே4 சதுர்தோ2ऽத்4யாய:|| 4
பத்தாம் ஸ்கந்தம் - நான்காம் அத்யாயம் முற்றும்.